Advertise on podcast: Frjálslynt Fólk

Út er kominn sjötti og síðasti þáttur þessarar syrpu af Frjálslyndu Fólki! Spjallað er við Eirík Björn Björgvinsson, oddvita Viðreisnar í Norðausturkjördæmi. Þess ber að geta að þátturinn er tekinn upp á netinu, skömmu fyrir sjálfan kjördag. Í þættinum förum við yfir æsku Eiríkis í Reykjavík, íþróttamenntunina erlendis, bæjarstjórastörfin að austan og að norðan og ótalmargt fleira. Góða hlustun!

Í þessum fimmta þætti kynnumst við sjálfri Þorgerði Katrínu Gunnarsdóttur, formanni Viðreisnar og oddvita flokksins í Suðvesturkjördæmi. Þorgerður fer yfir æskuna í Vesturbænum og Breiðholti, ástina, saumaklúbbinn, fjölskylduna - Já og hið mikla dálæti sem hún hefur yfir Hafnarfirði. Þetta og svo miklu meira í þætti dagsins, góða hlustun!

Í þessum fjórða þætti Frjálslynds Fólks bregðum við okkur heim í stofu til Guðbrands Einarssonar, oddvita Viðreisnar í Suðurkjördæmi og forseta bæjarstjórnar Reykjanesbæjar. Guðbrandur, eða Bubbi eins og hann er kallaður hefur sannarlega upplifað meira en flestir á sinni ævi. Í þættinum förum við yfir æskuna í Keflavík, fíknina, meðferðina, krefjandi starf í útlöndum og svo pólitíkina á Íslandi - Já og svo að hafa eignast tvö sett af tvíburum með skömmu millibili, geri aðrir betur!

Í þessum þriðja þætti Frjálslynds Fólks fáum við að kynnast Hönnu Katrínu Friðriksson, oddvita Viðreisnar í Reykjavík Suður. Hanna Katrín fer yfir æskuna í Breiðholti, handboltaárin, blaðamannaferilinn, átök við kerfið og ýmislegt fleira. Eins og vanalega fer þátturinn um víðan völl og er því við hæfi að óska ykkur góðrar hlustunar.

Í öðrum þætti Frjálslynds Fólks kynnumst við Guðmundi Gunnarssyni, oddvita Viðreisnar í Norðvesturkjördæmi. Gummi, eins og hann er kallaður, hefur sannarlega upplifað heilmargt á sinni skömmu ævi. Í spjallinu fer hann yfir bernskuna í Bolungarvík, ævintýrin í Suður Ameríku, plöstunaráráttu í kórferðum og svo margt fleira. Njótið vel.

Í þessum fyrsta þætti Frjálslynds fólks kynnumst við Þorbjörgu Sigríði Gunnlaugsdóttur, eða Obbu. Hún býður sig fram í 1. sæti fyrir Viðreisn í Reykjavík norður. Þáttastjórnandi: Geir Finnsson