Advertise on podcast: BASAHON AN BIBLIA, Sarong Kapitulo kada Aldaw

“BASAHON AN BIBLIA: Sarong kapitulo kada Aldaw.” Aldaw #312: Deut 3 - An Kapangganahan kan mga Israelita NADANGOG TA SA BINASA: Nagsabi ni Moises si Josue na “Dai ka matako sa sainda, huli ta makikilaban para saimo an Kagurangnan na saimong Dios” (Deut 3:22). TANDAAN TA: Dai ta inaatubang an mga pagsakit asin mga hamon sa buhay na solo sana kita, huli ta an Dios mismo, iniibanan niya kita, asin nakikilaban para sa sato na saiyang maimbod na banwaan. PAGHOROP-HOROPAN TA: Anong mga “higante” o nakakapagabat na mga problema an saimong inaatubang ngonyan na kaipuhan mong isuko sa Dios? Nagtitiwala ka daw na Siya an nakikipaglaban sa kataid mo, sa kaibanan mo? MAMIBI KITA: Kagurangnan, kun ako nakakamati nin takot, pagirumdoma ako na Ika an sakuyang Parasurog asin Paraligtas, asin na an ultimong kapangganahan yaon asin huli Saimo. Amen.

"BASAHON AN BIBLIA, Sarong Kapitulo kada Aldaw" Aldaw #311: Deuteronomio 2: An Danay na Pangataman kan Dios sa Pagbaklay kan mga Israelita NADANGOG TA SA BINASA: “Benendisyonan kamo kan Kagurangnan sa gabos nindong gibo. Inataman Niya kamo sa disyerto, asin inibanan Niya kamo sa laog nin kwarentang taon; dai kamo nagkulang nin anu man” (Deut 2:7). PAGHOROP-HOROPAN TA: An Dios danay na yaon sato, kaibanan nyato, nagbabantay sato asin nagsisiguro na igwa kita kan satong mga kaipuhan, dawa sa mga “disyertong” momento kan satong buhay. GIBOHON : Girumdoma an mga momento na ika inataman kan Diyos sa nakaaging masakit na pagbaklay sa saimong buhay. Papano ini nakakapakusog kan saimong pagpasalamat asin pagsarig sa Saiya? MAMIBI KITA: O Dios, salamat sa Saimong maimbod na pag-ataman asin paggiya sa lambang panahon kan samong buhay. Amen.

Ini po an pagbabalik kan programang, BASAHON AN BIBLIA: Sarong kapitulo kada Aldaw. Nasa ika-310 na aldaw na kita sa oro-aldaw na pagbasa poon kan Marso 9, 2025 kan pormalmenteng inilunsar an programa kan Bible Conference (Central District) na ginibo sa Holy Rosary Major Seminary. Ngonyan na aldaw, Enero 13, 2026, pinupunan an pagbasa kan Libro nin Deuteronomio. Deuteronomio 1: Sa kapitulong ini, nagpapagiromdom si Moises, "Dai matakot. Magsarig asin magsunod sa Dios." ROMDOMON TA: "Maski sinabi ko na ini saindo, dai man giraray kamo nagtubod sa Kagurangnan, mnaski danay na nangenot Siya saindo tanganing itukdo Niya saindo an dalan na aagihan." (Deut 1:32-33) PAGHOROP-HOROPAN TA: Nahinanyog po nyato: Maski malinaw an paggiya asin presensya kan Dios, an kakulangan ta nin pagtubod makakadara sato na dai ta maako an Saiyang biyaya asin magdanay kita sa pagsakit. MAMIBI KITA: Kagurangnan, patawara kami samong mga pagduda asin pagkatakot. Warasan sa samo an biyaya nin bilog na pagsarig asin pagsunod Saimo. Huli ki Kristo na samong Kagurangnan. Amen.

Mga Gibo kan mga Apostol 2 An pag-abot kan Espiritu Santo / An mensahe ni Pedro / An pamumuhay kan mga paratubod. Binasa ni P. Erwin BLASA

Gibo kan mga Apostol 1 Pagpoon / Isinakat si Jesus sa langit / An kasalihid ni Judas. Binasa ni P. Erwin BLASA

Markos 16 Nabuhay-liwat si Jesus / SARONG DAAN NA KATAPOSAN KAN MARHAY NA BARETA: Nagpahiling si Jesus ki Maria Magdalena / Nagpahiling si Jesus sa duwang disipulo / Nagpahiling si Jesus sa onseng disipulo / An pagsakat ni Jesus sa langit / SARO PANG DAAN NA KATAPOSAN. Binasa ni: Sem. Christopher ARADO (Caceres)

Markos 15 Dinara si Jesus ki Pilato / Hinatolan si Jesus nin Kagadanan / Pinagtuya-tuya si Jesus kan mga soldados / Ipinako si Jesus sa krus / An pagkagadan ni Jesus / Ilinubong si Jesus. Binasa ni: P. Erwin BLASA (Caceres)

Markos 14 An plano tumang ki Jesus / Linahidan si Jesus sa Betania / Pagpasaluib ni Judas ki Jesus / Kinakan ni Jesus an pamanggihan sa Paskwa kaiba an Saiyang mga disipulos / An pamanggihan nin Kagurangnan / Ipinahayag ni Jesus an pagnegar ni Pedro / Namibi si Jesus sa Getsemani / Dinakop si Jesus / Si Jesus sa atubang kan konseho / Pinagnegar ni pedro si Jesus. Binasa ni: Sem. Christian Mark DEGRACIA (Caceres)

Markos 13 Nagtaram si Jesus dapit sa pagkarumpag kan templo / Mga kariribokan asin mga kasakitan / An makangingirhat na katakotan / An pag-abot kan Aki nin Tawo / An adal kan kahot na higera / Mayong nakakaaram kan aldaw o oras. Binasa ni: Sem. Jesua MORTEGA (Caceres)

Markos 12 An parabola kan mga maraot na tumatawo / An hapot dapit sa pagbayad nin buhis / An hapot dapit sa pagkabuhay-liwat / An pinakamahalagang tugon / An hapot dapit sa Kristo / Nagpatanid si Jesus tumang sa mga paratukdo kan katugonan / An dolot kan babaeng balo. Binasa ni: P. Erwin BLASA (Caceres)

Markos 11 An mapangganang paglaog sa Jerusalem / Minaldisyon ni Jesus an kahoy na higera / Mga paratinda sa templo / An adal kan kahoy na higera / An hapot dapit sa kapangyarihan ni Jesus. Binasa ni: Sem. Herodion Luis GAPAS (Diocese of Daet)

Markos 10 An katukdoan ni Jesus dapit sa pagsuhay sa agom / Benendisyonan ni Jesus an mga aki / An lalaking mayaman / Ikatolong pagsabi ni Jesus dapit sa kagadanan Niya / An hagad ni Santiago asin ni Juan / Binulong ni Jesus an buta na si Bartimeo. Binasa ni: Sem. Neil DIAZ (Diocese of Sorsogon)

Markos 9 Naliwat si Jesus / Binulong ni Jesus an aking lalaki na may maraot na espiritu / Sinabi giraray ni Jesus an Saiyang kagadanan / Siisay an pinakadakula / An bakong tumang sato, kampi sato / Mga pagsugot tanganing magkasala Binasa ni: Sem. Vincent Nemee CALAGUE (Diocese of Sorsogon)

Markos 8 Pinakakan ni Jesus an apat na ribo katawo / Hinagadan si Jesus nin milagro kan mga Fariseo / An lebadura kan mga Fariseo asin ni Herodes / Binulong ni Jesus an sarong buta sa Betsaida / An patotoo ni Pedro dapit ki Jesus / Sinabi ni Jesus an kasakitan asin an kagadanan Niya. Binasa ni: Sem. Rey MADRIGALLOS (Diocese of Legazpi)

Markos 7 An katukduan kan mga ginikanan / Mga bagay na nakakapaati sa tawo / An pagtubod nin sarong babae / Binulong ni Jesus an tawong bongog asin bilot. Binasa ni: Sem. Ruben DOMA (Diocese of Sorsogon)