Advertise on podcast: RTL - IGEL - Inclusioun ganz einfach liewen

20 Ministèrë bedeelege sech un dësem gemeinsame Projet mat 119 Aktiounen a siwe wichtegen Themeberäicher An dësem Episod schätzt de Sascha Lang mam Familljeminister Max Hahn a mam Michèle Stein, der Koordinatorin vum Aktiounsplang am Familljeministère, iwwer den neien Aktiounsplang fir d'Ëmsetzung vun der UN- Behënnerterechtskonventioun. Am Mëttelpunkt stinn déi geplangte grouss Reformen an d’Fro, wéi dësen evolutive Plang méi Selbstbestëmmung, Accessibilitéit a gläichberechtegt Participatioun erméigleche soll.

E Gespréich mam Serge Schaul, dem neie President vum Luxembourg Paralympic Committee, a mam Ruben Goncalves, dem administrativen Direkter Et geet ëm déi nei Ausriichtung vum LPC, d’Professionaliséierung an d’Wichtegkeet vun der Reintegratioun duerch de Sport. Och d’Limitatioun vun den Adapto-Faarten an hir Auswierkungen op d’Ausübe vum Sport kommen zur Sprooch. Donieft stellen d’Gäscht de 6. Paralympic Day vir, deen de 24. Oktober vun 10 bis 16 Auer ass.

Mat der Lydia Gonzales vun der asbl New Diversity geet et ëm ADHD, Virurteeler an e Bléck, dee Stäerkten an individuell Erfarungen an de Mëttelpunkt stellt Dobäi geet et och ëm den Afloss vu soziale Medien an den Informatiounsowend „ADHD verstoen“, den 21. Oktober 2026 um 18:30 Auer am Cercle Cité. Deen Owend gëtt a Zesummenaarbecht mat Info-Handicap an der Stad Lëtzebuerg organiséiert.

Dësen Episod ass e ganz perséinlechen Hommage vum Sascha Lang u seng Mamm, säin Häerzensmënsch Marie-Josée Schuler, Mariejo, d’Mimm oder d’Jéiss wéi si ëmmer genannt gouf. Si erzielt vun engem Liewen voller Kraaft, Léift a Courage, dat de Sascha Lang bis haut inspiréiert. Gläichzäiteg ass et e Plädoyer dofir, Mënsche mat Behënnerung net ze beschützen, mä hinnen ze vertrauen an si ze stäerken. En Episod iwwer Erënnerung, Empowerment an d'Iwwerzeegung, datt richteg Ënnerstëtzung Fräiheet méiglech mécht.

Eng feierlech Table Ronde Vun der Finanzéierung bis bei d'Akzeptanz war ee laange Wee. An d'Sensibiliséierung ass haut nach ëmmer wichteg. Eng Rees duerch Geschicht mam Blannenféierhond gëtt et an dësem Episod, mat engem Matschnëtt vun der Table Ronde. Flott Anekdoten, Gesetzer, Iwwerzeegungsaarbecht a vill engagéiert Leit maachen et haut méiglech, dass den Assistenzhond eng grouss Akzeptanz hei am Land huet. Den Sascha Lang ennerhält sech mat: Roland Welter, Chantal Haas, Raymond Ney, Matthias Schmit, Renée Michel an Kevin Feiereisen.

Ee Plang net just fir Leit mat Behënnerung! An dësem Episod geet et mam Ben Max vum Digitaliséierungsministère ëm den nationale Plang fir digital Inclusioun zu Lëtzebuerg. Als zweeten Aktiounsplang vum Digitaliséierungsministère soll hien dofir suergen, datt d'Digitaliséierung jiddwerengem zougänglech bleift, an datt keen op der Streck bleift. Mir diskutéieren iwwer d'Erausfuerderunge vun der digitaler Transformatioun, d'Fërderung vun digitale Kompetenzen an d'Wichtegkeet, och net-digital Alternativen ze erhalen, fir datt jiddweree kann um gesellschaftleche Liewen deelhuelen.

Méi ewéi just Innovatioun An dësem Episod kucke mir zesumme mam Christian Stahlberg op d'SightCity 2026 zu Frankfurt zeréck. Als Produzent a Moderator vum Podcast Sightviews begleet hien d'SightCity schonn zënter siwe Joer a kennt d'Messe wéi kaum en aneren. Mir schwätzen iwwer déi wichtegst Neiheeten, spannend Entwécklungen an d'Atmosphär op der gréisster Fachfoire fir blann a séibehënnert Mënschen. Zousätzlech deelen och Visiteuren hir Andréck a perséinlech Highlights.

Wou steet Lëtzebuerg? An dësem Episod schwätze mir mam Aarbechtsminister Marc Spautz an der Christine Zimmer, Chargée de Direction vun Info-Handicap iwwert d’Aarbechtssituatioun vu Mënsche mat Behënnerung zu Lëtzebuerg. No der Info-Handicap-Veranstaltung vum 19. Mee, wou et ëm Erfarungen aus den Ateliers protégés an dem éischten Aarbechtsmarché goung, wollte mir méi wëssen. Wéi eng Erausfuerderunge ginn et fir Betraffener a Patronen? A wat kënnen déi nei Reforme wierklech verbesseren? Eng spannend Diskussioun iwwer Inclusioun, Chancen an d’Zukunft vun der Aarbecht.

D’SightCity ass vum 27. bis den 29. Mee zu Frankfurt an ass déi weltgréisst Plattform fir Hëllefsmëttel, Innovatioun an Inclusioun. Am Interview mat der Dagmar Kruzki geet et iwwert Entwécklungen, Trends an d’Bedeitung vun där Foire. Iwwer 150 Aussteller, Virträg a Workshops bidden konkret Léisunge fir den Alldag vu blannen a séibehënnerte Mënschen. D’Evenement ass mëttlerweil méi wéi eng Messe, et ass eng Plaz fir Austausch, Vernetzung an nei Iddien.

De Projet Hasilux, beschäftegt sech mat Autismus an Inclusioun Am Mëttelpunkt steet eng Plattform, déi Informatiounen, Erfarungen an konkret Hëllef fir Betraffener an hiert Ëmfeld zesummebréngt. D’Gespréich beliicht besonnesch d’Wichtegkeet vun der Sensibiliséierung fir onsiichtbar Behënnerungen an inklusiv Bildung. Dobäi ginn et inspiréierend Ablécker an e Projet, deen Inclusioun praktesch, verständlech an zougänglech mécht. Am Interview sinn: D'Carla Carvalho, d’Joanne Theisen an de Gérard Kieffer

E Gespréich iwwert en Internationale Rapport vun der Essel Foundation Am Gespréich mam Michael Fembeck geet et ëm de Crisis Report vun der Zero Project Conference. Des Rapport weist Lücken am Katastropheschutz a stellt konkret Léisungen an Tools vir. Fokus: besser Planung, inklusiv Approchen an den Asaz vu Technologie fir jiddereen.

Wéi d'Nadège Fassi Elteren a Geschwëster stäerkt An dësem Episod begréisse mir d’Coach an dräifach Mamm Nadège Fassi, déi sech zanter siwe Joer intensiv mat der Begleedung vun Elteren a Geschwëster vu Kanner a Jugendlechen mat Beanträchtegung befaasst. Si erlieft an hirer Aarbecht ëmmer erëm, wéi séier ee sech an esou usprochsvolle Liewenssituatioune selwer aus den Aen verléiere kann – als Mamm oder Papp, als Partner oder och als Geschwëster. D’Konsequenze si villfälteg: Frust, Iwwerfuerderung, emotional Erschëpfung. D'Nadège erkläert, firwat Selbstsuerg kee Luxus, mee eng Noutwennegkeet ass, a wéi si Familljen dobäi ënnerstëtzt, gestäerkt, méi bewosst a mat méi Liichtegkeet duerch den Alldag ze goen. Si deelt praktesch Erfarungen, Beispiller aus hirer Coaching-Aarbecht an Impulser, déi all Famill – mat oder ouni besonnesche Besoinen – direkt ëmsetze kann.

Een alternative Bléck op d’Umsetzung vun der UN-BRK zu Lëtzebuerg All Land, dat d’UN-Behindertenrechtskonventioun (UN-BRK) ratifizéiert huet, gëtt reegelméisseg zu Genf vun der UNO iwwerpréift, fir ze kucken, ob d’Rechter vu Mënsche mat Behënnerung och wierklech ëmgesat ginn. Deemnächst ass Lëtzebuerg erëm un der Rei, fir déi zweete Kéier. Nieft der offizieller „List of Issues“, wou d’UNO dem Stat vill Froen stellt, gëtt et och d’Méiglechkeet vun engem sougenannten Schattenbericht. Hei kënnen Vereenegungen an Initiativen eng alternativ Analys vun der Situatioun am Land virstellen. De Schattenbericht aus Lëtzebuerg, ausgeschafft vun Info-Handicap an sengen Memberen, läit elo vir. Am IGEL Podcast schwätzt de Sascha Lang mam Christine Zimmer, Nadine Medinger an Shirley Feider iwwer dëse Bericht a kuckt dobäi, wat doraus ervirgeet.

Den Actiounsplang 2.0 fir d’Rechter vu Mënsche mat Behënnerung ass den 31. Dezember 2024 ausgelaf. An de leschte Méint hu mir an dräi Episoden driwwer geschwat, wat gutt gelaf ass a wou et nach Verbesserungspotential gëtt. An dësem neien Episod vum IGEL Podcast geet et ëm zwee zentral Beräicher: Educatioun an Gesondheet. De Sascha Lang schwätzt mat der Sarah Scholtes vun der Direction de la Santé an aus dem Educatiounsministère mat der Nathalie Scholtes an dem Ben Haas. Zesumme ginn d’Aktiounen analyséiert, déi aktuell ëmgesat ginn, an et gëtt och e Bléck op déi nächst Schrëtt an den nächste Jore gehäit.

Mam Mathis Finke an Ruben Goncalves schwätzen mir iwwer zwee spannend Projeten „50+1“ – ee Projet, dén d’Inklusioun am Sport stäerke soll „Paralympic Day“ den 08.11. am Rehazenter, wou 20 Sportaarten fir jidderee fir matzemaachen ugebuede ginn.