
Advertise on podcast: Murmur
This podcast has
26 episodes
Publisher
BerriaExplicit
No
Date created
2026/02/09
Latest episode
2026/11/12
Average duration
50 min.
Release period
12 days
Description
Musikaren murmurioa bizia da gurean, jario geldigaitza du, eta errota zaharretatik zein eihera berrietatik murmur batean dator, lehengo eta oraingo oihartzunez betea. Hots eta ahots horien bozgorailu izango da BADOK musika atariak eta Kulturaz kooperatibak elkarrekin ondutako Murmur podcasta.
Podcast episodes
Check latest episodes from Murmur podcast
Rockaren aldaera berriak eta autoan bidaia
2026/11/12
MurMur-en bidaia sonikoa honako hauek osatu dute: Ezezez, Silitia, Txopet, KAK!!, Audience, Gaüze, Marte Lasarte, Peiremans+, Eñaut Elorrieta, Ibil Bedi eta Peru Galbete
Kattalin eta nenufarrak taldeko Sara Iriarte eta Leire Agirre izan dira MurMur-en
2026/11/05
'Zeruak eta sabaiak' bigarren diskoa kaleratu berri dute, teklatuen atmosfera dotorean, gitarra zorrotzetan eta ahots leun bezain indartsuan oinarrituriko pop zenbaitetan lanbrotsu zenbaitetan argitsu bat landuz.
Trikiti zaharra, korridoak, pop malenkoniatua eta pop-rock aire berriak
2026/10/29
Honako hauekin osatu dugu gure gaurko murmurioen bidaia: Laja; La Txama; Broken Brothers Brass Band; Dupla; Menta Tormenta; Izaki Gardenak; Larra Bideak; Anonyme Popular; Txopet; eta Barrrk
Monsieur le Crepe izan dugu MurMur-en
2026/10/21
Iraileko lau igandez pieza bana argitaratuta mihia zorrotz bezain zintzo astindu du elkarrizketan, bere kantuetan egin ohi duen modura. Flamenkoaren eta raparen arteko loturez, klase ikuspegiaz eta prekarietateaz, zintzotasun artistikoaz eta beste aritu da.
Udazkena, ambient-a eta beste berritasun batzuk
2026/10/15
Azken asteotako nobedadeetako batzuk entzun ditugu MurMur-en; hasi Garazi Esnaolaren piano leunetik, igaro Iker Munduateren eta Saguxar-en ambient giroetara, Kattalin eta Nenufarrak-en pop-elektronikoa, Aguxtin Alkhat eta Kamila Zubeldia-ren pop-folka eta Soka, Ohil eta Makribaren rock molde berriagoak ere bai... eta baita haietakoren baten oihartzun-murmurioak ere.
Maddi Oihenart eta Juantxo Zeberio, 'MurMur'-en
2026/10/07
Lur diskoa plazaratu zuten iazko urte hondarrean, eta Tolosako Topic-en aurkeztuko dute urriaren 9an. Angelun egin dugu hitzordua eta aritu zaizkigu diskoaz zein euren arteko harreman artistikoaz, musika ulertu eta bizizteko manerez, iparraren eta hegoaren arteko loturez eta beste.
Udako azken errainuak MurMur-en
2026/09/30
Udan zein udazken hasiera honetan plazaraturiko hainbat kantu berri entzungo ditugu MurMur-en. Honako musikari eta taldeen piezak entzungo ditugu, euren murmurio eta oihartzun: AimarZ eta Kiliki; Xarma Leone, Mentza, Ezezez, Zea Mays, Izaro, Amorante, Izaki Gardenak eta M. Lecrêpe.
Natxo De Felipe elkarrizketatu dugu MurMur-en
2026/09/23
11 urteko geldialdiaren ostean, Oskorriko sortzaile eta kantariak bere izenez kaleratu du 'Abandonatuak' lan berria, harizko laukote baten laguntzaz. Hure elkarrizketatuz abiatu dugu 'MurMur' saioaren ikasturte berria. Ahobizarrik gabe mintzatu da garai gordinez, musikaren trabez eta pozez, belaunaldi kontuez eta abar.
Ruper Ordorika elkarrizketatuz itxi dugu ‘MurMur’-en lehen denboraldia
2026/07/01
‘Lurra ikutu barik’ diskoa plazaratu zuen Ruper Ordorikak iazko urte hondarrean. Mintzatu zaigu diskoak egindako bideaz, baina baita bere ibilbideaz ere; solastu da egungo musikaren norabideaz, eta bere kezkez eta zalantzez. Hitz egin du beti kantuaren alde, eta oroitu du gogominez bere anaia Jonan ere. Saio honekin agurtuko gara uda ostera arte. Udaldi eta musika on!
EHZ-Murmur | Ekainaren 27ko eta 28ko egitarauak eta elkarrizketa Ursula Strongi
2026/06/23
Ekainaren 27an, larunbatarekin, kontzertua emango du Arberatzen (Nafarroa Beherea), EHZ jaialdian, Niña Coyote eta Chico Tornado taldeak. Biko horretako bateria jotzaile Ursula Strong elkarrizketatu dugu, eta larunbateko zein igandeko euskal taldeen partaidetza aipatu dugu, talde bakoitzaren kantu banarekin.
EHZ-Murmur |Ekainaren 26ko egitaraua, Xak ekin eta Maiena Uharterekin elkarrizketa
2026/06/22
MurMur saio berezia da honakoa, EHZ jaialdiaren egitaraua errepasatzeko baliatu baitugu. Lehen saio honetan ekainaren 26ko egitaraua errepasatuko dugu, euskal taldeei erreparatuz. Gainera, XAK (Paxkal Irigoien) musikaria eta Maiena Uharte antolakuntza taldeko kidea elkarrizketatu ditugu.
Vibora post-hardcore talde gasteiztarra ‘MurMur’-en
2026/06/17
‘Egin ez dugun guztia’ diskoa plazaratu zuen Vibora laukoteak otsailean. Lan bortitza bezain ederra. Taldeko kide Jorge Gonzalez (baxua) eta Xabi Arratibel (gitarra, ahotsa) izan dira gurean, eta aritu dira edertasunaz, malenkoniaz, soinuaz eta beste.
Jon Miranderen poema musikatu zenbait eta azken kantuetako batzuk
2026/06/10
IbonRg-k eta Enrike Hurtadok Jon Miranderen ‘Zakhur hil bati’ poema musikatu dute; kantu horretatik abiatuta entzungo ditugu Fran Lasuen, Izukaitz, Imanol Lartzabal eta Georges Moustaki eta beste zenbait ere. Baita ere, Kattalin eta Nenufarrak-en, Marte Lasarteren eta Katiuskak-en azken kantuak ere.
Big Boy taldeko Iñigo Garcia eta Juan Luis Blanco ‘MurMur’-en
2026/06/04
Talde berezia eta bakarra da Big Boy, unibertso propio bat bere horretan. ‘Animaliak’ 19 minutuko pieza eta ‘Hildako anonimoak’ diskoa plazaratu dituzte kolpe batean. Musikaz, umoreaz, haize sekzioen garrantziaz eta beste solastu gara haiekin.
Hiru gitarra jotzaile, ‘Baga Biga’ ren bertsioak eta beste MurMur-en
2026/05/28
Ibon Salaberriak, Keu Agirretxeak eta Joseba Irazokik jarri dute MurMur saioaren lehen puntua, euren azken lanetako kantu bana ekarri baitugu saiora; Baga-Biga kantu ikonikoaren hainbat bertsio harilkatu ditugu eta Triggeren berriena, Big Boy-ren itzulerako kantu bat zein Gailü eta Nakarrek elkarrekin ondutako pieza bat ere entzun ditugu… eta haien guztien murmurio-oihartzunak ere bai.