Advertise on podcast: Cellal Ko Ngalu

Tedduɓe heɗiiɓe RFI Fulfulde, ko e dow weltaare mi woni tawtude hannde kadi fii yewtugol ko faati e cellal. Hande toɓɓere men no yowiti e nguu ñawu Hepatite. Tuggaade e limmoore OMS, nduu salndu ONU toppitiindu fii cellal yimɓe miliyonji 287 no wonndi e nawnaare e hepatie e hitaande 2024. Ko honɗum woni ndee nawnaare, ko honno ndee raaɓirta, ko pehe honɗe haanuɗen ƴettude fii hiwugol hoore meeɗen . Ngam yewtude fii ɗee toɓɓe en jaɓoto Dr Abdouramane Diouria DIALLO ginenaajo hertorɗo nguu ñawu. Wano woniri non, en heɗoto yiyanɗe yoga e mon ko faati e ndee nawnare. Ko nii woni mbaadi oo taskaram men hannde . Bismilla mon taskaram

Tedduɓe heɓiiɓe RFI Fulfulde mi salminii on miɗo laamndo si hiɗon e jam. Bismilla mon ka taskaram men Cellal ko ngalu. Hannde, oo taskaram men no yeewta fii nguu ñawu gite woɓɓe no noddira ɗum ñabaa walla appolo. Nguu ñawu gite taskaama e yoga e leyɗeele hirnaange Afrik, wano Senegal, Mali. Ko honɗum saabotoo nguu ñawu, ko honno ngu ñawndirtee.   ko honno waawetee hiwude hooree men nguu ñawu ngam faamugol alhaali nguu ñawu, e oo taskaram en jaɓɓoto Dr Mamadou Oury BARRY ginenaajo heertorɗo ñabbeeli gite, ɗum no wi’ee Ophtalmologue. Kono ado en jaɓɓaade koɗo men on, en heɗoto yiyannde yoga e mon ko faati e nguu ñawu muusu gite. Ko nii woni mbaadi oo taskaram men cellal ko ngallu. Mamoudou Diallo

Tedduɓe heɗiiɓe RFI fulfulde mi salminii on miɗo lamndoo si hiɗon e jam. Hannde taskaram on no yewta fii nguu ñawu Ebola .Gila lewru 5ɓuru feƴƴundu ngu ñawu yi’aaama RD Congo . Nokkuure ko yi’aa e yimɓe ko ɓuri ujunaaji 9, e hen ko ɓuri ujunaji 4 yimɓe waasii pittalli maɓɓe e wi hooreeɓe CDC nduu salndu ngal dental UA kippundu fii cellal a nder duunde Afrik .Caggal RDC nguu  y’iaama Kenya, Ouganda . Jooni kadi ngu hewtii Nigeria e nder ndee falnde hirnaange Afrik e deɓɓo iwɗo Ouganda. Ko honɗum woni nguu ñawu Ebola ? Ko honno waaweten hiwude hoore men ko faati e nguu ñawu? Caggal nde nguu ñawu yi’aa Nigeria, lamndal, ngal taw si ɗee leyɗeele Afrik no heblanii fii sakkagol nguu ñawu fii wotta ngu layu? Ngam yewtude fii ndee toɓɓere hiɗen jaɓɓi Dr Alpha Mamoudou BARRY , ginenaajo herto ñabbeeli raaɓayɗi .Ado makko e heɗoto jantoore nde  oo nultondiraaɗo RFI Fulfulde wonɗo Nigeria waɗani en. Ko nii woni mbaadi taskaramen  hannde .

Bismilla mon ka taskaram men cellal ko ngalu. Hannde toɓɓere men no yewta fii ndee ñawnaare Cancer enndu ɗum no wi’ee e fransire cancer du sein. Wano anndirɗon no nduu lewru, ko waktu e nder adunaruu mo pehe fii haɓugol nguu ñawu yewtetee.   Ɗum no innee Octobre Rose. Tugaade OMS nduu salndu ONU toppitiindu fii cellal e nder adunaru ndun e hitannde 2024 ko ɓuri miliyonji ɗiɗi yimɓe no wonndi e cancer. Kadi ko ɓuri ujunaaji 600 yimɓe waasii pittaali maɓɓe sabu ñawu ngun e wi OMS. ko honno waawirten danndirde hoore men e nguu ñawu? Si ngu nanngii en, ko honɗum haanuɗen waɗude? Ngam yeewtude fii ndee toɓɓere hiɗen jaɓɓii Dr Alaye BA oo Malinaajo heertorɗo ngu ñawu cancer. Bandiraaɓe Bismilla mon.

Tedduɓe heɗiiɓe RFI, Taskaram Cellal ko ngalu hannde haalata ko e fijooji JOJ sukaaɓe saatinaaɗi Senegal fuɗɗoto e nder balɗe arooje. Rewɓe heewuɓe no habbaa e ɗii fijooji Olempik sukaaɓe. E oo saa’i hewuɓe e maɓɓe no heblaade ngam tawtoreede e ɗii fijooji. Ngam waawude taweede woɓɓe e ɓee rewɓe dartinay farilla maɓɓe, ɗum no wi’ee e fransire menstrues. Hannde taskaram men cellal ko ngallu ko fii ndee toɓɓere yeewtata hono ɗum waawi waɗireede, ko honɗum woni battane mum e cellal maɓɓe. Ngam yeewtude heen en njaɓoto Dr Taibou BARRY hertorɗo Cellal rewɓe ɗum no wi’e e fransire Gynecologue. Kono ado Dr Taibou BARRY e Julaya Dabone, jooɗiiɗo Cote d’ivoire. Oo fijoowo judo kiɗɗo koddiwarnaajo tawanooɗo fijooji Olempik Tokyo, Rio e Paris. Banndiraaɓe ko nii woni mbaadi taskaram men hannde

Hannde toɓɓere men no yewta fii ngoo foolotiro sukaaɓe ‘’ JOJ ‘’ ko saatinaa Dakar e nder balde arooje . Sukaaɓe fiijooɓe ko ɓuri ujunaaji ɗiɗi tawe e ngoo foolotiro adunayankoowo . ɗi fuɗoto ñande 31 nduu lewru . Ko honno ɓe fijooɓe haani heblorade ? ko honɗum woni nafa mun ? Ngam yewtude fii ndee toɓɓere en jaɓoto Mamadou DIALLO , g’ooto taweeɓe e ɗii fijooji Olympic wonɗo Tambakounda ka fuɗnaange Senegal . En jaaɓoto kadi Dr Thierno Abas KA ñawndoowo e banŋe coftal-ɓalli ngam yewtuɗo fii ko honno fijoowo ngoo foolotiro haaniri heblaade . Bandiraaɓe ni woni mbaadi taskaram men cellal ko ngallu .

Tedduɓe heɗiiɓe RFI fulfulde mi salminii on bismilla mon ka taskaram men Cellal ko ngallu. Hannde toɓɓere men no yeewta fii foofooɓe curki simme tawa ɓee njaawintaa. Ɗum no wi’ee tabagisme passif e fransiire. Tuugnaade witto ngo ndu salndu wittiyankooru jooɗiindu Angleterre, Lancet Public Heath waɗi e nder hitaande 2023, ko ɓuri miliyaaruuji ɗiɗi yimɓe jooɗike takko simmotooɓe, e heen sukaaɓe miliyon 767 ɓe ɗuuɓi mun timaa 14. E heen sukaaɓe ko ɓuri miliyon 5 heɓii ñawnaare joppe. Witto ngoo hollii wonnde miliyon gooto e ujunnaaji teemeɗɗe jeego maayu sabu ko ɓe foofi curki simme. Ko honɗum ɗum battinta e cellal men? Ko pehe honɗe haanuɗen ƴettugol fii hiwugol hoore men. Ngam yewtude heen hiɗen njaɓɓii Dr Oumou Hawa DIALLO, ñawndoowo, hertorɗo ñabbeeli joppe jooɗiiɗo Conakry.

Heen sahaaji, neɗɗo ina waawi tinude tampere duumiinde e nder ɓanndu makko. Maale ndeen tampere ina waawi wonde, angal firtaade ɓanndu neɗɗo o so ummiima, walla nii caɗeele e deƴere hakkille, e geɗe goɗɗe. Taskagol ɗeeɗoo maale fof e ɓanndu ina waawi addude batte e wellitaare e cellal neɗɗo o. Ko ɓuri heewde e sabaabu tampere duuminde e ɓanndu no ummori e mooftude ronkeendi heewndi e ɓanndu mum. Yeewtere men ndee Yontere faati ko e sabaabuuji e batte ɗee ɗoo caɗeele e cellal ɓanndu wonɗe e tampinnde yimɓe heewɓe. Ngam yeewtidde heen Habib Diao bismii ko Doktoor Ben Youssouf Keita Safroowo Ginenaajo.

E ndee yontere eɗen yeewta ko faati e Diphtérie. Ñawu keewɗo tampinde yimɓe ɓee teeŋti noon e sukaaɓe ɓee. Ko booyaani tan, to Nigéria ñawu nguu wari ton ko ɓuri yimɓe cappanɗe jowi. Ɗoo e Sénégal, hay fotaani yontere ko ɓuri yimɓe noogas kadi keɓii ñawu nguu. Holko woni maale nguu ñawu? Ko honno nguu raaɓirta? Holko woni peeje ngam háɓaade ngu? Ko ɗee woni naamne ɗe Dr Thierno Taibou Diallo, safroowo ginenaajo tawaaɗo e waɗooɓe ŋeese/pesooje/marke to Guinée, jaabotoo e nder taskaram men hannde......Habib DiaoKo honno nguu raaɓirta? Holko woni peeje ngam háɓaade ngu? Ko ɗee woni naamne ɗe Dr Thierno Taibou Diallo, safroowo ginenaajo tawaaɗo e waɗooɓe ŋeese/pesooje/marke to Guinée, jaabotoo e nder taskaram men hannde......Habib Diao

Ndee yontere, eɗen njeewta ko faati e maɓɓo, ɓuraa anndireede grippe e faransiire. Ko ñawu heewngu heɓtaade e sahaa ndunngu. Maɓɓo ina adda caɗeele keewɗe e nder winndere nde, haa teeŋti noon e leyɗeele pamarɗe doole hono ɗe men ɗee. Ngam yeewtude heen Habib Diao yeewtidii e doktoor Daouda Thioub cafrowo to suudu safrirdu ndu Fann ɗoo e Dakaar.

E oo ɗoo sahaa ndungu, ñabbuuli keewɗi ina tampina yimɓe ɓee, teeŋti noon e hoɗɓe e nokkuuji dowri ɓee. Ina jeyaa e ɗiin ñabbuuli ñawu jontinooje woni palusdisme. Oo rafi ina adda caɗeele mawɗe e nder Afrik. Toɓɓere ndee yontere ina yeewtida e sabaabuuji e batte oo ɗoo rafi, kam e peeje ceertuɗe ɗe potɗen huutoraade ngam haɓaade ɗum no haanirta nii. Ngam yeewtude heen, Habib Diao ina njaɓɓii, hannde, Doktoor Alhousseynou Sall, ganndo ko faati e mborosaaji e wiɗtoowo, jooɗiiɗo to Canada.

Heɗiyankooɓe rfi Fulfulde, bismilla mooon e oo taskaram men Cellal ko ngallu. Toɓɓere men no fawi e dillere ɓernde, weltaare ɓurtunde walla tikkere yawtunde, ɗum hino wi’e e faransiire Emotion. Si weltaare walla tikkere ɓurti, no waawi addude rafi cellal, woɓɓe yana faɗɗe, woɓɓe yana maaya. Laton balon no tawa e ko dillinta ɓernde. E oo saaha non hiɗen e deesewal fuku-koyngal adunaaru. Yiɗɓe balón heewɓe hino weltoo walla seytina sabu polgu walla waasere polgu kippu maɓɓe. Ngam yewtugol annda ko holno neɗɗo haani bammbirde ɗiɗɗal mun hara o heɓaali nawnaare, walla caɗeele goɗɗe, Ibrahima Timbi Bah hino jaɓɓi Profeseerjo mawɗo, jannginoowo iniwersite Guinée. Oon ko prof Ibrahima Sory Barry, ñawndoowo ɓernde, no wi’e kardiolog. Heɗoɗen

Ranwingol ñiiƴe, ko huunde nde yimɓe keewi waɗde taw  ɓe njahata ko e cuuɗi ɗi ngonaa cafrirɗi, moƴƴinooji ɗeen golle. E ɗum, ɗo e Senegal, salndu safrooɓe ko faati e cellal ñiiƴe mbaɗi heen jeertinooje. E yeewtere men Cellal ko Ngalu, hannde ndee kaalaten ko e caɗeele gonɗe e ranwinde ñiiƴe mum taw wonaa to doktoor keertoriiɗo ɗeen baɗe. Holko ɗum  waawi battinde e cellal neɗɗo oo ? Njeewtiɗten e ndee toɓɓere ko e Dr Rougui BALDE, cafroowo ñiiƴe.

Caggal nde njeewtidɗen e Dr Kadiatou DIALLO ko fayti e ulseer, hannde e o altine 2 lewru 2ɓuru en njokkat kadin e ñabbuuli teskateeɗi e estomac, kaalen e kanseer keɓoowo ngal tergal e neɗɗo. Ndareen, holko seerndi ulseer e kanseer estomac ? Hol ɓeen yimɓe nguu ñawu ɓuri tampinde? Ngam heɓde hen ko laaɓi, en mbismoto jooni Dr Abdourahmane Djouryah DIALLO, kertorɗo ñabbuuli nder reedu

Yeewtere Cellal ko Ngala, yeewtata hannde ko ñawu wi'eteengu "Drepanocytose", jaaliingu sanne e nder Afrik. Holko woni nguu ñawu? Holko ngu waawi battinde e dafaaɗo o? Holno ngu safrorte? Njeewtitten ko e Pr Indou Deme LY...