Advertise on podcast: Cellal Ko Ngalu

Description

Wuurugol e dow cellal e jam e aafiya, ko faale neɗɗo kala. Nokku to o woni fuu e nder dunuyaaru. Rama JALLO, jaɓɓoto e nder kaa taskaram, hertiyankooɓe cellal ngam yewtidude e maɓɓe alhaali ñawndiigu. Nawnuɓe e nawnuɓe selli e gollooɓe e fannu cellal, fuu aran ɗoo seeditoo e nder ndii njuɓɓudi. Faandaare: Ko anndingol jamaa suudu baaba holno faddortee walla rentortee ngam ɓe waawa wooraade e danndude ko’e maɓɓe. Ko hollitugol e faamingol ɓe hakkeeji maɓɓe e noone no ɓe ñawndorta. Taskaram kaa no keɗee e goorol (en direct) altineere kala e njamdi 8 silmaaji 50 Yonta Kuuɓal (TU). Himo waawaa keɗiteede e taalaataare kala e njamndi 17 silmaaji 50 Yonta Kuuɓal (TU). Hiɗon waawi tawtoreede e jeewte amen ka tonngoode WhatsApp: 00 221 76 644 12 72 Hiɗon waawi kadi jokkaade hello RFI FULFULDE ka Facebook e ka Twitter. Foofo mon, bismilla mon e tooli mon e keewal.

Unlock Cellal Ko Ngalu podcast Email contact info,
Listeners & Audience details

Email contact information

Direct podcast contact details

Listeners

Audience numbers & engagement insights

Audience details

Podcast Insights

Podcast episodes

Check latest episodes from Cellal Ko Ngalu podcast

Hannde taskaram cellal ko ngalu yeewtata ko e cellal rewɓe tawateeɓe e ɗii fijooji olempik

2026/10/12

Tedduɓe heɗiiɓe RFI, Taskaram Cellal ko ngalu hannde haalata ko e fijooji JOJ sukaaɓe saatinaaɗi Senegal fuɗɗoto e nder balɗe arooje. Rewɓe heewuɓe no habbaa e ɗii fijooji Olempik sukaaɓe. E oo saa’i hewuɓe e maɓɓe no heblaade ngam tawtoreede e ɗii fijooji. Ngam waawude taweede woɓɓe e ɓee rewɓe dartinay farilla maɓɓe, ɗum no wi’ee e fransire menstrues. Hannde taskaram men cellal ko ngallu ko fii ndee toɓɓere yeewtata hono ɗum waawi waɗireede, ko honɗum woni battane mum e cellal maɓɓe. Ngam yeewtude heen en njaɓoto Dr Taibou BARRY hertorɗo Cellal rewɓe ɗum no wi’e e fransire Gynecologue. Kono ado Dr Taibou BARRY e Julaya Dabone, jooɗiiɗo Cote d’ivoire. Oo fijoowo judo kiɗɗo koddiwarnaajo tawanooɗo fijooji Olempik Tokyo, Rio e Paris. Banndiraaɓe ko nii woni mbaadi taskaram men hannde

Ko holno ɓee atletɓe tawtorteeɓe e ɗii fijooji Olempik sukaaɓe haani hebloraade? Dr Thierno Abas KA no jaaboo ngal lamndal

2026/10/05

Hannde toɓɓere men no yewta fii ngoo foolotiro sukaaɓe ‘’ JOJ ‘’ ko saatinaa Dakar e nder balde arooje . Sukaaɓe fiijooɓe ko ɓuri ujunaaji ɗiɗi tawe e ngoo foolotiro adunayankoowo . ɗi fuɗoto ñande 31 nduu lewru . Ko honno ɓe fijooɓe haani heblorade ? ko honɗum woni nafa mun ? Ngam yewtude fii ndee toɓɓere en jaɓoto Mamadou DIALLO , g’ooto taweeɓe e ɗii fijooji Olympic wonɗo Tambakounda ka fuɗnaange Senegal . En jaaɓoto kadi Dr Thierno Abas KA ñawndoowo e banŋe coftal-ɓalli ngam yewtuɗo fii ko honno fijoowo ngoo foolotiro haaniri heblaade . Bandiraaɓe ni woni mbaadi taskaram men cellal ko ngallu .

Hol battane e cellal, ɓee foofooɓe cuurki simme hayi so tawi ɓe cimmaaki?

2026/09/28

Tedduɓe heɗiiɓe RFI fulfulde mi salminii on bismilla mon ka taskaram men Cellal ko ngallu. Hannde toɓɓere men no yeewta fii foofooɓe curki simme tawa ɓee njaawintaa. Ɗum no wi’ee tabagisme passif e fransiire. Tuugnaade witto ngo ndu salndu wittiyankooru jooɗiindu Angleterre, Lancet Public Heath waɗi e nder hitaande 2023, ko ɓuri miliyaaruuji ɗiɗi yimɓe jooɗike takko simmotooɓe, e heen sukaaɓe miliyon 767 ɓe ɗuuɓi mun timaa 14. E heen sukaaɓe ko ɓuri miliyon 5 heɓii ñawnaare joppe. Witto ngoo hollii wonnde miliyon gooto e ujunnaaji teemeɗɗe jeego maayu sabu ko ɓe foofi curki simme. Ko honɗum ɗum battinta e cellal men? Ko pehe honɗe haanuɗen ƴettugol fii hiwugol hoore men. Ngam yewtude heen hiɗen njaɓɓii Dr Oumou Hawa DIALLO, ñawndoowo, hertorɗo ñabbeeli joppe jooɗiiɗo Conakry.

Tampere duumiinde woni toɓɓere taskaram men hannde Cellal Ko Ngalu

2026/09/21

Heen sahaaji, neɗɗo ina waawi tinude tampere duumiinde e nder ɓanndu makko. Maale ndeen tampere ina waawi wonde, angal firtaade ɓanndu neɗɗo o so ummiima, walla nii caɗeele e deƴere hakkille, e geɗe goɗɗe. Taskagol ɗeeɗoo maale fof e ɓanndu ina waawi addude batte e wellitaare e cellal neɗɗo o. Ko ɓuri heewde e sabaabu tampere duuminde e ɓanndu no ummori e mooftude ronkeendi heewndi e ɓanndu mum. Yeewtere men ndee Yontere faati ko e sabaabuuji e batte ɗee ɗoo caɗeele e cellal ɓanndu wonɗe e tampinnde yimɓe heewɓe. Ngam yeewtidde heen Habib Diao bismii ko Doktoor Ben Youssouf Keita Safroowo Ginenaajo.

Holko woni ñawu "Diphterie"?

2026/09/14

E ndee yontere eɗen yeewta ko faati e Diphtérie. Ñawu keewɗo tampinde yimɓe ɓee teeŋti noon e sukaaɓe ɓee. Ko booyaani tan, to Nigéria ñawu nguu wari ton ko ɓuri yimɓe cappanɗe jowi. Ɗoo e Sénégal, hay fotaani yontere ko ɓuri yimɓe noogas kadi keɓii ñawu nguu. Holko woni maale nguu ñawu? Ko honno nguu raaɓirta? Holko woni peeje ngam háɓaade ngu? Ko ɗee woni naamne ɗe Dr Thierno Taibou Diallo, safroowo ginenaajo tawaaɗo e waɗooɓe ŋeese/pesooje/marke to Guinée, jaabotoo e nder taskaram men hannde......Habib DiaoKo honno nguu raaɓirta? Holko woni peeje ngam háɓaade ngu? Ko ɗee woni naamne ɗe Dr Thierno Taibou Diallo, safroowo ginenaajo tawaaɗo e waɗooɓe ŋeese/pesooje/marke to Guinée, jaabotoo e nder taskaram men hannde......Habib Diao

Maɓɓo maa durmo ko rafi jawaaɗo kono muusɗo, ko ɗum woni toɓɓere men hannde e kaa taskaram Cellal Ko Ngalu

2026/09/07

Ndee yontere, eɗen njeewta ko faati e maɓɓo, ɓuraa anndireede grippe e faransiire. Ko ñawu heewngu heɓtaade e sahaa ndunngu. Maɓɓo ina adda caɗeele keewɗe e nder winndere nde, haa teeŋti noon e leyɗeele pamarɗe doole hono ɗe men ɗee. Ngam yeewtude heen Habib Diao yeewtidii e doktoor Daouda Thioub cafrowo to suudu safrirdu ndu Fann ɗoo e Dakaar.

Toɓɓe yeewtere hannde arti ko e peeje poɗɗe daɗɗeede ngam haɓde e ñawu jontinooje woni "Paludisme"

2026/08/31

E oo ɗoo sahaa ndungu, ñabbuuli keewɗi ina tampina yimɓe ɓee, teeŋti noon e hoɗɓe e nokkuuji dowri ɓee. Ina jeyaa e ɗiin ñabbuuli ñawu jontinooje woni palusdisme. Oo rafi ina adda caɗeele mawɗe e nder Afrik. Toɓɓere ndee yontere ina yeewtida e sabaabuuji e batte oo ɗoo rafi, kam e peeje ceertuɗe ɗe potɗen huutoraade ngam haɓaade ɗum no haanirta nii. Ngam yeewtude heen, Habib Diao ina njaɓɓii, hannde, Doktoor Alhousseynou Sall, ganndo ko faati e mborosaaji e wiɗtoowo, jooɗiiɗo to Canada.

[Taskaram fillitaaɗo] - Cellal: hiɗen jaɓɓii Pr. Ibrahima Sory Barry, jannginoowo e iniwersite Guine ko yewta en fii toppitagol so'aango ɓernde

2026/08/24

Heɗiyankooɓe rfi Fulfulde, bismilla mooon e oo taskaram men Cellal ko ngallu. Toɓɓere men no fawi e dillere ɓernde, weltaare ɓurtunde walla tikkere yawtunde, ɗum hino wi’e e faransiire Emotion. Si weltaare walla tikkere ɓurti, no waawi addude rafi cellal, woɓɓe yana faɗɗe, woɓɓe yana maaya. Laton balon no tawa e ko dillinta ɓernde. E oo saaha non hiɗen e deesewal fuku-koyngal adunaaru. Yiɗɓe balón heewɓe hino weltoo walla seytina sabu polgu walla waasere polgu kippu maɓɓe. Ngam yewtugol annda ko holno neɗɗo haani bammbirde ɗiɗɗal mun hara o heɓaali nawnaare, walla caɗeele goɗɗe, Ibrahima Timbi Bah hino jaɓɓi Profeseerjo mawɗo, jannginoowo iniwersite Guinée. Oon ko prof Ibrahima Sory Barry, ñawndoowo ɓernde, no wi’e kardiolog. Heɗoɗen

[Taskaram fillitaaɗo] - Battane yiɗde ranwinde ñiiƴe mum tawo wonaa to doktoor keertoriiɗo ɗeen baɗe

2026/08/17

Ranwingol ñiiƴe, ko huunde nde yimɓe keewi waɗde taw ɓe njahata ko e cuuɗi ɗi ngonaa cafrirɗi, moƴƴinooji ɗeen golle. E ɗum, ɗo e Senegal, salndu safrooɓe ko faati e cellal ñiiƴe mbaɗi heen jeertinooje. E yeewtere men Cellal ko Ngalu, hannde ndee kaalaten ko e caɗeele gonɗe e ranwinde ñiiƴe mum taw wonaa to doktoor keertoriiɗo ɗeen baɗe. Holko ɗum waawi battinde e cellal neɗɗo oo ? Njeewtiɗten e ndee toɓɓere ko e Dr Rougui BALDE, cafroowo ñiiƴe.

[Taskaram fillitaaɗo] - Hannde taskaram men yeewtata ko e ñabbuuli teskateeɗi e estomac

2026/08/10

Caggal nde njeewtidɗen e Dr Kadiatou DIALLO ko fayti e ulseer, hannde e o altine 2 lewru 2ɓuru en njokkat kadin e ñabbuuli teskateeɗi e estomac, kaalen e kanseer keɓoowo ngal tergal e neɗɗo. Ndareen, holko seerndi ulseer e kanseer estomac ? Hol ɓeen yimɓe nguu ñawu ɓuri tampinde? Ngam heɓde hen ko laaɓi, en mbismoto jooni Dr Abdourahmane Djouryah DIALLO, kertorɗo ñabbuuli nder reedu

[Taskaram fillitaaɗo] - Holko woni ñawu "Drepanocytose"?, Pr Indou Deme LY ene yeewtana en alhaali oo rafi

2026/08/03

Yeewtere Cellal ko Ngala, yeewtata hannde ko ñawu wi'eteengu "Drepanocytose", jaaliingu sanne e nder Afrik. Holko woni nguu ñawu? Holko ngu waawi battinde e dafaaɗo o? Holno ngu safrorte? Njeewtitten ko e Pr Indou Deme LY...

[Taskaram fillitaaɗo] - Hannde eɗen njeewta ko faati e Jabet, ñawu sariingu e winndere nde

2026/07/27

Jabet ko ñawu yaajngu e nder winndere ndee. E nder Afrik tan ko ɓuri yimɓe 24 miliyoŋ no ngonndi e ñawu ngu. Ko ñannde aljuma ɓennuɗo o, woni 14 lewru ndu hono no woowiri n hitaande kala e ndu lewru 11ɓuru, oo ñalawma ina heertananaa ñawu jabet. Hol caɗeele gooɗɗe ngam haɓaade ñawu nguu? Hol no ñawɓe ɓe e ɓesnguuji mum en nguurdi e ɗeen caɗeele? Holno doktoreeɓe ɓe ngoni e jagganorde ɓe? Ko ɗum njeewtaten hannde e taskaram men Cellal ko Ngallu, e oo altine 17 lewru 11ɓuru.

[Taskaram fillitaaɗo] "Bilharziose" ko ñawu heɓateengu e beeli ndiyam, engu teska e nder yoga e gure e nder falnde Podor

2026/07/13

Yeewtere men Cellal Ko Ngallu, nawi en hannde ko to Thille Boubacar e Thiangaye. Ɗee gure ɗiɗi no tawe e nder falnde Podor, diiwaan Saint-Louis, rewo Senegal. Ina teskaa ɗoon ñawu wi’eteengu "bilharziose", nde tawno ɗeen gure ina ɓatti walla ina takki maayo. Ñawu nguu noon ɓuri teskeede ko e sukaaɓe e yimɓe golloɓe e majje walla ɓulli ndiyam. Hay so tawi no waɗe oorngal jeertino e sahaa kala ngam haɓaade e reentinde nguu ñawu "bilharziose", engu jokki. Holko waɗi ɗum? Holno yimɓe ɓee kaani reentiraade nguu ñawu? Ko ɗum woni ko njeewtuten hannde e Cellal ko Ngallu. Ngadotoɗen jaɓaade ko Adama Sy, suka taweteeɗo e nder wuro Thille Boubacar, gonnduɗo e nguu ñawu "bilharziose", wonndude e neene makko Adama Sall. Nguu ñawu kadi, ina jaali to Thiagaye, ɗo woɗɗaani Thille Boubacar. Toon en njiydii e Dr BA.

[Taskaram fillitaaɗo] Toɓɓere Cellal Ko Ngalu hannde ko ñabbuuji keewɗi jeebaaɗi, innirteeɗi "Maladies Tropicales Négligées"

2026/07/06

Banndiraaɓe sehilaaɓe heɗotooɓe RFI Fulfulde e rewindiiɓe yeewtere Cellal ko ngalu, on calminaama, on manaama. Bisimilla mon e ndee toɓɓere hesere. Hannde altine, 8 lewru 9ɓuru, en njeewtat e ɗiin ñabbuuli keewɗi kono jebaaɗi, ɓurɗi waawde teskeede e nokkuuji dowri ɗii, ɗi mbi’etee e farayse ko Maladies Tropicales Négligées. Holko woni ɗiin ñabbuuli? Holno ɗi kaɓortee? Mbele ko ɗi daaɓooji? Maa en keɓ heen faamamuya jooni, yahdude e koɗo men woni Doctoor Aamadu Daay JALLO, ko kumpitiiɗo ɗii ñabbuuli

Ngam heblanaade ndunngu, en njeewtat hannde e ñawu jontinooje

2026/06/29

Banndiraaɓe, musiɓɓe tedduɓe, ndunngu nana ara, hoto mo yahdi heen. Mo wiyi ndunngu, wiya toɓooli, kuɗooli e ɓowɗi. Ɗum ina heewi saabaade ñabbuuli hono no ñawu jontinooje woni Paludisme. Yeewtere men hannde ko e ndee toɓɓere artata. Ngam jumpude e ndee toɓɓere, en njeewtidat e Hadi Lih, ko cafroowo gonɗo to suudu safrirdu ndu Matam. Eɗen njogii gooto e heɗiyankooɓe men jogiiɗo naamne faade e oo rafi jontinooje. Oon ko Coumba Dia, noddoowo en to Nouakchott, leydi Mauritanie.