Werben im Podcast: COSMO Kurdî

Piştî ku xwepêşandanên li Fransayê hatin lidarxistin, koma bi navê "Gen Z Regelt" banga xwepêşandanan li 34 bajarên Almanyayê kir. Xwepêşandêr daxwaza başkirina perwerdeyê, kêmkirina lêçûnên jiyanê û têkoşîna li dijî leşkeriya mecbûrî dikin. Von Kamil Basergan.

65 sal berê, di 30'ê Cotmeha 1961'ê de di navbera Almanya Rojava û Tirkiye'yê de peymana îstixdamê hat îmze kirin. Dora milyonek kes wekî karkerên mêvan hatin Almanya'yê. Em jî bi boneya 65'emîn a vê peymanê li ser wan Kurdan hûr dibin, ku wekî karkerên mêvan hatine Almanya'yê. Yek ji wan Hecî Latîf e, ku di 1967'an de ji Serhed'ê, ji bajarê Erziromê hatiye Almanya'yê. Hecî ji me re behsa serpêhatiya xwe ya dora 60 salan dike. Von Celil Kaya.

Daîreya Federal a Koçberî û Penaberan a Almanyayê (BAMF), dest bi betalkirina statuya parastinê û mafê penaberiyê yê hejmareke mezin a welatiyên Sûriyeyê kir. Dr. Kamal Sido, berpirsê beşa Rojhilata Navîn a Komeleya Gelên Di Bin Metirsiyê de, rewşa niha ya Sûriyeyê, mafên hindikahiyan û pêvajoya demokratîk a li welêt dinirxîne. Von Kamil Basergan.

Ji destpêka meha Cotmehê ve li nav bajarê Hesekê aloziyek heye, ku hin komên Ereban li dij desthilatdariya herêmî radibin û daxwaz dikin, ku hikûmeta Şamê li herêmê serwer be. Xwepêşandan bi lez veguherîn bûyerên şîddetê û êrîşên li dij Kurdan. Rayedar banga aramiyê dikin û xwepêşandan wekî provokasyon bi nav dikin lê belê li cem Kurdan tirs û fikar hene. Rojnameger Roj Mûsa bûyerên vê dawiyê yên li Hesekê û paşxaneya wan şîrove dike. Von Celil Kaya.

COSMO KURDI Von Kamil Basergan.

Vekişîna hêzên Amerîkî û Koalîsyona Navnetewî ya ji Iraq û Herêma Kurdistanê, ku tê plankirin heta 30ê Îlona 2026an bê temamkirin, guherîneke mezin a jeopolîtîk û leşkerî ye. Têkildarî vê mijarê, em jî li ser potansiyela guherînê û hêviyan di vê geşedana dîrokî de, bi Doç. Dr. Kardo Rashid ji Silêmaniyê, û rojnamevan Newroz Sinjar ji Hewlêrê re nîqaş dikin. Hin agahiyên zêdetir li ser vê mijarê dê di beşa din a vê podkastê de bin. Von Kamil Basergan.

Di 10'ê Îlonê de Wezîrê Pêşmergeyan yê Hikûmeta Herêma Kurdistanê Şoriş Îsmaîl ragihand ku pêvajoya yekkirin hêzên Pêşmerge bi dawî bûye. Yekbûn dilê Kurdan xweş dike lê belê fikar jî hene, ka ev yekbûna vê dawiyê ewê yekbûneke rasteqîn be yan partîbazî ewê dîsa bibe asteng li pêşiya berjewendiyên netewî yên Kurdan. Ji Zanîngeha Birmingham'ê huqûqnas Dr. Hoshman Ismail rave dike. Von Celil Kaya.

COSMO KURDI Von Kamil Basergan.

Di warê cih bi cih kirina rêkeftina 29'ê Çile de entegrasyona dezgeh û hêzên rêveberiya xweser a di nav dewleta Sûrî de bi dawî hat. Di vê çarçoveyê de Hêzên Sûriya Demokratîk jî xwe fesix kir. Werçerxanek di dîroka Rojavayê Kurdistanê de. Ji rêxistina civaka sivîl PÊL Ferhad Ehmê biryara fesixkirina HSD'ê û parastina destkeftên Kurdan a li Sûrî dinirxîne. Von Celil Kaya.

COSMO KURDI: Von Kamil Basergan.

Dr. Abdullah Încekan Dîwana Xerb-Şerqî ya helbestvanê mezin Goethe wergerand û ji weşanxaneya Nûbihar’ê çap kir. Dîwana Şerqî-Xerbî heta roja me ya îroyîn wekî manîfestoya dîaloga di navbera çandan de, li hevdu rêzgirtin û zihnîyeta vekirî tê dîtin. Emê jî bi birêz Abdullah Incekan re li ser wergera Kurmancî ya Dîwana Goethe û serpêhatiya wî ya wergerê de bipeyivin. Em herweha jê dipirsin zêdeyî 200 sal piştî çapkirina pêşîn a Dîwanê, Goethe dixwaze gelên ji çandên cihê re çi bêje. Von Celil Kaya.

Nivîskar Kakşar Oremar, di 17'emîn salvegera koça wî ya dawî de hunermendê mezin Aram Tîgran bi pîrtûkeke jînenîgariyê bi bîr tîne. Von Kamil Basergan.

Yekîtiya Malbatên ji Kurdistanê li Almanyayê - Yekmal plan dike ku ji bo sala xwendinê ya 2027/28an Dibistana Seretayî ya Riza Baran a duzimanî veke. Dibistan ewê bibe yekem dibistana seretayî ya Almanî-Kurdî ya li Almanyayê. Rêvebera giştî ya YEKMAL’ê birêz Günay Darici pêvajoya dameziranda vê dibistanê û plansaziyên xwe yên sibê rojê rave dike. Von Celil Kaya.

COSMO KURDI: Von Kamil Basergan.

COSMO KURDI: Von Kamil Basergan.