Advertise on podcast: What you(th) doing?

Në episodin e radhës të podcast-it “What You(th) Doing?”, ndalemi për të reflektuar si ndikon teknologjia tek mirëqenia jonë e brendshme. Me titullin “Lodhja Digjitale: Pse truri yt ka nevojë për “”Airplane Mode”, një bisedë e sinqertë dhe reflektuese e moderuar nga dy anëtaret tona të Blueprint, Ema dhe Empa, eksplorojnë: A është teknologjia një ndihmë apo barrë për shëndetin tonë mendor? Si ndikojnë pajisjet digjitale në ndjeshmërinë dhe emocionet tona? Dhe mbi të gjitha: si ruajmë kujdesin ndaj vetes, kur gjithçka ndodh “online”? Në një epokë ku edhe ndjeshmëria po algoritmizohet, ky episod fton të rinjtë të mendojnë kritikisht për rolin e teknologjisë në shëndetin e tyre, jo për ta demonizuar, por për ta kuptuar me vetëdije. Dëgjojeni episodin për një reflektim të thellë dhe të ndershëm mbi empatinë, ekranet dhe emocionet.

Në këtë episod të ri të podcast-it nga të rinjtë, për të rinjtë: “What You(th) Doing?”, fokusi është tek mënyra se si rrjetet sociale po ndikojnë perceptimin rreth shëndetit. Shëndeti nuk është më thjesht një çështje personale, shpeshherë ai kthehet në përmbajtje online. Në një kohë ku simptomat, çrregullimet dhe sëmundjet bëhen virale, është thelbësore të kuptojmë sesi po ndikon ky ekspozim në mirëqenien tonë mendore dhe fizike. Nga presioni për një imazh të përkryer, tek keqinformimi dhe vetëdiagnostikimi i mbështetur në algoritme, sot të rinjtë përballen me një realitet kompleks. Në këtë episod të titulluar “Kur Shëndeti bëhet Content”, së bashku me këndvështrimet e dy anëtareve të Blueprint: Oksana Projku dhe Rovena Palaj, do të ndalemi te mënyra sesi rrjetet sociale formësojnë narrativën e shëndetit. Do të flasim për fenomenin e “sickfluencers”, përmbajtjen “relatable” kundrejt asaj informuese dhe mbidiagnostifikimin e çrregullimeve si BPD. Pa përmendur nuk do të mbesin edhe këshillat sesi duhet të përdoren rrjetet sociale me vetëdije, balanca midis intimitetit dhe monetizimit të përvojave personale, si dhe mënyrat se si komunitetet online mund të shërbejnë si burim mbështetjeje dhe edukimi për të rinjtë që përballen me sfida shëndetësore.

 Në këtë version të ri dhe të përmirësuar të podcast-it nga të rinjtë, për të rinjtë: "What You(th) Doing?", fokusi është tek edukimi seksual.  Edukimi seksual ka një rëndësi thelbësore për mbarëvajtjen e shëndetit fizik, emocional dhe mendor të të rinjve. Duke mësuar për tema të tilla që konsiderohen padrejtësisht tabu në Shqipëri, shoqëria jonë mund të fuqizohet për të marrë vendime më të informuara që mbrojnë shëndetin e njëri-tjetrit, rrisin respektin për partnerët, dhe thyejnë stigmat e mitet ekzistuese.  Në këtë episod të titulluar "Epoka Viktoriane ka Kohë që ka Mbaruar!", së bashku me këndvështrimet e dy anëtarëve të Blueprint: Ania Sauku dhe Hedion Karaxho, do të ndalemi te koncepti i edukimit seksual në përgjithësi dhe do të thellohemi duke ngritur pikëpyetje mbi njohuritë e të rinjve shqiptarë për shëndetin seksual dhe riprodhues. Pa përmendur nuk do të mbesin edhe këshillat sesi duhet të implementohet edukimi seksual në arsim dhe shoqëri për të arritur rezultatet më të mira për rininë e sotme.

Mikrofoni ndezur, idetë gati, dhe sezoni i dytë i “WHAT YOU(TH) DOING?” vjen së shpejti pranë jush! 

🔎A e keni menduar ndonjëherë si paraqiten stereotipet gjinore në fushën e mjekësisë?  ➡️Për ta mësuar, ndiqni episodin më të ri të podcast “What you(th) doing?” me një temë mjaft interesante “Grua në mjekësi, shpërblyese apo kufizuese?” 💉 Përtej punës së palodhur, si janë të ndarë mjeket dhe mjekët në vendin tonë? Ku e fokusojmë ne besimin tonë në momentin që konsultohemi me një mjek/e? Dhe ajo që është më kryesorja, si shfaqet barazia gjinore, apo mungesa e saj në këtë fushë? 🔬 Me një bisedë të këndshme me të ftuar mjeken endokrinologe, do të zbuloni një këndvështrim ndryshe të kësaj teme si dhe përgjigjet e pyetjeve të mësiperme.

“A i di të drejtat e tua?” Kjo është pyetja me të cilën do nisim episodin e ri të podcast-it tonë!Për këtë temë, kemi të ftuar një eksperte tëfushës Viviana Çupi për të ndarë njohuri të rëndësishme dhe për të treguar raste të ndryshme kur njohja e të drejtave të njeriut ka ndryshuar marrëdheniet midis vetes dhe të tjerëve. Të drejtat e njeriut janë thelbi i shoqërise sonë dhe një mjet i fuqishëm për të garantuar drejtësi dhe barazi për të gjithë individët, prandaj ju ftojmë ta shijoni këtë perspektivë unike duke ndjekur  podcast-in tone në Spotify ose Apple Podcast. Le të bashkëpunojmë për një botë më të drejtë dhe më të ndërgjegjshme!

Çfarë ndodh në OKB nuk mbetet në OKB, sepse Aldi dhe Marsela kanë treguar momentet më pikante nga experienca e tyre në UNGA7 në këtë episod podcasti.🎙️ 🚨Si t'ia mbathni nëse mbeteni të mbyllur në një nga sallat me sigurinë më të lartë? Si kanë reaguar delegatët kur janë provokuar nga diplomatët Rus? Cili ka qenë momenti më pikant për delegatët? Çfarë ka ndryshuar pas 1 viti mandat për Aldin dhe Marselën? Këto dhe të tjera i zbuloni në podcastin "Çfare ndodh ne OKB, thuhet ne What You(th) doing" 🚀

Are you curious about how electoral processes work and how your vote can make a difference? Tune in to our latest podcast episode where we explore the importance of exercising your right to vote. Let's empower ourselves with knowledge and take action to create the change we want to see in our communities and the world. Don't miss out! 🎙️🗳️ #ElectoralProcesses #Democracy #Podcast #Spotify #YourVoteMatters #MakeEveryVoteCount #14maj

Këmbanat e alarmit po bien! Për çfarë? Që të na rikujtojnë se sa e rëndësishme është njohja e ideologjive politike e kësisoj reflektimi për zgjedhjet që bëjnë të rinjtë nëpërmjet votimit. Duke u nisur nga fenomeni në masë i keqinformimit të të rinjve rreth kësaj teme, ne i dedikuam një episod të tërë të podcastit “What you(th) doing?”. Cili është raporti mes rinisë dhe ideologjive politike? Cilat ideologji kanë dominuar politikën shqiptare me kalimin e kohës? Së bashku me të ftuarin tonë Sokol Lleshi, lektor i shkencave politike në Universitetin e New York Tirana, kemi arritur të japim një shpjegim këtyre e shumë pyetjeve të tjera.

“Arsimi është arma më e fuqishme që mund të përdorni për të ndryshuar botën”. Kjo thënie e Nelson Mandela na bën të kuptojmë se sa vendimtar dhe i jashtëzakonshëm është ai në përmirësimin e gjithësecilit prej nesh. Bazuar në këtë fakt, kemi përzgjedhur jo rastësisht një temë të veçantë për episodin e rradhës të podcasit tonë që e kemi quajtur “Një takim me Evropën”. Së bashku me të ftuarën tonë Ogerta Lala, përgjegjëse e komunikimit dhe rekrutimeve për “College of Europe” do të eksplorojmë mundësitë e bursave dhe dy kampuset e kolegjit në Bruges dhe Natolin, si dhe do u japim përgjigje këtyre pyetjeve e shumë të tjerave: Çfarë është Kolegji i Evropës dhe cilat janë mundësitë që u ofron të rinjve për t'u rritur akademikisht? Cilat janë mundësitë e bursave që ofron Kolegji i Evropës për të ndihmuar studentët shqiptarë? Cilat janë ato  këshilla të brendshme se si të përgatisni një aplikim të mirë?

📌Në episodin më të ri radiofonik të “What you(th) doing?” vëmendjen e kanë të Rinjtë! 👫Në kuadër të Ditës Ndërkombëtare të Rinisë, UN Association Albania dëshiron të nisë një diskutim mbi rolin dhe rëndësinë e të rinjve/rejave në proceset e paqes dhe sigurisë si edhe angazhimin e tyre të mëtejshëm në aktivitete/nisma për paqen. 🗯️Në këtë episod të titulluar “Why Youth?” së bashku me trajneren bashkëmoshatare, Flutura Brakaj reflektuam për përvojën e pesë punëtorive lokale të zhvilluara në kuadër të projektit “Building Partnership for Youth, Peace and Security” (tashmë të finalizuar), pikëpamjet e tyre mbi paqen, si dhe sfidat që pengojnë aktivizmin e tyre në këtë drejtim. 🎙️E ftuara jonë, ndau me ne këndvështrimin e saj në lidhje me punën me të rinjtë/rejat gjatë punëtorive lokale. Ndër të tjera ajo thekson, “... se nëse punon me të rinjtë një trajner/e bashkëmoshatar/e duhet të ketë një qasje sa më të hapur dhe të sinqertë në mënyrë që të arrihen objektivat e vendosura…” 🟢Nëse dëshironi të njiheni më tej me punëtoritë lokale që do të zhvillohen në kuadër të projektit të ri “Të Rinjtë për Paqe dhe Siguri” dhe perspektivat rinore që do të parashtrohen, ju ftojmë të dëgjoni deri në fund këtë episod.

Në këtë episod të titulluar “Quo vadis Arsimi?”, kryefjala e bisedës është arsimi. Së bashku me aktivistin e Qëndresës Qytetare, Migen Qiraxhi, diskutojmë mbi arsimin e lartë në Shqipëri, çfarë është bërë deri tani, problematikat me të cilat hasen studentët, reagimin e tyre e shumë fakte të tjera që keni mundësinë t’i dëgjoni gjatë kësaj bisede. Ndiqeni tani episodin më të ri të podcastit “What you(th) doing?”!

Cfarë kanë të përbashkët Stockholmi, Gjeneva dhe New York-u? Për Anian dhe Diogjenin këto janë gurë kilometrikë në rrugëtimin e tyre si brezi i tretë i delegatëve rinorë në Kombet e Bashkuara. Ne ju ftojmë të dëgjoni episodin më të ri të "What you(th) doing?" për të mësuar më shumë mbi prapaskenat, historitë qesharake dhe mbi të gjitha se kur do të hapet thirrja për brezin e katërt të delegatëve.  Tani në Spotify dhe Apple Podcast, vetëm një klikim larg.

Në këtë episod të “What You(th) Doing?” titulluar Ëndërrimtarët e Gjelbër do të kemi si tematikë aktivizmin për klimën dhe lidhjen e ngushtë të këtij të fundit me përfshirjen rinore. Sa e përfshirë është rinia shqiptare? Pse i druhemi aktivizmit? Çfarë do të thotë të jesh një aktivist klime dhe me çfarë betejash përballen ata? Për t'iu përgjigjur pyetjeve tona dhe tuaja mbi këtë tematikë kaq aktuale dhe alarmante UNYAA ka ftuar Rea Nepravishtën. Rea aktualisht po punon me Fondin Mbarë Botëror për Natyrën mbi programin e mbrojtjes së lumenjve kundër ndërtimit të HEC-eve, si dhe është pjesë e një kolektivi që fokusohet në kërkimin mbi feminizmin dhe çështjet e barazisë gjinore në Shqipëri. Biseda me të do tju informojë, “hapë sytë” e me anë të eksperiencës së saj do të hidhet dritë mbi çështjet e aktivizmit klimatik. Ndiqeni tani!

Në këtë episod, z. Endrit Yzeiraj, ish-specialist në Departamentin e Kërkimeve të Bankës se Shqiperise diskuton mbi tendencat e ndryshimit që kanë përjetuar të rinjtë shqiptarë gjatë periudhës post-komuniste, duke tërhequr paralele dhe krahasime mes tyre dhe rinisë perëndimore. Si mund ta kuptojnë të rinjtë ndikimin dhe rëndësinë e ekonomisë në aktivitetet e tyre të përditshme? Cila është forca e tyre reale në fuqizimin e një ekonomie?  Kjo dhe shumë pyetje të tjera janë përgjigjur në episodin më të ri të podcast-it "What you(th) doing?".