Advertise on podcast: ព្រឹត្តិការណ៍កម្ពុជាប្រចាំថ្ងៃ

Description

រៀងរាល់ថ្ងៃ ពីថ្ងៃចន្ទ ដល់ថ្ងៃអាទិត្យ យើងនឹងលើកយកព្រឹត្តិការណ៍ក្តៅគគុកជាងគេបង្អស់មួយ នៅកម្ពុជា មកពន្យល់ ដោយមានអន្តរាគមន៍ពីឥស្សរជននយោបាយ អ្នកជំនាញ ឬមន្រ្តីសង្គមស៊ីវិល។

Unlock ព្រឹត្តិការណ៍កម្ពុជាប្រចាំថ្ងៃ podcast Email contact info,
Listeners & Audience details

Email contact information

Direct podcast contact details

Listeners

Audience numbers & engagement insights

Audience details

Podcast Insights

Podcast episodes

Check latest episodes from ព្រឹត្តិការណ៍កម្ពុជាប្រចាំថ្ងៃ podcast

តើការរៀបចំពិព័រណ៍ហ្រ្វង់កូតិចផ្តល់ប្រយោជន៍អ្វីខ្លះដល់កម្ពុជា?

2026/11/09

រដ្ឋាភិបាលកម្ពុជាកំពុងរៀបចំព្រឹត្តិការណ៍ហ្រ្វង់កូតិចដែលជាពិព័រណ៌នវានុវត្តន៍ អមកិច្ចប្រជុំកំពូលហ្រ្វង់កូហ្វូនី លើកទី២០ ដែលប្រមូលផ្ដុំដោយស្ថាប័ន ក្រុមហ៊ុន និងធុរកិច្ចថ្មីពាក់ព័ន្ធនឹងបច្ចេកវិទ្យាសំខាន់ៗ។ អ្នកជំនាញបច្ចេកវិទ្យា និងអ្នកតាមដានសង្គមមួយចំនួនយល់ថា ពិព័រណ៍ហ្រ្វង់កូតិចជាព្រឹត្តិការណ៍ដ៏មានសារៈសំខាន់សម្រាប់កម្ពុជាក្នុងការឈ្វេងយល់អំពីបច្ចេកវិទ្យាថ្មីៗ និងជាឱកាសសម្រាប់ឱ្យកម្ពុជាបង្កើនកិច្ចសហប្រតិបត្តិការជាមួយក្រុមប្រទេសនិយាយភាសាបារាំង។ រីឯអ្នកជំនាញសេដ្ឋកិច្ចវិញយល់ឃើញថា ពិភពលោកនឹងស្គាល់កម្ពុជាកាន់តែច្រើន តាមរយៈការរៀបចំពិព័រណ៍ដ៏ធំមួយនេះ៕

អ្វីជាក្តីរំពឹងចំពោះការបង្រ្កាបឧក្រិដ្ឋកម្មឆបោកអនឡាញ ក្រោយពេលឯកអគ្គរដ្ឋទូតអាមេរិកថ្មី

2026/11/08

ឯកអគ្គរដ្ឋទូតអាមេរិកថ្មីប្រចាំកម្ពុជា បានមកដល់ទីក្រុងភ្នំពេញ នាយប់ថ្ងៃសុក្រទី៦វិច្ឆិកា ដើម្បីបំពេញបេសកកម្មការងារការទូតរបស់ខ្លួន។ នៅមុនពេលមកដល់ លោក គ្រីស្តូហ្វឺរ អ៊ែនដឺសឹន បានសច្ចានៅមុខបណ្តាសមាជិកព្រឹទ្ធសភាអាមេរិក ថា ការងារចម្បងបំផុតរបស់លោក គឺបោសសម្អាតឧក្រិដ្ឋកម្មឆបោកអនឡាញនៅក្នុងប្រទេសកម្ពុជា។ អ្នកឃ្លាំមើលសង្គម បានដាក់ក្តីរំពឹងខ្ពស់ថា ក្នុងតួនាទីរបស់ខ្លួន លោក គ្រីស្តូហ្វឺរ អ៊ែនដឺសឹន នឹងអាចបង្កើនកិច្ចសហប្រតិបត្តិជាមួយអាជ្ញាធរកម្ពុជា ដើម្បីបង្ក្រាបឧក្រិដ្ឋកម្មឆបោកអនឡាញឲ្យដល់ឬសគល់។

តើការមិនចាក់បញ្ចាំងភាពយន្ត«សោកនាដកម្មភ្នំខ្មោច» ចំណេញ និងខាតបង់អ្វីខ្លះដល់កម្ពុជា?

2026/11/07

ខ្សែភាពយន្តប្រវត្តិសាស្ត្ររឿង«សោកនាដកម្មភ្នំខ្មោច» ដែលចំណាយពេលជាង៤ឆ្នាំ ក្នុងការផលិត មិនត្រូវបានចាក់បញ្ចាំងនៅតាមរោងកុនឡើយ។ ផលិតករដឹកនាំរឿងប្រវត្តិសាស្ត្រដ៏ជូរចត់នេះ មិនបានប្រាប់ពីមូលហេតុច្បាស់លាស់ ដែលនាំឱ្យខកខានមិនបានចាក់បញ្ចាំងនោះឡើយ ដោយគ្រាន់តែបង្ហាញការសោកស្តាយ រួមនឹងសម្ពាធផ្លូវចិត្តស្ទើមិនអាចបន្តអាជីពជាអ្នកដឹកនាំរឿងទៅមុខទៀតបាន។ អ្នកតាមដានបញ្ហាសង្គមយល់ថា ការមិនចាក់ផ្សាយរឿងនេះ អាចមកពីខ្សែភាពយន្តនេះមានភាពរសើបសម្រាប់ភាគីថៃ និងម្យ៉ាងទៀត រដ្ឋាភិបាលកម្ពុជាចង់រក្សាស្ថានការណ៍ឱ្យស្ងប់ស្ងាត់ ជៀសវាងការប្រឈមមុខដាក់គ្នាសារជាថ្មីនៅតាមព្រំដែន។ តើការមិនចាក់បញ្ចាំងភាពយន្ត«សោកនាដកម្មភ្នំខ្មោច» ចំណេញ និងខាតបង់អ្វីខ្លះដល់កម្ពុជា?

តើវិស័យទេសចរណ៍កម្ពុជានឹងអាចទាញប្រយោជន៍អ្វីបានខ្លះ ពីកិច្ចប្រជុំកំពូលហ្វ្រង់កូហ្វូនី?

2026/11/06

នៅសល់តែមួយសប្តាហ៍ទៀតប៉ុណ្ណោះ កម្ពុជានឹងត្រូវធ្វើជាម្ចាស់ផ្ទះនៃកិច្ចប្រជុំកំពូលហ្វ្រង់កូហ្វូនីលើកទី២០ ក្នុងទីក្រុងភ្នំពេញ។ តិច ឬច្រើន កិច្ចប្រជុំនេះនឹងធ្វើឲ្យកម្ពុជាទទួលបានផលប្រយោជន៍។ ដោយឡែកចំពោះវិស័យទេសចរណ៍វិញ អ្នកជំនាញសេដ្ឋកិច្ច និងទេសចរណ៍ ចាត់ទុកជំនួបកំពូលហ្វ្រង់កូហ្វូនីនៅកម្ពុជាថា ជាឱកាសធំ ជាពិសេសការទាក់ទាញទេសចរមកពីបណ្តាប្រទេសនិយាយភាសាបារាំង។ តែទន្ទឹមនឹងនេះ អ្នកជំនាញក៏ជំរុញឲ្យកម្ពុជាប្រឹងប្រែងផ្សព្វផ្សាយផលិតផលទេសចរណ៍របស់ខ្លួនបន្ថែមទៀត រួមទាំងការបង្កើនសមត្ថភាពជំនាញ នៅក្នុងវិស័យនេះផងដែរ៕

អ្វីទៅជាទំនាក់ទំនងរវាងកម្ពុជា អាមេរិក ក្រោយបក្សលោក ត្រាំចាញ់ឆ្នោតពាក់កណ្តាលអាណត្តិ?

2026/11/05

លទ្ធផលបោះឆ្នោតពាក់កណ្តាលអាណត្តិនៅសហរដ្ឋអាមេរិកកាលពីថ្ងៃទី៣ ខែវិច្ឆិកា ឆ្នាំ២០២៦ បានបង្ហាញថា គណបក្សសាធារណៈរដ្ឋរបស់លោក ដូណាល់ ត្រាំ ចាញ់គណបក្សប្រជាធិបតេយ្យ។ គណបក្សសាធារណរដ្ឋបានបាត់បង់សំឡេង ទាំងនៅក្នុងសភា និងនៅក្នុងព្រឹទ្ធសភា តែលោក ត្រាំនឹងនៅបន្តកាន់តំណែងជាប្រធានាធិបតីរហូតចប់អាណត្តិ ពោលចំនួន ២ឆ្នាំថែមទៀត។ តាមរយៈលទ្ធផលដែលគណបក្សសាធារណរដ្ឋទទួលបានពេលនេះ លោក ត្រាំ នឹងលែងមានអំណាចពេញដៃដើម្បីធ្វើអ្វីតាមតែចិត្តដូចមុនបានទៀតឡើយ។ អ្នកតាមដាននយោបាយកម្ពុជាភាគច្រើនមើលឃើញពីការប្រែប្រួលចំពោះទំនាក់ទំនងកម្ពុជា-អាមេរិក ពិសេសទំនាក់ទំនងរវាងបុគ្គល និងបុគ្គលមកជាទំនាក់ទំនងរវាងរដ្ឋ និងរដ្ឋ។

ហេតុអ្វីបណ្ណសារដ្ឋានជាតិ កន្លែងថែរក្សាឯកសារប្រវត្តិសាស្ត្រផ្តល់ប្រយោជន៍ច្រើន

2026/11/04

នៅក្នុងពិធីបើកពិព័រណ៍ខួប ១០០ឆ្នាំ នៃបណ្ណសារដ្ឋានជាតិ លោកនាយករដ្ឋមន្ត្រី ហ៊ុន ម៉ាណែត បានចាត់ទុកការថែរក្សា និងការប្រើប្រាស់ឯកសារប្រវត្តិសាស្ត្រថាជាគ្រឹះដ៏សំខាន់សម្រាប់ការពារអត្តសញ្ញាណ និងតម្លៃជាតិ។ សម្រាប់លោក ហ៊ុន ម៉ាណែត បណ្ណសារដ្ឋានជាតិជាកន្លែងរក្សាទុកមាសដែលមានតម្លៃជាងមាសដុំទៅទៀត។ អ្នកជំនាញផ្នែកប្រវត្តិវិទ្យានានាយល់ស្របតាមការឡើងរបស់ប្រមុខរដ្ឋាភិបាល តែក៏បានស្នើសុំឱ្យមានការប្រុងប្រយ័ត្នចំពោះការរក្សាទុក និងការប្រើប្រាស់ឯកសារប្រវត្តិសាស្ត្រផងដែរ។ ហេតុអ្វីបណ្ណសារជាតិ កន្លែងថែរក្សាឯកសារប្រវត្តិសាស្ត្រផ្តល់ប្រយោជន៍ច្រើនដល់ប្រទេសជាតិ?

អ្វីទៅជាផលវិបាកដែលអាចកើតចេញពីការប្រើទូរស័ព្ទដៃរបស់សិស្សក្នុងម៉ោងសិក្

2026/11/03

នៅក្នុងពិធីសម្ពោធអគារសិក្សាថ្មីនៅខេត្តកំពង់ធំនាព្រឹកថ្ងៃទី៣ ខែវិច្ឆិកា ឆ្នាំ២០២៦ នេះ លោកនាយករដ្ឋមន្ត្រី ហ៊ុន ម៉ាណែតបានស្នើជាថ្មីឲ្យថ្នាក់ដឹកនាំសាលារៀន ព្រមទាំងគ្រូបង្រៀនចាត់វិធានការ និងរឹតបន្តឹងចំពោះសិស្សានុសិស្សដែលប្រើប្រាស់ទូរស័ព្ទដៃក្នុងម៉ោងសិក្សា។ លោក ហ៊ុន ម៉ាណែតលើកជាសញ្ញាអាសន្នថា ការប្រើប្រាស់ទូរស័ព្ទដៃក្នុងថ្នាក់ប៉ះពាល់ទាំងវិន័យ ការផ្តោតអារម្មណ៍សិក្សា និងសមត្ថភាពរបស់សិស្ស។ អ្នកជំនាញផ្នែកសង្គម និងអប់រំនានាយល់ថា កម្ពុជាគួរសិក្សា និងយកគំរូតាមបណ្តាប្រទេសមួយចំនួនដែលសម្រេចហាមឃាត់សិស្សមិនឲ្យប្រើប្រាស់ទូរស័ព្ទដៃក្នុងម៉ោងសិក្សា។

អ្វីទៅជាក្តីរំពឹងរបស់កម្ពុជានៅក្នុងទស្សនកិច្ចរបស់ប្រមុខរដ្ឋបារាំងនាពេល

2026/11/02

ប្រធានាធិបតីបារាំង លោក អេម៉ានុយអែល ម៉ាក្រុងគ្រោងបំពេញទស្សនកិច្ចផ្លូវរដ្ឋនៅកម្ពុជានាចុងសប្តាហ៍ក្រោយ ពោលអំឡុងពេលដែលកម្ពុជាធ្វើជាម្ចាស់ផ្ទះរៀបចំកិច្ចប្រជុំកំពូលហ្រ្វង់កូហ្វូនីលើកទី២០។ អ្នកតាមដានស្ថានការណ៍នយោបាយកម្ពុជាយល់ថា គម្រោងទស្សនកិច្ចនេះ នឹងធ្វើឲ្យទំនាក់ទំនងកម្ពុជា បារំាងកាន់តែមានភាពស្អិតល្មួតថែមទៀត។ តែក៏មានមតិរិះគន់ថា ទស្សនកិច្ចរបស់លោក ម៉ាក្រុង ធ្វើឡើងចំពេលដែលកម្ពុជាកំពុងប្រឈមនឹងការធ្លាក់ចុះដំណើរការប្រជាធិបតេយ្យ។ អ្វីទៅជាក្តីរំពឹងរបស់កម្ពុជានៅក្នុងទស្សនកិច្ចរបស់ប្រមុខរដ្ឋបារាំងនាពេលខាងមុខ?

តើការសាងសង់សំណង់សិល្បៈនៅតាមបណ្តាខេត្តឆ្លុះបញ្ចាំងអត្ថន័យយ៉ាងណា?

2026/11/01

រដ្ឋបាលខេត្តតាកែវ កាលពីពេលថ្មីៗនេះ បានដាក់សម្ពោធរូបចម្លាក់សត្វបង្កងយក្ស និងអនុញ្ញាតឲ្យពលរដ្ឋចូលទស្សនាកម្សាន្ត ថតរូបអនុស្សាវរីយ៍ ព្រមទាំងបង្ហោះតាមបណ្តាញសង្គមព្រោងព្រាត។ រូបចម្លាក់សត្វបង្កងនេះ ជាសមិទ្ធផលថ្មីមួយរបស់ខេត្តតាកែវ និងក៏ជាអត្តសញ្ញាណរបស់ខេត្ត ដែលសម្បូរដោយសត្វបង្កងទឹកសាបនេះដែរ។ សំណង់រូបសត្វបង្កងរបស់ខេត្តតាកែវ កើតឡើងបន្ទាប់ពីសំណង់សេះសមុទ្របាញ់ទឹក សំណង់បាតដៃ នៅក្នុងខេត្តកំពត និងសំណង់សិល្បៈ ក្នុងខេត្តមួយចំនួនទៀត។ អ្នកតាមដានសង្គមនានាយល់ឃើញថា ការសង់សំណង់សិល្បៈថ្មីៗ នៅតាមបណ្តាខេត្ត ជាការខិតខំលើកស្ទួយវិស័យទេសចរណ៍នៅក្នុងប្រទេស។ តែពួកគេក៏ចង់ឃើញមន្ត្រីរដ្ឋាភិបាលពង្រឹងគុណភាពនៃការសាងសង់ ហេដ្ឋារចនាសម្ព័ន្ធសាធារណៈផ្សេងទៀត ដែលមានចំណែកដល់ការលើកកម្ពស់វិស័យទេសចរណ៍ដែរ៕

តើការបង្ហោះទិន្នន័យដែលពលរដ្ឋចូលកាតព្វកិច្ចយោធា អាចប្រឈមហានិភ័យសុវត្ថិភាពកម្រិតណា?

2026/10/31

ទិន្នន័យ និងព័ត៌មានផ្ទាល់ខ្លួនរបស់ពលរដ្ឋជាយុវជនចូលបំពេញកាតព្វកិច្ចយោធា ត្រូវបានអង្គភាព និងស្ថាប័នមួយចំនួន យកទៅបង្ហោះចែកចាយជាសាធារណៈនៅលើបណ្តាញសង្គម។ ទិន្នន័យដែលត្រូវបានផ្សព្វផ្សាយនោះ បានបង្ហាញឈ្មោះ លេខអត្តសញ្ញាណបណ្ណ លេខទូរស័ព្ទ ទីតាំងស្នាក់នៅ និងលេខកូដសម្គាល់របស់យុវជនដាក់ពាក្យចូលបំពេញកាតព្វកិច្ចយោធា។ ករណីនេះត្រូវបានអ្នកជំនាញបច្ចេកវិទ្យា ព្រមានពីហានិភ័យដល់ឯកជនភាព និងសុវត្ថិភាពរបស់ម្ចាស់ទិន្នន័យ។ មួយវិញទៀត អ្នកជំនាញក៏ព្រួយបារម្ភដែរថា ការចែកចាយព័ត៌មានផ្ទាល់ខ្លួនរបស់ឯកជនដោយគ្មានការបិទបាំង អាចធ្វើឱ្យព័ត៌មានទាំងនោះ ត្រូវបានជនអនាមិក យកទៅប្រើប្រាស់សម្រាប់ការឆបោក និងក្លែងបន្លំអត្តសញ្ញាណជនរងគ្រោះ។ តើការបង្ហោះទិន្នន័យពលរដ្ឋដែលចូលកាតព្វកិច្ចយោធា ជាសាធារណៈអាចប្រឈមហានិភ័យសុវត្ថិភាពកម្រិតណា?

តើការបង្ហោះសេវាកម្មផ្លូវភេទតាមបណ្តាញសង្គមនឹងធ្វើឲ្យប៉ះពាល់ដល់សង្គមខ្មែរយ៉ាងណា?

2026/10/30

ថ្មីៗនេះ ការបង្ហោះលក់ខ្លួន ឬពេស្យាចារ តាមបណ្តាញសង្គម ជាពិសេសតាមតិកតុក បានក្លាយជាការផ្សព្វផ្សាយមួយដ៏ពេញនិយមរបស់អ្នកលក់ទិញសេវាកម្មផ្លូវភេទ។ បញ្ហានេះ បានញ៉ាំងឲ្យអ្នកឃ្លាំមើលនានាទាញការចាប់អារម្មណ៍ អំពីផលប៉ះពាល់ដ៏អវិជ្ជមាននៅក្នុងសង្គមខ្មែរ។ ក្រុមអ្នកតាមដានសង្គម បានជំរុញឲ្យរដ្ឋាភិបាលពិនិត្យមើលករណីនេះ ដោយមិនត្រូវបណ្តែតបណ្តោយឲ្យរូបភាពនេះរាលដាលពេញបណ្តាញសង្គមនោះឡើយ។

តើកម្ពុជាអាចធ្វើអ្វីបានខ្លះដើម្បីជួយអ្នកដំណើរលើនាវា Villa Vie Odyssey ?

2026/10/29

ថ្មីៗនេះ នាវាឈ្មោះ Villa Vie Odyssey បានសម្រេចចិត្តចូលចត និងបង្ខំឱ្យអ្នកដំណើរចុះពីលើនាវានៅកំពង់ផែខេត្តព្រះសីហនុ ក្រោមហេតុផលអស់លទ្ធភាពផ្គត់ផ្គង់ប្រេង។ មានអ្នកដំណើរទាំងអស់ចំនួន ២០៣នាក់ ក្នុងនោះ ១៥៩នាក់ជាជនជាតិអាមេរិក។ ភ្លាមៗ អាជ្ញាធរកម្ពុជាបានចុះទៅជួយសម្របសម្រួលបញ្ហានេះ។ គេធា្លប់បានឃើញរូបភាពស្រដៀងនេះអំឡុងពេលឆ្លងរាតត្បាតជំងឺកូវីដ ក្នុងឆ្នាំ២០២០ ដែលកម្ពុជាបានជួយនាវាទេសចរណ៍ខ្នាតយក្ស MS Westerdam ឲ្យចូលចតនៅខេត្តព្រះសីហនុ។ អ្នកជំនាញផ្នែកទេសចរណ៍ខ្លះយល់ឃើញថា ការជួយអ្នកដំណើរលើនាវា Villa Vie Odyssey ពេលនេះជាឱកាសវិជ្ជមានសម្រាប់វិស័យទេសចរណ៍ និងក៏ជាការយកចិត្តទុកដាក់ផ្នែកមនុស្សធម៌របស់កម្ពុជាដែរ។ តើកម្ពុជាអាចធ្វើអ្វីបានខ្លះដើម្បីជួយអ្នកដំណើរលើនាវា Villa Vie Odyssey?

តើការបន្ថែមម៉ោងរៀនសម្រាប់ថ្នាក់បឋមសិក្សាហុចគុណសម្បត្តិ និងគុណវិបត្តិអ្វីខ

2026/10/28

លោកនាយករដ្ឋមន្ត្រី ហ៊ុន ម៉ាណែត បានបញ្ជាក់ជាថ្មីនៅថ្ងៃទី២៨ ខែតុលា ឆ្នាំ២០២៦ នេះថាសិស្សថ្នាក់បឋមសិក្សានឹងត្រូវរៀនចំនួន ៦ម៉ោង ក្នុងមួយថ្ងៃ ដើម្បីឲ្យសិស្សមានលទ្ធភាពរៀនបានច្រើន និងសួរគ្រូបានច្រើននៅក្នុងថ្នាក់។ បើតាមលោក ហ៊ុន ម៉ាណែត ការបន្ថែមម៉ោងរៀននេះ រួមចំណែកកាត់បន្ថយការចំណាយពេលវេលាឥតប្រយោជន៍របស់សិស្ស។ អ្នកតាមដានវិស័យអប់រំនៅកម្ពុជាយល់ឃើញថា ការបន្ថែមម៉ោងបង្រៀនជារឿងវិជ្ជមាន តែពួកគេក៏ចង់ឲ្យមានការបំពាក់ឧបករណ៍សិក្សាទាន់សម័យនៅតាមសាលារៀន និងឃើញជីវភាពគ្រូបង្រៀនមានភាពល្អប្រសើរជាងមុនដែរ។ តើការបន្ថែមម៉ោងរៀនសម្រាប់ថ្នាក់បឋមសិក្សាហុចគុណសម្បត្តិ និងគុណវិបត្តិអ្វីខ្លះ?

តើក្រុមបក្សប្រឆាំងចាប់ផ្តើមទទួលរងការធ្វើទុក្ខបុកម្នេញនៅមុនការបោះឆ្នោត ឬយ៉ាងណា?

2026/10/27

គណបក្សភ្លើងទៀន និងគណបក្សឆន្ទៈខ្មែរត្រូវបានក្រសួងមហាផ្ទៃបដិសេធមិនទទួលស្គាល់ការបន្តចងសម្ព័ន្ធភាពនឹងគ្នា។ ចំណែកអង្គការសង្គមស៊ីវិលដែលមាននិន្នាការគាំទ្ររដ្ឋាភិបាលធ្វើបាតុកម្មនៅមុខទីស្នាក់ការគណបក្សកម្លាំងជាតិដើម្បីទាមទារឲ្យគណបក្សប្រឆាំងមួយនេះប្រកាសផ្តាច់ខ្លួនចេញពីលោក សម រង្ស៊ី។ ក្រុមអ្នកនយោបាយជំទាស់ចាត់ទុកថា នេះជាសកម្មភាពធ្វើទុក្ខបុកម្នេញទៅលើគណបក្សប្រឆាំងនៅមុនការបោះឆ្នោតឃុំ -សង្កាត់ឈានមកដល់។ តែគណបក្សកាន់អំណាចបដិសេធចំពោះការលើកឡើងនេះ។ តើក្រុមបក្សប្រឆាំងចាប់ផ្តើមទទួលរងការធ្វើទុក្ខបុកម្នេញនៅមុនការបោះឆ្នោត ឬយ៉ាងណា?

តើកិច្ចព្រមព្រៀងសន្តិភាពគូឡាឡាំពួនៅតែមានតម្លៃក្នុងជម្លោះព្រំដែនកម្ពុជា-ថៃ ដ

2026/10/26

ថ្ងៃទី២៦ ខែតុលា ឆ្នាំ២០២៦ គឺជាខួបមួយឆ្នាំនៃការចុះ «កិច្ចព្រមព្រៀងសន្តិភាពទីក្រុងគូឡាឡាំពួ»រវាងកម្ពុជា និងថៃនៅប្រទេសម៉ាឡេស៊ី។ កាលពីថ្ងៃទី២៥ តុលា រដ្ឋមន្រ្តីការបរទេសអាមេរិក លោក ម៉ារកូ រូប៊ីយ៉ូ បានចាត់ទុកកិច្ចព្រមព្រៀងនេះថាជាសមិទ្ធផលការទូតដ៏សំខាន់មួយដែលកើតចេញពីភាពជាអ្នកដឹកនាំប្រកបដោយការសម្រេចចិត្តច្បាស់លាស់ និងការប្តេជ្ញាចិត្តរបស់ប្រធានាធិបតីអាមេរិក លោក ដូណាល់ ត្រាំចំពោះសន្តិភាព។ ចំណែកមន្ត្រីរដ្ឋាភិបាលខ្មែរ និងអ្នកជំនាញផ្នែកវិទ្យាសាស្ត្រនយោបាយបន្តមើលឃើញពីសារសំខាន់នៃកិច្ចព្រមព្រៀងមួយនេះ ព្រោះវាបានរួមចំណែកដល់ការកសាងសន្តិភាពនៅតាមខ្សែបន្ទាត់ព្រំដែនកម្ពុជា និងថៃ៕