Advertise on podcast: Benetan zabiz?

Denboraldiko lehen eduki sortzailea gonbidatu “Benetan zabiz?” podcastean: Luma Otaño!Tolosako eduki sortzaileak ez du lan bakarra egiten; haurreskola batean haur hezitzailea ere bada, eta aitortu du, mahai-jokoak oso gogoko dituela. Mugikorraren gehiegizko erabilera, kuadrillismoa, sare sozialak, norbere bizitza partekatzea, oversharing-a eta postureoa izan dira, besteak beste, ataleko gai nagusiak. Kolaboratzaile berrietako bat ere hurbildu da gainera!Jon Gotzon Aldaparena “tardeo”az eta gazteek alkoholik ez edateko joera berriaz aritu da. Bai eta bikote harremanetako “peluxea” izateaz ere.Benetan zabiz galdu egingo duzula?

Atal honetako gonbidatuak hogei urte eman ditu bere jaioterritik kanpo eta, azkenean, etxera itzulita semea Donostian hazteko hartu duten erabakiak oso pozik jarri du. Nerea Garmendia beasaindarrarentzat ETBko “Vaya Semanita” saioa da proiektu bereziena, hogeita hiru urte baitaramatzate berau grabatzen. Beste humorezko saio batzuk ere egin izan ditu, "Akelarre" esaterako. Garmendiak aitortu du, ETB-2n ikusita fitxatu zutela RTVE kateko “MasterChef Celebrity” saioan parte hartzeko.Zer moduz d**o Garmendia osasunez? Nola izan zen obuluak izozteko prozesua? Epaitua sentitu izan da ama berrogeita bost urterekin izateagatik? Nolakoa da bera? Zein da bere buruarekiko duen pertzepzioa? Eta zer pentsatzen du Nereak, Malen eta Aitziberren inguruan?Nereak esklusiba bat eman du gainera! Hirurek, bestearekiko aurreiritziak zeintzuk izan daitezkeen azaldu dute eta giro ezin hobean aritu dira elkarrekin! "Benetan zabiz?" podcasta galdu egingo duzula?

Bost urte bere atzetik eta azkenean, manipulatzaile deitu bazituen ere, denboraldia irekitzeko proposamena onartu du! Julian Iantzik polemikari errespetu handia dio, eta gai horrekin zabaldu dute “Benetan zabiz?” podcastaren atala. Nola ez, ETBko “El Conquistador del Fin Del Mundo” saioaz eta bere parte hartzeaz ere aritu dira. Zein da saio ezagunetik Iantzi gehien hunkitu duen unea? Telebistako pantailatik haratago ezagutu nahi izan dute: Zer egiten du egunerokotasunean? Nolako sofa du? Aurkezle lanez gain, zer beste lan izan ditu? Suhiltzailea izan da? Eta tabernaria? Kirol asko egiten du? Egia eta gezurren poligrafo ezagunari aurre egin behar izan dio! Egia esango ote du? Ez galdu atala!

Heldu da “Benetan zabiz?” podcastaren zazpigarren denboraldia!Zimurrik gabe eta inoiz baino “umeago”, gainera. Aitziber eta Malen zorriekin itzuli dira. Uda lasaiaren ostean, anekdotak kontatzeko gogotsu daude: uda “emozionalegia” eta ingurukoen errealitate desberdinak izan dituzte hizpide. Hilabeteotako polemikak ere komentatu dituzte: emakumeak gorroto dituen bizkaiko egunkari bateko kazetariaz, eta Betizu taldearen ika-mikaz, San Ferminetako gaupasaz, hemendik aurrera jasango ez dituzten gauzez. Kontu horiez guztiez jardun dute atalean zehar.Gainera, kolaboratzaile izarra ez da bakarrik etorri: Maria Blancok eta bere zorriek tarte barregarria eskaini digute. Bestalde, denboraldiko berritasunak azaldu dituzte: aurpegi berriak kolaboratzen? Arrosaliri agur esan ote diote? Potenteak izango al dira aurtengo gonbidatuak? Denaren berri jakiteko, ez galdu “Benetan zabiz?” podcastaren zazpigarren denboraldiko lehen atala!

Denboraldiko azken atalarekin topo egin dute Malenek eta Aitziberrek! Hogeita hamabost atal eta gero ikasturte “piperroiari” agur esateko unea heldu zaie; eta horretarako “Benetan zabiz?” podcastetik igaro diren gonbidatuei laguntza eskatu diete! Atal honetan gonbidatuek botatako galdera “salseanteak” erantzungo dituzte: gonbidaturen batekin ligatu dute? Baten batek nagia eragin zien? Nola gestionatzen dute laguntasuna eta lana? Gonbidatuetatik, nor heldu da beranduen?Uda badator eta gorputzak badaki! Udarekin batera sortzen zaizkien irrikez, eta datozen hilabete beroetan nagia sortzen dieten gauzen inguruan, aritu dira Maria Blanco kolaboratzailearekin batera!Ez galdu 6. denboraldiko azken atala! Eta benetan-zabiztarren partez: eskerrik asko beti hor zaudetelako eta uda izugarria pasa! Maite zaituztegu, bueno, “sinmas”.

Atal honetako gonbidatua: Sua Enparantza!Gure Zirkuan abeslari eta akrobata, “Irabazi Arte!” telesaileko aktorea eta “Ztanda” kantu lehiaketako epaimahaikidea azken denboraldian. Nola bizi da karabanan? Zeintzuk dira Gure Zirkuan dituen erronkak? Zein da sekula bizi izan duen momentu randomena? Nolakoa da “koman dagoen” pertsonaiaren papera antzeztea? Zer iragarri dio astrologoak hogei orriko pdf luzean? Haurdunaldi bat?Ez galdu “Benetan zabiz?” podcastaren atal hau!

“Benetan zabiz?” podcastaren lehen polemika gainditu berri, atal honetan Herenegun taldeko Jon Oiartzabal eta Joseba Alonso dira gonbidatuak!Antiguotarrek hamar urte daramatzate dagoeneko taldean; bertsioak eginez abiatu zuten musikan egin duten ibilbidea. Esan digutenez, ez dakite oso ondo nola iritsi diren egiten dutena egitera eta bizitzari aurpegia gehiago “emango” baliote hobeto joango litzaiekeela pentsatzen dute.Norekin egingo lukete kolaborazio bat? Bizitzari aurre egiten diote, oro har? Zeintzuk dituzte “red-flag”ak? Zein da Unanue eta Euskowboyk izan duten polemikaren gainean duten iritzia? Zer da lagun baten alde egingo luketen gauzarik fuerteena? Gainera, “Benetan zabiz”ek antolatutako sagardotegiko xehetasun eta kotilleo guztiak, atal honetan, dituzu!Ez galdu atala!

Maruxak taldeko Katta eta Tani dira “Benetan zabiz?” podcastaren atal honetako gonbidatuak! “Eskuminak” izeneko beren lanak Euskal Herria zoratu du, eta aitortu dute abestien bideoklipak hiru hilabeteetan egin zituztela. Horrek, antza, taldekideak ileetatik tira egitera eraman zituen tarteka. Euskal kultura eta tradizioa haien eguneroko espazioetan ere kokatzen dira, “modu naturalean atera zaigun jarrera izan da hori”, hala bizi baitute.Taldeak eta lan berriek izan duten arrakasta gazi-gozoa izan da batzuetan,Korrikan parte hartzeagatik diskriminazio iruzkinak jaso zituzten, kaleratutako bideoklipetako batean bezala, bideoko iruzkinak desaktibatu behar izan arte.Zer iritzi dute mitologiaz eta euskal kulturarekin lukratu nahi dutenen inguruan? Ze maruxa mota dira? Adarrak jarri dituzte sekula? Zeintzuk dira Euskal Herriko top 5 maruxak? Nork jan zuen bolo batean catering guztia?Ez galdu atala!

“Benetan zabiz?” podcastaren atal berezia zuzenean egin dute Malen Altuna eta Aitziber Gradosek Donostiako Tabakaleran 2026ko maiatzaren 29an. Podcast Geltokia jardunaldiek Madriletik kanpora egin duten aurreneko aldia izan da aurtengoa, Subterfuge Radio, Tabakalera eta EITB Mediak elkarlanean, eta testu inguru horretan egin da sareetako gain esposizioa izan da aztergaia. Horretarako gonbidatu bereziak izan dituzte Aitziberrek eta Malenek, Ane Perez Acedo “AnePe” gisara ezagunagoa den dantzari eta koreografoa, Iker Iribarren Lopetegi tabernari tiktokerra eta Ana Goitia Erkiaga, kazetaria era umoregilea.Hirurak dira sareetarako eduki sortzaileak eta azaltzen dituzte beren eguneroko bizitzako pasarte edo anekdotak, baina “oversharing”etik urruti kokatzen dute beren burua eta mugak oso garbi dituzte. Ana Goitiak, adibidez, “eduki sortzaile” denik ere ez du uste eta kontu handia izaten du beti gauza pertsonalak edo bere ingurukoenak ez kontatzeko. Iker Iribarrenek, “presumitzeko ezer ez daukat” azpimarratzen du eta ez du uste etorkizunean saretu duen ezerk damu araziko duenik. AnePeren iritzirako, ezer sarera igo aurretik mugak garbi izan behar dira, “zure buruari eragingo dion edozer” saihestu behar da.

Goierritarra izateaz harro dagoen pertsona “Benetan zabiz?” podcastaren aste honetako atalean, Eider Saez lazkaotarra! Nøgen taldeko abeslari ohiak, bakarlaria azken urteetan, “Sorginkeria” kantutzarra kaleratu berri du! Aitziber, Malen eta hirurak sareetan azken aldian birala egin denaz aritu dira: haietatik “inbidia ematen duten eta ematen ez duten” gauza eta egoerez hitz egin dute.Eider “A ze banda!” ETB1eko kantu saioan ezagutu zuten eta bere esanetan han bizi izan zuten aurreneko aldiz musikagatik eguneroko gauzak sakrifikatu behar izatea. Nøgen taldea utzita, aitortu du, denbora batean ez zuela musikaz ezer jakin izan nahi. Zer gertatu zitzaion? Leku eta talde batean berria zarenean, zer sentitzen da? Zeintzuk ziren txikitan bere erreferenteak? Maria Blanco kolaboratzailea izan dute gainera; tarotista baten paperean sartu da eta neskei kartak bota dizkie!“Benetan zabiz?”, galdu egingo duzula?

Bengo abeslari eta breakdance dantzari oiartzuarra Kolonbian izan da eta nobedadeak ditu. Album berriaren aurrerapena aurkeztu dute: “Bizirik gaudelako”, “Hemen gaude” eta “Beldurrik gabe” abestiak. Azkeneko hau Olaia Inziarterekin batera. Berritasunen artean, kolaborazio random bat izango dutela. Hala esan die Aitorrek Malen eta Aitziberri eta ez omen da bere lorpenez oso kontziente.Ze iritzi dauka plagioaren inguruan? Euskañolaren inguruan? Zer gertatu zitzaion Gatiburen agur kontzertuan breakdance egin zuenean? Ze musika entzuten du? Parrandan reaggetoia gustuko du? Ligatzeko teknika batzuk eman dizkie eta semaforo batean dirua eskatzeko aholkuak ere bai. Abeslari eta breakdancerra, behin Donostiako Boulevardean show-a eskaintzen zebiltzala gertatu zitzaionaz ere hitz egin du “Benetan zabiz?” podcastean.Ez galdu atala!

Giltzurrunetako arazoaz osatuta, Beñat Rodrigo saltseroa izan dute aste honetako atalean! Transplantearen ebakuntza baino lehen, Opus-en erietxeko apaizarekin hitz egiteko aukera eskaini zioten. Transplanteen mobidaren funtzionamenduaz hitz egin dute “Benetan zabiz?” podcastaren atal honetan. Horrekin eta heriotzarekin zerikusia duen “Iltze 1” Beñaten azken EPaz, Pokemoni buruz eta Habbo-z, Aitziber eta Malenen nerabe garaiko ordenagailu jokoaz. Eta “Nor da nor?” jolasean ere aritu dira. Kantak euskañolez egiteari buruz ere galdetu diote “Benetan zabiz?” podcastaren atalean zehar. Gauza bera al da arnasgunetik sortzea, edo ez? Nongoak dira Beñaten arbasoak? Nafar erreinuko kateak sentitzen ditu?Ez galdu atala!

2027an hogeita hamar urte beteko dituzte, bai, hogeitahamar urte taldea sortu zutenetik. Geroztik, ez dira banandu eta lanean dihardute Euskal Herriari ereserkiak oparitzen. Zea Mays taldeko Aiora Renteria izan da gonbidatua “Benetan zabiz?” podcastaren atal honetan! Aitortu digu, taldekideak horrenbeste urte elkarrekin egoteko gakoa komunikazio ona izatea dela.Nola uztartzen du Aiorak musika taldea eta irakasle lana? Eskatu behar izan du inoiz lanaldi murrizketarik? Zer da Zea Mays-a? 2023eko Bilboko Aste Nagusiko pregoilaria izatearen esperientziaz, pairatu zuen umetokiko minbiziaz, abeslarien ahots kontuez eta zaintzaz, eta heriotzari dion beldurraz hitz egin dute, besteak beste. Eta Maria Blanco kolaboratzaileak erretiro espiritualen gaia ekarri du mahai gainera.Benetan zabiz galdu egingo duzula?

Gonbidatuak “plantoia” eman eta inprobisatzea beste aukerarik ez dute izan Aitziber eta Malenek! Nor zetorren, eta zergatik huts egin du? Jakingo al dute inprobisatzen? Zenbatgarren minututik aurrera da delitua puntualtasun eza? Bikotekideo ohien lagunen Instagrameko “lagunik onenetan” mantentzeari buruz aritu dira. Gaur egun ohikoak diren baina, gerora, gaizki zahartuko direla uste duten gertakari eta egoeren inguruan ere hitz egin dute. Bikotekidearekin biziko gara? Tabakoa? Ezkontzak? Te matcha? Bestalde, zer da kukaratxo batek egin dien gauzarik okerrena?Hori guztia jakiteko, ez galdu atala!

Karmele Jaio idazlearen azkeneko lanak, “Harrizko bihotza” liburuak, taupaden hiztegi zabala eskaintzen du. Gasteiztarraren arabera bere liburu pertsonalena da, haurtzarotik abiatutako pasarteak dira, alegia. Taupadatik taupadara kontakizunak inguruko istorioetan eta bizi esperientzietan oinarritu ditu, eta A letratik Z-ra mundu osoko irakurleek pasarte horietan haien burua ere topatu dute. Idazketa, unibertsala da beraz? Maitasunaz hainbeste hausnartu eta gero, amodio arazoei aurre egiteko gai da bere egunerokotasunean? Psikologotzat du jendeak? Zergatik sortzen ditu hainbeste buru-hauste maitatzeak? Harrizko eta izotzezko bihotzak ditugu? Galdera horiek eta gehiagoren erantzunak, “Benetan zabiz?” podcastaren atal honetan!Galdu egingo duzula?