Advertise on podcast: Speakeasy Podcast

Ass e gutt Liewen mat Ëmweltschutz iwwerhaapt ze vereenen? Den Thomas Koenig schwätzt mam Thomas Steinmann vum Mouvement Écologique Lëtzebuerg iwwer nohaltege Konsum – ouni moralesch Zeigefanger, mee mat éierlechen Äntwerten op Froen, déi eis alleguer betreffen. An dëser Episod: - Kënne mir iwwerhaapt ëmweltfrëndlech konsuméieren? - Kënne mir Labelen wierklech vertrauen? - Firwat ass nohaltege Konsum dacks méi deier a méi opwänneg? - Wat geschitt, wa mir eis Ressourcen net bis un d'Grenz ausbeuten? - Déi onbequeem Fro: Wat, wann déi aner och net matmaachen? Fir jiddereen, deen méi bewosst liewe wëll – ouni dofir säi ganzt Liewen op de Kapp ze stellen.

10 Joer Zentrum fir politesch Bildung – Wat huet sech wierklech verännert? Zënter engem Joerzéngt setzt sech den ZpB fir Demokratie a politesch Bildung zu Lëtzebuerg an. Mee wat huet den ZpB an där Zäit konkret erreecht? Wéi eng Erausfuerderunge hu si missen meeschteren? A firwat genderen si, obwuel si sech als politesch neutral gesinn? An dësem Interview schwätze mir iwwer Erfolleger, Kritik, gesellschaftlech Verännerungen an d'Zukunft vun der politescher Bildung. E Gespréich iwwer Demokratie, Sprooch a Froen, déi Lëtzebuerg beweegen.

Ech interviewen den RTL-Journalist Petz Bartz iwwert d’Kris am Noen Osten. Firwat hunn d’USA an Israel den Iran ugegraff? Wat huet di Attack getriggert? Wéi gëtt se gerechtfertegt? Wee profitéiert vun dem Krich? Hunn d’USA dobäi en Selbstgoal kasséiert? A wéisou sinn esou Saachen iwwerhaapt méiglech? Dat sinn alles Themen, di ech mam Petz Bartz diskutéieren.

Warum gibt es einen deutschen Soldatenfriedhof in Sandweiler nahe Luxemburg-Stadt? Weshalb hat Luxemburg ihn nach 1945 zugelassen – und wer ist heute für ihn verantwortlich? Wie gedenkt man Soldaten, die für das nationalsozialistische Deutschland kämpften? Und kann man um Gefallene trauern, ohne das Regime zu relativieren, dem sie dienten? Über diese und weitere Fragen spreche ich mit Diane Tempel-Bornett, Pressesprecherin des Volksbund Deutsche Kriegsgräberfürsorge. Hier ist das Gespräch mit B. Niederkorn, dem Leiter des Nationalen Militärgeschichtlichen Museums in Diekirch: https://soundcloud.com/speakeasylux/episod178

En Ausbléck op 2026 mam Petz Bartz Wat ginn di wichtegst Events vun 2026? Ech hunn den Journalist Petz Bartz getraff, fir mat him ze kucken, op wat dëst Joer sollt/kéint oder misst oppassen. E puer Stonnen virdrun ass en Diktator entfouert ginn, wat da schonn an di relevant Kategorie kéint falen. Am Gespréich war et op alle Fall en Thema.

Opfer oder Täter? – Wann Moral op Gehorsam trefft… Wann ech an enger Diktatur opwuessen, do endoktrinéiert ginn, an duerno schrecklech Verbriechen am Numm vu mengem Diktator beginn – weem seng Schold ass dat dann? Sinn ech en Opfer vum System – oder trotzdeem verantwortlech fir dat, wat ech gemaach hunn? Kann een sech mat „Ech hunn just Befeeler ausgefouert“ aus der Affär zéien? A wéini ziele mir zu deenen Gudden, a wéini zu deenen Béisen? Wéi solle mir deene Leit gedenken, déi fir Nazi-Däitschland gestuerwen sinn? En Interview mam Benoît Niederkorn, Direkter vum Musée National d’Histoire Militaire zu Dikrech.

Exotesch Planzen, komplex Waasserfäll, romantesch Landschaften – den Lustgarten ass eng Spillplaz vir den selbstbewossten Räichen, dee weisen wëll, ween di décksten Palm am Gaart huet. Mee den “parc municipal”, deen fir all Mënsch do ass, ass och vläicht just Beschäftegungsthérapie fir den Pöbel…Wat stécht hannert der Loscht um Spazéieren, den groussen Stadt-Parken, den deieren Privat-Gäert? Méi wéi der denkt! Haut gi mer op d’Promenade mam Historiker Marc Schoellen, „expert en patrimoine paysager“. Op Facebook ass en Album mat den (meeschten) Platzen, di mer an dëser Episod diskutéieren, falls der e Bild fir bei den Audio wëllt, hei ass de Link: https://www.facebook.com/media/set/?set=a.1326049952617245&type=3

Lëtzebuerg – e Land, eng Stad, eng (auslännesch) Provënz... oder just eng Iddi? Firwat hu mir e Nationalfeierdag – an net einfach en "Dag vum Siegfried" oder "Dag vum Caesar"? Wéini gëtt eng Iddie zum Fakt? A wien huet iwwerhaapt entscheet, datt mir eng Natioun sinn? Mam Historiker Pit Peporte sichen ech no de Wuerzelen vun eiser Nationalerzielung. Hei den Link zum "À propos" :https://luxembourg.public.lu/fr/publications/ap-histoire.html

Wat passéiert mam Jeeër, wann hien en Déier ëmbréngt ? Wéisou mécht een dat ? Wat fillt een dobäi? A wéi een Bléck huet den Jeeër op seng Beute? An der Episod 15 vun der Serie „Äddi a Merci – e Liewen mam Doud“ schwätze mer mam Ryan Shepherd iwwert säin déidlechen Hobby.

Where's the money, Kohnen? Wéisou si mer net all scho laang ultra-räich? Trotz Zënsen, Kapital a Spuerbuch ginn et nach ëmmer Armer a Räicher. Déi Räich ginn ëmmer méi räich – an déi Aarm ëmmer méi vill. Dobäi sinn eis Gesellschaften nach ni esou produktiv gewiescht, an de weltwäite Räichtum war nach ni esou grouss wéi haut. Wat leeft schief? Oder wat hu mir net verstanen? Haut geet de Philosoph bei d’Economisten – an eraus kënnt de Triple K fir eisen Podcast: En Interview mam Mich a mam Paul Kohnen.

Wat seet den Doud iwwert eis aus? D’Art a Weis, wéi mir iwwert den Doud schwätzen oder nodenken, seet dacks méi iwwert eis selwer aus wéi iwwer den Doud selwer. Ech diskutéieren an dëser Episod mam Marc Schoellen doriwwer, wat eis Approche zum Doud iwwert eis Approche zum Doud verroden – doppelt hält besser! Léisunge ginn et wéi gewinnt keng, mee dofir bleiwe mir entspaant an diskutéieren eng läschte Kéier iwwert den Doud.

Konsens – Wéi geet dat? Geet en Nee duer, oder muss et ëmmer e kloren Jo sinn? Wéi gesäit dat an der Praxis aus? A wou läit d’Grenz tëscht Mëssverständnis a Verstouss? Dës Froen hunn ech mam Claire Schadeck an mam Esin Göksoy vum CID Fraen a Gender diskutéiert.

Firwat gouf den Donald Trump erëm gewielt? Wat huet hie wëlles? Gëtt et e System hannert sengem Chaos? A wat bedeit dat fir eis an der EU? Déi Froen diskutéieren ech mam Journalist Petz Bartz.

Wou spukt et zu Lëtzebuerg ? Wee spukt ? Firwat iwwerhaapt ? D’Land ass voll mat Geschichten iwwert Geeschter, den Däiwel, mee Zombies, Vampiren, asw. Fënnt een keng. Haut schwätze mer net mat Léit, di am Beräich „Doud a Stierwen“ schaffen, mee haut schwätze mer iwwert di Ondoudeg. Den Historiker Marc Schoellen erkläert eis, wou et hei am Land -angeblech – spukt Wou spukt et zu Lëtzebuerg? Wee geet als Geescht ëm? A firwat iwwerhaapt? Eis kleng Land ass gefëllt mat Geschichten iwwert Geeschter an den Däiwel – mee wou sinn d’Zombien a Vampiren? An dëser Episod schwätze mer net mat Leit, di professionell mam Beräich „Doud a Stierwen“ ze dinn hunn, mee iwwer dat, wat net sollt do sinn: di Ondoudeg. Den Historiker Marc Schoellen hëlt eis mat op eng Rees duerch déi lëtzebuergesch Spukgeschichten – vun de bekanntste bis bei déi vergiess. Lauschtert eran, fir erauszefannen, wou et am Land angeblech keng Rou angeblech spukt!

Erklärungen zum Fach "Questions Philosophiques" fir d'Première Générale (GSO, GSN, A3D, ...) Wat ass Philo, wat muss ech do maachen? An firwat ass et gutt?