Advertise on podcast: الكتابة فكرة - El ketaba Fekra

هو كل كرتون بنشوفه يبقى مناسب للأطفال؟في فيلم الرعب Buddy، العالم الملون والشخصيات اللطيفة بيتحولوا لحاجة غريبة ومقلقة.. لكن اللي ورا الفيلم مش مجرد حكاية رعب!حلقة جديدة من #الكتابة_فكرة مع #عادل_ابوالفضل

العطاء في الحب من الرسايل اللي مسلسل #للعدالة_وجوه_كثيرة ناقشها بذكاء .. ان العطاء مع اللي بتحبه قايم علي التبادل .. لانك طول ما انت بس مصدر العطاء في العلاقة وهو بيتعامل مع كل حاجة كحق مكتسب يبقي ساعتهالازم تقف وتفكر .. كانت رسالة حلوة ضمن رسايل كتير في المسلسل .. كلها موجودة بالتفصيل في الحلقة كاملة من تحليل المسلسل علي #بودكاست #الكتابة_فكرة #عادل_ابوالفضل

مراجعة لفيلم digger وتحليل رسالة الفيلم وافكاره الجريئة جدا

لما تكون بتحكي جريمة حقيقية... بس مفيش إجابة نهائية عن مين ارتكبهاهنا بيبدأ أصعب تحدي درامي في ما لم يُحكَ عن بني مزارحلقة جديدة من الكتابة فكرة بنتكلم عن معالجة المسلسل، وإزاي استخدم الدراما عشان يحكي التفسيرات حوالين الجريمةوإيه الرسالة اللي كانت مستخبية ورا كل طريقة السرد دي؟؟

الانسان بيختار الشر ولا الشر بيختاره .. هل لو ابوك جواه الشر هتورث الشر دة ولا اختيارك هيفرق في حياتك السؤال دة اتحط في مسلسل شهادة ميلاد اللي يعتبر واحد من اذكي المسلسلات اللي مخدتش حقها هنحلل المسلسل ورسالته العميقة في الحلقة دي

محمد هنيدي من أهم نجوم الكوميديا في تاريخ السينما المصرية.. لكن إيه اللي حصل .. هنحاول نفكك مسيرة هنيدي ونفهم امتي وليه المستوي اتراجع وازاي يقدر يرجع

في الحلقة دي من الكتابة فكرة بنقدم مراجعة بدون حرق لفيلم Spider-Man: Brand New Day.هنتكلم عن كتابة الفيلم، وتطور شخصية بيتر باركر، وهل مارفل قدرت ترجع الجانب الدرامي اللي كان الجمهور مفتقده، ولا لسه السلسلة محتاجة خطوات أكتر؟كمان هنناقش القصة، الأداءات التمثيلية، الإخراج، والأكشن، ونشوف إذا كان الفيلم فعلًا يمثل بداية جديدة قوية لمستقبل سبايدر مان في عالم مارفل.🎙️ استمتع بالحلقة، وشاركنا رأيك:هل Brand New Day هو أفضل فيلم لتوم هولاند؟ أم إنك ما زلت تفضل No Way Home أو إحدى النسخ السابقة من سبايدر مان؟

مراجعة بدون حرق لفيلم  #theodyssey  ل #كريستوفر_نولان المأخوذ من ملحمة #الأوديسة هل الفيلم فعلا قدر يكون واحد من افضل افلام السنة

فيلم  #بطل_من_ورق من الأفلام اللي حققت نجاحًا كبيرًا عند عرضها تليفزيونيًا رغم إنها ما حققتش نفس النجاح في شباك التذاكر وقت نزولها.في الحلقة دي من بودكاست الكتابة فكرة بنتكلم عن كواليس صناعة الفيلم، واختيار أبطاله، وعبقرية السيناريو والكوميديا، ودور الموسيقى التصويرية في نجاحه، وكمان بنناقش الرسالة اللي بيقدمها الفيلم من خلال شخصية رامي قشوع.الأهم من كل ده إننا بنحاول نجاوب على سؤال بيتكرر كتير:هل فيلم بطل من ورق مقتبس فعلًا من عمل تاني؟

فيلم الحفلة من أكتر افلام أحمد عز المظلومة والمنسية مع انه فيلم بوليسي مميز وفيه رسالة حلوة هنتكلم عنها في الحلقة دي ونعرف ليه الفيلم يستحق المشاهدة

حضرة المحترم.. أكتر عمل مظلوم في مسيرة أشرف عبد الباقي؟مسلسل قليل جدًا اللي بيتكلموا عنه، رغم إنه واحد من أقوى الأعمال المأخوذة عن روايات نجيب محفوظ.قصة موظف قضى عمره كله يجري وراء لقب "حضرة المحترم"، ولما وصله اكتشف إن العمر كله سبق منه.

حلقة هنغوص فيها مع تاريخ افلام الأكشن في السينما المصرية بشكل جديد .. ونعرف هل احمد السقا قدر يكون سبب في تغيير الاكشن في مصر ؟؟ وهل هو ممثل كويس فعلا ؟؟

مراجعة وتحليل مسلسل ورد على فل وياسمين .. وليه النهاية مش احسن حاجة وازاي كانت تبقى احسن .. كل دة هنتكلم فيه في الحلقة

مراجعة الجزء الثالث من now you see me .. اللي ممكن يبقى سبب ان السلسلة تقف ويبقى دة اخر يلم لانه اتبع سياسة الحشر مش الحشو .. عشان تفهموا اسمعوا الحلقة

مراجعة بدون حرق لفيلم إذما ورسايل الفيلم اللي خليته الفيلم الافضل في موسم العيد