Advertise on podcast: Tvær á báti

Álfrún og Linda fara yfir þrjú keppnishlaup síðustu viku ásamt æfingaálaginu í saunu. Nýkrýndur Íslandsmeistari fer yfir hlaupið í smáatriðum og hvernig svengdin hellist yfir fólk eftir maraþon.

Í þættinum fara Álfrún og Linda yfir hálfmaraþonið í Kaupmannahöfn, verðlaun fyrir ekki pb og Valencia æfingablokk sem er að hefjast. Létt körfuboltahorn í lokin.

Linda og Álfrún heyra í Fríðu Hrund sem er einmitt líka fædd 1982 og hefur náð eftirtektarverðum árangri í flokknum 40-44 ára á liðnu hlaupasumri. Þær fara líka yfir æfingar liðinnar viku, frábært Hjartadagshlaup og stutta innsýn inn í hálft maraþon í Porto.

Vegna gríðarlegrar eftirspurnar opna Linda og Álfrún hlaupahaustið með einum léttum upphitunarþætti fyrir það sem koma skal hlaupahaustið 2026. Báðar ætla þær að gera aðra atlögu að Valencia heilu maraþoni í desember og munu leyfa hlustendum að fylgjast með æfingum og undirbúningi.

Á lokasprettinum í fyrir borgarstjórnarkosningar fengu Linda og Álfrún til sín Stein Olav sem er í 5. sæti hjá Samfylkingunni í Reykjavík. Hann er venjulegur hlaupari, langar að hlaupa maraþon, klára samgöngusáttmálann og fá fleira fagfólk inn í skólana. Hann er norskur og flutti til Íslands árið 2018.

Linda og Álfrún halda áfram að fá til sín frambjóðendur á hlaupum. Að þessu sinni er það Bjarni Fritzson sem er í 8. sæti hjá Sjálfstæðisflokknum í Reykjavík. Hann er allt í senn rithöfundur, þjálfari, hlaupari, hlaupahaldari Græna Gímalds hlaupsins og frambjóðandi. Í spjallinu var farið um víðan völl í bókstaflegum skilningi!

Linda og Álfrún eru ekki bara að detta í hlaupagírinn fyrir sumarið heldur eru sveitarstjórnarkosningar á næsta leyti og þær ætla að fá til sín góða gesti, frambjóðendur úr nokkrum framboðum sem eru líka venjulegir hlauparar. Í þættinum ræða þær við Söndru Hlín Guðmundsdóttur sem er í 6. sæti lista Viðreisnar í Reykjavík.

Í þættinum fá Linda og Álfrún til sín frábæran viðmælanda sem þær hafa beðið eftir að spjalla við. Steinunn Lilja Pétursdóttir segir frá hlaupaferli sínum, hvernig hún æfir undir leiðsögn Fjallahlaupaþjálfunar, mikilvægi næringar og kolvetnainntöku og síðast en ekki síst ótrúlegu afreki hennar þegar hún hljóp Laugaveginn undir fimm tímum sumarið 2025.

Í þættinum fylgjast Linda og Álfrún með Arnari Péturssyni stórbæta eigið Íslandsmet í 100 km. Á meðan ræða þær um hlaup vikunnar, eymsli sem Linda glímir við út frá kálfastífleika og hvernig Álfrún mætti næstum því á æfingu hjá hlaupahópi Þróttar.

Katrin.is kíkti í settið með hlaupasöguna frá París og fór yfir farsælan feril. Heyrðum líka í Fjólu í Fætur toga sem sagði okkur frá undirbúningi fyrir fyrsta Laugaveginn sem hún ætlar að hlaupa í sumar og gaf okkur góð ráð varðandi val á hlaupaskóm.

Linda og Álfrún eru næstum komnar aftur á beinu brautina eftir að hafa lagt allt í sölurnar í maraþoni fyrir tæpum þremur mánuðum. Þær ræða einnig brautina, MÍ öldunga, MÍ 2026, hálft í París eftir viku og langan aðskilnað í febrúar.

Þjálfari ársins hjá Þrótti, Jens Elvar Sævarsson mætti sem gestur og gestastjórnandi í fjarveru Álfrúnar. Hann er án gríns alltaf í góðu skapi og segist tileinka sér jákvæða hluti í fari annarra. Haustið 2025 byrjaði hann með hlaupahóp Þróttar og stefnir á að ná fjöldanum upp í 100 meðlimi. Það skemmir svo ekki fyrir að honum finnst hrikalega gaman að rausa um hlaup og heilbrigðan lífsstíl og smellpassaði því í settið.

Í þættinum ræða Linda og Álfrún við Fríðu Rún hlaupakempu með meiru. Hlaupari á heimsmælikvarða í sínum aldursflokki. Hún sagði frá mjög áhugaverðum ferli, gaf góð ráð og kom á óvart með skemmtilegum sögum af sjálfri sér. Frábær hlustun fyrir langa hlaupið um helgina.

Tvær á báti eru að komast upp úr janúarlægðinni og fóru um víðan völl í rausi dagsins. Félagaskipti, sól í perlu, hvernig þær komast reglulega í tísku og síðast en ekki síst mini körfuboltahorn.

Í þættinum fá Álfrún og Linda hlauparann Huldu Guðnýju Kjartansdóttur í viðtal en hún hljóp sitt besta maraþon í Valencia á dögunum. Þær þrjár fóru yfir hlaupaferil Huldu og markmiðin hennar fyrir 2026. Þegar þessar þrjár hittast er heldur betur malað og nauðsynlegt að hafa framhaldsþátt.