Advertise on podcast: Naguil

Kristan gesels met Dr Ricardo Virgill Smart oor sy ellelange lys van prestasies en die langer lys van gemeenskapsprojekte en -inisiatiewe. Coloured South Africa het reeds in 2018 ‘n onderhoud met Dr Smart gehad, toe hy nog besig was met sy PhD, maar sedert 2018 het sy liefde vir mense net aanhou groei. In hierdie segment gesels Kristan en Dr Smart oor sy PhD, sy uitmuntende betrokkenheid by Golden Key, sy projek met die Universiteit Stellenbosch, Toasties for Tummies, en sy gratis tutordiens in sy gemeenskap tydens sy studente dae. Dit was ‘n absolute voorreg om hom in die ateljee te kon hê. Skakel in om te luister na die gesprek Coloured South Africa brei meer uit oor Dr Smart se smart prestasies https://www.colouredsa.co.za/profiles/a-short-profile-of-phd-student-ricardo-virgill-smart Golden Key International Honour Society werk wel op ‘n uitnodigingsbasis maar ons wil ons lede graag aanmoedig om die skakel te gebruik om te sien of hulle kwalifiseer om deel te word van hierdie netwerk studente en gradueerdes. https://goldenkey.org/golden-key-eligibility/

Kristan Kraak van StudentePlein gesels met doktor Willa Boezak en dokterandus Hendrik Theys oor die politieke misverstand en die verontagsaming van Afrikaans by tersiêre instellings.

Tian Alberts gesels met Daniël du Plessis oor Covid-19 entstowwe, en spesifiek die manier waarop dit uitgerol word. Die vraag oor of 'n mens ingeënt behoort te word of nie, is warm op almal se lippe. Waaroor daar egter nie gereeld gepraat word nie, is waarom regerings 'n monopolie op die uitrol daarvan het. Regerings soos Suid-Afrika s'n het keer op keer hul onbevoegdheid in verskeie industrieë ten toon gestel. Waarom hulle vertrou om gesondheidsbesluite namens ons te neem? Tian vra ook vir Daniël uit oor die veronderstelde "ry" waarin die wêreld staan en wag vir die entstof. Is daar werklik net een "ry", of moet vryemarkbeginsels eerder aanwending vind? Landsburgers het tog nie hul bevoegdheid om besluite oor gesondheid te maak, aan die Minster gedelegeer nie? En is die manier waarop die regering hierdie proses monopoliseer nie juis tekenend van die wyse waarop hulle beoog om gesondheidsorg in die algemeen te nasionaliseer nie? 

Jacques Burger gesels met Tohann Basson oor wat dit regtig behels om te boer, moontlike oplossings vir Eskom en tegnologiese oplossings wat op plase aangewend kan word. Dit is 'n lighartige gesprek, met staaltjies uit Uganda van die tyd toe Tohann daar op 'n plaas gaan werk het. Tohann beveel sterk aan dat almal wat skool klaarmaak eers 'n "gap"-jaar neem om regtig hul belangstellings te gaan toets, eerder as om eenvoudig een van die hoofstroomkurususse op universiteit te gaan studeer sonder dat daar noodwendig 'n belangstelling daarvoor gekoester word.