Advertise on podcast: Hlaðvarp Landsnets

Velkomin í spjallhlaðvarp um orku, framtíð og samtalið þar á milli. Í þessum þætti fengu þeir Gnýr Guðmundsson og Magni Þór Pálsson Karen Maríu Jensdóttur, verkefnastjóra í þróun vindorku hjá Qair Íslandi, í heimsókn í Landsnetshlaðvarpið. Þau ræða vindorku á Íslandi, þróunina fram undan og hvað þarf til að ná góðum meðbyr – með vindinn inn í fangið gjörið þið svo vel. #orkuskiptaskólinn

Í þætti dagsins ætlum við að skyggnast bak við tjöldin í undirbúningi stórra framkvæmda hjá Landsneti og fengum Hlín Benediktsdóttur, yfirmann undirbúnings framkvæmda, að hljóðnemanum þar sem hún leiðir okkur í gegnum ferlið, áskoranirnar, fólkið og framtíðina.

Hvernig þróast framboð og eftirspurn raforku næstu fimm árin? Hvaða áskoranir eru fram undan í flutningskerfinu - og hvernig bregðumst við við þeim? Í þessum þætti rýnum við í Kerfisjöfnuðarskýrslu Landsnets, árlega greiningarskýrslu sem gefur innsýn í orkukerfið og þær sviðsmyndir sem geta blasað við á næstu árum. Skýrslan er lykilverkfæri við ákvarðanatöku um afhendingaröryggi, orkunýtingu og orkuskipti. Gestur þáttarins er Árni Baldur Möller sérfræðingur í kerfisgreiningum en hann og Steinunn Þorsteinsdóttir, upplýsingafulltrúi spá hér í spilin, ræða stærstu áherslurnar og varpa ljósi á þær sviðsmyndir sem gætu mótað framtíð raforkukerfisins

Hvað eiga kerfisáætlun, friðargæsla, stjórnmálafræði og frystihús í Þorlákshöfn sameiginlegt? Jú – Herdís Sigurgrímsdóttir. Hún er manneskjan sem stýrði frábærum hópi sem vann nýjustu kerfisáætlunina okkar – sem hún segir svera hryggjastykkið í starfsemi Landsnets. Í þætti dagsins spjöllum við við Herdísi um hvernig hún sér kerfisáætlun fyrst og fremst sem samfélagsþróun en líka um framtíðarorkugjafa, lífið og reynsluna sem hún kom með með til Landsnet.

Í þessum þætti rýna þau Steinunn, Hallur og Einar í stafræna landslagið, hvernig hefur vefurinn þróast, hvaða hlutverk gegna heimasíður í dag og hvernig hafa samfélagsmiðlar breytt leiknum? Er vefsíðan úrelt eða hefur hún bara skipt um hlutverk? Þau ræða þróunina, staðreyndirnar, möguleikana og jafnvel heimspekina. Hvort sem þú ert forritari, markaðsmaður eða einfaldlega forvitin um hvað gerist á bak við skjáinn, þá er þetta þátturinn fyrir þig.

Í þessum þætti fáum við Hólmgrím Elís Bragason að hljóðnemanum í Landsnetshlaðvarpinu. Elli, eins og hann er alltaf kallaður, er sérfræðingur á mannauðssviðinu okkar hjá Landsneti. Hann settist niður með Steinunni Þorsteinsdóttur og ræddi áherslur í mannauðsmálum, mikilvægi samskipta og hvernig menning innan fyrirtækja hefur áhrif á fólkið – og árangurinn. ...já, og líka hvort lífið sé blómabeð. Áhugavert, hreinskilið og fullt af hugvekjum – smelltu á play og hlustaðu.

Sigurður Pétur Ólafsson – Spói – lagði nýverið stígvélin á hilluna eftir heil 45 ár í geiranum, þar af 20 í stjórnstöð Landsnets — eða allt frá stofnun. Hann settist niður með Margréti Evu Þórðardóttur og Steinunni Þorsteinsdóttur og sagði þeim sögur af tímanum í Sigöldu og Hrauneyjum, ræddi vatn og virkjanir — og flugið og flugvélasmíði, sem hafa verið honum hugleikin frá unga aldri.

Guðrún Ýr Guðmundsdóttir eða Gugga er nýjasti viðmælandi Landsnetshlaðvarpsins. Hún er sumarstarfsmaður hjá okkut, klár verkfræðingur og tónlistarkona í hljómsveitinni Dóra og Döðlurnar. Í þessum þætti segir hún frá því hvernig hún eltir bæði draumana sína í tækni og tónlist, af hverju það er ekki nauðsynlegt að velja bara eitt og auðvitað hvernig lífið hjá Landsneti er að birtast henni. Þetta er þáttur um hugrekki, fjölbreytileika og leiðina til Landsnets - ekki missa af Guggu.

Samtalið skiptir okkur hjá Landsneti miklu máli – og í nýjasta þætti Landsnetshlaðvarpsins ræða Steinunn, Einar, Hlín og Valgerður um mikilvægi góðs samtals við fólkið í nærsamfélagi raflínanna okkar. Hvernig ætlum við að hlusta, miðla og byggja traust? Hvaða lærdóma höfum við dregið – og hvert stefnum við

Það er margt í gangi hjá okkur hjá Landsneti og í nýjasta hlaðvarpsþætti Landsnetshlaðvarpsins fáum við skýra mynd af stöðunni frá Unni Helgu Kristjánsdóttur, forstöðumanni verkefnastjórnunar framkvæmda. Unnur fer yfir: 🏗️ Hvaða framkvæmdir eru í gangi núna 📍 Hvar þær fara fram og hvers vegna 📅 Hvenær hægt er að búast við að framkvæmdum ljúki 📊 Og hvernig verkefnin eru forgangsraðuð með öryggi, afhendingaröryggi og samfélagsþörf að leiðarljósi Framkvæmdirnar skipta máli – fyrir orkuskipti, aukið öryggi í raforkukerfinu og framtíðina sem við erum að byggja saman.

Hvað gerist þegar sameindalíffræðingur, nútímafræðingur og sagnfræðingur setjast saman við hlaðvarpsmíkrafóninn og ræða orkumál ? Steinunn Þorsteinsdóttir upplýsingafulltrúi fékk þá Hall Þór Halldórsson vefstjóra og Erlingur Fannar Jónsson verkefnastjóra í spjall þar sem óvæntar tengingar, ný sjónarhorn og samtal varð til - ekki missa af þessum þætti af Landsnetshlaðvarpinu.

Í Landsnetshlaðvarpsþætti dagsins fá Steinunn Þorsteindóttir upplýsingafulltrúi og Einar S. Einarsson, forstöðumaður skrifstofu forstjóra hjá Landsneti, til sín að hljóðnemanum þær Heiðu Halldórsdóttur, framkvæmdastjóra hjá Orkusölunni og Birnu Lárusdóttur, upplýsingarfulltrúa hjá HS Orku – og saman ræða þau ímynd, traust og þá list að tala um rafmagn með hjartanu.

Sjálfbærni-, árs- og frammistöðuskýrslan okkar fyrir árið 2024 veitir skýra mynd af árangri okkar á árinu. Hún sýnir hvernig við tryggjum traustan raforkuflutning, eflum afhendingaröryggi og vinnum að sjálfbærri framtíð og fengum við hjá Landsnetshlaðvarpinu þær Margréti Guðmundsdóttur verkefnastjóra og Guðnýju Björg Hauksdóttur framkvæmdastjóra í spjall um skýrsluna og allt það áhugaverða sem þar er að finna.

Með þessum öflugum orðum lauk Sóley Kaldal, áhættustýringar- og öryggisverkfræðingur vorfundinum okkar í Hörpu þann 5. mars sl. Í framhaldinu settust þær Sóley og Steinunn Þorsteinsdóttir upplýsingafulltrúi fyrir framan hljóðnemann í Landnsetshlaðvarpinu og ræddu saman um þjóðaröryggi, rafmagn, viðbúnað og ábyrgð. Hvað merkir það í raun að halda landinu gangandi, sama hvað dynur á?

Leiðin til Landsnets og sánuferðir til Finnlands var eitt af því sem þau Steinunn Þorsteinsdóttir upplýsingafulltrúi og Leifur Ingimundur Runólfsson einn af nýjustu liðsmönnum Landsnets spjölluðu um í þessum Hlaðvarpsþætti.Ekki missa af þessu skemmtilega spjalli – Leifur og og leiðin hans til Landsnets.