Advertise on podcast: Laawol ganndal e needi

E nder hirnaange Afrik, satteende coggu defte janngirɗe ina ngaddana jinnaaɓe janngooɓe haa e jannginooɓe ɓee caɗeele mawɗe. Yanti heen yoga e ɗee defte ina mbaylee hitaande kala. Ko e yeewtere men hannde juppata. Eɗen ngonndi e Ibrahima DIALLO jannginoowo e Kadiata TALL jinnaaɗo janngoowo .

E bi'ol salndu Dental Adunaaru Halfinaandu Pinal e Needi UNESCO woppere sukaaɓe worɓe jannde e nder hirnaange Afrik inateska, ina ɓeydoo yaajde. Ɗum ina lunndii miijo ngo heewɓe cikkata wonde sukaaɓe worɓe ko kam en ɓuri heewde e jannde. E nder nokkuuji keewɗi e nder diiwaan hee, jooni ko sukaaɓe worɓe ɓuri sukaaɓe rewɓe... UNESCO hollitii wonde e nder leyɗeele walla diiwanuuji ceertuɗi hono won e nokkuuji Senegal, Cote d’ivoire walla Gambie baasal ina jeeya e ko saabi ndee ŋakkeende jannde sukaaɓe worɓe kono kadi wasde heɓde golle so jannde ndee gasi ina hen. Ngam heɓde ko laaɓi e ndee toɓɓere men e taskaram men Laawol Ganndal e Needi eɗen ngondi e Saidou Alassane BA gardiiɗo duɗal janngirgal to Mauritanie e Dieynaba SOW jinnaaɗo janngooɓe Senegalnaajo.

E nder hirnaange Afrik, satteende coggu defte janngirɗe ina ngaddana jinnaaɓe janngooɓe haa e jannginooɓe ɓee caɗeele mawɗe. Yanti heen yoga e ɗee defte ina mbaylee hitaande kala. Ko e yeewtere men hannde juppata. Eɗen ngonndi e Ibrahima DIALLO jannginoowo e Kadiata TALL jinnaaɗo janngoowo .

Tedduɓe heɗiiɓe Rfi fulfulde on calminaamaa bismilah mon e taskaram men Laawol Ganndal e Needi. Oɗon nganndi wonnde sahaa toɓo ina bonna no feewi duɗe janngirɗe ɗee haa teeŋti noon to hirnaange Afrik. Holko ndiyam toɓo battinta tigi e jannde ndee, haa e cellal jaŋngooɓe e jaŋnginooɓe. Ko dokotoro Daouda Minta, ñawndoowa to Mali jaabatoo ɗee namɗe.

Ko sahaa udditgol duɗe janngirɗe e nder leyɗeele Sahel (AES). Kono Mali, Burkina Faso, e Niger, ujunne sukaaɓe ina ngonndi e caɗeele waasde fiditaaɗe jaŋde sababu rafi kisal e dee leydelle. Mali: ko ngonka kisal ɓeydii bonnude e yaajende gonal Jihaadiyaŋkooɓe e nder leydi ndi, ko ina tolnoo e 2400 duɗe janngirɗe ina uddi e nde hitaande. Nde limoore ina ɓeydoo tan e ɗii duuɓi cakkitiiɗi. Ibraahiima Niang

Burkina Faso, ko hanki duɗe janngirɗe udditi wonande jannginooɓe e gollotooɓe woɓɓe e ɗen duɗe. Ndee hitaande jannde hesere, laamu nguu ƴettii pellital ngam ustude njoɓdi duɗe ɗe ngonaa laamuyankooje leydi ndii. Ngal pellital ina weli jinnaaɓe kono ina metti won e jom duɗe ɗe ngalu mum en won heen ina ustoo. Ɗum waɗi hannde e nder taskaram men Laawol Ganndal e Needi eɗen njeewte e ko faati e ustugol njoɓdi duɗe ɗe wonaa laamuyankooje nder duunde Afrik. Koɗo men e ndee yeewtere ko Abass ACH janginoowo to Senegal.

Nder duunde Afrik haa teeŋti e Afrik baŋŋe hiirnaange duɗe janngirɗe keewɗe udditii goɗɗe ɓoyaata uddita. Hitaande hikka nde jinnaaɓe heewɓe ngoytiima satteende janngirɗe ɗee. Tedduɓe heɗiiɓe RFI fulfulde on calminaama bismillah mon e Taskaram men Laawol Ganndal e Needi, on paami wonde yeewtere men hannde ko alhaali satteende coggu ko janngirte ina wi’ee e fransikoore Fournitures Scolaires. Hoɓɓe men e ndee toɓɓere ko Kadidia BARRY jinnaaɗo janngoowo to Burkina Faso e Moussa SAKHO gollowwo e fedde ndee wona laamuyankoore hono "action aide".

O sahaa wonaaɗo, leyɗe Afrik keewɗe ina heɓlaade e udditugol duɗe janngirɗe ɗee. E ɗum noon, ina yaada e caɗeele e nder nokkuuji kewɗi, sabu anngal suuɗi janngirɗi mahaaɗi. E nokkuuji keewɗi, teeŋti noon wonuɗi ka dowri, sukaaɓe ina jannga e nder turi, buraa anndireede abris provisoires e faransiire, mahiraaɗi ko buri heewde huɗo. E sahaa mo wonuɗeen, nduungu nguu kañum e toɓo ngoo dartaaki e nokkuuji heewɗi. Ɗum non ina satti e maɓɓe ngam fuɗɗaade jannde no haaniri nii hono fof. Ngam yewtude ɗum noon, Habib Diao ina jaɓɓoo hannde Amadou Balde , woni ardiiɗo suudu jangirdu leslesru Linkering 2, nokku wonuɗo to falnde Kolda, to worgo Senegal. So diwii ɗum, omo jaɓɓoo kadi Ousmane Diao, weeɓnoowo jokkonndiral hakkunde jannginooɓe e jinnaaɓe ɓee toon to Oussadou, nokku wonnɗo keerol hakkunde Senegal e Guinee Bissau.

Afrik heewɓe e ciñcuɓe duɗe keeriiɗe, ina ƴetta jannginooɓe lebbi jeenay tan ko ɗum woni dumunna tigi rigi hitaande jannde ndee. So jannde ndee gasii, ɓe njanngooɓe nati yoɓeede, E ɓee njooɗo lebbi ɗiɗi haa tati tawa ɓe ngala njoɓdi,ɗum waɗi heewɓe e maɓɓe ina ndutto e golle goɗɗe Eɗen ngonndi e Mamadou Dokore BA jannginoowo keeriiɗo to Guinée e Oumar BA kanko ne jannginoowo keeriiɗo nder Sénégal.

Tedduɓe heɗiiɓe Rfi fulfulde on njaaraama bismillah mon e taskaram men Laawol Ganndal e Neddi, toɓɓere men hannde ina yoowiti e alhaali wootingol ɗemɗe ɗiɗiire. Ñalnde talaata 18 lewru 8ɓuru hitaande 2026, to Diamniadio nder laamorgo Senegal, jaagorgal Senegal jaŋde hollitii Feere mum eɓɓoore 2026-2030 ngam ƴellitde mbaadi Mohebs, hono wootingol ɗemɗe ɗiɗiire e nder Senegal. Nder ɗum eɗen ngondi e Madina Hadi TALL kalfinaaɗo fedde toppitiinde eɓɓaande jaŋde ngenndi Senegal kam e Bassirou Kebe tawaaɗo e kawtal ngenndiwal jaŋde wonande moni kala. On Njaaraama

Civisme ko ngonka walla darnde ɓiyleydi e renndo ngo o wuuri, kam e teddinde kuule mum e sariyaaji mum. Soɗe ɗe binndaaɗe walla binndaaka, ine toɗɗi yuɓɓinde e weeɓtinde nguurndam e nder renndo teeŋti e nguurndam janngooɓe nder duɗe. Tedduɓe heɗotooɓe RFI Fulfulde, on njettaama e heɗaade taskaram men Laawol Ganndal e Needi,Toɓɓere men hannde, ina yowitii e Ngonka ka sukaaɓe nder renndo. Koɗo men e ndee yeewtere ko Fatimata BA DIALLO jannginoowo to CEM Bambey Serere. Bismilla mon ! Olel TALL

Tedduɓe heɗiiɓe taskaram Laawol Ganndal e Needi on calminaama toɓɓere men hannde ina yowitii e anndugol ko holno suukaaɓe janngooɓe nguurirta so duuɗe janngirɗe  ɗee uddi, so gurte guurte naatii. Koɗo men e ndee yeewtere ko Adama SOW tawaaɗo e dental mawɓe janngooɓe to Gine. Bismillah mon!

Nder duunde Afrik leyɗe hono Senegaal e Togo haɗii huutoraade telefoŋaaji e nder duɗe janngirɗe ɗee laamu e ɗe ngonaa laamuyankooje. Faandare ndee e wiide halfinaaɓe jannde ko ngam dartinde fijiirde, haa teeŋti waɗateende e nder internet, kono kadi ngam wallude sukaaɓe ɓee. Tedduɓe heɗiiɓe Rfi Fulfulde on paami wonde toɓɓere taskaram men Laawol Ganndal e Needi e ndee yontere, ko kutorogol telefoŋ e nder duɗe janngirɗe. Ko duɗal CEM dalifort mbaɗen ndee yeewtere eɗen ngondi e Hamidou DIENG gardiiɗo ngal duɗal e Djeinaba BA jinnaaɗo janngooɓe toon. Bismillah mon.

Tedduɓe heɗiiɓe rfi fulfulde mi salmaniimoon haa teeŋti e heɗotooɓe taskaram men Laawol Ganndal e Needi. Njuule mo wuri oɗon njarlo oɗon njaafa. Ko weeltaare mawnde ɗo amɗo waɗdude e mon yeewtere. Oɗon nganndi wonde to Afrik baŋŋe hirnaange duɗe jaargirɗe njiidi sahaa nde ɗe udditata dame puɗɗo jannde, kono kadi ko kanje njiidi sahaa nde gurte woni vacances e fransinkoore. Gurte noon so haalaama ko kala ɓaadi gurte gila e vacances de noël woni gurte maayirɗe hitaande, vacances de Paque hono gurte mawnin gol kercen en gurtogol annaabi Issa. E gurte ɗee janngooɓe e jannginooɓe keɓa e nder hitaande jannde haa jooni ina tawe gurte julde koorka, taske e ñalawmaaji goɗɗi. Namnal ngal woni ɓele ɗee gurte ina keewi e sukaaɓe ɓee walla ina famɗi. Eɗen ngondi e  ngam jaɓaada ɗee namne. Bismilah mon

E nder Afrik hirnaange, caɗeele ɗemngal janngirgal e nder duunde Afrik ina teska. Ŋakkeende ɗemngal janngirgal ina yowitiiɗe e geɗe keewɗe hono e janngingol e ɗemngal ngal wonaa ɗemngal neeniwal janngoowo oo, heblo jannginooɓe   ɗemngal gollorgal maɓɓe ngo laaɓtani   E wiide salndu ONU halfinaandu Pinal e jannde, ɗum ina adda caɗeele jaŋde gila e cukaagu, caɗeele ronkude faamde. Ngam heɓde ko laaɓi e toɓɓere men ndee , njaɓoɗen hoɓɓe men Fatimata Ba Diallo jannginoowo e Kadiatou TALL jinnaaɗo janngoowo. Bismilah mon