Advertise on podcast: Heilsuhegðun ungra Íslendinga

Description

Í vísindahlaðvarpsþáttunum Heilsuhegðun ungra Íslendinga verður fjallað um heilsu, líðan og velferð ungs fólks á Íslandi. Umræðuefni þáttanna tengist langtímarannsókn sem vísindafólk við Menntavísindasvið Háskóla íslands gerði á stöðu ýmissa þátta í heilbrigði ungra Íslendinga. Þar var skoðuð staða og breyting til langframa á hreyfingu, svefni, þreki, kyrrsetu, andlegum þáttum frá sjö til sautján ára aldurs. Viðmælendur í þáttunum eru vísindamenn sem komu að rannsókninni og ræða um niðurstöður sínar á mannamáli við ungt fólk á framhaldsskólaaldri.

Podcast episodes

Check latest episodes from Heilsuhegðun ungra Íslendinga podcast

7. þáttur - Mataræði næring og heilsa

2021/10/07

Í þessum þætti af hlaðvarpi Menntavísindasviðs Háskóla Íslands um heilsuhegðun ungra Íslendinga ræða þau dr. Anna Sigríður Ólafsdóttir professor í næringarfræði og Baldur Steindórsson nemi við MH um mataræði, næringu og heilsu. Þau velta fyrir sér hvernig ræða mataræði og meðvitund fyrir hollum mat. Orkudrykkir, vegan, matvendni og unninn matur koma við sögu og svo margt annað.

Heilsuhegðun ungra Íslendinga. Sjötti þáttur

2021/09/16

Áhrif umhverfis á heilsu. Ástríður Stefánsdóttir læknir og dósent í siðfræði við deild heilsueflingar, íþrótta og tómstunda við Háskóla Íslands og Katrín Ólafsdóttir doktorsnemi við deild menntunar og margbreytileika takast á um hvernig margvíslegir og ólíkir þættir í umhverfinu hafa áhrif á líðan og heilsu.

Heilsuhegðun ungra Íslandinga. Fimmti þáttur

2021/06/24

Í fimmta þætti vísindahlaðvarpsins heilsuhegðun ungra Íslendinga er rætt um andleg líðan ungmenna, kyrrsetu og skjánotkun ungs fólks. Dr. Sunna Gestsdóttir lektor við deild heilsueflingar, íþrótta og tómstunda Elfa Óskarsdóttir nemi við FG skiptast á skoðunum um hvern farið er að því að styrkja andlega heilsu. Tölvunotkun, skyndibiti og félagaþrýstingur er meðal þess sem ber á góma.

Heilsuhegðun ungra Íslandinga. Fjórði þáttur

2021/06/17

Í fjórða þætta vísindahlaðvarpsins heilsuhegðun ungra Íslendinga fjallar dr. Ársæll Arnarson prófessor í tómstunda- og félagsmálafræði um félagsleg líðan og heilsu. Þær Bára Björg Ólafsdóttir og Björk Bjarnadóttir úr Fjölbrautaskólanum í Garðabæ spjalla við hann um einelti, samfélagsmiðla og hvað það merkir að vera unglingur. Varpað er upp og svarað spurningunni og um hvernig efla megi og styrkja þessa mikilvægu heilsufarsþætti hjá ungu fólki í nútímaþjóðfélagi.

Heilsuhegðun ungra Íslendinga. Þriðji þáttur

2021/06/10

Þriðji þáttur vísindahlaðvarpsins heilsuhegðun ungra Íslendinga er nokkurs konar framhald af öðrum þætti. Rúna Sif Stefánsdóttir doktorsnemi í íþrótta- og heilsufræði við Háskóla Íslands heldur áfram að fjalla um mikilvægi svefnsins, áhrif hans á einkunnir og hugræna frammistöðu svo eitthvað sé nefnt. Rúna Sif spjallar við þær Elfu Óskarsdóttur og Báru Ólafsdóttur um þær breytingar sem verða á unglingsárunum og tröppuganginn sem er á milli skólastiganna hér á landi.

Svefn, hreyfing og lifnaðarhættir ungs fólks

2021/06/03

Í öðrum þætti vísindahlaðvarpsins Heilsuhegðun ungra Íslendinga eru svefn, hreyfing og lifnaðarhættir ungs fólks til umræðu. Það er dr. Vaka Rögnvaldsdóttir lektor við Háskóla Íslands sem spjallar um hver staðan er í þessum málum og um þá þætti sem hafa áhrif á svefn og hreyfingu við þeir Jökull Þór Ellertsson og Baldur Steindórsson úr Menntaskólanum við Hamrahlíð. Sömuleiðis fjallar Vaka um hvaða leiðir séu færar til að bæta svefn og heilsu.

Heilsuhegðun ungs fólks - fyrsti þáttur

2021/05/26

Í fyrsta þætti vísindahlaðvarpsins Heilsuhegðun ungra Íslendinga er rætt við forvígismann verkefnisins, dr. Erling Jóhannesson, prófessor í íþrótta- og heilsufræði. Hann fjallar um mikilvægi þess að huga að heilsunni, gildi hreyfingar, hvíldar og svefns og einnig um hvernig rannsóknarverkefnið varð til. Erlingur greinir einnig frá hvernig hugmyndin að hlaðvarpinu varð til og hvað verður þar á dagskrá auk margs annars.