Advertise on podcast: Podlitiek

Louis en Arno gesels oor die onlangse aankondig van die Amerikaanse Minister van Buitelandse Sake, Marco Rubio, se bevel dat Suid-Afrikaners wat rassediskriminasie bevorder se Amerikaanse visums geweier gaan word.

Ernst en Louis gesels oor die hemelhoë brandstofpryse (soos almal maar doen) en oor News24 (wat niemand eintlik doen nie, want wie gee nou eintlik om oor News24?). https://www.artikels.afriforum.co.za/brandstofheffingverligting-nou/

Podlitiek bespreek die lewe van Robert Mugabe. Die vernietiger van Rhodesië/Zimbabwe, maar die ANC se rolmodel. Watter lesse kan Afrikaners vandag leer uit sy lewe en bewind? [ Berugte en Beroemde Afrikaleiers Reeks: Episode 2 ] Inleiding Agtergrond/grootwordjare van Mugabe Inhegtenisname en retoriek  Lancaster ooreenkoms en veranderinge in retoriek Presidensiële termyn Verwydering as president Bespreking: eerste indrukke Grondhervorming: Afrikaners vs Wit Rhodesiërs Uganda vs Rhodesië Podlitiek op X: https://x.com/podlitiek Ernst van Zyl op X: https://x.com/ConCaracal Louis Boshoff op X: https://x.com/louisbos123

Podlitiek bespreek die lewe en heerskappy van Idi Amin Dada Oumee, 'n Ugandese militêre offisier en diktator wat as die derde president van Uganda gedien het van 1971 tot 1979. 00:00–02:55 Inleiding tot die reeks 02:56–16:18 Oorsig van Idi Amin se lewe 16:19–17:05 Uganda na Idi Amin 17:06–18:30 Ernst se algemene opmerkings: vaderloosheid en die Mamdani-konneksie 18:31–19:59 Die Netanyahu-konneksie 20:00–20:38 Godsdienstige landskap van Uganda 20:39–22:05 Sterkman-leier as die stamhoof van 'n land 22:06–24:25 Etniese diversiteit van die Groot Mere-gebied in Afrika en die impak van kolonialisme 24:26–28:03 Kunsmatige koloniale grense 28:04–30:22 Die goed en kwaad van kolonialisme 30:23–31:12 Die diktator sterf keer op keer in die buiteland 31:13–32:52 Immigrantekonflik in Uganda en SA 31:53–34:36 Afwesigheid van georganiseerde burgelike groepe en afsluiting

Ernst en Louis ontnonsens die 72%-leuen. Waar kom die papegaaifrase dat witmense 72% van al die grond in Suid-Afrika besit, vandaan? En waarom is dit in elk geval ‘n dom idee om grondbesit so simplisties voor te stel? Intussen is dit met nommerplate in Suid-Afrika – soos met verskeie ander dinge – makliker om die onwettige weergawe as die wettige weergawe in die hande te kry. Louis en Ernst gesels oor waarom dit die stand van sake is en wat om daaraan te doen.

Callum, die kalm Britse reisiger, het Suid-Afrika besoek en 'n dokumentêr gemaak oor die ont-ontwikkelende land (of is dit dan net 'n wikkelende land?). Een van Podlitiek se aanbieders maak sy verskyning daarin. Intussen is die MK-party gepla deur die moontlikheid van selfbeskikking wat in die Suid-Afrikaanse grondwet vervat is.

AfriForum se 2025 plaasmoordstatistiek en die MRK verloor 'n GROOT hofsaak. Aanbieders: Ernst van Zyl en Louis Boshoff

Podlitiek se gedagtes oor Malema se vonnisverrigtinge en die nuwe DA leierskap.

Ons begin die episode deur vir kameraad Mbalula geluk te wens met sy verjaarsdag. Hulle sê 'n mens moet elke verjaarsdag wat jy vry is, geniet. Dan kom die brandstofheffing aan die beurt. Dis tydelik verminder, maar miskien is die vermindering "tydelik" soos die "tydelike" Covid-toelaag. Laastens gesels ons oor die Mededingingskommissie se bevinding dat die vervaardigers van blanko-nommerplate 'n kartel gevorm het. Die Podlitiek-span bestaan uit: Louis Boshoff Ernst van Zyl Wian Spies Arno Roodt

Louis, Ernst en Wian gesels oor AfriForum se nuwe hofsaak teen die Nasionale Gesondheidsversekeringswet. Hoekom dit nou belangrik is en wat ons kan verwag.

Podlitiek het 'n spesiale gas in die ateljee: Wian Spies. Die manne gesels oor die groot nuus van die week (en eintlik al langer as dit). Wian is beter ingegrawe op die wetlike aspekte van BKS inenting en deel sy insigte daaroor.

Die (DA) Minister van Kommunikasie en Digitale Tegnologie, Solly Malatsi, wil potgooie laat registreer en reguleer (maar Podlitiek sal ons nie laat keer). Intussen het News24 en The Citizen nwe apologieë geplaas vir foutiewe beriggewing oor AfriForum. Ernst en Louis vra of dit alles net per ongeluk is? Die Podlitiek-span bestaan uit: Louis Boshoff Ernst van Zyl  Arno Roodt

Tannie Angie se vloot oefen saam met die anti-Westerse magte (of voorsien ten minste die water vir hulle om in te oefen). Gerugte dat die Irannese skepe op die laaste nippertjie moes onttrek, blyk toe vals te wees. Intussen besluit die Amerikaanse Huis van Verteenwoordigers om AGOA te verleng, maar dis nog 'n oop vraag of Suid-Afrika steeds ingesluit sal wees. Die Podlitiek-span bestaan uit: Ernst van Zyl Arno Roodt Louis Boshoff

Podlitiek se manne het die vakansie gaan lees, peins, filosofeer en die wêreld rustig bekyk. Nou gesels hulle oor die temas, narratiewe en gebeure wat moontlik 2026 gaan oorheers. Die Podlitek-span bestaan uit: Louis Boshoff Ernst van Zyl Arno Roodt

In hierdie episode gesels Louis en Ernst oor Trump se opmerkings rakende Suid-Afrika se G20-lidmaatskap en die Departement van Gesondheid se planne om NGV te finansier. Die Podlitiek-span bestaan uit: Louis Boshoff Ernst van Zyl Arno Roodt