Advertise on podcast: الكرسي الفاضي

Description

“الكرسي الفاضي” هو بودكاست بيحكي عن الفقد… مش كموضوع، لكن كتجربة عِشتها، ولسه عايشها. أنا أبونا إسحاق، مش جاي أقدّم حلول سريعة، ولا كلمات محفوظة… لكن جاي أقعد قدّام الكرسي اللي فَضِي، وأتكلم مع اللي راح، ومعاك… لو بتسمعني وجواك وجع مشابه. في كل حلقة، هنتكلم عن شكل من أشكال الفقد… عن اللي اتكسر جوانا، عن محاولاتنا نفهم، ونكمّل، ونصدق إن فيه رجاء بعد الغياب. بودكاست “الكرسي الفاضي” هو محاولة نعيش سوا… بعد اللي فقدناه.

Podcast episodes

Check latest episodes from الكرسي الفاضي podcast

الحلقة ٩ - لما الفقد يكون علاقة

2025/08/19

النهاردة مش هنتكلم عن فقد الموت. النهاردة هنتكلم عن نوع تاني من الفقد… يمكن أصعب، لأنه مش بييجي بجنازة، ولا بنسمع فيه صوت بكاء، لكن بنعيشه كل يوم… بصمت. النوع ده اسمه: فقد العلاقة.

الحلقة ٨ - معضلة الإله وأسئلة ما بعد الفقد

2025/08/12

في الحلقة دي، هنتكلّم عن اللي بيتحرّك في أعمق مكان: الروح. عن أسئلة بتطلع من بطن الوجع: ليه؟ فين كنت؟ ليه ما لحقتوش؟

الحلقة ٧ - عقلي مش زي الأول

2025/08/12

النهاردة… هنقف مع تأثير الفقد على طريقة تفكيرنا… على إدراكنا للحياة… وعلى تصرفاتنا. هنتكلم عن التغيير اللي بيحصل في دماغك من جوه… عن القرارات اللي ما بقتش زي زمان… عن اللحظة اللي تبص فيها لنفسك وتقول: “أنا مش أنا.”

الحلقة ٦ - اللي بيصرخ جوايا ومحدش سامعه

2025/06/19

في الحلقة دي من بودكاست الكرسي الفاضي، هنتكلم عن الغضب اللي فجأة بيطلع، والحزن اللي ساكن، والاكتئاب اللي ساكت، والخوف اللي مبقاش بيسيبنا. عن القلق اللي بيصحينا، والذنب اللي بيجلدنا، والخزي، والندم، والإحساس بالظلم.

الحلقة ٥ - ليه مش قادر أعدي؟

2025/06/11

حلقة عميقة وإنسانية، بنغوص فيها جوا العقبات اللي بتخلي رحلة الفقد طويلة، معقدة، ومتعبة أكتر من اللي ظاهر للناس.

الحلقة ٤ - لما الناس يصعّبوا علينا الحزن

2025/06/09

حلقة بتحكي عن الخرافات المجتمعية الشائعة اللي بتخلي الحزن أصعب، مش لأنها بتمنع الدموع، لكن لأنها بتخلّي اللي بيعيط يحس إنه بيعمل “غلط”.

الحلقة ٣ - ليه الوجع مابيمشيش؟

2025/06/09

في الحلقة دي هانتكلم عن مراحل الفقد مش مجرد خمس خطوات… لكن خمس بوابات… بندخل ونخرج منها… ونرجع لها… ونشوفها بنظرة جديدة في كل مرة. مفيش ترتيب، مفيش بداية ونهاية، ده طريق دايرة… بنلف فيه بالعُمر، وكل ما نلف تاني… نكتشف إننا اتغيرنا، وإن نفس المرحلة دلوقتي طعمها غير اللي كانت عليه زمان.

الحلقة ٢ - الفقد مش بس موت

2025/06/06

الفقد مش بس موت. الموت فقد، أيوه… لكن فيه فُقدان أصعب لأنه مش بيخلص. الفقد ليه وجوه كتير… وكل وجه منهم بيشبه حد، بيشبه حكاية، بيشبهك.

الحلقة ١ - هو الفقد بيبدأ منين؟

2025/06/05

فيه حاجات في الحياة… بتعدّي علينا، وساعتها بنعدّي معاها. بنتوجع… نعيط… نرجع تاني. لكن فيه نوع تاني… بيعدي علينا، وساعتها إحنا اللي بنفقد القدرة نرجع

مقدمة

2025/06/05

أنا أبونا إسحاق، مش جاي أقدّم حلول سريعة، ولا كلمات محفوظة… لكن جاي أقعد قدّام الكرسي اللي فَضِي، وأتكلم مع اللي راح، ومعاك… لو بتسمعني وجواك وجع مشابه