Advertise on podcast: Todos os podcast | Mar de ardora

Arranca a campaña marisqueira en Noia. O Servizo de Gardacostas de Galicia na loita contra o furtivismo no marisqueo. Impulsan desde el Centro de Investigacións Mariñas un proxecto que desenvolve novos suplementos alimentarios para mellorar o benestar dos peixes no cultivo. Cambios na normativa de arrastre a partir do ano 2028.

Comeza en Vigo unha nova edición de Conxemar. Visitamos Carril para coñecer a historia das conservas "Os Peperetes". A campaña da ameixa rubia na ría de Arousa. Os puntos limpos mariños de Oia.

Os efectos da alta temperatura do mar nos ecosistemas galegos. Consellos para os problemas asociados ao marisqueo a pé. O problema da remuda xeracional na pesca e os cambios no sector fareiro.

Novas medidas contra a sinistralidade no mar. Novo proxecto de acuicultura rexenerativa. A tradición da carpinteiría de ribeira.

Coñeceremos como se sementan os bancos marisqueiros para favorecer a súa recuperación, analizaremos a preocupación da frota do cerco pola escaseza da cota de sardiña e descubriremos dez razóns científicas para consumir peixe habitualmente. Ademais, abordaremos os efectos do quecemento das augas sobre especies como o polbo e coñeceremos o traballo do CETMAR para transformar o sargazo, un grave problema nas costas do Caribe, nun recurso con novas posibilidades de aproveitamento.

Proximamente sairá do prelo o libro "Un mar de curiosidades", unha obra que ten o seu cerne na colaboración do biólogo Javier García Galdo neste programa. A zamburiña está desaparecendo do banco natural que se explota na ría de Ferrol. Contámoslles como o Insttuto de Investigacións Mariñas está buscando as razóns. Falamos do proxecto Hippo-REF, que procura crear no porto de Vigo un refuxio para cabaliños de mar. Outro estaleiro familiar cesa a súa actividade. Coñecemos a historia do taller Amado, do Freixo, en Outes. Un dos mellores lugares para observar a eclipse do 12 de agosto é a bordo dun barco. A capitá da mariña mercante Alsira Salgado explícanos as vantaxes de ollalo dende o mar e das precaucións que debemos adoptar.

O Consello Regulador do Mexillón de Galicia pon en marcha SEBAM, unha iniciativa que ten como obxectivo visibilizar a contribución ambiental, oceanográfica, social, económica e cultural do cultivo do mexillón. Ángeles Portabales fálanos deste proxecto. Visitamos Conxemar Lab, a aula interactiva e educativa impulsada en Vigo por Conxemar para achegar o mundo do mar a nenos e nenas de entre 7 e 11 anos. Onde desova a pescada ibérica? A resposta está nun estudo do Centro Oceanográfico da Coruña. O investigador Asier García cóntanos que os neandertais se alimentaban tamén de moluscos. Interesámonos pola nova etapa do criadeiro de molusco do Vicedo. O noso biólogo de cabeceira, Javier García Galdo, responde algunhas das preguntas tópicas que nos facemos cada verán: por que chega tanto lixo ás praias? que facer cando nos pica unha faneca ou unha medusa?

A Universidade de Vigo demostrou que a cría da centola en catividade pode ser rendible. Neste programa falamos do proxecto MAJA, que conseguiu completa-lo ciclo de cría da centola dende a alimentación das larvas ao engorde dos exemplares adultos. Alberto Ordóñez lévanos a Ferrol e a Pontevedra para ensinarnos como se forma aos futuros peixeiros e aos cociñeiros de produtos do mar. David Fernández viaxa a Redondela para saber como foi este ano a campaña do choco. O noso biólogo de cabeceira, Javier García Galdo, explícanos o que son os fondos mariños de cascallo ou coraliño e cal é a súa importancia biolóxica.

Francisco Fernández, da Organización de Produtores de Pesca de Marín, preséntanos Fishing Lab, un laboratorio de ideas que ten como obxectivo impulsar solucións innovadoras para o sector pesqueiro galego, aunando coñecemento, tecnoloxías e empresas ou centros de innovación. David Fernández explicaranos como se tentan recuperar os bosques mariños de laminarias na ría de Arousa. Coñecemos a Elena Martínez, unha galega que creou na República Dominicana unha empresa que recolle sargazo para convertelo en fertilizante. Alberto Ordóñez visita a Escola Náutico Pesqueira de Ferrol para ver como se preparan os futuros mariñeiros para afrontar situacións de risco a bordo. Comprobamos como se volve capturar vieira na ría de Vigo despois dunha década. O noso biólogo de cabeceira, Javier García Galdo, fálanos das ilusións ópticas no mar.

Asistimos en Ribeira á xornada "Remuda xeracional: o futuro do mar". Acompañamos aos pescadores de anguía de Arcade. Analizamos co sector do cerco as razóns do descenso das capturas de xarda. O biólogo Javier García Galdo axúdanos a distinguir entre as diferentes especies de polbo. O director conservador do Parque Nacional das Illas Atlánticas, José Antonio Fernández Bouzas, explícanos por que chegaron milleiros de caranguexos patexos a Cíes ou a Ons. O historiador José María Leal fálanos do papel dos fomentadores cataláns no desenvolvemento do sector pesqueiro no norte de Galicia.

O Centro de Investigacións Mariñas acaba de poñer en marcha no Vicedo un criadeiro de sementes de bivalvos. O director do CIMA, Carlos Gabín, cóntanos cal é a súa función. A caída da producción e a falta de relevo xeracional están poñendo en dificultades algunhas pequenas confrarías do país. Alberto Ordóñez exemplifica esta crise en dúas: a de Cariño, xa en fase de liquidación, e a da Pobra do Caramiñal, en risco de desaparición. Comezou a campaña do bocarte Embarcamos no Tercero dos Meros de Cambados para saber como se presenta. Coñecemos como é o bote salvavidas pechado, autónomo e insomerxible que xa están incorporando algúns barcos da cooperativa de armadores de Vigo. O biólogo Javier García Galdo explícanos cales son as adaptacións físicas necesarias para poder ver ben baixo a auga

Comezamos singladura en Vigo para coñecer Velas polo Alzheimer, un proxecto que utiliza a navegación como terapia para os que padecen esta doenza. Sobre el falamos cun dos seus creadores, Edgar Martínez, e o xerente de Julio Verne Náutica, Iván Pérez. Abordamos despois o proceso de transformación do estaleiro Triñanes de Boiro. O seu propietario, Gerardo Triñanes, xubílase e cédelle a xestión ao enxeñeiro Clemente Lage. Os dous cóntanos como a factoría evolucionou dende unha carpintería de ribeira a un estaleiro que constrúe modernos barcos de fibra. Imos á Mariña de Lugo, onde só quedan 12 mariscadoras a pé. Falamos cunha delas, Coté, sobre as dificultades para que haxa relevo xeracional. Comentamos a orde da Xunta que regula a xestión dos excedentes da actividade marisqueira e o noso biólogo de cabeceira, Javier García Galdo, explícanos que pasa cos cadáveres dos grandes mamíferos mariños.

Galicia é coñecida polas súas conservas de produtos do mar. Hoxe imos coñecer a historia dunha marca que se converteu nunha referencia internacional no mercado gourmet. Falamos con Jesús Lorenzo, xerente da conserveira de Carril Os Peperetes. Comezou a veda do polbo tras unha campaña na que medraron as capturas e subiron os prezos na lonxa. Alberto Ordóñez pulsou o sentir do sector. A alga asiática, unha especie invasora que está a causar serios problemas en Andalucía, coloniza xa a costa galega. A profesora de botánica da USC, Pilar Díaz, explícanos que consecuencias pode ter a súa proliferación. David Fernández preséntanos o proxecto "Remuda xeracional: o futuro do mar", unha iniciativa orientada á captación de novas xeracións para garantir o futuro da actividade pesqueira e acuícola. O biólogo Javier García Galdo desvélanos por que os anfibios non poden vivir na auga salgada.

Os mariscadores de Pondeume andan á procura de sacarlle máis rendemento a un recurso que abonda na zona, a ostra rizada. Alberto Ordóñez cóntanos como tentan converter nunha oportunidade a proliferación dunha especie invasora. A investigadora do Instituto Español de Oceoanografía, Begoña Ben-Gigirey fálanos dunha guía internacional sobre o monitoreo de toxinas algais en moluscos bivalvos. Presentamos unha nova ferramenta para a xestión do ourizo, un dron que grava os bancos e analiza as imaxes para contar exemplares e estimar densidades. Coñecemos a Miguel Ángel García, un veciño de Oia que impulsa a creación de puntos limpos no litoral para recoller o lixo que chega á costa. Ademais, o biólogo Javier García Galdo desmonta con datos as noticias que afirman que as augas dos océanos Pacífico e Atlántico non se mesturan.

O Foro Galicia de Sostibilidade Gloibal de Produtos do Mar desenvolve unha nova edición en Vigo. Revisamos os seus contidos da man do seu director Ángel Matamoro. Alberto Ordóñez lévanos a coñecer o traballo dos mergulladores que extraen navalla da ría de Aldán. David Fernández cóntanos como se extraen as mostras dos bancos marisqueiros para saber o seu estado tralos temporais do inverno. Presentamos algunhas aplicacións de Intelixencia Artificial que comezan a utilizarse na industria da pesca. O noso biólogo de cabeceira, Javier García Galdo, dinos todo o que queremos saber do peixe sapo.