Advertise on podcast: Dinngiral rewɓe

Fedde oms anndinii fodde rewɓe 135 no hasii mbaasa yonkiiji muɓɓen ɗo e hitaannde 2040 ɗo Afrik ɓaleeri so dabare heɓaaka e wii fedde OMS taweeni haddu leyɗe 5 ley 47 ɗo Afrik tawraa program ƴeewgol ñawu ngu ko noddirtee depistage.Haddu leyɗe ɗiɗi tawraa du suudu sawrirdu kanser timmundu

Hannde oo taskaram men Dinngiral Rawɓe hino e fawi e keeweendi ceerle e nder leydi Sénégal. Si em tuugike e wiɗtooji yaltinaaɗi, lewru kala ko gendiiɓe teemeɗɗe woni e seedude. Ko ɓuri hewde kon, ko rewɓe ɓeen woni e ƴamude walla laamndaade ɗeen ceerle. Hol saabii ɗum ? Hol battane ɗeen ceerle jogii e rendo ngoo? Ibrahima Niang hino jáɓɓii Woppa Diallo, daraniiɗo rawɓe, hertorɗo Sariya e Rabi Seydou Diallo, Renndoyankeejo. Heɗoɗen.

Hannde yeewtere nden no fawii e battane sattere guuree dow gurdam rewɓe ɓen to galleeji, coggeeli kuuje soodeteeɗe moƴƴiree neema. En puɗɗiran heɗaade konnguɗi maɓɓe e luuɓe (jeere) to tawuɗen ɓe e soodude somayji/maafe. Caggal ɗum en jaɓɓoto koɗo men hannde Aminata Barro hooreejo fedde heedanoore rewɓe bange cogguuji e ko kuutortoo.

Toɓɓere men hannde no yowii e debbankaaku,no ɗum sifoorii hannde e leyɗe men,laawi mum e ko ɗum nafi.Yidde faamu majjum ,en njaɓɓoto renndiyanke ɗum woni Sociologue, Rabi Seydi DIALLO.Fadde men e heɓude jaabu lamnde e juuɗe makko ,en calminan sakiraaɓe men yoga wadduɓe ji'anɗe muɓɓen e ndee toɓɓere.Naaten e yeewtere ndee!

E jokkitaade jeewte men fawiiɗe e fowtagol rewɓe wakkati ɓeynugol, hannde ko no ɓe koytortoo (fuɗɗitortoo) golle maɓɓe caggal nde ɓe ndañi cukaloy maɓɓe.  So ɗum balɗe  maa so lebbi tiiɗorma no waawi wonnde e wartugol debbo e gollal mum sarwiisi caggal ɓeynugol. No o haani heɓinnoraade, ngale ballal o haani waɗaneede, ɗee tinndinooje mbaawi wallude o, laawi ɗiye o jeyi jokkude. Ɗee lamnde kumpitotoɗen e jaabu koɗo men Fatoumata DIOP Sow. Fadde ɗum en keɗoto debbo jogiiɗo cukalel pamarel e no o tamborii haybu suka makko e gollal makko.

E nder doŋre Afrik, debbo so jibinii ina heɓa fooftere golle mum hakkunde jonte 14 e jonte 16. Kono yoga e leeyɗeele njottaaki ɗoon. To Tunisie, ko jonte 4, to Guinee-Bissau, ko jonte 8. Leyɗeele keewɗe ndonkii waɗde no Senegal e Cote d'Ivoire ngam ɓeydude ndee fooftere rewɓe jibinɓe. Holko saabii ɗum? Ko ɗum woni toɓɓere yeewtere men hannde

E yeewtere men hannde iɗen njeewta e footugol rewɓe gollooɓe sowiiɓe/ haamiliiɓe,tedduɓe maa mbi'e tan reeduɓe. E leyɗe men Afrik na won to din pootiri ɓurataa lewru maa lebbi ɗiɗi e so heewde lebbi 3.Hannde Senegal tawtii Kodiwaar e leyɗe diwuɗe.Footugol rewɓe gollooɓe reeduɓe ƴuwii e jeɗɗiije 14 hewtude jonte 18 ɗo Senegal.Ɗum suudu depiteeɓe leydi ndi wooti e darorɗe jeetaɓurdu faltiinndu.Daraniiɓe gollooɓe no ƴamunoo fodde lebbi 6. Wartude e ndee toɓɓere en njaɓɓoto koɗo men hannde Fatoumata Bintou Yaffa ,hooreejo fedde daraniinde hakkeeji rewɓe Senegal gollooɓe RENAFES,.En keɗoto rewɓe yoga jaɓuɓe hollitinde yi'annde muɓɓen e battane ko ɗum hasii tawreede dow rewɓe gollooɓe leydi ndii.

Tedduɓe heɗiiɓe rfi fulfulde, bisimila-mon e yewtere men dinngiral rewɓe. Toɓɓere yewtere ndee hannde, ana haala fii alhaali rewɓe ɓamtiiɓe e jawdi e nder dewle maɓɓe. Eɗen anndi, rewɓe heewɓe wonɓe e dewle ana ngolla, woɗɓe ana ngaɗa njeeygu, ngam heɓude kalalis e wallitaade cuuɗi maɓɓe. Hono yiruɗon ɓee rewɓe, yalla ngal ballal jawdi ngal ngaɗata e dewle, cuuɗi maɓɓe ana waawi lataade sabaabu, ŋotude toraaji ngaɗeete e dow maɓɓe. Yalla ɗun ana wadda mbelamma hakkunde worɓe e rewɓe ɓe e ley galleeji. E yewtere ndee hannde, eɗen njaɓi Mme Doucouré Asmaou BAH, ardiiɗo kala ko faati e tourisme kañun e hotaali e nder Gine. Ko kanko woni koɗo men hannde. Yeewtere ndee joɗɗike bisilamon e heɗaade

Tedduɓe heɗiiɓe rfi fulfulde, bisimila-mon e yeewtere men dinngiral rewɓe. Toɓɓere yewtere ndee hannde, ana haala fii heɓude rewɓe ɓe ngalaa e dewle, na mbiyen ɓe ɓamaaka law. Eɗen anndi on alhaali ana taska e renndo ngo ko ɓooyi e nder leyɗe men. Ɓee rewɓe ana ngonndi e caɗeele mawɗe, saabi noneeji haalaaji keewɗi ana haale e dow maɓɓe, konngi ɓuri manude woni, ɓe rewɓe yiiɗa dewle, ko ɓe suɓotooɓe ? woɓɓe ɗun ana laato sabaabu rafi paamondiral e koreeji maɓɓe. Holko saabi renndo, ana yiiri ɓe rewɓe no haana ? ko haani waɗeede ngam ɗowtude ɓe rewɓe wonɓe e on alhaali. Hannde e yeewtere ndee, njaɓɓiɗen ko Dr Halima Diallo, oo sociologue maa mbiyen renndoyanke, jannginoowo to duɗal jaaɓi-haattirdi Cheikh Anta Diop Dakar. Yeewtere ndee joɗɗike. Bisimilla mon e heɗaade.

Tedduɓe heɗiiɓe rfi fulfulde, bisimila-mon e yewtere men dinngiral rewɓe. Toɓɓere yewtere ndee hannde, ana haala fii alhaali teŋe dewgal, wonɓe biyan cabbirɗi. Oo fina tawa gonɗo leyɗe men, ko huunde teddunde sanne, rokkude ɗee teŋe woni fuɗɗode dewgal.   Duuɓi ƴaɓɓiiɗi ɗi, ɗii cabbirɗi ana tiiɗuno, ka jooni ɗun warti wasodirgol, moni kala ana yiɗi wiye kañun ɓuri hokkude jawdi teeŋti e kaalisi teŋe dewgal. Yalla so oo aada mawɗo e leyɗe men warti ngal ɓurondirngal, eɗen mbaawi wiide teddungal heddaaki e ɗe tenŋe. Hoko haani waɗeede ngam wartude e ko woduno arane e on alhaali. E yewtere ndee, eɗen njaɓi Pr Alpha Amadou Bano Barry, sociologue renndoyanke jannginoowo to université mo Sonfonia to Conakry laamorgo Gine.

Tedduɓe heɗiiɓe rfi fulfulde, bissimila-mon e yewtere men dinngiral rewɓe. Toɓɓere yewtere ndee hannde, ana haala fii alhaali heɓugol golle Rewɓe njuɓe, woɓɓe biyan ñakuɓe terɗe, ko noddiraɓe e fransiire Handicapé.Ana taska e leyɗe afrik ɗe, ko ɓuri hewde e ɓe rewɓe ñakuɓe terɗe jannguɓe ana fanɗi e ley gollirɗe, holko saabi ɗun ?Tawene yoga e ɗe leyɗe Afrik, ɓami sariyaaji ko hokkata ɓe yimɓe darɗe e gollirnde laamuji leyɗe ɗe, ka ɗun teddinaaka.Hannde e yewtere , eɗen njaɓi rewɓe ɗiɗon jannguɓe, joggiiɓe diplomeeji, fuɗunooɓe jaati gollude. Gooto Ko mme Barry Issa Sy jeeyaaɗo to Gine, gollanooɗo e ko noddira action social to Gine, omo jokki diplome e pharmacie.Koɗo men gooɗo ko senegalnaajo Oumou Balde oo wiiyete, omo tawa e diiwal Weligara e rewo leydi ndii. Kanko woni hooreejo rewɓe ñakuɓe terɗe e ndee nokkere.Yeewtere ndee joɗɗike, bislamon e heɗaade

E ndee yontere ɗoo, taskaram men no nawri en  to Institut Fransais Dakar,  "Carte Rose" Senegal mbarjitii gollidiiɓe mum. E ndee ñalaande, baale walla gollidiiɓe 5 keɓii mbarjaari ( mbuuñaari) saabu faabagol rewɓe e sukaaɓe rewɓe. Golle ɗe ɓe mbaawi laatinde saabu gollidugol e "Carte Roose Senegal". Karte Rose loowdi ɗo ɓe njiitondiri e rewɓe e sukaaɓe rewɓe ƴeewannooɓe mballa banŋŋal sariya, hakkeeji maɓɓe, cellal. Ko won karte rose, ko ndii loowdi nafirta rewɓe e sukaaɓe rewɓe  ɗo Senegal. En etoto faamude ɗum e yeewtidinde e miijiiɓe ɗee golle, gollidiiɓe maɓɓe e ko woni nafa mum hannde?

E nder yoga e leyɗe Afrik, teeŋti e Afrik bannge hirnaange, so tawi debbo, jom galle makko maayi walla sankiima, debbo ina heewi heddaade e nder galle, ɗum ko hayso tawi o welaaka. Koɗo men e ndee yeewtere ko Ramata Kane, renndoyankeejo, Moritaninaajo. E nder yeewtere nde kadi, ma en keɗo rewɓe ɗiɗo jáɓɓe seedaade e oo alhaali.

Toɓɓere yewtere ndee hannde, ana haala fii alhaali, rewɓe loñaaɓe sera saabu hiɓe wondi e ñawu yilla " kanseer"  ɗemnɗi. Oɗon anndi nduu lewru sappoɓuru ana hertana haɓude e ngu ñawu yiila e nder adunaru nduu. E limoore ndee salndu ONU kalfinaaɗo sakkiti hokkude, ko ɓuri miliyooji ɗiɗi e feecere rewɓe ana gonndi e ñawu yiila ɗemnɗi e nder adunaru nduu. E yimɓe wonnduɓe e ngu ñawu, tennti e Afrik yoga maɓɓe e hettina seera, holko saabi ɗum, holno haani waɗeede ngam walude ɓee. E yewtere ndee, eɗen gonndi e Awa Dieng jeeyaɗo Moritani, heɓude yiila ɗemɗi,Koɗo men e yewtere ko Binta Anne, joyiiɗo Washington Amerik, oo pisikoloogjo, ana wi'ee sawrowo joɗɗingol hakkile.Yewtere ndee joɗiike bismilla mon e keɗaade.

Toɓɓere yewtere ndee hannde, ana haala fii alhaali, yewte ngaɗeeteeɗe e dow internet e mejaaje renndo ko faati e goondal walla jiidigal hakkunde debbo e gorko. Ana taskaa ɓeydagol e ɗi duuɓi yewte yimɓe innitortooɓe coach, jannginooɓe, ɓee yimɓe ana haala e toɓɓe kewɗe tennti e jiidigal gorko e debbo e dewgal, na yiiɗodirnɓe. On alhaali ana waɗi caɗeele hewɗe, ndee wonno sukaaɓe rewɓe farmaaɓe ana nawtoroo ɗee jewte, ko ɓuri hewde e maɓɓe jaati e dow ɗi mejaaje renndo ɓee sukaaɓe janngata gonngal debbo e gorko. E jonnde ndee hannde, eɗen njaɓɓi Jeneba en ɗiɗon, Jeneba Jallo hooreejo fedde "mon enfant" ma wi'ee, gonnde ko Gine. Jeneba JAH woni koɗo men e yeewtere ndee, ko renndoyanke to Mali, sociologue e faransiire. Yewtere ndee joɗɗiike, bisilamon e heɗaade.