Werben im Podcast: NDR 1 Niedersachsen - Plattdeutsch

Oswald Andrae weer een vun de bekanntesten nedderdüütsch Dichters vun't vörige Johrhunnert. Düt Johr weer he 100 worrn. Ilka Brüggemann hett Gedichte un Leders, de dorut entstahn sünd, tohoopstellt un vertellt en beten wat över Leven un Wark.

Detlef Kolze is en Schriever ut Bremerhaven. He weer Schoolmester, denn Journalist. He hett plattdüütsch Ledertexte schreven för den Musiker Otto Groote. Un nu is sien Book mit plattdüütsch Kolumnen rutkamen. "De Oole un sien Blick op de Welt".

Een Tosamenschnitt vun de groote Afschlussfier in't Ohnsorg-Theater - mit all de Geschichten, Interviews un ok mit Musik vun de Grupp Mahoin!

Geschichten to'n Fröhjohr hett Ilka Brüggemann tohoopstellt. Dor dreiht sik dat üm't Reinemaken, üm Diäten, üm Blomen un ok üm Fröhjohrsgeföhlen. Oha! Mit dorbi sünd Ina Müller, Matthias Stührwoldt, Gerd Spiekermann un annere plattdüütsche Schrieverslüüd.

Us Wettstriet "Vertell doch mal" ünner dat Motto "Kuddelmuddel" löppt noch bet to'n iersten Marzmaand. Un hier köönt Ji noch mal toluustern, wat för en Veelfalt vun Geschichten annerlest Johr rutkamen weer ünner dat Motto "Mit'nanner". Mit Ilka Brüggemann

Wi kiekt torüch op dat Johr 2025 - wat weer los un wat weer besünners op Platt? De schönste Koh hebbt wi kürt, hebbt Wohlddeerten op Platt kennenliernt, weeren an'n Strand un in Grönland un en Masse mehr. Veel Pläseer!

Dat weer 1717, dor sünd teihndusende Minschen in Ostfreesland bi de so nöömt Wiehnachtsflood sturven. Frank Jakobs stellt en Musiktheaterstück vör, dat sik dormit befaten deiht un kiekt mit Interviewgäst torüch man ok op den Schutz vun de Dieken hüüttodags.

In Nordrhein Westfalen, kott achter de Grenz to Neddersassen, is de Stadt Espelkamp. Un dor sett sik een vun de Stadtführers ganz besünners för de plattdüütsche Spraak in: Kalle Tiemeyer hett dusenduneen Idee dorför. Ilka Brüggemann hett mit em schnackt.

Mit de tweete Staffel vun Düsse Petersens geiht dat nu wedder los. Ilka Brüggemann hett Utschnitte un Interviews mit Schauspelers, Schrievers un den Redakteur.

Wo löppt Urlaub in en Jugendharbarg hütigendags af? Wat hett de Emslandplan vör 75 Johren för de Region kulturell inbracht? Un woveel Spooß makt en plattdüüütschen Segeltöörn op dat ole Seilschipp Rigmor? Dat un mehr in düsse Utsennen.

Die besten Kinder und Jugendliche beim niedersächsischen Vorlesewettbewerb "Schüler lesen Platt" sind hier noch einmal mit ihren Beiträgen zu hören. Dazu hat Ilka Brüggemann weitere Ausschnitte der Abschlussveranstaltung zusammengestellt.

En Utstellen in't Heimatmuseum Leer hett Frank Jakobs op dat Thema stött: Wo weer dat egens mit Hexenverfolgen in'n Nordwesten vun Neddersassen un ok annerswo? He hett veele Fakten sammelt, de nich veele Lüüd weten, de us aver vundaage noch prägen doot.

Hier gifft dat nu to'n Naluustern de grote Afschlussfier vun Vertell doch mal 2025 ut dat Ohnsorg-Theater.

Dat NDR-1-Studio in Ollenborg gifft dat nu siet 75 Johr. Dat ward düchtig fiert. Un Frank Jakobs hett nochmal torüchkeken op düsse Tiet, hett ehemalig Mitarbeiters interviewt un in't Archiv stöbert.

Düsse Utsennen hett all Tradition: Jümmer in'n April gifft dat nochmal de verrückten Ideen to Aprilscherzen vun Frank Jakobs to'n Naluustern. Vun de Duttflechteree över de Aprilscherzologin un anner afsünnerlich Saken weet he to berichten. Veel Pläseer!