Advertise on podcast: Heilt Sjef!

Odd Åge og Elisabeth i Sparringspartneren byggjer stein på stein og er på full fart inn i framtida. Me snakkar om miljøleiing og miljøfyrtårn og eit næringsliv med fokus på forbetringsarbeid og det grøne skiftet. Om kva som skal til for å byggje gode lag i ei nystarta bedrift og om at du ikkje treng å dra til storbyen for å få spennande jobbar og ansvar.

Ryfylke har mange juletreprodusentar, og me tatt praten med ein av dei: Lena Nergård frå Myhre Juletregard og Norsk Juletreservice. Ho og ektemann, Jan Magne Myhre, tenkjer meir eller mindre på jul heile året. Til slutt er juletrea å finne i heimar over heile landet, i Danmark, Tyskland, England og Nederland. Korleis er det å vere juletreprodusent der handelen skjer i løpet av nokre få veker kvart år?

Me har møtt Bjørn Sandvik, kraftverkssjef for Noregs og Nord-Europas største vasskraftanlegg, Ulla Førre. Bjørn deler frå reisa si frå Erfjord, ut i verda og tilbake til heimbygda, me får eit innblikk i drifta ved kraftverket i Suldal og det blir også tid til å ta opp nokre av dei større kraftspørsmåla som ein står ovanfor i dag.

Ei driftig dame på plass i studio! Hanne Sundbø frå Ryfylke Glød er vår gjest, og har gått uredd inn i livet som bonde, som gründer og bedriftseigar, som offentleg planleggjar, som bedrifts- og etablerarrådgivar, og også som den aller første reiselivsdirektøren i Ryfylke.

Dette er kundeløftet til ei over 60 år ung familieverksemd i Suldal. Me har møtt dagleg leiar hjå Ola Fisketjøn As, Dag Fisketjøn.

Me møter gründerane i Kakadu, Ingvild Erøy Prestårshus og Hege Fiskå. Du får innsikt i kvinneleg gründerskap, og om kvardagen i ei oppstartsbedrift. Kva skal til for å henge med i dei digitale svingane og tips og triks for å lukkast med eigen forretningside.

I denne episoden møter me Ryfylkepatrioten og den engasjerte lagspelaren, Tor Øyvind Skeiseid frå Ryfylke Livsgnist.

Astrid og Mikal Viga i Mikals Laks AS har i over 20 år produsert røykelaks på Skiftun i Hjelmeland. Kvalitetsprodukta deira har i årevis blitt kåra til Noregs beste! Mikal og dotter Maren deler suksessoppskrifta med oss og snakkar om tradisjonar, unike råvarer og oppskrifter, godt handverk, kunnskap, kjærleik og ein ganske stor dose galskap.

Møt Erik og Amelie Aldner som har tatt med seg jobbane sine og flytta frå storbyen til bygda. Den eine halvdelen er ein prisvinnande mezzosopran med suksess på operascenen – den andre er ein dyktig saksofonist, dirigent, komponist, gründer og forretningsutviklar for eit nyskapande møbelkonsept.

Reiselivsaktørane Ryfylke Fjordhotel og Basecamp, Mo Laksegard og Energihotellet spissar samarbeidet sitt innanfor aktivitetsutvikling. Med full fokus på samarbeid og berekraft styrkar dei no aktivitetsmenyen for gjester og fastbuande. 

Me har hatt ein prat med Britt Kristin og Vidar Jørgensen Nærheim. Dei presenterer seg sjølv som ein familiegard i Suldal med laksefiske, utleigehytter, vedproduksjon, sauehald og generelt mangesyslerier.

Brødrene Steffen og Kristoffer Øigjord er frå Jelsa, og har etablert produksjonsselskapet Snotrava. Dei er aktuelle som regissørar av ein musikkvideo med den norske artisten Ida Tolou. Låta er produsert av Wyclef Jean og videoen er lansert for den amerikanske marknaden.