Advertise on podcast: Sportcast

Maas Willemsen is te gast yn de Sportcast. We prate him oer syn rol as oanfierder, oer de rare beslissingen fan Joey Kooij, oer syn politieke ambysjes. En we ha in update oer Cambuur-spiler Jamal Amofa.

Joey van den Berg is te gast yn de Sportcast. Hy fertelt oer wat hy no docht as talintentrainer by sc Hearrenfean. Hy jout ta dat er miskien toch wol oait yn de takomst trainer wurde wol. Hy fertelt ek oer syn perioade ûnder Marco van Basten, syn tiid as fuotballer en hy leit út wêrom Nolhan Courtens sa goed is. En we belje mei Luuk Brouwers yn Syprus.

Billy van Duijl is in grut talint fan AZ Alkmaar, mar makke foar in jier de oerstap nei Cambuur. Wat hopet hy te berikken en wêrom woe hy sa graach nei Ljouwert komme? De 20-jierrige ferdediger is te gast yn de Sportcast fan Omrop Fryslân. Mark Diemers hat nei moannen fan wachtsjen in nije klup en spile al foar De Graafschap. Wy belje mei him om te hearren hoe hy werom sjocht op de moannen sûnder Cambuur.

Sportklup Hearrenfean wûn mei klinkende sifers fan Sparta Rotterdam (0-4), mei troch de weromkear fan Marcus Linday. It gefolch wie lykwols dat Ringo Meerveld op de bank siet. Wat betsjut dit foar him? SC Cambuur bleaun foar de tredde wedstriid op rige sûnder ferlies troch in lykspul (1-1) by ADO Den Haag. De ûntwikkeling fan de Ljouwerters makket dat der entûsjasme is oer de kânsen op hânhavening. Te gast is fuotbaltrainer René van der Weij fan HHC Hardenberg, dy't noch altyd syn profdream neistribbet. Yn it ramt dêrfan sil er op staazje by ûnder oaren FC Emmen en TOP Oss.

Nea earder wiene de technysk managers fan Sportklup Hearrenfean en SC Cambuur tagelyk te gast yn de Sportcast. Oant hjoed, want Johan Hansma en Lars Lambooij sitte oan tafel. It giet oer de fiislak fan SC Cambuur, dy't de 'missing link' blykt te wêzen. Ek de spitsposysje fan Hearrenfean komt wer oan bar, want hoe moat de doelpuntedrûchte fan Dylan Vente oplost wurde? En efter welke spiler siet sawol Hansma as Lambooij oan tidens de ôfrûne transferperioade?

Hiel ticht wie Cambuur by de earste trijepunter. Mar it gie wer mis. Neffens âld-fuotballer Sandor van der Heide wie de lette tsjintreffer tsjin Telstar in logysk gefolch fan de spulwize fan de Ljouwerters. Sportklup Hearrenfean gie ûnderút tsjin AZ. Van der Heide besiket út te lizzen wat Hearrenfean oars dwaan moatten hie op ferdigenjend mêd. Fierder komt der fansels wer in fraach út it publyk, is der ek wer in primeur én we belje mei de held fan FC Emmen!

It wie gjin wykein om oer nei hûs te skriuwen foar de Fryske klups. Sportklup Hearrenfean spile lyk tsjin promovendus Willem ll (2-2) en SC Cambuur gie wer ûnderút mei dikke sifers, ditkear tsjin FC Twente (1-4). Cambuurtrainer Johan Plat wit net sa goed wat er docht, fernimt Gertjan Verbeek. De âld-fuotbaltrainer is ek net sa bot sjarmearre fan de nije spiler fan Hearrenfean, Mees Hilgers. En der is fansels wer in primeur yn de Sportcast!

Der waard snein in skaad lein oer wedstriid tusken SC Cambuur en Feyenoord. Yn de Sportcast tinke we sa as altyd goed mei en presintearje we it 'Plan-Riemer', wat ôfrekkenje moat mei soksoart supportersgeweld. Foppe de Haan is te gast en jout syn miening oer Dylan Vente, Ringo Meerveld en noch folle mear.  En wie de nederlaach fan Hearrenfean no in ynsidint of moat we ús soargen meitsje? Ek is der op 'e nij in primeur oer in nije spiler foar Cambuur!

Trainer Robin Veldman fan Sportklup Hearrenfean is ambysjeus; Europeesk fuotbal helje is dit jier de doelstelling. Dat fertelt er yn de Sportcast. SC Cambuur ferlear ek de twadde earedivyzjewedstriid fan it nije seizoen, mar yn tsjinstelling ta foarige wike wiene der ditkear wól oanknopingspunten. En der is in primeur, want de Ljouwerters ha in nije spiler binnen. Fierder is it de fraach oft Marcus Linday noch fuort giet by Hearrenfean. En wat kloppet der fan de ynteresse fan Bernt Klaverboer yn Udinese?

It wie in flinke tebeksetter: Cambuur dat de earste earedivyzjewedstriid fan it nije seizoen mei 4-0 ferlear fan Excelsior. Trije dagen letter seit trainer Johan Plat de soargen te begripen dy't libje ûnder de supporters, mar hy seit dat der beslist noch gjin man oerboard is. By Sportklup Hearrenfean sit de fleur der mear yn nei de winst op FC Twente (1-0). Mar wêrom woe Marcus Linday Omrop Fryslân net te wurd stean? En driget Bernt Klaverboer fuort te gean?

Nei in (fiersten te) lange simmerstop is de Sportcast werom. En der falt genôch te bepraten. Is Sportklup Hearrenfean sterker wurden yn fergeliking mei foarich seizoen? En SC Cambuur begjint mei in wol hiel jonge seleksje oan it earedivyzje-aventoer. Komt it wol goed yn Ljouwert? We litte ús byprate oer de nije spulrigels troch in saakkundige én dogge foarsizzings yn de Nostradamus Cup!

De lêste ôflevering fan de Sportcast foar de simmerstop stiet yn it ramt fan fleurich de simmer yngean. En dus skoot tradysjoneel it yllustere advokateduo Wim en Hans Anker oan. Neist seizoenkaarthâlder by Sportklup Hearrenfean binne se ek grut leafhawwer fan de earste divyzje. Dêr rinne pearels rûn, dy't beide bruorren mar al te graach ûnder de oandacht bringe wolle fan technysk manager Johan Hansma. De Sportcast is werom op moandei 3 augustus, krekt foar it earedivyzjeseizoen úteinset. Oant dan!

It seizoen sit der no ek op foar Sportklup Hearrenfean. De klup dy't harren útskeakele, FC Utrecht, wol de bêste spiler fan de Feansters keapje. Technysk manager Johan Hansma fan Hearrenfean fertelt yn de Sportcast dat de oanbieding fanút de Domstêd ôfwimpele is. It koe wolris in drokke simmer wurde foar Hansma, om't der in soad spilers fan Hearrenfean fuort gean kinne. En dus moatte der dan ek ferfangers helle wurde. De iene nei de oare namme fan in potinsjele nije spilers passearret de revu. En wat te tinken fan SC Cambuur, dêr't ek hast in hiel alvetal ferfong wurde moat.

As Sportklup Hearrenfean de finale fan de play-offs om Europeesk fuotbal hellet en it dêryn tsjin Ajax spilet, meie der gjin Fryske supporters mei. Moatte de Feansters dy wedstriid boykotsje? Ald-fuotballer Geert Jelle de Vries hat der wol in oplossing foar. De Vries foarsjocht fierder in drokke simmer foar Lars Lambooij, de technysk manager fan SC Cambuur. Der moatte fyftjin nije spilers helle wurde, is de fisy yn de Sportcast. Fierder giet it oer de posysje fan Henk de Jong, it wetterballet by Hearrenfean-Ajax en is skridend ynsjoch de manlju net frjemd.

Luuk Brouwers is oanfierder fan Sportklup Hearrenfean, Jort van der Sande spits by SC Cambuur. De Noard-Brabanners binne al mear as tsien jier goed befreone en skowe beiden oan yn de Sportcast. Mei 'Luuk Levert' en 'Radio Van der Sanden' giet in oere samar foarby. Se ha in miening. Oft it no giet oer de fakkels by NAC Breda-Hearrenfean ("Schandalig"), oer de oanbieding dy't Mark Diemers krige ("Lachwekkend") of de status fan Btrouwers as reservespiler ("Een vervelend seizoen").