Advertise on podcast: Sunnudagssögur

Hrafnhildur Halldórsdóttir ræðir við Vigdísi Jakobsdóttur, listrænan stjórnanda Listahátíðar í Reykjavík. Vigdís segir frá uppvextinum, fjölbreyttri skólagöngu, árunum á Ísafirði þar sem hún bæði steikti hamborgara og lék með litla leikklúbbnum. Hún sagði frá leikstjóranámi, leikstjóraverkefnum, fjölskyldunni, sárum bróðurmissi og ræddi líka um listahátíð sem hún brennur fyrir og vill að hátíðin sé hugsuð fyrir alla. Umsjón: Hrafnhildur Halldórsdóttir.

Siggi Gunnars ræðir við Pálma Ragnar Ásgeirsson lagahöfund og producer. Pálmi er höfundur framlags Íslands í Eurovision í ár, lagsins Power með Diljá. Hann hefur einnig verið atkvæðamikill á íslensku tónlistarsenunni s.l. áratug og sagði okkur sögu sína í Sunnudagssögum. Umsjón: Sigurður Þorri Gunnarsson.

Gestur Guðrúnar Dísar Emilsdóttur í Sunnudagssögum að þessu sinni er Tómas Hermannsson bókaútgefandi og lífskúnstner. Tómas á ásamt eiginkonu sinni Önnu bókaútgáfuna Sögur og fáum við að skyggnast inn í heim bókaútgefandans. Umsjón: Guðrún Dís Emilsdóttir.

Gestur þáttarins er Ingibjörg Sólrún Gísladóttir. Ingibjörg kom að stofnun Kvennalistans, var borgarstjóri Reykjavíkur, utanríkisráðherra Íslands og síðar yfir alþjóðastofnunum Sameinuðu þjóðanna úti í hinum stóra heimi. Allt, án þess að hafa í raun og veru ætlað sér það. Umsjón: Snærós Sindradóttir

Hulda G. Geirsdóttir ræddi við Ólaf Teit Guðnason samskiptastjóra Carbfix og tónlistaráhugamann um uppvaxtarárin víða um heim, námsárin og fjörugt félagslífið í Versló og Hí og áskoranir fullorðinsáranna. Ólafur sagði m.a. frá óvæntri hjartaaðgerð sinni og ótímabæru fráfalli eiginkonu sinnar, sem hann ritaði um í bókinni Meyjarmissir. Þá ræddu þau Hulda nútíð og framtíð og það að finna ástina að nýju. Umsjón: Hulda G. Geirsdóttir.

Hrafnhildur Halldórsdóttir ræðir við Gylfa Ólafsson forstjóra Heilbrigðisstofnunar Vestfjarða. Umsjón: Hrafnhildur Halldórsdóttir.

Jana Salóme Ingibjargar Jósepsdóttir var viðmælandi dagsins í Sunnudagssögum. Jana er bæjarfulltrúi Vinstri grænna á Akureyri og hún var líka nýlega kjörin sem ritari Vinstri grænna á landsfundi flokksins sem fram fór um miðjan mars. Hún segir frá uppvextinum og hvernig leið hennar lá svo í efnafræði í Háskólanum, þar sem hún tók einnig virkan þátt í stúdentapólitíkinni. Jana ræðir líka hvernig lífið er í bæjarpólitíkinni á Akureyri og almennt hvað einkennir lífið og tilveruna. Umsjón: Gígja Hólmgeirsdóttir

Magnús Hauksson er eilífðar töffari, Ísfirðingur og eigandi Tjöruhússins var tekin tali í skemmunni sinni fyrir vestan. Þar voru æskuárin rifjuð upp, talað um ferilinn í eldhúsinu og á videoleigunni. Umsjón: Andri Freyr Viðarsson.

Gestur Sigga Gunnars í Sunnudagssögum er Unnsteinn Jóhannsson sem deilir með hlustendum reynslu sinni af því að vera fósturforeldri. Unnsteinn hefur unnið ötullega að málefnum er varða ættleiðingar samkynhneigðra undanfarin ár auk þess að starfa á sviði stjórnmála og ýmiskonar mannréttindimála. Við heyrum áhugaverða sögu Unnsteins í þættinum. Umsjón: Sigurður Þorri Gunnarsson.

Gestur Guðrúnar Dísar Emilsdóttur í Sunnudagssögum er Andrés James Andrésson flugþjónn og innanhúsarkitekt. Andrés segir meðal annars frá magnaðari mánaðarferð hans hringinn í kringum jörðina á einkaþotu.

Hulda G. Geirsdóttir ræddi við Steinunni Árnadóttur organista og dýravin, en hún hefur barist ötullega fyrir bættri dýravelferð og vakið athygli á slæmum tilfellum vanrækslu. Hún hefur hlotið bæði lof og hvatningu fyrir, en líka verið hótað. Hún heldur þó ótrauð áfram.

Gestur þáttarins er Vilmundur Hansen garðyrkjugúru sem hefur flakkað vítt og breitt um heiminn, lært grasamannfræði og stýrir safaríferðum um Afríku. Umsjón: Snærós Sindradóttir Grace Jones - La vie en rose. Eivör Pálsdóttir - Purple flowers. Nanna - How to Start a Garden. MEZZOFORTE - Garden Party.