Advertise on podcast: Ensany إنساني

وصل لأعلى المناصب في Google X، وكان عنده كل اللي ناس كتير بتحلم بيه… وبرغم كده اكتشف إن النجاح مش هو الإجابة. في الجزء الأول من حلقتنا مع محمد جودت، بنتكلم عن الجري اللي مبيخلصش، وعن أزمة منتصف العمر اللي مالهاش علاقة بالسن، وعن إن الواحد ممكن يوصل لكل حاجة ويكتشف انها مكانتش هي. وفي وقت الذكاء الاصطناعي فيه بيتعلم أسرع مننا، بنسأل: هل مشكلتنا فعلًا في الآلة… ولا فينا إحنا؟ يمكن المشكلة عمرها ما كانت في الحياة… يمكن في الطريقة اللي بنشوف بيها الحياة. اسمعونا على أنغامي، Spotify، وApple Podcasts إنساني | الموسم التالت #إنساني #Ensany #MoGawdat

أحمد ناجي، مؤسس EfhamAI، أول مجتمع عربي لتعلم الذكاء الاصطناعي باللهجة المصرية. في الحلقة دي بنتكلم عن شكل الشغل اللي بيتغير، وعن شركات ممكن تتبني بشخص واحدوبس، وعن الفرق بين إنك تستخدم الـ AI وإنك تبني بيه.  حوار صريح عن الشغل اللي بيختفي، والفرص اللي بتتولد، وعن السؤال اللي محدش عايز يسأله: لو السيستم كله وقع، إحنا جاهزين؟ إنساني | الموسم التالت #إنساني #Ensany #أحمد_ناجي #EfhamAI

الآلة بقت تكتب وترسم وتتكلم… بس لسه في حاجة مقدرتش تاخدها. د. ماهر صموئيل قضى أكتر من ٣٠ سنة قاعد قدام الإنسان في أضعف لحظاته، بيسمع ناس بتدور على معنى لحياتها. في الحلقة دي بنتكلم عن قيمتنا اللي أكبر من شغلنا، وعن العلاقات اللي بتروح وتيجي، وعن الفرق بين الأذى والوجع، وعن الجروح اللي بنشيلها من غير ما نعرف. وفي وقت الذكاء الاصطناعي فيه بيعمل كل حاجة تقريبًا، بنسأل: إيه اللي لسه بيخلينا بني آدمين؟ يمكن المعنى عمره ما كان حاجة بنلاقيها… يمكن حاجة بنفتكرها. إنساني | الموسم التالت #إنساني #Ensany #ماهر_صموئيل

في الحلقة دي من إنساني مع الكاتب محمد صادق في حوار إنساني عميق عن الإنسان، العلاقات، والحب.  حوار عن فهم النفس، العلاقات، والطريقة اللي بنشوف بيها العالم حوالينا.

حلقة إنسانية عن رحلة كلنا مرينا بيها بشكل أو بآخر. رحلة من التوهان للأسئلة الصعبة… في الحوار ده بنتكلم عن لحظات الضعف اللي ممكن تغير طريق حياتنا والصراع مع الصوت الداخلي  وإزاي ممكن الإنسان يلاقي طريقه وسط الدوشة

حوار إنساني صريح عن اللحظات اللي بنكون فيها أضعف مما نُظهر، والصراع بين الصورة اللي بنقدمها للناس والحقيقة اللي جوانا. في الحلقة دي من بودكاست إنساني، اتكلمنا مع سارة درويش عن الضغوط النفسية، والصراعات الداخلية، وإزاي الإنسان بيتعامل مع نفسه في أصعب لحظاته.

حوار صريح عن النجاح، والضغط، والرحلة اللي محدش بيشوفها مع حسام هيكل في حلقة جديدة من إنساني

حوار صريح وإنساني عن رحلة الأهل بين القلق والقبول، بين الخوف على أولادهم والخوف من كلام الناس. الحلقة دي لكل أم وأب بيحاولوا يربوا أولادهم بعيدًا عن ضغط المقارنات، وقريبين منهم من غير خوف ومن غير إنكار.

الجزء التاني من حلقة إنساني مع د. مصطفى النحاس بياخدنا خطوة أعمق في فهم العلاقات، الأهل، وتجربة العلاج النفسي بعيدًا عن اللوم أو التصنيف.

حوار هادي وصريح عن النفس، العلاقات، والحاجات اللي بنفهمها متأخر مع الدكتور مصطفى النحاس. الجزء التاني قريب.

المنصب بيروح.. بس الإنسانية هي اللي بتعيش. في الحلقة دي من بودكاست إنساني، أشرف بخيت بيكلمنا عن "صراع المنصب والروح". حوار عن الطيبة، والقيادة بقلب إنسان، والدروس اللي اتعلمها في رحلته. The journey is never easy! Ashraf Becheet shares his perspective on humanity in leadership and why kindness is the ultimate lesson and power.

كلام عن القوة والضعف، عن الحاجات اللي بنخبيها، عن اللي بنعدّي بيه ومابنقدرش نقوله، وعن الوش التاني اللي ساعات إحنا نفسنا مانبقاش عايزين نشوفه. في أول حلقة من إنساني، يسرا الليثي بتشاركنا مشاعرها، لحظات القوة، مساحات الضعف، والوش التاني اللي يمكن ماحدش شافه قبل كده. رحلة جوا الإنسان… وجوا يسرا. A conversation about strength and vulnerability, about the things we hide, the experiences we go through but can’t put into words, and the other side of ourselves that we sometimes don’t even want to see. In the first episode of Ensany, Yosra Wael Elleithy shares her emotions, moments of strength, spaces of vulnerability, and the side of herself that maybe no one has seen before. A journey inside the human experience… and inside Yosra.

هدفنا نرجع الإنسانية نشوف كل الجوانب إللي بتخلينا بشر نفهم اكترعن نفسنا هدفنا إنساني Our mission is to bring humanity back. To rediscover what makes us feel, connect, and care. To see every side that makes us human. “Ensany” is our mission