Advertise on podcast: Musow ka kɛnɛ

Ni muso dɔw furu cɛ sara, u dɔw b'a latigɛ ka to furubaliya la ka sabu kɛ boɲɛ min bɛ u fan fɛ ka ɲɛsin u furu cɛ ma ani fiyɛn kana don u ka du basiki la. Nka dɔw fana ta kun ye sigida la mɔgɔ ɲɛ siran ɲɛ ye. Musow ka furu baliya cɛ ka fatuli kɔ, a kun ka can. Yala, u ba ta u yɛrɛ kama wa walima mɔgɔw bena mi fo. Musow ka kɛnɛ bɛna kuma o de kan bi.

Ɔkutɔburukalo ye sinabon kɛlɛli kalo ye diɲɛ fan tan ni naani bɛɛ fɛ. Sabu la ni bana in lakodɔnna joona, a be se ka furakɛ. Nga siran ani kunnafoni ɲuman sɔrɔbaliya kama joona, muso caman be to so n'u ka bana ye, o min be fura kɛli gɛlɛya. O la, sisan, yala a taamasiyɛn ye jumɛnw ye? a sɛgɛsɛgɛliw be kɛ cogo di fo ka taa se a furakɛli yɛrɛ ma? Lalaïcha DOUCOURE ni kɛnɛya tigilamɔgɔw bena kuma o de kan bi, musow ka kɛnɛ kɔnɔ.

Jeux olympiques labɛnjɛkuluba ye fɛɛrɛw bila senkan, walasa musow sen ka don JOJ baaraw bɛɛ la. Nga o fɛɛrɛw laɲiniw bɛ ma sabati fɔlɔ. JOJ latigɛtakulu kɔnɔ, jɔyɔrɔ 30 kan, 10 dɔrɔn de bɛ musow bolo. Nga min fana ye JOJ koɲɛnɛbɔkulu COJOJ ye, musow ye jɔyɔrɔ sɔrɔ yen fo 40 ɲɔgɔn kɛmɛsara la. Nin jɛmukan in kɔnɔ, Koumba Kanouté ye wele bila JOJ koɲɛnɛbɔlamuso Cecile Faye ma. Ani ka fara Kady Kanouté Tounkara kan, CIO ka bolofara ɲɛmɔgɔ min bɛ ɲanaminimafɛnw kɛlɛ.

Nin waati labanw na, muso caman bɔnɛna u nin na, damandingɛw dafiriliw senfɛ. Zanviyekalo tile 29 damandingɛ dɔ dafirila, Dagan, Koulikoro mara la, ka muso tan  yirika bɔnɛ u nin na. Dɔgɔkun fila o kɔ, damandingɛ wɛrɛ dafirila, Kayes mara la, Dabiya dugu la, muso 40 ni kɔ ɲɔgɔn bɔnɛna u nin na. Mun de la musow ka ca damandingɛw kɔnɔ ani kun jumɛn de la damandingɛw be dafiri ka caya nin waati labanw na, Koumba Kanouté n'a ka mɔgɔ welelenw b'o ɲɛfɔ an ye.

Sénégal, sanni ma nɔgɔn bi bi in na fewu muso caman bolo. Nanfɛnw sɔngɔ ka gɛlɛn o kama, nansansegin caman fana lakolon don. O la, sisan, yala fɛɛrɛ dɔ be musow bolo gɛlɛya in kama wa?  Fɛn jumɛn de ka gɛlɛn kosɛbɛ?   Bi, aw ka jɛmukan musow ka kɛnɛ bena kuma musow ka nansansegin de kan n'u be gɛlɛya minnu sɔrɔ diɲɛ don o don.

Musow ka hakɛ lafasa hakili n'an ko a ma "féminisme" nasarakan na, ale ye kumasen ye min be da bɛɛ la bi. Mɔgɔ dɔw bolo, wilikajɔ sira don walasa ka cɛ-ni-musow damakɛɲɛ. Dɔw fana be ka kɛ cɛw ani du tagabolo dɔw kɛlɛli sira ye. O la, musow ka hakɛ lafasali hakilina in kɔrɔ yɛrɛ ye jumɛn ye ani laɲini minnu be a la, an bena kuma o de kan bi Musow ka kɛnɛ jɛmukan kɔnɔ. Lalaïcha DOUCOURE ka laseli don

Ka baara daminɛ jigini sɛgɛnnafiɲɛbɔ kɔfɛ, o ye ko ye min be se ka kɛ lafiya ye i n’a fɔ a be se ka kɛ yɛrɛ ɲininga ani kamanagan fana waati ye cogo min. Sabula, waati min denba be ka  baarayɔrɔ sira ta, a hakili bɛɛ be so. Yala a ben’a den ladon cogodi ani du-kɔnɔ-baaraw fana bena ɲanabɔ cogodi. O la, musow b’a kɛ cogodi? Lalaïcha DOUCOURE n’a ka mɔgɔweelelenw bena kuma o de kan bi.

Sénégal, musow ka jigini kɔfɛ sɛgɛnnafiɲɛbɔ waati, "congé de maternité" bɔra dɔgɔkun 14 na ka kɛ 18 ye. O yɛlɛma in sɔrɔla baara ko sariya yɛlɛmani de senfɛ. Dɔgɔkun 4 min faral'a kan, o ye fɛɛrɛ ye walasa jigibagatɔ ka se ka lafiya, k'a mako to a den na, ani ka sin di fana ka ɲɛ. N’ga, nin yɛlɛma in kɔfɛ, ɲiningali caaman de be ye i n'a fɔ, a jɔyɔrɔba bena kɛ mun ye ani a bena lawaleya cogodi baaradaw la. O de ye Musow ka kɛnɛ jɛmukan babu ye bi.

Musow ka kɛnɛ jɛmukan be kuma bi, musow ka lahalaya dɔ de kan kɛrɛnkɛrɛnya la minnu be tubabu baara kɛ an'o furulen don ni denmaasaw fana don.  O muso nunu be barakɛyɔrɔ ni sokɔnɔnaw baaraw ɲanabɔ cogodi. N’a bɔra farikolo sɛgɛn na, yala hakili ta fan fɛ, nin taganikasegin baarakɛyɔrɔ ni sokɔnɔ baaraw cɛ, o be se ka mun lase muso ma. Djeneba BARRO

Bi, musow ka kɛnɛ jɛmukan kɔnɔ, an bɛna kuma cɛ-ni-musoya kalanw de kan bogotiginiw fɛ, nin bɔlɔlɔkantile in na. O hukumu kɔnɔ, sɛtanburukalo tile naani yɛrɛ sugandira diɲɛ tɔnba fɛ, i ko don kɛrɛnkɛrɛnnen cɛ-ni-musoya kalan kan. Ani an bɛn'a dɔn kun jumɛnw la bogotigininw bɛ taa cɛ-ni-musoya kunnafoni ɲini yɔrɔ wɛrɛw la, a bɛ se ka kɔlɔlɔ jumɛn de lase u ka musoya ma ani cɛ-ni-musoya kalan cogo ɲuman ye mun ye bogotiginiw fɛ. Koumba Kanouté n’a ka mɔgɔ weelelenw bɛna o walawala an ye sisan.

Hakilinaw de falenna wa, u be ka ta fariɲawale ani degun de kama wa? Yala furusa laɲini cayali musolakaw fɛ, o be furu gɛlɛyabaw kofɔ wa? Mun yɛrɛ de be ka musow bila furusa laɲini na, Lalaicha DOUCOURE n'a ka maaweelelenw bena kuma o de kan bi.

Kalolabɔ ye fɛn ye min ka kan, n'a be muso ani bogotigini miliyɔn caaman de sɔrɔ kalo o kalo. Nga, a ko kuma te kɛ ka caya, yɔrɔ dɔw yɛrɛ la a foli ye maloya ko ye. O kama, mɛkalo tile 28 bilala senkan, ka o kɛ a tɔgɔladon kɛrɛnkɛrɛnnen ye walasa ka hakiliw dayɛlɛ a ko kan. Musow ka kɛnɛ bena kuma o de kan bi, taabolo jumɛnw be ta a waati ani yɛrɛtanga fɛɛrɛ musow ka kɛnɛya ani u ka yiriwa kama.

Bi musow ka kɛnɛ kan, an be kuna musow cayabaliya de kan ntolantan latigɛtakuluw kɔnɔ. Yala o cayabaliya in sɔrɔla mun de fɛ ? Koumba Kanouté n’a ka mɔgɔ welelen bɛ ɲɛfɔli di an ma o kan.

Bi, an be kuma baabu min kan, o ye kɔrɔlenko ye an fɛ farafinna. A be kɛ kabini an bɛnbaw tile la. Halibi a ko be senna. Yala a be fɔ aw fana fɛ ko muso te sɔrɔ gwansan wa? O be fɔ ka ɲɛsin mun de ma?  A fan dɔ te furunafoloko ye wa? An be kuma o yɛrɛ de kan. Furunafolo kɔrɔ ye mun ye ? A fɔlɔla min ? A be sara mun de kosɔn ? Yala furunafolo sarali ye diyagoya ye wa? N’o ma sara yala muso te se ka sɔrɔ wa? An be don min na iko bi a ko be bolo ɲuman kan?  Nin kɛnɛ in kɔnɔ aw bena jaabi sɔrɔ. O la, an be Mariam Sanogo ni  Bassati Sidibe de bisimila ka bɔ BF ni La Guinée.

Bi musow ka kɛnɛ bɛ kuma saniya de kan, jɛɲɔgɔnmaw ani furuɲɔgɔnmaw ni ɲɔgɔn cɛ. Yala sanuya bɛ se ka matarafa cogo di olu ni ɲɔgɔn cɛ. Kasɔrɔ sanuyabaliya kɛlen don ka degun ni gɛlɛyaba lase jɛɲɔgɔnmaw ni furuɲɔgɔnmaw ma, sabu la ale ɲɛnɛmaya jɔsen dɔ ye. Jɛɲɔgɔnmaw ka sanuya sigilen bɛ minu kan, Koumba Kanouté n’a ka mɔgɔ welelenw b’o ɲɛfɔ an ye.