Advertise on podcast: Dita e 8 | Top Albania Radio

Episodi i djeshëm në “Dita e 8” ka qenë tepër i veçantë, pasi shënon mbylljen e një sezoni të suksesshëm të një programi në të cilin janë trajtuar tema interesante, të rëndësishme e shumë të ndjera. Edhe kësaj here nuk mund të mungonte trajtimi i një teme shumë delikate sociale, çështja e jetimit shqiptar.

Dr. Fatjona Lubonja, një mjeke neurologe shqiptare që jeton prej më shumë se 25 vitesh në SHBA, tregon se çfarë i mungon nga Shqipëria. Por mes ëndrrës për të qenë sa më mirë në tokën e premtuar Fatjona tregon edhe vështirësitë se si bashkëshorti i saj u rikthye nga vdekja në jetë.

Rini e mbetur në udhëkryq, mes ëndrrës shqiptare dhe asaj europiane ishte tema e diskutimit në “Dita e 8”. Mes qëndrimit në vendin e të parëve dhe një të ardhme më të sigurt drejt Perëndimit, Ervisa Shehu dhe Boris Alibeja ndan eksperiencat e tyre dhe vështirësitë me të cilat janë përballur si student.

Të ftuar ditën e sotme në “Dita e 8” nën moderimin e pastor Akil Pano, ishte çifti Toni Gogu dhe Edi Gogu. Ata folën për një temë tepër të veçantë, lidhur me prindërimin e shëndetshëm dhe a ka një formulë ekzakte për të qenë prindër të mirë.

“Dita e 8” ka trajtuar një temë mjaft delikate, siç është ajo e dhunës në vendin tonë, por jo vetëm. Me të ftuar në studio, Mirela Arqimadriti dhe Xhoi Jakaj, është diskutuar rreth “pushtimit” të Shqipërisë nga dhuna, frika dhe krimi. Të ftuarat kanë ndarë me ne eksperiencat e këtij fenomeni në shoqëri, një fenomoen ky tashmë global.

Sot në Dita e 8 u diskutua kultura e dhunës dhe si mund të ndryshojmë këtë ‘fenomen’ shqetësues që po e dëgjojmë çdo ditë më shumë të ndodhë. Dy të ftuarit, prof. Artan Fuga dhe zv. ministrja e Brendshme Romina Kuko treguan pikëpamjet e tyre rreth kësaj teme. Akil Pano, Romina Kuka, Artan Fuga, Dj Wizzii

Të ftuar në “Dita e 8” ishin Eni Çobani dhe Bes Kallaku të cilët ndanë eksperiencat e tyre për çfarë mendojnë se është një familje ideale.

Juristja Eni Çobani e ftuar në “Dita e 8”, në prezantimin e Akil Pano, ka folur për martesën me bashkëshortin e saj prej 25 vitesh, duke e konsideruar atë si një shembull shumë të mirë. Çobani ka folur dhe rreth trajtimit të martesave së suksesshme dhe atyre të dështuara në mediat publike, duke u shprehur se kurrë nuk kemi parë personazhe të flasin hapur kur martesat e tyre nuk ecin.

Eftuar në “Dita e 8”, psikologia e njohur Valentina Telhaj ka folur për çiftet në Shqipëri dhe rastet me të cilat ajo përballet në punën e saj. Telhaj u shpreh se pandemia ka ndikuar në krisjen mes çifteve dhe ka shkaktuar mjaft probleme në marrëdhënie.

Eftuar në “Dita e 8”, Jerina Lalaj, e cila së fundmi ka qenë dhe opinioniste në një emision dashurie, u shpreh në mënyrë shumë të sinqertë për një lidhje të saj të përfunduar.

Në këtë episod të “Dita e 8”, u diskutua shumë mbi një temë që është e përditshme në jetën tonë dhe që ka pikëpyetje të mëdha. Bëhet fjalë për dashurinë, nevojën dhe ndjesinë jetike për ne. Akil PanoWizii Dj

Nisi sonte programi radiofonik ‘Dita e 8’ nën moderimin e pastorit, Akil Pano. Tema e diskutimit ishte fitorja e njeriut në zgjedhjet e 25 prillit. Zgjedhjet e para në sytë e një kleriku. Si e vlerëson një hoxhë apo një prift përfaqesuesin e tij në parlament?!  Çfarë sheh ai më shumë te një politikan? Nga fjalët e deri tek intelekti dhe virtytet e tij. Pse duhet një qytetar të shkojë të votojë të dielën? A do të fitojmë në këto zgjedhje njeriun?! Të gjitha këto pyetje morën përgjigjen në programin ‘Dita e 8’ nga drejtues te besimeve fetare në Shqipëri, Monsinjor George Frendo – Arqipeshkv Kisha Katolike, Baba Edmond Brahimaj – Kryegjysh i Kryegjyshatës Botërore të Bektashinjve, Hirësi Andon Merdani – Peshkop, Kisha Orthodhokse Autoqefale e Shqipërisë dhe Pastor Fitor Muça – Kisha Rindja, ish Kryetar VUSH, nën moderimin e Pastor Akil Panos.