Advertise on podcast: SmartUp Podcast

بحلقة اليوم معانا سامر عساقلة، مؤسس مشروع ازادي، عازف عود ومؤسس شريك بفرقة ضربة شمس. رح يحكي لنا سامر عن خبره الشخصية في اختيار سيرته المهنية والحياتية بشكل عام. وعن كيف أسس مشروع ازادي الي فيه بقدر يساعد العديد من الاشخاص ان يتعرفوا عحالهن اكتر، شو هني بدهن بالحياة واهمية اتخاذ قرارات لتحسين وضعك الشخصي. بالاضافة رح نحكي عن كيف سامر اسس فرقة ضربة، وشو الصعوبات الموجودة بهاي الطريق. Timestamp:  00:00 | Intro and welcoming Samer 00:30 | Background about Samer 01:30 | About Azadi Project 05:05 | How to get the courage to leave what you do and start from scratch 06:30 | What are the challenges the participants in Azadi Project face 09:40 | The mindset developed in Azadi Project 11:00 | The importance of courage and inner toughness 12:20 | Fear vs Passion 13:30 | Survival mode vs Creative mode 15:30 | The musical side of Samer 17:00 | Music as a message delivery tool 18:00 | How was Darbet Shams band founded 19:30 | Time management between Azadi Project and the band 22:00 | What was harder to create, the project or the band 24:30 | Would Samer choose the project over the band or vice versa? 26:20 | The Three most important foundations to build a successful career 28:00 | The magical recipe for a successful lifestyle 30:00 | A critical look at the university 32:00 | How to know if the university suits you 33:20 | The importance of experiments 34:30 | Outro Azadi Project: https://www.instagram.com/azadiproject/ لللإستماع للحلقة على المنصات المختلفلة أو لمشاهدة الحلقة صوت وصورة, تابعوا الروابط بموقعنا الخاص https://supodcast.com/ ازا بتحبوا نستضيفكوا ابعتوا لنا مايل عبر: [email protected] شكرا على حسن الإستماع

الساعة دقت ٧:٣٠ الصبح، وانا مش قادر اقوم من التخت. لما صارت ٨، استحيت عحالي وقمت من حلم كبير عايش بقلب غرفة السكن المشترك للطلاب الجامعيين. حلم بانه خلصت اللقب، عم بشتغل بمكتب محترم، بسافر مع صحابي وعايش الحياة بملئها. بس الي خلاني اقوم هو اني تذكرت كمية الاشياء الي علي اعملها كمية الدراسة، كمية المواد وكمية الوظايف المكسورة عليّ وكمية الامتحانات الي واقفين بالدور عم بستنوني. هيك كانت اغلب اوقاتي باللقب الاول وبالاخص بفترة الامتحانات. لما كل يوم عم تشتغل بنفس الاطار، بنفس المكان ونفس الاجواء، سهل جدا تنسى شو الهدف من كل هاي المسيرة. كنت بشكل مستمر اذكر حالي انه الهدف من التعليم هو مش اني احمل لقب، انما يبني لي استقرار بحياة مليانة تخبطات. الاستقرار بالنسبة لبعض الاشخاص هو مدخول شهري ثابت وعالي عشان يغطي المصاريف، او يمكن المنصب بين الناس والمجتمع، او مجرد انك تقدر تعيش بدون ما تهكل هم ايش بدك توكل تاني يوم. والاستقرار الي كان ببالي هو شغل منيح ومضمون، واثبات لحالي اني قادر اشتغل بالمحل الي دايما كنت احبه من لما كنت صغير. وانت اكيد بتختار/ي نوع الاستقرار او الهدف الي عشانه عم تتعب هلقد وعم تشتغل وتدرس ساعات طويلة. الدراسة هي عبارة عن تضحية انت بتعملها اليوم عشان بكرة يكون مريح شوي اكتر. والدراسة مش شرط تكون لقب جامعي، ممكن تكون بحث شخصي انت عم تعملوا، او انك تشتغل بعدة انواع شغل عشان تتعلم اكتر عن كيف بمشي العالم وتشوف لوين انت ملائم. انت اليوم بتضحي بوقتك عشان يكون عندك او عندك مستقبل افضل من اليوم. في شغلتين اساسيات  بتحرك الانسان: الخوف، والشغف بالخوف انت بتتحرك لتعمل شغل معين بهدف تتحايد مصير موجود قبالك والي ازا بتعملش اشي رح يصيبك. مثال بسيط عهيك هو لما حسابك بالبنك قريب على الصفر وتبدا تبحبش على وظيفة تشتغل فيها عشان متموتش من الجوع. بينما الشغف هو لما انت مبسوط نسبيا بحياتك بس في عندك حلم ناوي توصلوا، عندك ايمان بحالك انك قادر توصله وعندك الطموح لهاد المحل. مثال لهيك هو لما تقرر تتعلم موضوع معين الي انت بتحبه لانه عندك ايمان انه هو رح يكون سبب سعادتك بالحياة وبدون علاقة للمصاري زوادتك لليوم هي انك تتعمق او تتعمقي بشو انت عم تعملي اليوم، كيف هاد الاشي عم ببني احلامك واي نوع من المحركات هو الي عم ينجح يحفزك. حسب رايي لما الواحد يبني حياته عاساس الخوف، رح يبقى بحالة خوف دائم، لانه مهما يتقدم بالحياة رح يضل يلاقي مخاوف جديدة. لكن لما الحياة مبنية على احلام عميقة والشغف هو المحرك والدافع، ساعتها حدودنا هي السماء. كان معكوا مروان بلان بحديث طالب ٢١، بتمنى لقيتو ق

مرحبا مساء الخير او صباح الخير لكل مستمع ومستمعة لحلقة ٢٠ من حديث طالب معاكوا مروان بلان. حلقتنا اليوم قصيرة ورح نحكي عن موضوع بهمني كتير وبشوف كتير ناس بتعاني منه وخاصةً مع ارتفاع الاسعار وغلاء المعيشة. لما كنت باللقب الاول كنت اشوف طلاب وطالبات كل يوم والتاني طالعة تسهر او تحضر فيلم او رايحة توكل بمطعم فاخر او تعمل شوبينغ باستمرار. وكـطلاب محدودين الدخل كلنا كنا نعرف انه هدول الشباب والصبايا عم بصرفوا على حساب اهلهن بمعظمهن. كنا نقول هدول معهن مصاري خليهن يصرفوا… فكرت انه هاي الشغلة هي مجرد ظاهرة صغيرة ورح تختفي لما يبلشوا هدول الاشخاص يشتغلوا ويعملوا مصاري بتعبهن، عاساس ساعتها رح يقدروا قيمة المصاري اكتر. لكن لما بلشت شغل، صرت اشوف هاي الاشخاص او اشخاص بشبهوهن بعدهن بتصرفوا بنفس الطريقة او حتى بشكل اسوا. بهاي الايام الشغل بالهايتك بتترجم طوالي لمعاش عالي ونمط حياة مريح. وهون المشكلة الاساسية. نمط الحياة المريح. نمط الحياة هو مجرد خليط من التصرفات الي بتميز فئة معينة من الناس. نمط حياة دكتور يختلف عن نمط حياة محامي او محاسبة او مهندسة. نمط الحياة بشمل الفعاليات الي بتروح عليها، المطاعم الي بتوكل فيها، الاواعي الي بتلبسها، السيارة الي بتسوقها، البيت الي بتسكنه ونوعية المشاوير الي بتبسطك. كل هدول بتلخصوا بسطر واحد بالمعاش: قديش صرفت مصاري هاد الشهر. الفخ الي بوقع فيه اغلب الناس هو انهن بفكروا الحياة المنيحة هي علاقة طردية بين المعاش والمصاريف: فكلما ارتفع المعاش برتفع مقابلها المصاريف. كلما ترقيت بالشغل بصير وقت اجدد سيارة او بيت او اواعي او اكل او مشاوير. فا بتلاقي انه كتير اشخاص وضعها المادي منيح ومعاشها نص نص، لكن كتير اشخاص وضعهن المادي سيء جدا ومعاشهن جدا عالي. الفخ هاد جدا خطير وواحدة من الاسلحة الي بتحميني من اني ما اوقع بهاد الفخ هي اني احدد بيني وبين حالي نمط الحياة المناسب الي بدون علاقة  لشو المجتمع بحدد. بكلمات تانية احافظ على عيشة منيحة بمستوى معيشة منيح. اليوم كمهندس ما بفرق كتير مصروفي عن لما كنت طالب او قبل ما ابدا تعليم. ومش كتير بتفرق عندي شو الناس بتفكر. كمان شغلة منتجاهلها هي التوفير. صار ازا حدا بوفر مصاري معناته بخيل وبصرفش كفاية عحاله. لا يا جماعة مش هيك، الحياة فيها كتير مشاريع الي بتتطلب تكون موفرها من قبل حتى لونك اسا مش واعيلها. ومهما كان معاشك اكيد بتقدر توفر منه. ازا بتقبض ١٠٠$ بالشهر وفر منها ازا بتقبض ٥٠٠$ وفر منها ازا بتقبض ١٠٠٠$ وفر منهن ازا بتقبض ١٠٠٠٠٠$ وفر منهن وازا عجبتك هاي الحلقة ابعتها لحدا بهمه الموضوع عشان تحكيله انك مهم

بحلقة اليوم رح نحكي عن حالة نفسية ممكن نمرّ فيها اسمها احتراق أو الاستنزاف الأكاديمي (ارهاق نفسي شديد).  رح نشرح شو بميز هاي الحالة وايش بتختلف عن ضغط نفسي بسيط؟  شو الأسباب الي بتأدي لهاي الحالة؟ كيف بنفع نتجتبها؟ وازا صارت معنا كيف نتعامل معها ونتعافى منها؟ أزا عجبتك الحلقة شاركها مع شخص بهمه الموضوع لللإستماع للحلقة على المنصات المختلفلة أو لمشاهدة الحلقة صوت وصورة, تابعوا الروابط بموقعنا الخاص https://supodcast.com/ ازا بتحبوا نستضيفكوا ابعتوا لنا مايل عبر: [email protected] شكرا على حسن الإستماع

بحلقة اليوم بتوخدنا روان بنا برحلتها المهنية والأكاديمية بعالم الهايتك من صغرها. بتحكيلنا عن الطريق, التخبطات والتحديات الي إختبرتها بمسريتها. روان هي طالبه هندسه انظمه المعلومات بتخصص علم المعلومات, لكن دائما تبحث عن التحديات وعلى كسر روتين العمل والدراسه المتعارف عليه. جزء من مواضيع الحلقة هي: أهمية إختبار عدة مجالات قبل اختيار موضوع التخصص الأكاديميالتعمق بمساقات اللقب أكثر من مجال المساق والبحث عن معلومات خارجيةكيفية الموازنة وترتيب برنامج فعال وصحيطرق للتميز في التعليم ومقابلات العملالفرق بين شهادة جامعية وشهادة من مساقات خارجيةأهمية اللقب الجامعي وغيرها...لللإستماع للحلقة على المنصات المختلفلة أو لمشاهدة الحلقة صوت وصورة, تابعوا الروابط بموقعنا الخاص https://supodcast.com/ ازا بتحبوا نستضيفكوا ابعتوا لنا مايل عبر: [email protected] شكرا على حسن الإستماع

بحلقة اليوم معنا مريانا قردحجي, طالبة سنة ثالثة مسرح ، تدرس الموسيقى اليزنطية, تطوير الصوت والفن التشكيلي. مريانا بتشاركنا من خبرتها بالفن عدة أمور ومنها: كيف بأثر الفن على حياتنا اليومية كأفرادكيفية انتاج فن راقي وهادفالصعوبات والعوائق الموجودة بمجتمعنا أمام الفنانينقدرة الفن على حل مشاكل نفسية عميقةعلاقة الفن ببناء نمط حياة متوازنكيف بقدر الفنان يعتاش مادياً من الفن وغيرها من الأمور...لللإستماع للحلقة على المنصات المختلفلة أو لمشاهدة الحلقة صوت وصورة, تابعوا الروابط بموقعنا الخاص https://supodcast.com/ ازا بتحبوا نستضيفكوا ابعتوا لنا مايل عبر: [email protected] شكرا على حسن الإستماع

حلقة قصيرة وسريعة بتحكي عن شغلة بتشغل بال كتير أشخاص بفترات متفاوتة بحياتهم. متذكر الفترة الي فيها كانو يسألوك شو بدك تصير لما تكبر؟ أي موضوع ناوي تتعلم؟ السؤال مصيري وكبير. لكن هل هو هلقد مصيري؟ هل اذا بتعلم موضوع معين انا مجبور أشتغل فيه طول حياتي؟ هاي هي النقطة الي عم بحاول أناقشها بحلقة اليوم أزا عجبتكوا الحلقة رح أصير أعمل أكتر حلقات مثلها فهيا بنا لللإستماع للحلقة على المنصات المختلفلة أو لمشاهدة الحلقة صوت وصورة, تابعوا الروابط بموقعنا الخاص https://supodcast.com/ ازا بتحبوا نستضيفكوا ابعتوا لنا مايل عبر: [email protected] شكرا على حسن الإستماع

بحلقة اليوم معنا مارون معلوف, صاحب لقب أول بالمحاماة من جامعة حيفا, لقب تاني بالقانون الدولي من جامعة فوردهام بنيويورك. حاليا عم بشتغل كضابط قانون في الأمم المتحدة بسويسرا وبكمل اللقب الثالث بنيويورك. من بعض الأمور الي حكينا عنها بهاي الحلقة هي: شو يعني قانون دولي وايش بختلف عن المحاماة العادية؟ بأي أمور بختلف قانون بدولة واحدة عن التانية؟ كيف الواحد ممكن ينتقل من لقب أول بالمحاماة من جامعة حيفا, يكمل لقب تاني وثالث بجامعة فوردهام بنيويورك وبنفس الوقت يشتغل بالأمم المتحدة بسويسرا؟ شو الشغل المتوفر لشخص متعلم قانون دولي؟ أي مجالات منقدر نتخصص فيها بالقانون بشكل عام بلقب ثاني وثالث؟ لللإستماع للحلقة على المنصات المختلفلة أو لمشاهدة الحلقة صوت وصورة, تابعوا الروابط بموقعنا الخاص https://supodcast.com/ ازا بتحبوا نستضيفكوا ابعتوا لنا مايل عبر: [email protected] شكرا على حسن الإستماع

بحلقة اليوم معنا شربل مارون صاحب لقب أول في علم السلوكيات من كلية مرج ابن عامر, لقب ثاني في ادارة الأعمال من جامعة حيفا وعم بكمل دراسة علم السلوكيات بللقب تاني. شربل اليوم خادم الحركة المريمية في الأراضي المقدسة  وبعطي مرافقة نفسية للعديد من الطلاب في التخنيون. بحلقة اليوم رح نحكي عن تحقيق الذات وعلاقته مع الموضوع الي بتتعلمه وبتشتغل فيه, ارتباط المصاري بمستوى سعادتك والأمور الصغيرة والكبيرة الي بتخليك تكون فعلا مبسوط بمسيرتك التعليمية والمهنية. بالاضافة رح نسلط الضوء على قسم من الأزمات النفسية الي بواجهوها الشباب والصبايا بالتعليم وكيف بنفع نتعامل معها. من بين هاي المواضيع هو تفشي المخدرات, الجنس والأفلام الإباحية بحياة الطلاب ومدى تأثيرها على حياتهن. لللإستماع للحلقة على المنصات المختلفلة أو لمشاهدة الحلقة صوت وصورة, تابعوا الروابط بموقعنا الخاص https://supodcast.com/ ازا بتحبوا نستضيفكوا ابعتوا لنا مايل عبر: [email protected] شكرا على حسن الإستماع

"الشغلات الصغيرة مهمة عشان نبني أشياء كبيرة" - عماد عيد عماد درس موضوع الكيمياء باللقب الأول وما أكتفى, فأكمل لقب تاني وتالت وكمان اشتغل 6 سنوات محاضر بالتخنيون اليوم رح نحكي عن موضوع الكيمياء ككل والاختلاف بينه وبين هندسة الكيمياء, شو مجالات الشغل الي كل واحد بتطلبها. بالإضافة رح يشاركنا عماد بنقاط مهمة للتعامل مع حياة الجامعة من خبرته الشخصية وكمان من مرافقته لكتير طلاب. لللإستماع للحلقة على المنصات المختلفلة أو لمشاهدة الحلقة صوت وصورة, تابعوا الروابط بموقعنا الخاص https://supodcast.com/ ازا بتحبوا نستضيفكوا ابعتوا لنا مايل عبر: [email protected] شكرا على حسن الإستماع

"شو إنت بتشوف بداخلك, هيك بتشوف العالم حواليك" هي مجرد واحدة من الجمل العميقة الي تم طرحها بحلقة اليوم  دعاء عباس - الحاصلة على لقب أول في علم الإدراك وعلم الحاسوب من الجامعة العبرية في القدس وعندها خبرة 4 سنوات كمهندسة برمجيات بشركة ميكروسوفت - بتشاركنا بالمعلومات والخبرات الي اكتسبتها في مسيرتها. حلقتنا اليوم بتتمركز حول موضوع علم الإدراك ابتداءً من تعريفه, الشغلات الي منتعلمها فيه ومجالات الشغل المتوفرة. بالإضافة لهيك بتشاركنا دعاء من خبرتها عن الأدوات الي اكتسبتها من علم الحاسوب ومن علم الإدراك,مثل تطوير طرق تفكير مبدعة ,الوصول لفهم عميق لنفسها ولكيف عقلها بشتغل عشان تقدر توصل لتحقيق ذاتها. الحلقة فيها مواضيع عديدة وعميقة وطبعا في شغلات ما لحقنا نوصلها. للتواصيل والاستفسار عن أي واحدة من النقاط بتقدروا تبعثولنا رسالة وكمان تبعثوا لدعاء على https://www.linkedin.com/in/duaa-abbas-589a1498/ [email protected] لللإستماع للحلقة على المنصات المختلفلة أو لمشاهدة الحلقة صوت وصورة, تابعوا الروابط بموقعنا الخاص https://supodcast.com/ ازا بتحبوا نستضيفكوا ابعتوا لنا مايل عبر: [email protected] شكرا على حسن الإستماع

"اذا بدك توصل سريع, امشي لحالك, اذا بدك توصل لبعيد, امشي بمجموعة" هدول جزء بسيط من شو حكت مرسيل بالحلقة. مرسيل خليفة -  الحاصلة على لقب اوّل في هندسة الحاسوب من التخنيون, اشتغلت خلال اللّقب في شركة انتل واليوم هي طالبة للقب ثاني في نفس الموضوع وعم تشتغل كمعيدة في التخنيون - بتوخدنا مشوار برحلتها التعليمية بموضوع هندسة الحاسوب أو الكهرباء وبتشاركنا بأبرز التحديات الي مرقتها بالتعليم ونصائح عديدة ومنها أهمية رفع سقف أحلامنا, تعزيز الإيمان بقدراتنا الشخصية, المثابرة لتحقيق الهدف والحفاظ على توازن سليم بين التعليم والراحة النفسية. لللإستماع للحلقة على المنصات المختلفلة أو لمشاهدة الحلقة صوت وصورة, تابعوا الروابط بموقعنا الخاص https://supodcast.com/ ازا بتحبوا نستضيفكوا ابعتوا لنا مايل عبر: [email protected] شكرا على حسن الإستماع