Advertise on podcast: Nser Zawya نسر الزاوية

Nser Zawya Saison 04 EP 02 08/07/2025صديقات و أصدقاء نسر الزاوية صباح لخير عليكم و نهاركم مبروك . اليوم نهار مفصلي فتاريخ الراجا ..كاين بزاف ديال l'espoir باش نزيدو للقدام و مؤشرات كبيرة باش ندوزو ل un autre palier فالحكامة و التسيير. كاينة كذلك بعض المخاوف أو الشكوك فتدبير هاد المنعرج التاريخي ..منها ما هو مرتبط بالغموض و الضبابية لي كاترافق أي حاجة جديدة و كايخصها شويا ديال الوقت و بزاف ديال الوضوح عبر استراتيجية تواصل لي مكاتخلي تا محال للتأويلات و التأويلات المضادة ..المخاوف و الشكوك كذلك مرتبطة بعامل آخر لا يقل أهمية و هو هاد المرحلة الإنتقالية من الجمعية إلى الشركة .. بما يعني الإنتقال من logique de passion sportive نحو logique de rentabilité .. الإنتقال من ثقافة النادي نحو ثقافة الشركة .. هاد الليلة لنا عودة باش ناقشو هاد الأمور .. و نتمناو تكونو معانا لإثراء النقاش و نفكرو كاملين كيفاش نساهمو كاملين في إنجاح هاد المرحلة عبر مساندة كاملة و لا مشروطة للمكتب الجديد و رؤية نقدية بناءة من باب la confiance n'exclut pas le controle ..المحاور المقترحة : 🟢 جواد الزيات بعد تجربة 2018-2020 : رجوع ل unfinished business أو إنطلاقة configuration جديدة مع الشركة ؟! شنو لي تبدل ؟! 🟢 الشركة الرياضية و المستثمر المؤسساتي MARSA MAROC : تحت سقف 60% 40% : إنطلاقة فعلية نحو الإحتراف ولا pandora box ؟! و كيفاش غانتعاملو مع إشكالية التوازن بين ثقافة l'entreprenariat و la passion🟢 مستقبل هوية الراجا : بعد إنهيار منظومة الإنخراط بشكلها الحالي واش كاينة فرصة لمأسسة الهوية و تقوية الجمعية ؟! ولا l'passage للشركة هو رصاصة الرحمة لي غاتسالي مع هوية الراجا ؟!

الراجا لي ف l'imaginaire collectif ديال الجمهور قدرات تفرض راسها ليس فقط كفرقة عندها شعبية كبيرة على الصعيد القاري و العالمي ولكن أيضا قدرات تاخد واحد dimension هوياتية كواحد من الظواهر الإجتماعية لي تستحق الدراسة. رغم هاد calibre كامل الملاحظ هو أن الراجا مزال ماقدراتش تصمد أمام واحد rouleau compresseur ديال مسلسل إعادة إنتاج العبث و تلحق بمصاف لفراقي لكبار فلعالم لي عندها نفس background. شناهو السبب ؟! واش الراجا ضحية Storytelling لي بعيد كل البعد على الواقع التسييري و الهيكلي و المؤسساتي؟! ولا هناك عوامل ذاتية لي كاتساهم فهاد statu quo ؟! أو ربما هناك عوامل خارجية عندها دور فهاد الإشكالية من l'écosystème ديال الكرة فالمغرب تال كاع المتداخلين فالشأن الرياضي بصفة عامة ؟! صديقات و أصدقاء بودكاست Nⵣ نتلاقاو نهار لخميس بحول الله فجوايه 22:30 مغربية مع أولى الحلقات SE04 لي غناقشو فيها سؤال الراجا واش فرقة كبيرة من منظور علمي مع صديق لبودكاست الدكتور Zakaria Lahrache The Big Raja Biggest QuestionsEP01 " From Stroytelling To Reality "أمسية سعيدة !!

حلقة جديدة من بودكاست نسر الزاوية: ثلاث انتصارات فالبطولة مع الجيناني تعيين سابينتو كمدرب للرجا فهاد الموسمقرعة العصبة الماتشات الجايين

اصدقاء و صديقات نسر الزاوية حلقة جديدة من بودكاست نسر الزاوية ناقشنا فيها المستجدات ديال الرجا على المستوى التسييري و الرياضي ديما رجا

قلال أو مكاينينش .. فالأصعب هو أنك كيفاش تحافظ على هاد l'performance و تبقا ديما فالمنافسة .. لبارح دخلنا للتاريخ من بابه الواسع و دينا البطولة رقم 13 بعد منافسة قوية مع فريق الجيش الملكي ..ليوما زكينا التفوق عليه فالفينال و دينا الكاس الفضية رقم 9 و أكدنا بلي لقب البطولة كان عن جدارة و إستحقاق .. صديقات و أصدقاء Nser Zawya ليكم وحشة كبيرة بزاف ولكم من طاقم البودكاست تحية رجاوية خالصة من القلب و شكر كبير بزاف على التعاليق و لميساجات لي مابخلتوش علينا بيها فهاد فترة التوقف الإضطرارية لي عرفها لبودكاست .. الموعد يتجدد نهار الخميس إن شاء الله مع EP01 من SE03 ف Nⵣ و لي كيف لعادة غايكونو فيه 3 ديال المحاور .. فهاد الحلقة كانقتارحو عليكم مناقشة كل ما يتعلق بالشق الرياضي volet sportif من خلال النظرة ديالنا و شنو كايبان لينا فالواقع .. ● موسم رياضي إستثنائي : شناهما العوامل لي خلاو هاد لكروب يحقق هاد النتائج و شناهما الأسباب لي دارو الفرق ؟! ● التركيبة البشرية و الإدارة الرياضية : كيفاش داز الموسم و كيفاش تعامل الطاقم التقني مع التركبية البشرية المتوفرة ؟! ● رهانات تدبير النجاح و الإستقرار الرياضي : إشكالية gestion du succes فالراجا و أهمية إستقرار الطاقم التقني نتلاقاو نهار لخميس مع 20:00 مغربية بحول الله 🙌 من دابا لتما ماترددوش تبارطاجيو معانا الآراء ديالكم بخصوص l'volet sportif هاد لعام و شنو بان ليكم خاص يدار باش نبقاو على هاد النهج فالمواسم المقبلة. تحية رجاوية و نهاركم مبروك بالبركة ديال الزاوية و الله يحفظ البلاد و العباد 💚

فالحلقة لي فاتت دوينا على ضرورة ربط جسر التواصل بين المنخرطين لي كانتقاسمو معاهم نفس القضايا ديال مأسسة و هيكلة الراجا و تفعيل دور منظومة الإنخراط لكونها أهم جبهة لتحصين البيت الداخلي و الوحيدة لي مخول ليها تدوي على مصلحة الراجا. في محاولة لتقريب الرؤى و توحيد المفاهيم و قبل ما ندويو على الحلول، فهاد ليبيزود غانرجعو لهاد الموضوع و ناقشوه هاد المرة من زاوية أخرى و من خلال وجهة نظر واحد من هاد الرجاويين لي عارف مزيان l'écosystème ديال الراجا و les rapports de force لي فيه.محاور EP20SE02 ديال بودكاست Nser ⵣawya :  شناهو المشكل ديال الراجا ؟!فهاد المحور بغينا نعرفو واش عندنا نفس التعريف ديال شناهو المشكل.  إشكالية باراديكم صناعة القرار فالراجافهاد المحور غانرجعو للتجارب السابقة و نحاولو نفهمو شناهو السبب ديال عدم الإستقرار لي فالراجا و نشوفو واش كاينين شي pattern لي كايبقاو ديما تعاودو و علاش. النقطة "7" و إصلاح منظومة الإنخراطفهاد المحور بغينا نعرفو شناهو التصور لي يقدر يخرجنا من هاد الأزمة المزمنة و نعرفو واش نيت خاص إصلاح منظومة الإنخراط ولا لا. كيف لعادة نتلاقاو نهار الاثنين 22-05-2023 مع 21:00 مغربية. بارطاجيو معانا الآراء ديالكم بخصوص هاد المحاور و كذلك كاع الملاحظات و الإقتراحات لي تبغيو ناقشوهم معاكم. ديما راجا و Bon Weekend الشبيبة الحرة 

صديقات و اصدقاء نسر الزاوية تذكير بالمحاور : قراءة في مباراة الراجا ضد شباب المحمدية و التأهل لنصف نهائي كأس العرش. متفرقات حول الجمع العام المزمع انعقاده في 26 من الشهر الجاري. المعادلة الرجاوية: لماذا يتم إشراك الجمهور في الحملات الرئاسية و عدم السماح له في المشاركة في الولوج إلى مؤسسة المنخرط؟ شاركوا معانا الآراء و الإقتراحات ديالكم فالتعاليق 

صديقات و اصدقاء نسر الزاوية نتلاقاو يوم غد الاثنين مع التاسعة مساءً في حلقة جديدة مع 3 المحاور كالعادة : 1- بلاغ الجمع العام : الجدل حول التأجيل - قانونية الجمع العام - تساؤلات حول أسباب التعجيل بعقده 2- السباق على رئاسة الرجاء : عودة بودريقة - مقترح اللجنة المؤقتة - اي مكان للمشروع الرياضي في السياق الحالي 3- نهاية الموسم رياضيا : الرجوع عند اسباب الاندحار التقني في الشطر الثاني من الموسم - استهتار اللاعبين - التركيز على كاس العرش لانقاذ الموسمخليو لينا الاسئلة ديالكم في التعاليق و الله المعين يعيش الكيان #العدالة_لنورة

صديقات و اصدقاء نسر الزاوية نتلاقاو يوم غد الاثنين مع التاسعة مساءً في حلقة جديدة مع 3 المحاور كالعادة : 1- بلاغ الجمع العام : الجدل حول التأجيل - قانونية الجمع العام - تساؤلات حول أسباب التعجيل بعقده 2- السباق على رئاسة الرجاء : عودة بودريقة - مقترح اللجنة المؤقتة - اي مكان للمشروع الرياضي في السياق الحالي 3- نهاية الموسم رياضيا : الرجوع عند اسباب الاندحار التقني في الشطر الثاني من الموسم - استهتار اللاعبين - التركيز على كاس العرش لانقاذ الموسمخليو لينا الاسئلة ديالكم في التعاليق و الله المعين يعيش الكيان #العدالة_لنورة

مكاين تا شي واحد مكايغلطش و مكاين تا شي طرف مكايديرش أخطاء، هدشي مافيهش نقاش و لا يحتاج البرهنة، ولكن فالراجا عندنا بزاف ديال les idées reçues و بزاف ديال المغالطات بخصوص هاد النقطة.فالراجا دائما كانقراو و كانسمعو بلي الجمهور خارح على هاد الفرقة. فاش كانحاولو نفهمو إشكالية التسيير: أصابع الإتهام توجه إلى الجمهور. فاش كانلاحظو معضلة منظومة الإنخراط و الفشل المزمن ديالها: أصابع الإتهام توجه إلى الجمهور.المسألة هنا ماشي محاولة للتملص من المسؤولية ولكن مسألة أزمة أخلاقية و أزمة نزاهة فكرية كاتعاني منها "النخبة" الرجاوية لي كاتفضل عدم مواجهة الواقع و تعليق شماعة الفشل على لحيط لقصير "الجمهور" لي فالنهاية واخا يكون غالط مليار مرة كايبقا المبدأ هو أنه : ماعندو تا أهلية قانونية.صديقات و أصدقاء Nⵣ فهاد الحلقة مغاديش ندويو على الهيكلة و على المأسسة ولكن غاندويو على كرامة الجمهور.كنا و لانزال نؤمن بلي "جمهورها راسمالها" و على هدا الدرب صامدون، أصابع الإتهام لي كاتوجه لهاد الجمهور مابقاتش فقط فإطار شماعة الفشل التسييري و الهيكلي ولكن ولات كذلك كاتشمل حتى مسألة الفشل التنظيمي ديال لماتشات و كيفية تدبير الولوج لدونور.علاش أصابع الإتهام ديال هاد الفشل كامل دائما كاتوجه لطرف ماعندو لا أهلية قانونية لا مشروعية تسييرية ولا سلطة أمنية أو تنظيمية ؟! و علاش مكانردوش الإعتبار لهاد الجمهور فاش كانبغيو نسوقو لمنتوج كروي عقيم و نوفرو ليه الحد الادنى من كرامة المشجع ؟! وعلاش كانبقاو دائما فمقاربة نفعية و نظرة دونية لهاد الجمهور ؟!كرامة الجمهور عنوان EP17SE02 ديال Nser ⵣawya غاناقشو فيه المحاور التالية نهار الخميس بحول الله مع 21:00 بالتوقيت المغربي : تجربة و شهادة حية لواحد منا حضر فلماتش اللخر، واحد منا يعني كان بالإمكان نكون أنا ولا نتي ولا نتا ، ختك ولا خوك صاحبك صاحبتك لواليد ولا لواليدة ديالك. موقف الجمهور ديال Casa من مسألة التنظيم و كرامة المشجع لي ولات قربان لوحوش تقتات و تعيش من أرواح الأبرياء. مسؤولية لجنة التنظيم ديال الراجا، مسؤولية الرئيس ديال الراجا ، مسؤولية الأمن ، مسؤولية CasaEvent. فين كاتبدا و فين كاتسالي و شكون غايحاسب شكون ؟!بارطاجيو معانا التجربة ديالكم فالتعاليق و كيفاش عشتو ظروف التنظيم و واش قدرتو دخلو واخا مخلصين وراقيكم و بطائق الإشتراك السنوية ديالكم.فإنتظار غد أفضل مانحتاجوش كمواطنات و كمواطنين نطالبو فيه بفتح تحقيق و معاقبة الجناة و إيجاد حل لهاد اللامسؤولية، تعازينا الحارة لجمهور الراجا و للعائلة الكبيرة و الصغيرة لختنا نورة الله يرحمها. و الله يرحم أشرف و عز الدين و الله يدير شي تاويل من عندو #العدالة_لنورة#justicepournoura

صديقات و أصدقاء Nⵣ عيدكم مبارك سعيد و الله يصلح أحوالكم و يفرجها على الجميع. كنا كانتمناو تكون فرحة العيد مقرونة بشي نتيجة إيجابية فلقاء الأمس أو على الأقل شي أداء لي يفرح ولكن هدشي لي عطا الله.ف EP16S02 من البودكاست غادي نخصصو النقاش على مقابلة الإياب فدونور كونطر الأهلي.فالمحور الأول غانرجعو للهزيمة ديال لبارح و نحاولو نفهمو علاش خسرنا و شنو لي خلانا نخسرو ب 2-0.المحور 2 غايكون على retour و الحظوظ فحجز تذكرة 1/2 و نرجعو شويا للتجارب السابقة لي دوزنا فاش كايكون عندنا ماتش روتور فهاد l'contexte لي صعيب.أخيرا و ليس آخرا غانركزو فالمحور 3 على نقطة لا تقل أهمية الا مكانتش أهم وحدة على الإطلاق و لي شرنا ليها فآخر حلقة : كيفاش خاصنا نتعاملو كجمهور مع نتيجة الإياب سوا فحالة التأهل للنصف ، سوا لقدر الله فحالة الإقصاء ؟

صديقات و أصدقاء نسر الزاوية ⵣ، غادي نديرو جليسة رجاوية رمضانية قبل الإفطار اليوم حوالي 16h بتوقيت المغرب.غ نحاولو ناقشو المحاور الآتية:قراءة في حصيلة مبارايات الراجا الأخيرة سواء في البطولة أو الكأس.استعدادات الراجا لمباراة ذهاب ربع نهائي عصبة الأبطال ضد الأهلي المصري.كيفية تعامل اللاعبين مع الحكام في ظل هذه التشنجات الأخيرة.ديما راجا

صديقات و اصدقاء نسر الزاويةنتلاقاو من هنا اقل من ساعتين في حلقة جديدة غادي تتكلمو فيها اساسا على الديربي، على مستجدات النادي تسييريا في ظل تهرب المكتب من تحمل مسؤولياته و غادي ناقشو قرعة العصبة و حظوظ النادي في الذهاب بعيدا في هاد المنافسةبزاف مايتقال، كنتسناو مشاركتكم و اسئلتكم من اجل اغناء النقاشديما رجا دائما و ابدا و المجد للكيان 

صديقات و أصدقاء نسر الزاوية ⵣ، بعد التوقف الدولي و أخذ استراحة قصيرة نجدّد اللقاء بكم عصر اليوم على الساعة 16h بتوقيت المغرب.غنديرو جليسة رجاوية نجيبو بها الفطور مع بعضياتنا و نحاولو ناقشو المحاور الآتية:الجولة الأخيرة من عصبة الأبطال و تأكيد المسار الجيد في المسابقة القارية، قراءة للخصوم اللي نقدر نواجهو فالربع.المنعرج الأخير في الموسم و الحاسم: كيف يجب الاستعداد لهذه المرحلة المهمة؟إشكالية تسيير رجال الأعمال في المجال الرياضي، واش مازال رجال الأعمال ما عندهم جاهزية للاستثمار في كرة القدم.تعيش الراجا

صديقات و أصدقاء نسر الزاوية ⵣ، نجدّد اللقاء بكم يوم الإثنين 20 مارس على الساعة 20h بتوقيت المغرب.سوف نحاول مناقشة المحاور الآتية :الحصيلة الأسبوعية للفريق كأس العرش و الجولة الخامسة من عصبة الأبطال، بالإضافة إلى متفرقات أخرى تخص الفريق.ذكرى ميلاد الراجا 74.الحراك الرجاوي: استمرار الحراك السلمي و ردود أفعال المهتمين بالشأن الرياضي.عيد ميلاد سعيد لكل المناصرات و المناصرين و لكل مكونات الراجا.تعيش الراجا