Advertise on podcast: Cellal Ko Ngalu

Description

Wuurugol e dow cellal e jam e aafiya, ko faale neɗɗo kala. Nokku to o woni fuu e nder dunuyaaru. Rama JALLO, jaɓɓoto e nder kaa taskaram, hertiyankooɓe cellal ngam yewtidude e maɓɓe alhaali ñawndiigu. Nawnuɓe e nawnuɓe selli e gollooɓe e fannu cellal, fuu aran ɗoo seeditoo e nder ndii njuɓɓudi. Faandaare: Ko anndingol jamaa suudu baaba holno faddortee walla rentortee ngam ɓe waawa wooraade e danndude ko’e maɓɓe. Ko hollitugol e faamingol ɓe hakkeeji maɓɓe e noone no ɓe ñawndorta. Taskaram kaa no keɗee e goorol (en direct) altineere kala e njamdi 8 silmaaji 50 Yonta Kuuɓal (TU). Himo waawaa keɗiteede e taalaataare kala e njamndi 17 silmaaji 50 Yonta Kuuɓal (TU). Hiɗon waawi tawtoreede e jeewte amen ka tonngoode WhatsApp: 00 221 76 644 12 72 Hiɗon waawi kadi jokkaade hello RFI FULFULDE ka Facebook e ka Twitter. Foofo mon, bismilla mon e tooli mon e keewal.

Unlock Cellal Ko Ngalu podcast Email contact info,
Listeners & Audience details

Email contact information

Direct podcast contact details

Listeners

Audience numbers & engagement insights

Audience details

Podcast Insights

Podcast episodes

Check latest episodes from Cellal Ko Ngalu podcast

Holno ceergal jinnaaɓe waawi battinirde e sukaaɓe mum en?

2026/04/20

Ceergal ko huunde maantiniinde e nder nguurndam resondirɓe, kono ina waawi ɓurde muusde e sukaaɓe ɓee. Batte ceergal e sukaaɓe ina keewi, ina ceerti, gila e batte hakkille haa e caɗeele jaŋde e renndo. Ibrahima NIANG

Hannde njeewtaten ko e fitinaaji pawateeɗi e rewɓe e debbaagu mum en walla e sahaa jibingol

2026/04/13

Fitinaaji faweteɗi e dow rewɓe e debbaagu maɓɓe e sahaa nde ɓe njibinata ko huunde mawnde e cellal renndo e jojjanɗe aadee e nder Afrik. Kaa ngonka addanii Fedde Adunaare Cellal teeŋtinde safrooɓe e cuuɗi cafrirɗi ngolloo e dow yurmeende, ko ɗum huunde wootere e toppitagol moƴƴol, kadi ko ɗum huunde tiiɗnde e cellal yumma e ɓiɗɗo. E hitaande 2023, fedde wi’eteende Human Rights Watch hollitii wonde 47% e rewɓe e nder fuɗnaange Afrik ina nguura ɗii fitinaaji e nder cuuɗi cafrirɗi ɗi. Ibrahima NIANG

Holko waɗi rafi gite "Myopie" ɓeydii e sukaaɓe ɓe?

2026/04/07

Ndee yontere en njeewtat ko faati e ñabbuuli gite, teeŋti noon e myopie e demngal fransiire. Nguu ñawu keewal mum ene teskaa ɓeydaade e baŋŋe sukaaɓe ɓe, sabu kuutoragol telefoŋaaji.

Autisme: Holno njeewngo ɓanndu mum lawu waawiri waylude nguurndam sukaaɓe e nder Afrik

2026/03/30

Hitaande kala, ñannde 2 lewru 4ɓuru ko ñalaande winndereyankoore ngam hirjinde ñawu wi’eteengu « Autisme »

[Taskaram fillitaaɗo] - Maale ñawu wi'eteengu ''Ulcere ''

2026/03/23

Cummu ɓernde, museeki jokkundi walla nii tuure… ɗee maale ina mbaawi hollitde ñawu “Ulcere”. Ko ñawu yiyeteengu e yimɓe ɗuɗuuɓe, kono welsindaare sahaaji. E tee so tawi ngu safraaka law, ina waawi wontude caɗeele goɗe. Heɗiiɓe tedduɓe, mi salminii mon. Ko ñawu ulseer ngaduɗen hannde altine 26 lewru 1ɓuru hitaande 2026, ndaarde: Holko addata ñawu nguu? Maale maggu? Holno nguu safrorte? E holno ngu reentorte? Ma jaabo namne men Dr Kadiatou DIALLO, hertorɗo ñabuuli reedu.

Hannde taskaram men yeewtata ko e ndee ñalaande teddindiraande ɓooƴe, e faransiire ene wi'e "rein"

2026/03/16

Hitaande kala, 12 lewru 3ɓuru ene teddiniraa ɓooƴe, rein e fransire wonannde nafaa ngal tergal e cellal neɗɗo. Ñalaande ndee yuɓɓinaama alkamiisa e yontere faltiinde ndee. Hannde e o altine 16 lewru nduu, en kaalat e rafiiji jowitiiɗe e ngal tergal. Koɗo men e yeewtere ndee ko Dr Fary KA, kertorɗo ñabbuuli keɓooji ɓooƴe woni Nephrologue

Holno "allergie" heɓtinirte e sukaaɓe?

2026/03/09

Hannde, yeewtere Cellal ko Ngallu ari ko ɗoo e suudu safrirdu sukaaɓe wi’eteendu Albert Royer . Endu tawatee ɗoo e Dakar. Addi men ɗoo, ko yeewtude e ko wi’etee ko e fransire « allergie ». Ina waawi heɓtinireede, islaali keewɗi, aasma, puyi noneeji buyi « allergie » no ngoodi. Ina teskee e mawɓe, haa e sukaaɓe. E yeewtere men hannde ko e sukaaɓe ɓee naayortoɗen. En njaɓɓoto jooni, heɗiiɓe teddube koɗo men Pr Idrissa Demba BA, cafroowo sukaaɓe kertoriiɗo kadi ñabbuuli « allergie ». Holno ɗii keɓtinirte ? Holko saabi ɗii keewi ? Kono kadi, hol cafaaje majji ?

Waɗde coftal ɓalli e lewru koorka, holko ɗum waawi battinde e cellal koorɗo o?

2026/03/02

Ko ndee toɓɓere ngadduɗen hannde altine 23 lewru 2ɓuru e yeewtere men Cellal ko Ngalu. En njaɓɓoto jooni hoɓɓe ɗiɗo. Ɓeen ko Dr Bachir Mansour DIALLO (medecin interniste) e Astel, sukka debbo baɗoowo coftal ɓalli.

Holno poɗɗen ñaamirde e holko poɗɗen ñaamde, e sahaa koorka kaa, ngam hisnude cellal men?

2026/02/23

Koorka walla suumaye ko lewru dewal Allah sanne, lewru kadi ɗo mbaylaten ñameele men. Hol no mbaawirten ñaamde ko moƴƴi e nduu lewru ngam hisnude cellal men? Gila tan e kejjaari, woni ñaamdu wenndoogo ngam fuɗɗaade koorka mum haa e kumtaari woni taƴugol koorka kaa. Holko haana ñameede e oon waktu, kadi holko haana ñameede e saha kumtaari ndii? Holko horooɓe ɓee poti reentaade ñaamde? Ngam yeewtude e ɗee naamne, en njaɓɓoto jooni Aminata DRAME, kertoriiɗo ko faati e ñaamdu.

Aforodisiyak, leɗɗe kuutortooɗe ngam welnude mbalndi hakkunde debbo e gorko, hol batte mum e cellal ?

2026/02/16

Ko ndee toɓɓere ngadduɗen altine hannde 16 lewru 2ɓuru hitaande 2026. Heɗiiɓe mi salminii on Mbismotoɗen e yeewtere men ndee ko Dr Lamarana DIALLO, kertorɗo ñabbuuli keɓteeɗi e ngonndiigu debbo e gorko.

[Taskaram Fillitaaɗo] Koorka e cellal: holko ñawuɓe jabeeti haani ñaamude saha lewru suumaye?

2026/02/09

Heɗiiɓe tedduɓe, mi salminii on! Ko e batte koorka dow cellal neɗɗo njeewtaten hannde kadi e oo altine 17 lewru 3ɓuru e yeewtere men Cellal ko Ngalu. Maa en mbiismo Dr Al Ousseynou BA, hertoriiɗo ñawu "jabet" maa mbiyen nawnaare suukaara, mbismoɗen kadi, Aminata DRAME, hertoriiɗo ñaamdu e fransire ina wi’e “Nutritioniste”.

Hannde taskaram men yeewtata ko e ñabbuuli teskateeɗi e estomac

2026/02/02

Caggal nde njeewtidɗen e Dr Kadiatou DIALLO ko fayti e ulseer, hannde e o altine 2 lewru 2ɓuru en njokkat kadin e ñabbuuli teskateeɗi e estomac, kaalen e kanseer keɓoowo ngal tergal e neɗɗo. Ndareen, holko seerndi ulseer e kanseer estomac ? Hol ɓeen yimɓe nguu ñawu ɓuri tampinde? Ngam heɓde hen ko laaɓi, en mbismoto jooni Dr Abdourahmane Djouryah DIALLO, kertorɗo ñabbuuli nder reedu

Maale ñawu wi'eteengu ''Ulcere ''

2026/01/26

Ŋakkere ndiyam to suudu safrirdu Kedougou, worgo fuɗnaange Senegal, holko ɗum waawi battinde e cellal safrotooɓe ɓe?

2026/01/19

E yeewtere men hannde, kaalaten ko e ŋakkere ndiyam teskaande to suudu safrirdu mawndu Kedougou, worgo-fuɗnaange Senegal. Ŋakkere ndeen sabiima caɗeele mawɗe e nder nduun safrirdu, haa addani safrooɓe ɓee ustude golle mum en. En njaɓoto e oo alhaali Dr Karaba DIALLO, cafroowo e nder safrirdu Kedougou. E nder ndee yeewtere kadi, Dr Lamarana DIALLO, ne artana en e caɗeele ɗe ndee ŋakkere ndiyam waawi battinde e cellal reewɓe ɓe

(Yeewtere fillitaande) Rewɓe sowiiɓe e nder nokkuuji dowri ɗii ina keewi heɓde caɗeele e sahaa jibinugol maɓɓe

2026/01/12

Jibbinde ko huunde saɗtunde, teeŋti noon e nder yoga e gure dowri. Hakkunde ŋakkeende safrooɓe wi’eteeɓe, ŋakkeende cuuɗi cafrirɗi kaanuɗi, nawde ŋarwuɗo oo gila e law to cuuɗi cafrirɗi gooɗɗi mawɗi payodinɗe, haa e tawa sarɗiiji cellal ɗoftaaka ekn..., rewɓe sowiiɓe ɓee ina ngonndi e fayre mawnde. Holno ɓee rewɓe nguurdi e ɗee caɗeele? Ko e nde toɓɓere njeewtuten hannde e Cellal ko Ngallu.