Advertise on podcast: Musow ka kɛnɛ

Musow ma to kɔ Abidjan seko ni dɔnko suguba MASA tako 14 la. K'a ta avirilikalo tile 11 na ka taa a bila a tile 18 na, musow ka tali yera ani ka diya mɔgɔw ye. Poyi, ɲɔgɔlɔn, nsiirin, dɔn ani dɔwɛrɛw, u tun bɛ ka ɲɛnɛmaya don o don. Ɲanajɛ in kɛra sababu ye ka musow jɔyɔrɔ sinsin seko ni dɔnko la. A kun ye, k’u ka baara kɛlenw lakodɔn ani k’u yira diɲɛ bɛɛ la. Kabi san 2024 na, MASA cɛsirilen don ka cɛw ni musow damakɛɲɛ seko ni dɔnko baaraw la. O yɛrɛ kama, jɔnjɔn kɛrɛnkɛrɛnnen dɔ bɛ di muso dɔ ma, a ka baara kosɔn. Koumba Kanouté tun b’a kɛnɛ kan an ye.  

Bi, musow ka kɛnɛ jɛmukan kɔnɔ, an bɛna kuma cɛ-ni-musoya kalanw de kan bogotiginiw fɛ, nin bɔlɔlɔkantile in na. O hukumu kɔnɔ, sɛtanburukalo tile naani yɛrɛ sugandira diɲɛ tɔnba fɛ, i ko don kɛrɛnkɛrɛnnen cɛ-ni-musoya kalan kan. Ani an bɛn'a dɔn kun jumɛnw la bogotigininw bɛ taa cɛ-ni-musoya kunnafoni ɲini yɔrɔ wɛrɛw la, a bɛ se ka kɔlɔlɔ jumɛn de lase u ka musoya ma ani cɛ-ni-musoya kalan cogo ɲuman ye mun ye bogotiginiw fɛ. Koumba Kanouté n’a ka mɔgɔ weelelenw bɛna o walawala an ye sisan. 

Bi musow ka kɛnɛ bɛ kuma saniya de kan, jɛɲɔgɔnmaw ani furuɲɔgɔnmaw ni ɲɔgɔn cɛ. Yala sanuya bɛ se ka matarafa cogo di olu ni ɲɔgɔn cɛ. Kasɔrɔ sanuyabaliya kɛlen don ka degun ni gɛlɛyaba lase jɛɲɔgɔnmaw ni furuɲɔgɔnmaw ma, sabu la ale ɲɛnɛmaya jɔsen dɔ ye. Jɛɲɔgɔnmaw ka sanuya sigilen bɛ minu kan, Koumba Kanouté n’a ka mɔgɔ welelenw b’o ɲɛfɔ an ye. 

Bi, an be kuma baabu min kan, o ye kɔrɔlenko ye an fɛ farafinna. A be kɛ kabini an bɛnbaw tile la. Halibi a ko be senna. Yala a be fɔ aw fana fɛ ko muso te sɔrɔ gwansan wa? O be fɔ ka ɲɛsin mun de ma?  A fan dɔ te furunafoloko ye wa? An be kuma o yɛrɛ de kan. Furunafolo kɔrɔ ye mun ye ? A fɔlɔla min ? A be sara mun de kosɔn ? Yala furunafolo sarali ye diyagoya ye wa? N’o ma sara yala muso te se ka sɔrɔ wa? An be don min na iko bi a ko be bolo ɲuman kan?  Nin kɛnɛ in kɔnɔ aw bena jaabi sɔrɔ. O la, an be Mariam Sanogo ni  Bassati Sidibe de bisimila ka bɔ BF ni La Guinée.

Ni wari be muso fɛ, a b’a yɛra fisaya cɛw ma. Walima  a be sɔn ka yɛlɛ ka lɔ a cɛ kunna. Dɔw fana b’a fɔ ko bi bi in na, ni muso te baara la, walima n’a te ka fɛn kɛ a yɛrɛ ye, a ka gɛlɛ a ka furu ka sabati. Nin hakilina sugu nunu, an ka teli k’u mɛn maaw fɛ, an fɛ Farafinna. Bɛɛ n’a ka hakilina don. Nga a tiyɛn yɛrɛ ye jumɛn ye? Yala furumuso ka kan ka se k’a yɛrɛ ta wa? Bi, an be kuma baabu min kan, o ye muso ka se a yɛrɛ kɔrɔ sɔrɔ sira fɛ, yala o be se ka furuso sigi nɔgɔy’a bolo wa? An bena masala o baabu de kan nin kɛnɛ in kɔnɔ. An be Mahoua Bakayoko de bisimila. Gafesɛbɛnna don ka bɔ Cote d’Ivoire jamana na.

Bi musow ka kɛnɛ kan, an bɛ  kuma npogotiginiw kungolo ɲagamili de kan bɔlɔlɔ sanfɛ. La Guinée, kalanden musomanin 5 gɛnna ka bɔ ka bɔ u ka kalansow la, fo zuluyekalo tile 3. O sɔrɔla u  ka ja dɔ fɛ min carinna bɔlɔlɔ forobakumayɔrɔw sanfɛ. Kalanko minisiriso fana ye latigɛ ta k’u gɛn bawo k’u ye dankari kɛ taabiyaw la, ani k’u ye la Guinée kalan lanɔgɔ. Mali fana la, ɲɔgɔnlɔnbɔla dɔ fana bilala ka taa kaso la, cɛ-ni-musoyabinkani sankɔrɔtali kama, a kɛlen k'o  kumaw fɔ ja dɔ kɔnɔ ni denmisɛnnin dɔ ye. A ko bɛ sanga na, nga a kɔlɔlɔtan tɛ. Denmisɛnniw ani bogotiginiw yɛrɛ ɲɛsinnen don gɛlɛya sugu jumɛn de la bɔlɔlɔw sanfɛ?  Koumba Kanouté n’a ka mɔgɔ welelenw b’o ɲɛfɔ an ye.  

Ka kɛŋɛ ni musow ka tɔgɔladon ye n’a bɛ fɔ a man ko "journée internationale des droits des femmes" anw y’a latigɛ ka kuma di musow ma; ninjuguyawale nɛsinna olu minnu ma. An ye kuman di fana dɛmɛdon cakɛda Akwaba Mousso fana ma; olu cɛsirilen don o muso kofɔlen ninnu ladonni na. Côte d Ivoire jamana kɔnɔ san o san dɔ be ka fara musow hakɛ kan olu minnu niimantɔrɔlen don. LEILA MANDE ka musow ka kɛnɛ.

Muso don  min lakodɔnnen don kosɔbɛ seko ni dɔnko kɛnɛ kan Farafinna. Mali jamanaden don nga a ye baara kɛ jamana caaman na jaabɔ la. A ye jɔnjɔn caaman ta o baara hukumu kɔnɔ, iko FESPACO ani Sotigui Award kɛnɛ kan. Koumba Kanouté y'ale de bisimila.  

Bi musow ka kɛnɛ kɔnɔ, an bɛ kuma sunkalo labɛnw de kan muso dɔw fɛ. O hukumu kɔnɔ, Koumba Kanouté ye kuma di Mme Aichata Traoré ma ka bɔ Mali la, nin y’a le san 16 ye furu la. A bɛ ɲɛfɔli kɛ an ye, a b'a ka sunkalo kɛ cogo di a buranna na. An k'a lamɛn 

N'i ye san 30 sɔrɔ kasɔrɔ i ma furu ɲiningali dɔw be yen, olu be gan i da la kosɛbɛ. O ɲiningali nunu kun te k'a dɔn ibefɛ ka min kɛ i ka diɲɛlatigɛ kɔnɔ, nga u bɛ tali kɛ i dusukankow la, i n'a fɔ i bɛ ka mun kɔnɔ, i bɛ ka kɔrɔ dɛ, denko b'a tuma de la dɛ. Du caman kɔnɔ, ka san 30 sɔrɔ kasɔrɔ i ma furu o ye jɔrɔnanko ye min be na ni kuma caman nasugu bɛɛ ye. Bi Lalaïcha DOUCOURE n'a ka mɔgɔ welelenw be ka kuma sigidalamɔgɔ ani dukɔnɔmɔgɔ caman de kan ka musogana walima cɛganaw dalafuruko la. 

Bi bi in na, ka kɛ muso ye o te taa cɛsiri ni timinadiya kɔ barisa sisan musow kan ka k'u sen don latigɛbaw tali la, ka ɲɛmaayaw sɔrɔ ani ka kɛ misali ɲumanw ye. O de kama bi, kalansow dayɛlɛlen don musojɛkuluw fɛ walasa ka musolakaw kalan ɲɛmɔgɔya kɛcogo ɲuman na ani ka yiriwa sira don u kɔrɔ. O kɛrɛfɛ, kalanso nunu ka kɛtaw ye jumɛnw de ye? Yala u be yɛlɛma don musow ka adamadenya kɛcogo yɛrɛ la wa?  

Ka kɛɲɛ ni kuma caman ye muso furulenw da la den ko la, muso caman de ka diɲɛlatigɛ gɛlɛyalen don bi, wa dɔw fana ka furu sara k'a sabu kɛ waleya in ye. Walasa k'a kow faamu ni ka fɛɛrɛ sɔrɔ a la, aw ka jɛmukan mandi Musow ka kɛnɛ, ale be kuma o de kan bi. Ka a ko gɛlɛyaw dɔn ni ka fɛɛrɛ sɔrɔ a la, Lalaïcha DOUCOURE n'a ka mɔgɔ weelelenw be kuma o de kan bi. 

Bi musow ka kɛnɛ bɛ kuma saniya de kan, jɛɲɔgɔnmaw ani furuɲɔgɔnmaw ni ɲɔgɔn cɛ. Yala sanuya bɛ se ka matarafa cogo di olu ni ɲɔgɔn cɛ. Kasɔrɔ sanuyabaliya kɛlen don ka degun ni gɛlɛyaba lase jɛɲɔgɔnmaw ni furuɲɔgɔnmaw ma, sabu la ale ɲɛnɛmaya jɔsen dɔ ye. Jɛɲɔgɔnmaw ka sanuya sigilen bɛ minu kan, Koumba Kanouté n’a ka mɔgɔ welelenw b’o ɲɛfɔ an ye. 

Bi musow ka kɛnɛ kan, an bɛ kuma, jɔnmaya walima ɲagaribɔwalew kan, minnu be ta ka ɲɛsin musow farikoloɲɛnajɛkɛlaw ma, cɛsawura bɛ minnu na. Koumba Kanpouté n’a ka mɔgɔ welelenw be baro sigi an ye.   

Bi musow ka kɛnɛ kɔnɔ, an bɛ kuma npogotigini lajɔlenw ka gɛnni de kan, ka bɔ kalanyɔrɔw la.  Salon zuluyekalo la, RD Congo kalanko minisiri tun ye dantigɛli kɛ ka dan sigi npogotiginin lajɔlenw ka gɛnni na. Koumba KANOUTE n'a ka mɔgɔ weelelenw bɛ kuma o de kan