Advertise on podcast: Kolkom Dakatra - كُلكم دكاترة

الموسم الرابع: سرّ قوة عضلاتك بالتمزق | حلقة ٧ بدكم تعرفوا شو اللي بخلي عضلاتكم تكبر؟ هالحلقة رح تكون دليلكم... حكينا عن أنواع العضلات في الجسم، وين متوزعين... ليش في عضلات بتتحرك و بتتعب بسرعة وعضلات بتطول أكثر، ليش بعض الناس عضلاتهم بتكبر بسرعة وغيرهم لا؟ طبعاً لأنه مش #كُلكم ـ دكاترة ركزنا على عملية تكبير العضلات و دور العمر، الجنس، الحركة و التغذية في الموضوع  - حلقة سابقة حكينا فيها عن عضلات البطن بالتحديد و كان معنا ضيف الكوتش محمود ريان: https://youtu.be/W9lx2jjzEtU?si=eIipu_XGO7YbpMW8 - الرسوم اللي حكينا عنه و بوضح آلية عمل جسم الإنسان: https://youtu.be/-CGrx2ln-vs?si=pdG5IK5jvICDrjB_ شوي من المراجع العلمية لمعلومات حكينا عنها بالحلقة: ⁠ -       أنواع العضلات و توزيعها: https://www.youtube.com/watch?v=VVL-8zr2hk4 -       الراحة و العناصر الغذائية الصغرى و دورها في نمو العضلات: https://www.youtube.com/watch?v=rLsimrBoYXc -       البحث عن العضلات والتقدم في العمر:  https://www.jgerontology-geriatrics.com/article/view/226 بتقدروا تلاقونا على كل المنصات:  Apple podcast: https://podcasts.apple.com/jo/podcast... Spotify: https://open.spotify.com/show/4ynLRC4... Castbox: https://castbox.fm/vc/5196852 Instagram: https://www.instagram.com/kolkomdakat... TikTok: https://www.tiktok.com/@kolkomdakatra...

الموسم الرابع: الدهون، سرّ النكهة و جدل الصحة | حلقة ٦ مرة بحكولنا الدهون مضرة، و مرة بحكولنا مفيدة، بس عنجد القصة بهالبساطة؟ ولا في ورا الكواليس تفاصيل ثانية مهم نعرفها؟ بالحلقة تنقلنا بفقرات كتير عن وظيفة الدهون، مكانها بالجسم، مصادرها بالغذاء، علاقتها بخسارة الوزن و تفاصيل صغيرة عن أشياء كتيير منها الدهون البنية، الزيوت النباتية و أوميغا-٣ و... غيرها جهزوا حالكم لحلقة دسمة بالمعلومات بس خفيفة على القلب. شوي من المراجع العلمية لمعلومات حكينا عنها بالحلقة:  •⁠  ⁠الخلايا الدهيبة البنية: https://www.nih.gov/news-events/nih-research-matters/how-brown-fat-improves-metabolism •⁠  ⁠دور الدهون بصناعة الهرمونات: https://www.nature.com/articles/s41574-019-0230-6 •⁠  ⁠النسبة بين اوميغا-٣ و اميغا-٦ و تبعاتها الصحية: https://doi.org/10.1051/ocl.2010.0325 بتقدروا تلاقونا على كل المنصات:  Apple podcast: bit.ly/4hadggV Spotify:spoti.fi/40WN3gg Instagram: bit.ly/4gmi7u3 TikTok: bit.ly/42CbYXG :Castboxhttps://castbox.fm/vc/5196852

القولون العصبي: ملك الدراما اللي ما حدا بنافسه! 🎭 مين منا ما حس إن أمعاءه قررت تعمل دراما فجأة؟ من التوتر للنفخة للحيرة شو يأكل بدون ما يندم... بس عنجد القصة فعلاً كلها عن الأكل؟ 🍔❌   في حلقتنا الجديدة من كُلكم دكاترة، رح نحكي عن القولون العصبي بطريقة مختلفة:   👉 شو أسبابه الحقيقية؟   👉 هل في علاقة بينه وبين نفسيتنا؟   👉 وأهم شي... كيف ممكن نخفف من درامته اليومية؟   🎧 اسمعونا على البودكاست، واحكولنا: شو أكثر موقف درامي صار بينكم وبين قولونكم؟ 😂👇

 بتعرفوا إنو سمنة الأطفال مش بس عبارة عن وزن اكتر من المطلوب؟ هي مشكلة كبيرة، بتأثر على صحتهم ومستقبلهم!  بهالحلقة بنحكي عن:   🤔  ليش سمنة الأطفال صارت شائعة بهالزمن؟   🧬 عمين الحقو جينات ولا عادات؟   🏫 شو ممكن تعمل المؤسسات والمدارس لتساعد الأطفال؟   🙋‍♀️ كيف ممكن الأهل تدعم اطفالها؟   🌍 شو لازم الدول تعمل لتواجه المشكلة؟     حلقة مليانة أفكار واقعية ونصائح عملية. تابعونا واحكولنا شو رأيكم! 💬

🎙️ حلقة جديدة من بودكاست "كُلكم دكاترة" بعنوان: “السرطان: من اسم نتجنبه، لمرض شائع" هاي الحلقة كان المفروض تنزل بشهر 10 لكن لظرف معين اضطرينا نأجلها، بس إحنا بنؤمن إن التوعية حول سرطان الثدي ما لازم تقتصر على شهر واحد بالسنة. السرطان ما عاد مجرد اسم بنخاف نذكره، صار جزء من حياتنا، وبنواجهه اليوم بوعي أكبر وبقوة. بهاي الحلقة، رح نحكي ليش صار سرطان الثدي بالتحديد أكثر شيوعاً، من التقدم العلمي اللي وصلنا له، لتغير أنماط حياتنا، وصولاً للعوامل الوراثية والتلوث البيئي. وكمان رح نحكي عن دور التغذية في الوقاية والعلاج، وتأثير السمنة، والرضاعة الطبيعية، والعادات الغذائية الغلط. وما رح ننسى نفند الخرافات اللي بتنتشر حوالين علاقة الأكل بالسرطان. ورغم إنه تركيزنا رح يكون على سرطان الثدي، بس كتير من المعلومات اللي رح نحكيها بتنطبق كمان على أنواع تانية من السرطانات، يعني الحلقة رح تكون مفيدة للجميع.  اسمعونا عشان نفهم سوا كيف بنقدر، بوعي أكبر، نواجه هالمرض ونعيش حياة صحية ومتوازنة أكتر 💪.

بهاي الحلقة رح نحكي عن وضع الصحة والتعليم بمدينة القدس، والسياسات والضغوط اللي بيتحملها أهلها كل يوم. رح نسلط الضوء على تأثير الاحتلال الإسرائيلي على جودة ونمط الرعاية الصحية، وعلى التحديات الكبيرة اللي بيواجهها التعليم بالقدس، وكيف هالأشياء بتأثر على المدارس والجامعات وبتمتد لتنعكس على صحة المجتمع ككل ضيفنا في الحلقة السيد عبد القادر الحسيني، رئيس مجلس إدارة مؤسسة فيصل الحسيني، اللي بتلعب دور كبير في تطوير التعليم بالقدس والمحافظة على الهوية الوطنية، وكمان رئيس شبكة مستشفيات القدس اسمعوا الحلقة لتتعرفوا أكثر على تفاصيل الحياة اليومية للمقدسيين، والقصص الحقيقية من قلب الحدث، وكيف ممكن نطرح حلول ونتكاتف كمجتمع فلسطيني وعربي لدعم القدس رغم كل التحديات

يمكن العنوان مُمل، و يمكن مفهوم البحث العلمي مش مشيق لكتير ناس.. بس لما بصير الموضوع بتعلق بالمساواة، اظن لازم الكل يشارك و أكيد الكل مُهتم..  ف رح نحكي بالحلقة عن دور وعينا باستخدام الأبحاث، بأنه نعرف مين عملها، وين عملها،مين اهتم فيها و اذا عنجد بتناسب مع مجتمعنا و عاداتنا

مين هو اخصائي التغذية، كيف ممكن يساعدك و متى، و كيف عم تتطور هاي المهنة؟ كلها اسئلة جربنا نجاوبها اليوم بالحلقة الأولى من الموسم الجديد لبودكاست كُلكم دكاترة

حلقة خاصة من بودكاست كُلكم دكاترة بالتعاون مع مؤسسة داليا و ملتقى الزراعة البيئية الفلسطيني. ناقشت الحلقة عدة مواضيع من ضمنها تعريف السيادة الغذائية، الزراعة البيئية و أهميتها و العمل التعاوني التحرري.  مشاهدة ممتعة! ملاحظة: حصل خلل تقني بالصوت لمدة دقيقة ، تع عويضه بكتابة الحديث بشكل نصي.

مع انه موضوع تأثير الإستعمار على الصحة موضوع مُعقد و في تفاصيل كتير، لكن للأسف صار لازم ننهي هذا الموسم بأحد أهم المواضيع عن سوء التغذية.. رح نحكي أكتر عن تعريف سوء التغذية و دور الأفراد و المؤسسات في هيك حالات بس شو خص العكوب بالنص؟

واحد من عناوين هذه الحرب الأساسية هو تدمير القطاع الصحي، و هاد شيء مش غريب عالاستعمار. في الحلقة استعرضنا كيف وقف المهنيين الطبيين والمرافق الطبية كأعمدة للصمود والتحدي. و رجعنا خطوة لوراء بالتاريخ لنحكي عن  تقاطع الطب مع الدور النسوي و المقاومة، وكيف صار تقديم الرعاية الصحية أداة عميقة للمقاومة في الكفاح من أجل حقوق الإنسان وتقرير المصير و نيل الحرية.

للأسف، و من بشاعة أساليب الإستعمار، التجويع عادة ما يتم استخدامه كأداة في الحرب، للضغط و إرغام الشعوب على الاستسلام. اسمعوا الحقة حتى تعرفوا اكثر عن الموضوع، آثاره و شو ممكن يكون دورنا

موضوع حلقتنا التانية رح يكون عن السياده الغذائية، كيف ممكن يكون السيطرة على الأراضي، المياه، الغذاء و غيرها من البديهيات تستغل للتحكم بالمجتمعات . حلقه شيّقة و فيها كتير معلومات عن الواقع الفلسطيني.

في هذه الحلقة ، نغوص في تاريخ الصحة والطب خلال فترات الاستعمار و نتحدث عن فلسطين كنموذج، ونستكشف كيف شكلت هذه الأمور مفاهيمنا الحديثة عن الصحة والممارسات الطبية. ننظر إلى كيف أثر الاستعمار على النظم الصحية في المناطق المستعمرة وكيف تم استغلال مواردها وشعوبها في سبيل المفاهيم الاستعمارية.

حبينا نعمل مجموعة مقتطفات من حلقة الموسمين بنتمنى تعجبكم  مش رح نطول عليكم كتير ورح نرجع بموسم جديد، بس من هون لوقتها خليكم معنا