Werben im Podcast: Awesome Range of Freedom

Vom Ustuusch zu Endometriose u wie wichtig's isch, Sorg zu Körper u Psyche ds trage.

Vom Stiusii u Gfaue drin ds finge.

Vom Glück, dumme Ideeä, Unzfriedeheit u wieder retour.

Vom Liebi mache u drüber rede.

Vom sich nicht wöue chönnte entscheide u de Konsequänze.

Vom sich la begeistere u sich abgränze.

Vom Chingsii u sich nid geng so ärnst näh.

Vom säge was Sach isch u nid aues über sich la ergah.

Vom Kontrollverlust u was Schöns drus cha entstah.

Vom Ziit so ds gstaute, dass es ds Härz fröit.

I ha mau are Frou vo mine Ideeä und Visione verzeut. blöd vo mir... Si het mir zueglost und neher gseit. „Aber Dir chöit d Wäut nid verändere.“ I ha neher dänkt, wenn ds Dini Meinig isch, chasch Du die näh und zum Fänster useschiesse. Im Nachhinein han i scho tschegget, dass sie das us Schutz und sehr wohlwollend gseit het. Und trotzdem han i denkt: „Du wiesch ja garni i was für ere Weut ig läbe, Du gsesch nid i mi Chopf ihnä.“ Du Zwätschge Du, und wenn Dini Weut die isch, wo ig hie mit mine Ouge gseh, duet’s mir ganz fescht leid für Di... de hesch Du vergässe, wie me Ching isch. Du hesch vergässe, wie me Schabernack macht. Mir wei das nid, drum mache mir was mir mache. Vo mir & mire Fründin, für aui die, wo si Ching blibe oder’s wieder wei wärde. Have fun.

Vom pöisele u nid geng ume jufle.