Advertise on podcast: Ghafa | غــافه

في هالحلقة سولفنا مع موزه حمرور العامري بعيد عن الطب والمناصب… ورجّعتنا لأيام دراستها في ألمانيا. قالت لنا مواقف واجهتها هناك، من التنمّر لأنها عربية ومسلمة، وكيف قدرت تقلب الطاولة وتخلي اللي كان يستهزئ فيها… يحترمها ويحبها غصب عنه. بنسمع قصص مضحكة، ومواقف صعبة، ولحظات صنعت شخصية موزه اللي نعرفها اليوم. حلقة خفيفة، قريبة للقلب، وتعرّفكم على موزه الإنسانة اكثر من موزه الدكتوره . تقديم : خالد عبدالله إخراج : حمدان حارب إنتاج : تفليم للإنتاج

في هالحلقة نستضيف المحامي سعيد بن حويرب ونسولف وياه عن أسئلة الناس دايماً تسئلها: ليش المحاكم توفر محامي حتى لو المتهم مجرم متلبس ؟ وهل المحامي اللي يدافع عن مجرم يعتبر ظالم؟ طيب هل الواحد يقدر يترافع عن نفسه ؟ وبندخل بعد في موضوع غسيل الأموال: شو يعني بالضبط؟ وليش الدول تحاربه؟ وهل ممكن شخص بسيط يتورّط فيه بدون ما يدري؟ وبيخبرنا ضيفنا عن أغرب قصة نصب واحتيال اللي مرت عليه نتمنى لكم مشاهدة ممتعة ✨ تقديم : خالد عبدالله إنتاج : تفليم للإنتاج إخراج : حمدان حارب

🎧 هل فكّرت يوم ليش تتصرف بهالطريقة؟ وليش بعض الناس “يفهمونك” والبعض يحسّونك غريب؟ في حلقة اليوم من بودكاست هذربه نستضيف المستشار الأسري والنفسي محمد أحمد، وندخل عالم أنماط الشخصيات . من الشكاك إلى الحساس، ومن البارد إلى الهستيري، كل نمط له طريقته الخاصة في التفكير والتعامل. بنكتشف كيف معرفة نمطك تساعدك تفهم نفسك أكثر، وتتعامل بذكاء مع اللي حولك في البيت، الشغل، وحتى العلاقات . تقديم : خالد عبدالله إعداد : غدير خالد إخراج : حمدان حارب إنتاج تفليم للإنتاج

في الجزء الثاني من حلقة " شو يصير في كواليس المطاعم " بنعرف كيف يختار رجل الاعمال موظفينه؟ وكيف يتعامل يوم أحد يحاول “يغري” طاقمه بعروض؟ ودخلنا بعد في موضوع المنافسة، وهل فعلاً سوق المطاعم شريف؟ ولا ننسى أهم سؤال… كيف الشركاء يقدرون يتفقون وهل دايماً الشراكه تنتهي بخلافات ؟ نتمنى لكم مشاهدة ممتعة .

وراء كل مطعم ناجح قصة ما تنقال بسهولة! 🍴 في هالحلقة بنسمع من إبراهيم عن بدايات مشروعه وكيف كان بينتصب عليه . بنغوص في كواليس التأسيس، من أول فكرة على ورقة إلى لحظة الافتتاح، ونتكلم بصراحة عن التحديات، الأخطاء، والمواقف اللي تمرّ فيها قبل ما تفتح ابواب مشروعك للناس. حلقة فيها دروس لأي شخص ناوي يدخل عالم المطاعم أو حتى بس يحب يعرف شو يصير خلف الكواليس . نتمنى لكم مشاهدة ممتعة✨ تقديم : خالد عبدالله إخراج وإنتاج : تفليم للإنتاج

وصف الحلقة: كل يوم نسمع كلمة “تداول”، بس لحظة، شو يعني بالضبط؟ وليش الكل صار يتكلم عنه وكأنه الطريق السريع للثراء؟ في هالحلقة نسأل الأسئلة اللي تدور في بال أي شخص يفكر يدخل السوق: هل فعلاً ممكن تبدأ بمبلغ بسيط وتحقق ربح؟ وشو أكثر الأخطاء اللي يقع فيها المبتدئين؟ وكيف تختار منصة آمنة وتعرف إنك ماشي في الطريق الصح؟ ضيفنا بيشاركنا قصصه وتجربته بنقاش خفيف، واقعي، ومليئ معلومات مفيدة . حلقة تساعدك تفهم عالم التداول ببساطة… ومن غير أي تعقيد

في هالحلقة نغوص في أكثر المواضيع الصحية اللي صارت حديث الناس اليوم: من وجع القولون اللي ما يرحم، لعلاقة الأكل ببشرتنا، وصولاً لظاهرة ضخامة جيل اليوم وأسرار المكملات الغذائية. وبنفتح ملف “دكاترة السوشال ميديا” ونسأل: هل كل اللي نسمعه عن التغذية صح… ولا مجرد وهم للتسويق؟ حلقة مليانة معلومات، أسئلة جريئة، وتصحيح مفاهيم مغلوطة… ضيفة الحلقة : "د.ندى زهير " الامين العام لجمعية الامارات وعضو اللجنه العليا لحماية المستهلك ومديرة ادارة التغذيه في مدينة العين سابقاً . نتمنى لكم مشاهدة ممتعة ✨

في هالحلقة نفتح ملف الموارد البشرية من كل الزوايا: ليش أغلب الموظفين يكرهون الـ HR؟ وهل فعلاً الكمبيوتر صار يقرر مصيرك أكثر من الإنسان؟ من أسئلة المقابلات المملة، إلى أسرار السيرة الذاتية والرواتب . عتيق العزيزي يلخص لنا خبرة 20 سنه في هذا المجال ويجيب على الاسئلة . نتمنى لكم مشاهدة ممتعه ✨

تخيل فجأة تُفصل من عملك بدون أي مقدمات… وتجلس 41 شهر كامل بلا وظيفة، بلا دخل، والأصعب بلا أصدقاء يوقفون معك. لحظة انهيار كاملة! لكن بدل ما يستسلم لليأس، قرر يخلق من وجعه قصة مختلفة… في هذه الحلقة نسمع قصة الكبتن احمد سيف . كيف تحوّل من رجل محاصر بالإحباط إلى صاحب محتوى جماهيري ألهم آلاف الناس بشخصية “صديقي الأربعيني” وجعلها مصدر دخل وحياة جديدة. قصة مليانة مشاعر، صدمات، ضحك، وإصرار… حلقة ما تفوّت، خصوصًا لو كنت تمرّ بمرحلة إحباط أو تبحث عن أمل جديد

في هذي الحلقة، بنسولف عن الذهب، هالمعدن اللي ما طاح سوقه أبد! الذهب… من وين يطلع؟ وليش صار رمز للغنى والحروب والسياسة؟ وهل تقدر تراهن عليه كأفضل استثمار اليوم؟ نتمنى لكم مشاهدة ممتعه ✨ تقديم : خالد عبدالله إنتاج وإخراج : تفليم للإنتاج

في هذه الحلقة من بودكاست هذر به استضفنا د. ليلى فاميليار وفتحنا معها نقاش صريح حول علاقتنا باللغة العربية. ليش الأجانب يحرصون على تعلمها بينما كثير من العرب يهجرونها؟ وليش صار خلط الكلمات الإنجليزية في كلامنا اليومي عادة حتى بين العرب أنفسهم؟ وتكلمنا بعد عن دور الأهل ووسائل التواصل الاجتماعي في ترسيخ — أو تضييع — هويتنا اللغوية نتمنى لكم مشاهدة ممتعة ✨ تقديم : خالد عبدالله إعداد : غدير خالد إخراج وإنتاج : تفليم للإنتاج

تعرفون ان في ايطاليا ممنوع تحط كاتشب على البيتزا وان القهوه بالحليب ما تنشرب بعد الساعة 11 الصبح ! حلقة مليانة حكايات سفر ووجهات مثيرة! ليش العرب متعلقين بتايلند ويرجعون لها كل سنة؟ وليش الخليجيين ما يملّون من لندن حتى لو ماكان في اي شيء جديد ؟ وليش العرب يحبون تركيا على الرغم من موجات العنصرية الي نشوفها كل سنة ؟ غير هذا، بنخبرك أسرار كيف تسافر وتستمتع حتى لو ميزانيتك محدودة… لأن السفر مب بس للأغنياء ! لتقديم: خالد عبدالله شارك في الإعداد: غدير خالد إخراج وإنتاج: تفليم للإنتاج

في هالحلقة من بودكاست هذربه، استضفنا المستشارة الأسرية هنادي علي وناقشنا مواضيع تلامس واقع كثير من العلاقات: وش معنى الاحترام بين الزوجين؟ ليش تصير الخيانة؟ وش أسباب عزوف الشباب عن الزواج؟ وليش كثير من الرجال ما يفهمون المرأة؟ حلقة صريحة وعميقة… فيها أجوبة ونصائح ممكن تغيّر نظرتك للحياة الزوجية تقديم : خالد عبدالله إعداد : غدير خالد إنتاج وإخراج : تفليم برودكشن

في هذه الحلقة، نفتح الملف المسكوت عنه 🎭: " ليش الدراما الإماراتية رغم كل الدعم والإمكانات، ما وصلت لمستوى يليق بها !؟ " نناقش الأداء، الكتابة، الإخراج، والمواضيع اللي " تدور في نفس الدائرة" ... وهل فعلاً ننتج دراما، ولا مجرد عرض سنوي موسمي محد يذكره ابد ! استعدوا لنقاش جريء، واقعي، ويمكن شوي يزعّل البعض ... نتمنى لكم مشاهدة ممتعة .

اصبحت التقنية جزء لا يتجزأ من حياتنا اليومية وفي هذي الحلقة ناقشنا مع ضيفنا عن بعض الاسئلة الشائعة الي يتسائل عنها اغلبيتنا وناقشنا ايضاً الذكاء الاصطناعي وكيف انه اصبح شغل العالم الشاغل وهل ممكن انه يحل محل الانسان مستقبلاً حلقة جداً ممتعة ومثرية مع مهندس المعلومات عبدالله الكعبي مشاهدة ممتعة هذه الحق برعاية : @store7md ​