Advertise on podcast: Fjárfesting

Description

Fjárfesting – skemmtiþáttur um fjármálin er glænýr gaman- og fræðsluþáttur sem ber ekki undir neinum kringumstæðum að túlka sem fjármálaráðgjöf. Hákon Jóhannesson og Matthías Tryggvi Haraldsson kanna óravíddir fjármálaheimsins án þess þó að vita neitt um fjármál. Þeir fá til sín góða gesti, viðskiptafyrirsagnir vikunnar eru á sínum stað og orðið er frjálst þegar opnað er á símann. Sérstakir ráðgjafar þáttanna eru Stefán Michaelsson og Vigdís Hafliðadóttir.

Unlock Fjárfesting podcast Email contact info,
Listeners & Audience details

Email contact information

Direct podcast contact details

Listeners

Audience numbers & engagement insights

Audience details

Podcast Insights

Podcast episodes

Check latest episodes from Fjárfesting podcast

Fjárfesting - Þáttur 21: Raftæki

2021/12/23

Rafmagn færir okkur gleði um jólin. Við nýtum raftækni til að færa hlustendum fyrirframupptekinn Þorláksmessuþátt svo Davíð tæknimaður komist í jólafrí. Ryksugur, leysigeislar og uppþvottavélar rata í umræðu þáttarins og mögulega í pakka undir jólatré.

Fjárfesting - Þáttur 20: Fasteignir

2021/12/17

Sum hver búum við í húsi. Þáttur dagsins er ekki jólaþáttur heldur skemmtiþáttur um fasteignir. Við tölum við Óskar hjá Fjárfestingu fasteignasölu, Ástu Birnu arkítekt og Hlyn fasteignamiðlara í Kýpur. Við lítum einnig út í heim með lærðum pistli frá Magnúsi Skúlasyni ráðgjafa þáttanna og loks íhugum við það sem raunverulega skiptir máli í lífinu.

Fjárfesting - Þáttur 19: Jólakort

2021/12/13

Það er gaman að gleðja fólk um jólin. Á alþjóðlegum degi jólakorta skrifa þáttastjórnendur jólakort handa öllum sem hringja inn! Svo er að sjálfsögðu hringt í jólakortasérfræðing og Stefán Michaelsson, sérstakur ráðgjafi þáttanna, sendir hugheila jólakveðju.

Fjárfesting - Þáttur 18: Píla

2021/12/07

Það er gaman að kasta pílu í mark. Í þessum þætti fjöllum við ekki um Pílu Pínu, ævintýrasöngleik sem settur var upp á Akureyri um árið, heldur íþrótt. Ingibjörg pílumeistari segir sögur, Skorri hjá Bullseye deilir sjónarmiði rekstraraðila og Tumi Björnsson leikskáld sendir okkur fjórða útvarpsleikritið sem flutt er í sögu Útvarps Sögu.

Fjárfesting - Þáttur 17: Fjölmiðlar

2021/11/26

Góður fjölmiðill reynir að vera heiðarlegur í hvívetna. Við ræðum við fjölmiðlafólk um fjölmiðla og kynnum auk þess dagskrárliðinn „myndir þú fyrir pening“ til sögunnar. Vigdís flytur málefnalegan pistil með sekkjapíputónlist.

Fjárfesting - Þáttur 16: Hlutabréf

2021/11/19

Hlutabréf vaxa stundum í verði. Við ræðum hlutabréfamarkaði í besta þætti Fjárfestingar – skemmtiþáttar um fjármálin til þessa. Við sláum á þráðinn til Mogens hjá Íslandssjóðum, Kristínar Hildar hjá Fortuna Invest og heyrum í ónefndum starfsmanni hjá Hótel Keflavík. Þá flytur góðvinur þáttarins Magnús Skúlason Cand. Mag. lærðan pistil um ævintýralegan vöxt á verði Game Stop.

Fjárfesting - Þáttur 15: Músik

2021/11/12

Góð músik gleður eyrun. Við hlustum og tölum og veltum fyrir okkur fjármálum tónlistarbransans. Viðskiptafyrirsagnir vikunnar eru á sínum stað ásamt þéttri dagskrá viðmælenda sem segja okkur frá músik.

Fjárfesting - Þáttur 14: Stress

2021/11/12

Stress er stundum erfitt. Við ræðum stress með fjármálagleraugun á nefinu og róandi tónlist í tækinu. Anna hjá Kvíðameðferðarstöðinni veltir vöngum og góðvinur þáttarins, Eiríkur Jón, deilir upplifun sinni með pistli.

Fjárfesting - Þáttur 13: Glingur & Skraut

2021/10/29

Alls konar glingur og skraut er fallegt. Vigdís heimspekingur leysir Hákon af í þessum þætti og ræðir glingur og skraut, við fáum pistil um múmínbolla ásamt því að útvarpsleikritið Gullsmiðurinn er flutt í fyrsta sinn.

Fjárfesting - Þáttur 12: Gröftur

2021/10/21

Gröfur grafa í jörðina en tölvur grafa í alnetið. Við ræðum nánar um rafmyntir og hvaðan þær koma. Vigdís, heimspekingur þáttanna, spjallar í símann, Magnús Skúlason Cand. Mag. flytur lærðan pistil og Kjartan hjá Myntkaupum fræðir okkur um Bitcoin.

Fjárfesting - Þáttur 11: Rafmyntir

2021/10/14

Rafmyntir eru peningar á internetinu. Hvernig virka þær? Hvers virði eru þær? Hvaðan komu þær? Þessum og miklu fleiri spurningum um rafmyntir verður svarað í þætti dagsins. Gunnar rafmyntaspekingur fræðir strákana og Vigdís heimspekingur flytur hugvekju.

Fjárfesting - Þáttur 10: Veðbankar

2021/10/08

Veðbankar halda utan um fjölmörg veðmál. Í þessari viku skoðum við þessi fyrirtæki og spyrjum okkur í leiðinni hvort tölvuleikir séu íþróttir. Hringt er í Pétur hjá Lengjunni, Ölmu hjá Spilavanda og Magnús er með fróðlegan pistil. Stefán Michaelson, sem fæddist í borg veðmálanna vestanhafs, kíkir í hljóðverið en Matthías talar frá Póllandi.