Advertise on podcast: 31952 Podcast

حلقة عن أفلام الرعب اللي شفناها واحنا صغار وخلتنا نعيش في خوف من بعض الأمور ، مو مفتكرين أغلب القصص لكن الشخصيات المرعبة مازالت عالقة في تفكيرنا وصارت من كوابيس الطفولة.. مايكل مايرز وسامارا وغيرهم!

في الحلقة بسولف معكم عن قوائم الدوبامين وكيف قائمة صغيرة تقدر تغير يومك كله. بعيداً عن التيك توك والإنستقرام وأي مشتتات مو مفيدة للدماغ، فيه أشياء بسيطة حولنا تعطينا نفس الشعور، بس أصدق، وتحسّن المزاج وحتى تعطينا القوة نتغلب على أي لحظة توتر وقلق وتفكير زايد ... كل ما انتبهنا لهالتفاصيل، كل ما صار أسهل علينا نكوّن قائمة خاصة فينا بأشياء بسيطة، مو معقدة، موجودة حوالينا، وتساعدنا نعدّي الأيام الصعبة بشكل أخف.

حلقة اليوم تكلمت عن فكرة : كيف الحياة تخلينا نتواضع. كل شيء قابل للتغيير وغير مضمون... أفكارنا، قناعاتنا، حتى الأشياء اللي كنا نرفضها بشكل قاطع. في لحظة معينة، نمر بتغيير ، نسوي أشياء قلنا مستحيل نسويها " كلما ازداد وعينا، ازداد إدراكنا لمدى جهلنا ".

2026 is the New 2016 .. الحلقة عن الترند المكتسح حاليا جميع مواقع التواصل الإجتماعي وتساؤل: ليه احنا متزاعلين مع الحاضر دائما ، وليه مع بداية سنة جديدة قررنا نرجع 10 سنوات لورا!

كلنا مرينا بخيبة أمل من أشخاص حولنا. واحياناً... نكون احنا المتسببين فيها. . "فكّر كم مره رفعت سقف توقعاتك لشخص... وكيف انتهى الموقف؟" أغلبنا يتوقع الكثير من الناس ، والموضوع معقّد فعلا ف وجود معايير واضحة ترسم فيها حدودك ومساحتك هذا أمر صحي وضروري ولكن المشكلة تبدأ لما تتحول هذه المعايير إلى توقعات غير واقعيه ، لما نتوقع من شخص أن يكون مصدر دائم لشعور معين ونفترض أنه مستمر في كل الأوقات. في هذه الحلقة، أتحدث عن التوقعات اللي بنيناها حول أشخاص في حياتنا... وكيف تحولت إلى خيبة أمل أو صدمه احنا مسؤولين عنها يمكن...

أنا كذا.. وهذي شخصيتي." كثير نردد هالجملة ونصدقها، بس هل هي فعلاً هذي حقيقتنا؟ ولا مجرد نسخة تعودنا عليها؟ في هذي الحلقة، أسولف عن المساحة اللي نقدر نتحرك فيها بعيداً عن اللي نعرفه عن أنفسنا. ليش نحس بغرابة لما نتصرف بطريقة جديدة؟ وهل التغيير يعني إننا نصير شخص ثاني؟ هذه الحلقة نتاج تساؤلات كانت تشغلني، حبيت أطرحها بصوت مسموع لعلها تلامس شيئاً داخلكم