Advertise on podcast: Tilveran

Description

Tilveran er hlaðvarp fyrir miðaldra konur í tilvistarkreppu! Sjálf hætti ég að skilja lífið fyrir nokkrum árum og í stað þess að ráða mér hreinlega aðstoðarmanneskju ákvað ég að taka völdin í mínar hendur og stofna hlaðvarp þar sem gæti rætt við einstaklinga sem ég lít upp til og búa yfir reynslu eða vitneskju sem ég veit að mun nýtast mér og okkur öllum. Slagorð þáttarins er: Þetta verður allt í góðu, við finnum út úr þessu saman.

Unlock Tilveran podcast Email contact info,
Listeners & Audience details

Email contact information

Direct podcast contact details

Listeners

Audience numbers & engagement insights

Audience details

Podcast Insights

Podcast episodes

Check latest episodes from Tilveran podcast

„Ég ætla að opna mínar eigin sultukrukkur í framtíðinni“

2026/05/27

Í þessum þætti fékk ég sálfræðinginn og heilsugúrúinn Röggu Nagla til þess að ræða við mig um hvað best væri að gera til þess að koma sér á beinu brautina í hreyfingu og næringu. Við ræddum einnig um stórborgarást hennar, æskuárin og ýmislegt fleira.

Hæ, Ási hérna!

2026/05/20

Í þessum þætti fékk ég Ása Guðna til þess að ræða við mig um allt sprellið, föðurhlutverkið, bróðurmissinn, ást sína á Vopnafirði og sjómennskuna sem togar hann alltaf aftur til sín. Þátturinn er í boði Venju.

Hugarheimur matarfíkils í leit að bata

2026/05/13

Í þessum þætti fékk ég Láru Kristínu Pedersen til þess að tala við mig um áralanga baráttu sína við matarfíkn og leið sína að bata. Þátturinn er í boði Venju.

Þekkir þú Endó og Adenó?

2026/05/05

Í þessum þætti fékk ég Karen Ösp Friðriksdóttur til þess að tala við mig um Endómetríósu, krónískan bólgu- og verkjasjúkdómu sem hefur áhrif á milljónir kvenna um allan heim. Þátturinn er í boði Venju og sjallforritsins Íslenskar krossgátur.

Þegar dauðastundin nálgast

2026/04/29

Í þessum þætti fékk ég Alexandreu Rán Syen, hjúkrunarnema á líknardeild, til þess að tala við mig um starf sitt og hvað það er sem gerist síðustu sólarhringana í lífi einstaklinga. Þátturinn er í boði Venju.

„Ég hefði átt að trúa eigin tilfinningum“

2026/04/22

Í þessum þætti fékk ég listakonuna Helenu Reynis til þess að tala við mig um listamannalífið, hvaðan hún fær innblástur, hvernig hún kemur sér að verki þegar hún nennir því ekki, andlegu ofbeldi sem hún varð fyrir af hendi fyrrum kærasta og nýlegum fósturmissi. Þátturinn er í boði Venju.

„Ætlar þú að vera fórnarlamb aðstæðna eða taka ábyrgð?“

2026/04/15

Í þessum þætti fékk ég Ólöfu Helgu Pálsdóttur, körfuboltakonu og Grindvíking með meiru, til þess að ræða við mig um körfuboltaferilinn, brjóstakrabbameinið, skilnaðinn og hvernig það var að þurfa að yfirgefa sinni heimabæ eftir eldumbrot. Einnig ræddum við sjálfseflingu og mikilvægi þess að verða ekki fórnarlamb aðstæðna.

„Mikill léttir að fá Bipolar-greininguna “

2026/04/08

Í þessum þætti fékk ég Anítu Ósk Georgsdóttur til þess að ræða við mig um Bipolar-greininguna og hvernig henni hefur tekist að fóta sig í lífinu á ný. Aníta Ósk heldur úti samfélagsmiðlinum Hennar heimur á Instagram og TikTok þar sem hún deilir sinni reynslu.

„Var alla tíð harðákveðin í því að lifa ekki A4 lífi“

2026/03/18

Í þessum þætti fékk ég Ástu Hafþórsdóttur, leikgervahönnuð, til þess að ræða við mig um bransann hérlendis og erlendis, ævintýraþrána sem alltaf hefur blundað í henni og því þegar henni tókst að breyta kerfinu og verða fyrsta einstæða konan hérlendis til þess að gangast undir frjósemismeðferð.

„Mig langar að skilja eftir mig jákvæð fótspor“

2026/03/11

Í þessum þætti fékk ég Ásthildi Ómaríudóttur, eiganda og framkvæmdastýru framleiðslufyrirtækisins Míósak Multimedia, til þess að ræða við mig um ADHD konur, útvíkkun þægindahringsins, jákvæð líkamsímynd, neikvæð áhrif áfengis, og mikilvægi þess að halda uppi jákvæðri orku.

„Stundum þurfum við að fá kennara inn í lífið til þess að sýna okkur hvar maður er ekki að standa með sér“

2026/03/04

Í þessum þætti fékk ég Söru Barðdal, heilsumarkþjálfa og eiganda Sjálfsins heilsuseturs, til þess að tala um foreldramissinn, áfallaúrvinnsluna, óheilbrigð sambönd, heilsuferðalagið, tantra, lífsorkuna og hið magnaða meðferðarúrræði sem 9D öndunarferðalagið er.

„Meðvirkni verður að mestu öll til fyrir tíu ára aldur“

2026/02/25

Í þessum þætti fékk ég Valdimar Þór Svavarsson, eiganda ráðgjafaþjónustunnar Fyrsta skrefið, til þess að ræða við mig um hinar margslungnu hliðar meðvirkni. Valdimar heldur einnig úti hinu vinsæla hlaðvarpi Meðvirknipodcastið.

„Ekki láta óttann við það óþekkta stoppa þig“

2026/02/18

Í þessum þætti fékk ég Bjargeyju Ingólfsdóttur, Yin Yoga kennara og fararstjóra, til þess að tala við mig um þriðju vaktina, hugræna byrði, heilsubrestinn, tækifæri breytingaskeiðsins, nýtt upphaf, tvíkynhneigð og hinn óútreiknanlega íslenska deitmarkað.

„Systir mín var myrt“

2026/02/11

Í þessum þætti fékk ég Ragnheiði M Kristjónsdóttur, markaðs- og kynningarstjóra, til þess að tala við mig um morðið á Áslaugu Perlu systur hennar, foreldramissinn, dauðahræðsluna og baráttuna við matarfíknina.

„Bróðurmissirinn var erfiðasta lífsreynsla í heimi en jafnframt sú fallegasta“

2026/02/04

Í þessum þætti fékk ég Maríu Kristu Hreiðarsdóttur, eiganda Kristu design, til þess að tala um bróðurmissinn, sinn heilbrigða lífsstíl, áhrifavaldasamfélagið og hvaðan hún hefur allan sinn drifkraft.