Advertise on podcast: Orð um bækur

Í byrjun þáttar er stuttlega fjallað um byltingakenndar breytingar í bókaútgáfu á allra síðustu árum. Þá er þættinum sagt frá bókinni European. Notes from Black Europe eftir Johny Pitts. Sagt er frá höfundinum og bókinni, lesið brot í snörun þáttastjórnanda og það heyrist í höfundinum, upptaka frá heimasíðu hans afropean.com. Þá stjórnar Anna María Björnsdóttir umræðum um ólík viðbrögð lesenda og gagnrýnenda við bókum karl - og kvenkynshöfunda en skáldkonur erum mun oftar spurðir hvort verk þeirra fjalli ekki um þær sjálfar. Þátttakendur í umræðunum eru Auður Jónsdóttir, Eva Rún Snorradóttir og Fríða Ísberg. Umsjón: Jórunn Sigurðardóttir Lesari: Kristján Guðjónsson

Í þættinum er rætt við Öldu Sigmundsdóttur sem nýlega sendi frá sér endurminningabókina Daughter, sem fjallar um baráttu Öldu við að losna úr viðjum narssisísks ofbeldis æsku sinnar. Bókin er skrifuð á ensku, útgefandi Enska textasmiðjan en einnig kemur bókarisinn Amazon við sögu í prentun og dreifingu bókarinnar. Einnig rætt um það við Öldu. Líka rætt um útgáfumál og stöðu ungra höfunda annars vegar í Þýskalandi við rithöfundinn Matthias Jügler og hins vegar við norsku rithöfundana Rune F. Hjemås og Mathias R. Samuelsson. Þá er einnig rætt við þá Rune og Mathias um fyrirhugað samstarf forlags þeira Beijing í Þrándheimi við Tunglið í Reykjavík um gagnkvæma sendingu Ljóðbréfa á milli landanna. Umsjónarmaður: Jórunn Sigurðardóttir

Í þættinum er leikin upptaka frá útgáfufögnuði Unu útgáfuhúss í tilefni útgáfu örsagnasafnsins Dagatal eftir Karítas Hrundar Pálsdóttur. Hún les tvær sögur úr bók sinni og segir frá hugmyndinni um íslenskt skáldverk á einföldu máli. Þá er í þættinum rætt við Rut Ingólfsdóttur um þýðingastörf hennar einkum um nýútkomna þýðingu bókarinnar Le Place, Staðurinn eftir Annie Ernaux sem nýlega kom út hjá Uglu útgáfu. Einnig ræðir Magnús Guðmundsson við Elísu Björgu Þörsteinsdóttur um japönsku skáldsöguna Kjörbúðarkonan eftir Sayaka Marata í þýðingu hennar sem Angústúra sendi frá sérfyrir stuttu. Elísa les brot út bókinni. Umsjón: Jórunn Sigurðardóttir

Í þættinum segir Torfi Tulinius prófessar stuttlega frá eðli og gildi heiðursdoktorsnáfnbóta við háskóla heimsins. Þá er rætt við ungan þýskan rithöfund, Matthias Jügler sem nú dvelst í Gröndalshúsi í Reykjavík í boði Reykjavíkur bókmenntaborgar við skrif nýrrar skáldsögu. Í þættinum er þó ekki rætt við Matthias um þá skáldsögu heldur um skáldsöguna Die Verlassenen (Hinir yfirgefnu) frá árinu 2021, sem ekki hefur verið þýdd á íslensku. Einnig ræðir Magnús Guðmundsson við Jón P.Ágústson en þýðing hans á skáldsögunni Líkamslistamaðurinn (The Body Artis - 2001) eftir bandaríska rithöfundinn Don DeLillo sem er fyrsta bókin sem þýdd er eftir DeLillo á íslenskui. Magnús segir einnig frá fjölbreyttum ferli DeLillo. Umsjónarmaður: Jórunn Sgiurðardóttir lesarar: Gunnar Hansson og Katrín Ásmundsdóttir

Í þættinum heyrist upptaka frá útgáfuhófi Díönu Sjafnar Jóhannsdóttur sem fagnaði útgáfu ljóðabókar sinnar Mamma verður að sofa í síðustu viku. Einnig rætt stuttlega við Díönu. Þá er rætt við Rebekku Sif Stefánsdóttur sem nýlega sendi frá sér sína fyrstu skáldsögu, Flot að lokum er sagt frá ungmennabókinni Ótemjur og rætt við höfundin Kristínu Helgu Gunnarsdóttur sem síðasta vetrardag tók við Barnabókaverðlaunum Reykjavíkurborgar árið 2022 fyrir einmitt þá bók Umsjón: Jórunn Sigurðardóttir

18. júlí 2021 voru hundrað ár liðin frá fæðingu Jóns Óskars skálds og þýðanda. Að því tilefni hafði verið undirbúin dagskrá til heiðurs Jóni Óskari og höfundarverki hans. Vegna samkomutakmarkanna árið 2021 varð ekki af þessari dagskrá fyrr 5. maí 2022. Dagskráin, sem var fjölsótt, fór fram í Gunnarshúsi og var hljóðrituð. Í þættinum er sagt nokkuð af lífshlaupi Jóns Óskars og leikin brot af upptökunni sem gerð var á dagsskránni þar sem ljóð eftir Jón Óskar voru bæði sungin og lesin upp og lesin smásaga. Í þættinum heyrist aðeins hluti þessarar viðamiklu dagskrár. Una Margrét Jónsdóttir, dóttir Jóns Óskars, segir frá þeirri uppgötvun sinni að Y. nokkur Admon, sem líklega er af úkraínskum uppruna, hafi fyrstur samið lag við ljóð eftir Jón Óskar. Þetta var ljóðið Ísland í september 1951 og mái í þættinum heyra Magneu Tómasdóttir syngja ljóðið við lag Y. Admon. Kristinn Örn Kristinsson leikur á píanó og er hér væntanlega um heimsfrumflutning að ræða. Einnig heyrist þættinum Katrín Ásmundsdóttir lesa þetta sama ljóð. Þá heyrðist Ævar Kjartansson lesa brot úr bréfi, sem Oddný Eir Ævarsdóttir sendi samkomunni. Katrín Ásmundsdóttir les líka ljóðið Sannleikurinn úr ljóðabókinni Nóttin á herðum okkar frá 1958 og Þór Stefánsson les ljóðið: Ný ljóð, nýir draumar úr síðustu ljóðabók Jóns Óskar Hvar eru strætisvagnarnir frá 1995. Í þættinum er síðan rætt við Dr. Guðmund Brynjólfsson sem þann 10. maí 2022 varði doktorsritgerð sína: Ég sem þreyttur kem frá liðnum vetri; Um margbrotna stöðu skáldsins og þýðandans Jóns Óskars í íslensku menningarumhverfi. Þættinum lýkur á því að skáldið sjálft flytjur ljóð sitt Vorkvæði um Ísland.menningarumhverfi.Þættinum lýkur á því að skáldið sjálft flytur ljóð sitt Vorkvæði um Ísland. Umsjónarmaður: Jórunn Sigurðardóttir

Í þættinum heyrist upptaka gerð í útgáfuhófi Þórarins Eldjárn í tilefni að útgáfu kvæðabókarinnar Allt og sumt. Í þættinum heyrast nokkrar stökur og stuttlega er rætt við Þórarinn. Þá ræðir Magnús Guðmundsson við Eirík Rögnvaldsson um bókin Alls konar íslenska. 100 þættir um íslenskt mál á 21. Að lokum er rennt fingrum niður eftir hlaða nýútkomina þýddra skáldverka og sérlega staldrað við skáldsöguna Hvarf Jims Sullivans eftir Tangy Viel sem er nýkomin út hjá Uglu í þýðingu Jórunnar Tómasdóttur. Sagt er frá bókini, lesin brot úr henni og rætt í síma við Jórunni Tómasdóttur. Umsjónarmaður: Jórunn Sigurðardóttir Lesari: Gunnar Hansson

Í þættinum eru að þessu sinni skoðaðar tilhneigingar í barnabókmenntum á Norðurlöndunum út frá tilnefningum til Barna - og ungmennabókmenntaverðlauna Norðurlandaráðs. Erling Kjærbö tilkynnir um tilnefningar Íslendinga á tilnefningarsamkomu í Norræna húsinu 29. mars 2022. Þá er rætt við Önu Staniscevic ritstjóra ljóðabókarinnar Eplaástøðið endurskoðað / Udvidet kartoffelteori / Kartöflukenningin endurskoðuð og eitt skáldanna sem eiga ljóða í bókinni, Guðrúnu Brjánsdóttur. Bókin er gefin út af Norðuratlanshafsbryggjunni í Kaupmannahöfn og hefur að geyma afrakstur ljóðaverkefnis sjö skálda frá Danmörku, Færeyjum og Íslandi. Að lokum ræðir Magnús Guðmundsson við Anton Helga Jónsson um nýja ljóðabók Antons Helga, Þykjestuleikana.

Í þættinum er leikin upptaka frá afhendingu Blóðdropans, verðlaunum Hins íslenska glæpafélags 23. mars 2022. Foringi félagsins Ævar Örn Jósepsson ávarpar gesti, Helga Birgisdóttir formaður dómnefndar lýsir yfir nýjum handhafa Blóðdropans, sem er Ragnheiður Gestsdóttir. Magnús Guðmundsson ræðir við Ragnheiði um verðlaunabókina Farangur. Þá ræðir Jórunn við Auði Jónsdóttur og Tinnu Hrafnsdóttur um skáldsögu Auðar, Stóri skjálfti frá árinu 2015 og um kvikmynd Tinnu, Skjálfti, sem frumsýnd verður 31. mars 2022. Að lokum flytur Vera Knútsdóttir pistil um inngildingu, nýtt hugtak í bókmenntunum, eiinkum barnabókmenntum. Umsjónarmaður: Jórunn Sigurðardóttir Lesari: Þórhildur Ólafsdóttir

Í þættinum heyrast brot úr erindum þeirra Sverris Norland og Þórdísar Gísladóttur sem þau fluttu á ráðstefnu um barnabækur sem haldin var í Gerðubergi 5/3 2022 undir yfirskriftinni Allskonar öðruvísi. Þá segir Magnús Guðmundsson frá skáldsöguni Dragðu plóg þinn yfir bein hinna dauðu eftir pólska Nóbelsdverðlaunahafann Olgu Tokarczuk sem er nýkomin út í íslenskri þýðingu Árna Óskarssonar sem einnig er rætt við og lesin brot úr verkinu. Þá er þættinum sagt frá nýrri skáldsögu eftir franska leikskáldið Yasminu Reza, sem kom út í Frakklandi fyrir ári og í þýskri þýðingu fyrir fáeinum vikum. Vitnað er í viðtal þýsku blaðakonunar Irisar Raddich við Yasminu í þýska vikuritinu Die Zeit, sagt frá sögunni, sem heitir Serge, og lesin brot úr henni í snörun umsjónarmanns. Lesari: Halla Harðardóttir Umsjónarmaður: Jórunn Sigurðardóttir

Í þættinum er að þessu sinni flengst víða.Á dagskrá er pistill frá Danmörku, pólsktt/íslenskt útgáfuhóf, hlerað inn á ráðstefnu um barnabókmenntir og kíktá nýjan samkomustað bókanna. Í þættinum er rætt við Dagnýju Maggýardóttur og Kikku KM Sigurðardóttur um Bókasamlagið sem þær opnuðu nýlega í Skipholti 19. Þar má drekka kaffi og fá sér hafragraut, skrifa bækur og gefa þær út, selja bækur og kaupa, lesa upp og búa til hlaðvörp og hljóðbækur. Þá heyrist upptaka frá hófi sem haldið var í Bókabúð Más&Menningar í tilefni útgáfu bókarinnar Ísland pólerað eftir Ewu Marcinek. Einnig hugað að árlegri ráðstefnu um barnabókmenntir, sem haldin varí Gerðubergi þann 5. mars síðastliðinn og bar yfirskriftina Alls konar öðruvísi. Í þessum þætti er hugað að tveimur fyrsrilestranna sem haldnir voru og leikin stutt brot úr þeim. Þetta voru annars vegar fyrirlestur Þórunnar Rakelar Gylfadóttur um þroskasögur skáldsagnapersóna og höfunda þeirra og tregðulögmáli og úr fyrirlestri Ötlu Hrafneyjar myndasöguhöfundar og formanns íslenska myndasögusamfélagsins um fjölbreytileika og myndasögur. Fyrirlestrar þeirra Wverris Norlands og Þórdísar Gísladóttur verða á dagskrá þáttarins að viku liðinni. Aö lokum er á dagskrá þáttarins pistill Veru Knútsdóttur bókmenntafræðings um dönsku skáldsöguna Tyveri eftir Thomas Korsgaard sem fékk gullna lárviðiinn verðlaun danskra bóksala. Umsjónarmaður: jórunn Sigurðardóttir

Í þættinum er rætt við Hrafnhildi Hagalín Guðmundsdóttur leikskáld um fyrstu ljóðabók hennar Skepna í eigin skinni og Hrafnhiuldur les nokkur ljóð úr bókinni. Þá ræðir Magnús Guðmundsson við Braga Þorgrím Ólafsson sem nýverið varði doktorsritgerð sína við HÍ um skjalasaöfnun Jóns Sigurðssonar forseta að lokum er sagt frá málþingi Óðfélagsins Boðnar sem haldið var í Salnum í Kópavogi 26/2 þar sem velt var upp þeirri spurningu hvort fríljóð og hefðbundinn kveðskapur tilheyri ólíkum heimum sem ekki ná saman. Í innslaginu heyrist í eftirsfarandi Antoni Helgi Jónsyni, Braai Valdimar Skúlasyni, Brynju Hjálmsdóttur, Hauki Ingvarssyni, Ragnari Helga Ólafssyni og Soffíu Bjarnadóttur. Lesari í þægginum va Erla Hrund Halldórsdóttir. Umsjón: Jórunn Sigurðardóttir