Werben im Podcast: Lyrock

Pünktlech ufe Früehligsafang simer zrügg. Bi gfüute 30 Grad i Linos Garte redämer churz über di allgägäwärtigi Situation ir USA bevor mir när über persönlechs diskutiere und wichtigi Entweder-Oder-Frage kläre. Di autbekanntä und autbewährtä Rubrikä si natürlech ou wider drbi. Viu Spass. DISCLAIMER: Headphone users aufgepasst. Die folgende Sendung kann vielleicht eventuell ab und zu übersteuern.

Synchron, dank Wortspiu startemer die Reis mit dr Velotour ohni rote fade u chöme bis id Gägewart. Politik macht depressiv und d AI präsentiert d Realität mit ere Prise Sarkasmus. Wie immer aber dörfe Top 5, 3 Frage und üses Gliir nid fähle.

Knapp heimers gschafft dsmer nid es ganzes Jahr si wäg gsi. Wi gewohnt isch d vorbereitig churz u drfür dr Podcast umso lenger. Hüt heimer gar nid so viu Theme womer drüber redä u mir fokussiere üs vou und ganz uf üsi Rubrike und uf ds abschweifä. Loset unbedingt ihne weder weit usefinde, weles üsi Lieblingsschouspiler*inne si. Mir fröiä üs sehr simer wider back u mir hoffe dir fröiet näch o.

Hüt steit ä spiustund mit Lino und Yorick a. Mir spilä üses nöi entdecktä spili wo dr Lino gärn Wortassoziation nennt u mir ir letschtä foug dütlech besser hei chönne aus hüt. Zum zuelosä isches aber sicher nume besser dür das. Drzue spilä mir ou no 2 ründeli "Wer bin ich?". Wär ds spiu nid kennt het erschtens ä biudigslücke u zwöitens kennters äuä eifach ungerem Post-It spili. Zwüschedüre redä mir natürlech über sehr interessanti Theme wo üs und d wäut momentan grad beschäftigä. Top 5 si hüt genauso wi di 3 Frage sehr guet glückt. Grad bi de 3 Frage wirds nach dr eher luschtigä stund doch o no chli deeper und chunnt schlussenldech zumnä schönä ändi.

CS isch immer no Too big to fail und immerno im trend wüus im Cypher-Bingo isch abkrüzlet wordä. Es isch wider mau chli ä längi foug u ersch gägä ds ändi wirds richtig spannend. Nachem Cypher geits bi üsem Segment Top 5 natürlech um die bestä Lines vo däm Jahr. Churz vor Schluss mache mir no es ächt luschtigs spili bevor mir di foug mit dä traditionellä 3 Frage abrunde.

Mir hei itz ändlech es hustier! Näbst em vorsteue vo üsem neustä mitbewohner geits um AI, Cypher und Aarebädele im Winter. Meistens isch ds eigentläche Thema nur 3 minute im Fokus, bevor mir zu weniger wichtigä Aspektä abschweifä - aso aues wi immer. Mir vrzeue euch üsi Top 5 Witze, wobi di meischtä haut ächt gar nid mau so guet si - aber überzüget öich säuber drvo. Zum Abrundä vor Foug beantwortä mir natürlech no di traditionellä 3 Frage. Viu Spass birä üsserst ungerhautsame Foug vo Lyrock. 

Mit Glüewii über Güetzi und Mönscherächt. D WM in Katar isch augägäwärtig und o bi üs im podcast chli ds lang es Thema. Di bewährtä Segment Top 5 und 3 Frage si aber wi immer am Start und enttüschä nid. Im Vrlouf vor Foug merkt mä de o d müedigkeit es bizeli aber ds macht ds ganzä o numä luschtiger. "WARUM HOUE VIER GLÜEWII ESO INE AHH?" (San Mattia)

Frage und haubwägs bruchbari antworte wärdä umrahmt vom nid ganz so befridigendä gfüu d Maturaarbeit abgä ds ha. Ir hütige foug vo Lyrock wird gfährlechs haubwüsse über ds wäutau prisgää und es wärdä di absolut unnötischtä sache kürt. Viu Spass bim zuelosä!

Mau echli öppis angers: D Story über üsi Velotour bis uf Genua, in Genua. Begleitet wird die eher churzi Episode vom Minnegsang vo Zikade.

Dä Podcast isch eher churz und spontan entstande, im Mittupunkt stöh die nöie Mikrofon wo üses Gelaber echli weniger schlimm mache. Wär nach tiefgründige Gedankegäng oder schüsch sinnvouem Inhaut suecht sött die Foug gschider überspringe. 

2x10 Frage und Top 5. Wahrschinlech die besti Foug vo Lyrock weme ignoriert wie viu mir eig glichzitig rede. D Mood wächslet fasch im Sekundetakt zwüsche Deeptalk und lustige Frage, e einehaub stündige Redefluss katalysiert mit Gin Tonic.

Vo Suizid bis zur Agrarpolitik mit de beste Überleitige u dr gröschte Verspätig wo sech es mönschlechs Wäse cha vorsteue.

Politischs Glaber und philosophisches Gedüns.

Vo schlächte Überleitigä u no schlächterä Witze. D Theme si so random wi we du bi dine Lieblingssongs uf Spotify shuffle drücksch.

Corona u angeri chrankheite