Advertise on podcast: Mojle

Jaaaaooooo dao zien veer weer mèt de aller allerletste aoflevering vaan Mojle. Netuurlek maag heer neet ontbreke: Zienen Hoegen Hoeglöstegheid Stadsprins Lloyd 1e. Aon zien keuketaofel heet heer us mètgenome in zien verhaol. Geneet vaan dees aoflevering en veer zien us. Vastelaovend same!

0.00 dinsdagnach: ‘t Mooswief geit nao oonder. Op de trompöt klink ‘t Mestreechs Volksleed gespäöld door Jean Lambrikx. Mie hinnevel kin ‘ne Mestreechteneer neet kriege in e jaor. De Vastelaovend is daan gedoon en ‘t vaste geit beginne. Alhoewel, nog eine hiering en e gleeske beer op Asselegoonsdag. Frank Steijns liet us met zien Mestreech Salon Orkes sinds veureg jaor weer genete op ‘t Slevrouweplein. Met dees 2 manne Mojle veer 'n oor laank euver meziek en de Mestreechter Vastelaovend.

Vastelaovendsvierders zien ‘t in hart en nere: Roodkapje en Adjudant Lambèr, oftewel Mario Verhoeven en Lou Lejeune. Zie make eder jaor vaan alles mèt en zien mèt hun creatie neet weg te dinke in de Mestreechter Vastelaovend. Laot uuch oonderdompele in 'n eurke oonvervalsde straotcarneval mèt dees vastelaovendsvierders.

Straotcarneval is ‘t thema veur dees aoflevering. Veer woorte veuraof al gewaarsjouwd, 1 eurke Mojle is neet genóg veur dees manne. Luc Theunissen en Patrick Spronken numme uuch mèt in de 111 anekdotes die zie höbbe mètgemaak op straot. Vastelaovend viere zit in hun blood en dao kinne zie met hiel väöl plezeer euver Mojle.

Jef en Richard

De kasteleinsaoflevering. Eder jaor zien veer benuid nao de verhaole vaan de kasteleins. Dit jaor mojle Yves Mullenders vaan de Poshoorn en Tuur Huijbregts vaan de Tribunal euver hunne vastelaovend.

Eder podcastaoflievering beginne veer de vraog wat is dien favoriete vastelaovendsnómmer. Daorum höbbe veer noe 2 manne oetgenudeg die alles weite vaan vastelaovendsmeziek, zeker ouch vaan de meziek vaan vreuger. Doompel uuch oonder in 'n eurke nostalgie.

Eindelek 'n aoflievering tot mie dames es hiere in de oetzending zien. En wat veur 'n dames!! Ze zien oetgesproke en höbbe jaorelaank ervaring en kinne ore Mojle euver wat gebäört op, meh ouch achter de buun. Wie kumste aon leedsjes, welk leedsje kinste neet mie hure en wat is 't groetste versjèl tösse hiere- en dameszittinge? Angelina, Saskia Theunisz en Katja Henz laote us in dees aoflevering mètgenete mèt al hun verhaole.

Este in 't 5e sezoen op e laat oor nog e heileg huiske nao binne geis is d'r 'ne groete kans datste daan ein vaan dees charmante manne tege kumps. Veer höbbe de aofgeloupe jaore dèkser mèt hun gemojld aon de bar met traone euver eus wange. Zie make vaan alles mèt es Kachelpiepers en kinne dao smakelek euver vertèlle. Daorum waor 't veur us vaanzelfsprekend tot Armand en Romain dit sezoen in de oetzending móste koume. Nao 't luustere kinste neet aanders es zin höbbe in dee sjoene vastelaovend.  En.... zie zeuke nog nuie Kachelpiepers, dus mochste nao 't luustere ouch al die avonture wèlle beleve, gaank daan ins kieke bij die sjieke club

Veer höbbe ’n zwaak veur ein vaan de belangriekste oonderdeile vaan de Mestreechter Vastelaovend, naomelek de wiekvereiniginge. Dit jaor höbbe veer Kelsey Janssen vaan de Mallebergers en Roger Moonen vaan de Mineurs in de oetzending. Zie numme us met in de oetdaginge boe zie in de wieke veur stoon. Mer bovenal straole zie ’t plezeer oet vaan e gans jaor bezeg zien es club. Veur de Mineurs is dit weekend zoewiezoe speciaol, want de Hertog weurt de 29e oetgerope bij Bernaards. Heer zal nog snel dees aoflvering goon luustere. De prins vaan de Mallebergers weurt trouwes 3 jannewarie oetgerope in Centre Manjefiek Malberg. Gaank ins kieke es in eur buurt ‘ne vastelaovendsactiviteit weurt georganiseerd, want de wiekvereiniginge zien deks ’t cemint vaan dees buurte. Veer zien gruuts op dees 1e aoflvering vaan ‘t 5e sezoen!

Wie is 't 'm achter 't bufèt te stoon? Mèt Dennis Stroes 'n Tom Hamaekers.

Prins Carlo en jäöghoeglöstegheid Ties

De Mestreecher Clochards en die lange van Veer Motte Door of Veer Motte Wijer

Mojle mèt Nico Kempeners, Georges van Zeijl en Armand Peereboom.

Mèt Tren en Bart in de kaffee opgenome.