Advertise on podcast: SBS Samoan - SBS Samoan

O le Vaiaso fou le Aso Lulu 11 Novema 2026 ua atofaina e toe faaauau ai le mataupu i va o le Palemia ma le taitai o le Itu a Gai. Ua leva ona talia lenei faamasinoga taua.E lima moliaga na tuuina atu e Laauli e faasaga ia Tuilaepa.Sa mafua na tolopo muamua lenei mataupu ona e lei lava tapena molimau a le Ofisa o le Loia Sili aua se faaiuga o lenei mataupu. Mo tala mai Samoa faafofoga mai 2pm Aso Lulu ma le 2pm Aso faraile o vaiaso taitasi #sbssamoan

O le Ata ma le siufofoga iloga o le Afioga Tuioti Lapi Mariner o se vaaiga ua va'ava'alua nei ma le maoae o le a'e mai o le Toa Samoa.O loimata maligi o tama taaalo ma le lealea a le tagavai a Samoa i Ausetalia ma le lalolagi atoa a o faagasolo le Ipu o le lalolagi ua mafanafana ma fusia ai so'o se Samoa i le lalolagi.I se talanoaga a le SBS Samoan ma Tuioti na ia faaalia ua atili ai i le iai o lona alo i totonu o le au ia Deine Mariner. Mo Tala mai Samoa faafofoga mai 2pm Aso Lulu 2pm Aso Faraile 2pm o vaiaso taitasi #sbssamoan

O le tolu tausaga talu ai na amata moemiti ai Susau Kitiona e fia tauva i le Star Search aepeitai o le vaiaso talu ai na taunuu ai lenei miti ma siamupini ai i le tauvaga o le 2026.Sa mataina lona toe usuina ma fesuiai le pese iloga a Mr Tee 'Baby Nofo Mai" ma auau faatasi faamasino iloga ia Su'a June Ryan ma Tanuvasa Faamanatu Solomona e tuuina atu le manumalo i le tamaitai 21 tausaga mai Saleimoa. Mo Tala mai Samoa faafofoga mai 2pm Aso Lulu 2pm Aso Faraile o vaiaso taitasi #sbssamoan

Ua atoa nei le lua tausaga talu na toe faafoi atu i Samoa le Pia a le atunuu le Vailima mai Fiti sa umia e le Paradise Beverages ma na faaalia e le Afioga i le Pulesili ia Masoe Charlie Vaai o lagona loto atunuu lava na a'e ai se tofa e toe faatauina atu mo Samoa le Vailima.O lea ua toe gaosia lava i Samoa ma toe faaigoaina o le Pia a Samoa mo tagata Samoa ae ua le toe gaosia mai i seisi atunuu. Mo Tala mai Samoa faafofoga mai Aso Lulu 2pm ma Aso faraile 2pm o vaiaso taitasi #sbssamoan

O se miti ua leva na fauao faupo le tapenaga mai o le atalii ia Ronald Volkman mai le talavou seia ua pale i le Toa Samoa ma sikoa mataina ina ua sui atu i totonu ia Chanel Harris Tavita lea na manu'a.O se talanoaga ma lona tuaa le Afioga ia Tagaloa Levao Fa'ia Tasesa Mataia Volkman sa iloa ai o se atalii na taumulimuli lava i lona tama ao taalo ma faiaoga i aulakapi iuni a le Sydney Samoans mai tausaga ua tuanai.O lona tama sa avea ma sui o Aufili a tama Aoga Samoa i le 1984-1985 ae lei malaga mai i atunuu mamao. Mo Tala mai Samoa faafofoga mai Aso Lulu 2pm ma Aso faraile 2pm o vaiaso taitasi. #sbssamoan

O le taimi muamua lenei ua avea ai se alo o Samoa ma Pule Sili o le Australian ma le Pacific Business Council o le tamaitai ia Leata Alaimoana Roberts.Ua faamautu nei o ia i Port Moresby i Papua Niu Kini aua fesootaiga a malo e lua mo avanoa atiae mo isi atumotu o le pasefika.Sa feiloai o ia ma sui o le Toa Samoa aemaise Brian To'o ma Jarome Luai lea ua sapasapaia mai e tagatanuu o Papua e sauni e taaalo mo le PNG Chiefs i le 2028. Mo Tala mai Samoa faafofoga mai Aso Lulu 2pm ma le Aso Faraile 2pm o vaiaso taitasi #sbssamoan

Ua faasaga atu nei le fulupeki saoasaoa a le Toa Samoa ma le au ia Toga mo lana fetauiga maoae i le po o le Aso Sa nei i Commbank Stadium i Parramatta.O le a fesaga'i nei Fidow ma le fulupeki iloga a Toga ia Lehi Hopoate ma sailia ai poo ai le numera tasi. Mo Tala mai Samoa Faafofoga mai 2pm Aso Lulu ma le 2pm Aso faraile o vaiaso uma. #sbssamoan

Ua faaigoina o le Malaevaalele numera tasi i totonu o Ausetalia ina ua tatalaina i le vaiaso nei ma ua matua fiafia i latou e nonofo lata ane iai ua le toe malaga mamao ai i Kingsford Smith Airport.Mo i latou e nonofo latalata ane i Liverpool,Fairfield ma Cabramatta ua na o le luasefulu minute e alu ai i le taxi poo le taavale nai lo le itula e alu ai i le malaevaalele tuai. Mo Tala mai Samoa Faafofoga mai i le 2pm Aso Lulu 2pm Aso faraile o vaiaso uma #sbssamoan

A o alofaiva le Toa Samoa i le Ipu o le lalolagi 2022 lea na ausia ai le Finals ma Ausetalia o le taimi lea o la e taalo Jermaine McEwen i le Jersey Flegg a le Newcastle Knights ma moemiti e fia pei o le Toa Samoa.Ua taunuu nei lea moemitiga ma na sikoa o ia i lana taaloga muamua ma Farani.O le taaloga lona lua ma Papua i Port Moresby na toe vaaia ai le malosi ma le finau o lenei alo talavou na o le luasefululua tausaga ma ua sauni e tauave le numera 12 a le Toa Samoa i le lumanai. Mo Tala mai Samoa Faafofoga mai 2pm i Aso Lulu ma le 2pm Aso Faraile o vaiaso taitasi. $sbssamoan

I le mae'a ai o taaloga e lua a le Toa Samoa i lana pulu o le Ipu o le Lalolagi o faagasolo nei,ua tulai mai ai nei le uigi logologoa a le atunuu ia Sualauvi Faalogo ma tama taalo o loo sili i aofaiga o ana sikoa e ono.E fa sikoa na maua mai le taaloga amata ma Farani aepeitai o le vaiaso talu ai lea na ausia ai foi leisi lua ia Papua Niu Kini i Port Moresby .Ua toe tumau foi lona tulaga i le uigi agavale a o sauni atu le au mo lana taaloga lona tolu o le pulu ma Toga. Mo Tala Fou ma Taaloga mai Samoa faalogo mai i le SBS Samoan 2pm i Aso Lulu 2pm i Aso Faraile o vaiaso taitasi.

Can a small group change a local council decision? When Julie learns her community library may close, she joins other residents in a campaign to save it. Her story explores how you can take part in Australian democracy by signing petitions, attending community meetings, contacting councillors and voting. - E mafai e se kulupu laʻititi ona suia se faaiuga a le fono leoleo i le lotoifale? A o aʻoaʻo e Julie atonu e tapunia le faletusi o lona nuʻu, e auai o ia ma nisi i le taumafaiga e laveai ai le faletusi. O lana tala e suʻesuʻeina pe faapefea ona e auai i le faiga temokarasi i Ausetalia i le saini i talosaga, auai i fonotaga a le nuʻu, faʻafesoʻotaʻi mai leoleo ma palota. How Australia Works is an SBS podcast that uses real stories and clear explanations to help you understand how government work in Australia, how laws are made and changed, and how you can have a say. Listen to the series and find shorter versions in 60 languages on the How Australia Works main page. - O le How Australia Works o se podcast a le SBS e fa’aaogaina tala moni ma fa’amatalaga manino e fesoasoani ia te oe e malamalama i le auala e galue ai le malo o Ausetalia, pe faapefea ona faia ma suia tulafono, ma pe faapefea ona e iai lou sao. Fa’alogo i le faasologa ma saili ni kopi puupuu i le 60 gagana i le itulau autu o How Australia Works. #sbsaudiopodcast

Ua amata nei se faataitaiga e sailia ai le taua o le ono faatino e tagata faigaluega ni faamalositino i itula o galuega o loo iai i Sini Sisifo.Saunoa Dr Faraz Pathan o le toatele o tagata e faaofiofi nai taimi i le taeao ae le'i usu faapea le manava atu faatoa agai e koleni ae faapefea pe a faaavanoa se tolusefulu minute i le galuega e faatino ai? Mo Tala mai Samoa faafofoga mai i le 2pm i Aso Lulu ma le 2pm i Aso Faraile o vaiaso taitasi.

E maoae le a'e mai luga o le taalo a lenei alo o Samoa na o le luasefululua ona tausaga a ua Siamupini ma le Roosters i le NRL 2026 toe lua ma ana sikoa mo Samoa i lana uluai taaloga lea na sasa ai e le Toa Samoa Farani e 78-4, Mo Tala Fou mai Samoa faafofoga mai i le 2pm Aso Lulu ma le 2pm Aso Faraile o vaiaso taitasi.

"Matou te le o popole i taaloga o le semifinals leaga o lea e faatali mai Papua Niu Kini i le aso toonai nei."o se saunoaga manino lenei a le Kapeteni a le Toa Samoa Junior Paulo i le SBS Samoan ina ua uma na faatoilaloina Farani i se sikoa uiga ese 78-4 i le Aso Faraile na se'i mavae atu nei i le Commbank Stadium i Parramatta. Na matua silamio le lalolagi i le uluai taaloga a le Toa Samoa mo le Ipu o le lalolagi 2026 talu mai le 2022 lea na ausia ai mo se taimi muamua le taaloga o le Ipu autu.Ina ua uluai sikoa Deine Mariner mo sikoa e sefulufa a Samoa na lavea lona hamstring ma suitulaga ai loa Sualauvi Faalogo lea na ausia se matatia i ana sikoa e fa.

Ua faamatalaina e le Palemia Anthony Albanese o le osofaiga o MP Dr Helen Haines o se mea e manino lava le taupuleina.E seasea ona tupu ia osofaiga i Ausetalia ae o loo iai se lapataiga e ono tula'i mai nisi faalavelave faapenei e ono faifai pea. O le MP Tutoatasi ia Dr Helen Haines o loo iai i se tulaga ogaoga,ina ua lavea o ia i se taavale na alu atu lava e so'a o ia i fafo o lona ofisa palota i le itumalo o Victoria i le mea o lo'o iai nei.Fai mai leoleo o lo'o taofia se alii e 43 tausaga le matua ma o loo suesu'eina le mafuaaga o lan osofaiga.Ua faia se taotoga o le afioga i le faipule ma ua toesea ona vae poo aao e lua.ua faamaonia e le SBS le tagata na faia le osofaiga o Brendan Nugent o se alii e 43 tausaga le matua mai Tarrawingee i Victoria.Fai mai leoleo o loo taofia Nugent mo sailiiliga a ae na molimau nisi i le taimi o le faalavelave sa faalogoina ni taavale o loo fetoai i le paka taavale i fafo o le ofisa palota a Dr Haines.O Cody Lepoidepin o se tagata nofomau i Wangaratta fai mai sa iai o ia i le galuega ina ua ia faalogoina le pao ma nia leo o alaga mai lalo o se taavale.