Advertise on podcast: Fólk er fífl

Description

Þátturinn Fólk er fífl fjallar um einmitt það, hversu mikið fífl fólk er. Farið er yfir víðan völl um þetta efni, snert á atriðum, litum sem stórum, í fari náungans sem pirra okkur samferðarfólk hans út í hið óendanlega. Umsjónarmenn þáttarins eru Hjörtur Einarsson, Þrándur Þórarinsson og Guðlaugur Jón Árnason, sem annálaðir eru fyrir óþol sitt, en jafnframt ást, á manneskjunni í samfélaginu.

Podcast episodes

Check latest episodes from Fólk er fífl podcast

Unglingar eru fífl

2021/08/31

Fimm miðaldra karlmenn settust niður og fóru að ræða um unglinga. Markmiðið var að tala illa um þann óskapnað en aðallega voru rifjaðir upp gamlir góðir tímar. Mikið var fjallað um hráka og aðra líkamsvessa. Varúlfar koma við sögu, covid-börnin, strætisvagnar, Benz-merki og hálsbrjóstsykur.

Fólk og fordómar

2021/06/25

Fólk er fordómafullt og hatarar kannski sér í lagi. Guðlaugur og Hjörtur fitla hér við fordómana í sér. Nú er rætt um veganaktívista, Vestmannaeyinga, fúla strætóbílstjóra, fólk á pallbílum, kristið fólk, unglinga, edrúmennsku og annað.

Berserksgangur á Barðaströnd

2021/06/10

Fólk er fífl breytist í „True Crime“ þátt þegar Guðlaugur og Hjörtur lesa gamla frétt um „Byssumanninn á Barðaströnd“. Fréttin er krufin og leitað svara um fíflaskap úr fortíðinni. Hversu mörg eru systkynin? Hver er gamla konan? Hvernig er sambandi Vilborgar og Þórs háttað? Og var skotið úr byssu eða ekki? Hlustið á þennan einstaka…

Fólk á ferðalögum

2021/05/27

Nú er rætt um fólk á ferðalögum. Gulli segir farir sínar ekki sléttar. Rætt er um fulla Svía, slæma hegðun í flugvélum, Færeyinga ber á góma eins og áður, minnst er á sólbrennda Breta og valið er fífl þáttarins.

Fólk er fífl – Stikla

2021/05/13

Fólk er skríll

2021/05/13

Hugleikur Dagsson kom í heimsókn í skúrinn hans Gulla og ræddi við Þránd, Gulla og Hjört um húlíganisma eða skrílslæti. Að vanda er farið á milli himins og jarðar og meðal annars rætt um nasista, fótboltabullur, grindhvaladráp, fánabrennur og Patrick Stewart. Karen kemur ekkert við sögu.

Hjól vs. bílar

2021/04/27

Internetið fór á hliðina þegar löggan birti mynd. Guðlaugur og Hjörtur ræða um hjólandi menn í latexgöllum, reiða ökumenn, umferðarlögin, ríkjandi stöðu, Seltjarnarnesið og ísbíltúr.

Fólk og eldgos

2021/04/14

Guðlaugur og Hjörtur ræða áhættuhegðun í námunda við eldgos, sjálfumyndatökur og hjarðhegðun Íslendinga

Fólk á internetinu

2021/03/31

Hjörtur og Guðlaugur fjalla um internetið í öllu sínu veldi. Virkir í athugasemdum fá sína útreið, fjallað er um typpamyndir, spjallrúllettu og bræðipóst. Fjargviðrast er yfir hinum ýmsustu veföppum og almennu aðgengi iðjóta að internetinu.

Fólk er þjóðir

2021/03/31

Hér alhæfa þeir frændur um þjóðir, fá útrás fyrir hatur sitt (ótta sinn) á Hollendingum og Dönum og unglingum. Að venju er farið langt út fyrir efnið og fjallað t.d. um stuttbuxnatísku, hobbita og órökvissa fjöldamorðingja. Athugið: Hér er ekki rætt um almenningssamgöngur!

3. Fólk sem hefur of hátt

2021/03/29

Í þessum þætti fjalla Þrándur og Hjörtur um fólk sem hefur of hátt. Auðvitað er enn vikið að sporvögnum og strætó, rætt er um unglinga, íþróttafréttafólk, dans og samfarastunur. Þátturinn var hljóðritaður vorið 2016

2. Fólk sem er fyrir

2021/03/17

Í þessum þætti fjalla Þrándur og Hjörtur um fólk sem er fyrir. Rætt er um sauðkindina, gamalt fólk og staðgengla og að sjálfsögðu verður haldið áfram að röfla um sporvagna og aðrar tegundir almenningssamgangna. Þátturinn var tekinn upp vorið 2016