Advertise on podcast: 牛哥講經丨廣東話哲學、書籍分享

傳說，西施會心痛。你有無諗過除咗天生心臟病之外，西施仲有咩可能心痛？ 其實，呢種感覺，可能就係醫學上所謂嘅「心碎症候群」（broken-heart syndrome）。佢發作起上嚟同真正嘅心臟病冇乜分別，嚟得好急，但好彩去得亦快。 「心碎症候群」顯示住「心碎」唔係誇張嘅形容詞。科學研究指出，大腦面對「失去」嘅反應，同面對肉體上嘅痛楚係一模一樣嘅。有啲研究甚至表明，因為失去而引起嘅心痛，可以同斷骨嘅痛比擬。 而心碎嘅感覺，作者相當明白。我哋今次同樣以作者年輕時嘅親身經歷作為開始。當年得26歲嘅作者，曾經試過喺實驗室入面，痛到成個人縮喺地下。佢心入面勁驚，好肯定呢種劇痛唔止係驚恐突發咁簡單，甚至以為自己死得。當作者不停追問「我係咪要死」嘅時候，一個神經科學博士生好淡定咁答：「你唔會死嘅。」當時作者測量到自己嘅靜止心跳高達每分鐘110下，連同學都講笑話佢個心跳得快到就快著火。 一個健健康康嘅後生女，無啦啦點會搞成咁？原來，一切都源於極度強烈嘅壓力同「失去」。當時作者為咗讀大學，啱啱搬去一個新城市，點知男朋友喺佢到埗兩日之後，就狠心撇低咗佢。面對新學校、新環境、停學八年後重返校園嘅壓力，加上一段本身已經極唔健康嘅感情突然告終，佢個心終於宣告「罷工」。點解失戀或者失去一個人會咁痛？如果你理解神經可塑性第一定律，咁你應該大概知道答案。日積月累，你所愛嘅人已經深深烙印喺你大腦嘅神經元網絡入面。你放工會第一時間打畀佢，有好消息會第一時間同佢講，大腦神經元嘅發射模式已經習慣咗呢個次序。當呢個人突然消失，大腦嘅發射模式被迫打亂，大腦就會覺得極之吃力同痛苦。失去會推高壓力水平，令你陷入求生模式，甚至搞到你失眠，成晚眼光光不斷反芻過去。如果你明白呢種「終結」所帶嚟嘅痛苦，實在係you are not alone。因為「終結」對我哋每一個人都會造成傷害。作者發現，絕大多數人都為緊某啲嘢而暗自悲傷。有啲痛係令人無法接受（例如失去至親），有啲痛就源於失去最好嘅朋友，甚至乎，失去嘅可以係一個夢想——「悲傷也意謂著對你本應擁有的生活和未來感到悲傷。」。經歷過感情同生活嘅重創，作者開始回想人生中其他嘅「失去」，當中最深刻嘅，係考唔入醫學院嘅殘酷現實。自從爸爸喺佢十一歲過身，作者就應承過爸爸會學醫，學醫亦成為佢大半世人嘅目標。佢足足食咗十一次白果（大家下次心情低落，不妨諗下佢被拒絕過十一次，心理或者會平衡啲）。直至有一晚，經歷過種種「心碎」同痛楚嘅洗禮，攤喺床上面嘅作者突然開竅。佢審視內心深處，發現自己根本唔係真係咁想做醫生。呢個所謂嘅「夢想」，只不過係佢為咗兌現承諾，一直對自己重複講嘅故事；故事講得太多，連自己都呃埋。佢冷靜一諗：就算真係做咗醫生，最後咪又係會專攻精神病學或者神經學？講到尾，佢真正熱愛嘅，一直都係研究大腦。天下無不散之筵席，每一個「終結」往往都伴隨住痛苦。但正如作者嘅經歷話畀我哋知，當大腦捱過咗神經元重組嘅劇痛，嗰份痛楚反而會逼使我哋誠實面對自己，加以成長。最終，佢喺痛苦之中，搵到屬於自己真正嘅目標——令大家了解大腦運作方式，陪伴大家走出困境。因而，今集我哋繼續呢本《神經可塑性》，完成當中嘅階段1。今集內容包括以下部分：開始 00:00傷心的大腦 0:12:05失去與補償機制 0:28:38多巴胺與戒斷作用 0:29:44血清素與身體發炎 0:36:21催產素與時間 0:42:06內啡肽與內源性大麻素 0:55:21神經科學處理完結或失去 0:58:53舒適感 1:08:52逢星期三夜晚九點直播（如有字幕，字幕由ai生成，我無時間檢查，如有需要，自行取用）閱讀材料：《Rewire-神經可塑性：用神經科學突破行為模式迴圈，終結焦慮、恐慌和憂鬱，實現最佳的心理健康》🐮 Follow IG：https://www.instagram.com/cowgortalk🐂 加入讀物農莊，一齊閱讀，一齊討論！https://www.patreon.com/cowgortalk【文稿可於Patreon免費閱讀】成為頻道會員並獲得福利!【聽Podcast】🎧 Apple Podcast：https://podcasts.apple.com/podcast/id...🎧 Spotify：https://open.spotify.com/show/0yFR7YK...🎧 Google Podcast：https://bit.ly/3Cknf1m🎧 KKBOX：https://bit.ly/3RneS9t

Allen Wood表示，你以為你讀過康德嘅倫理學，但你好可能只係讀緊費希特嘅倫理學？ 老實講，康德個名照道理就大多數人都聽過（當住係先），相比之下，費希特喺大眾嘅視覺當中就相當陌生。 點解研究德國哲學嘅Allen Wood，會咁大膽話我哋以為自己讀康德，但實際上係讀緊費希特？咁係因為，Allen Wood認為我哋今時今日對所能夠理解到嘅康德哲學，其實有住眾多誤解，而誤解嘅一大來源，就係源自於費希特之於康德哲學嘅繼承。我哋睇睇佢喺《費希特的倫理思想》嘅〈序言〉點樣講： 「如今康德的倫理思想得到了廣泛研究，但費希特的倫理思想卻並非如此。但也並不總是這樣。科甚(Michelle Kosch)令人信服地記錄了一個奇怪的事實，在19世紀大部分時間裡，大多數道德哲學家都是從費希特的《倫理學體系》出發來獲得有關康德倫理學的論證（Kosch, 2015）。研究《精神現象學》的人也清楚看到，對於研究黑格爾來說也顯然如此。在對康德哲學的接受過程中存在著嚴重曲解，但除非研究康德倫理學的學生也同樣研究費希特，否則他們必然不知曉自身對倫理學史的理解，尤其是對康德倫理學的理解究竟在哪些方面發生了曲解。我寫作的有關康德倫理學的著作也曾說明瞭如今以「康德倫理學」為名的東西包含了多少對康德的嚴重誤解。在通常的誤解中，有些也反映了費希特在對康德倫理學的繼受過程中所扮演的作用，即便人們完全沒有意識到這一點。例如，羅爾斯（John Rawls） 及其追隨者提出的有關康德式命題的變形幾乎沒有表明他們對費希特有任何意識，但（至少在我看來）他們通常是以類似於費希特的說法結束的，儘管他們並未意識到這一點。如果康德學者們更仔細地讀讀費希特，康德倫理學將會得到極大的豐富。」（頁5） 亦即係話，如果我哋唔了解費希特嘅倫理學，咁係好難認清自己對於康德倫理學嘅誤解，即使係好似John Rawls咁出名嘅哲學家，都不自覺咁受到費希特倫理學嘅影響，而佢自以為自己講緊康德倫理學。因而，閱讀費希特嘅倫理學就相當必要。但係，費希特嘅哲學係出名難睇，就連Allen Wood就表示，「但讀不懂它。 直到如今，其中的許多內容我仍然無法理解。」我哋睇睇整個原文： 「直到1980年代中期我才首次真正熟悉費希特哲學。在1960年代早期，我讀了《人的使命》(Vocation of Man, BM）齊碩姆（Roderick Chisholm）的譯本，但我既不能理解它，也不覺得它容易學。在1970年代，我試著去閱讀希斯（Peter Heath）和拉赫斯（John Lachs）翻譯的《全部知識學的基礎》(Science of Knowledge, GWL），但讀不懂它。 直到如今，其中的許多內容我仍然無法理解。在本書第一章第三節， 我將會檢視這本書成書的一些情況，我們會看到為何這本書的內容不好懂。對費希特來說，至少這是他的悲劇的一部分，因為人們迄今仍然認為這個文本是他最重要的著作，並且想像自己必須先搞懂這個文本，然後才能進入到其他著作。如果「最重要的著作」——所謂的進入一個人的哲學的入門書——是如此難懂，那麼這個的著作大部分沒有被閱讀就一點也不奇怪。」（頁8） 雖然《全部知識學的基礎》被好多人當成係費希特哲學嘅入門。而事實上的確錯唔晒，因為《全部知識學的基礎》係費希特寫畀佢嘅學生嘅講義嚟，但我哋之後就會跟住Allen Wood，了解到點解《全部知識學的基礎》係一本唔係咁好嘅入門，而費希特甚至後悔出版咗呢本書。 要了解費希特哲學，絕對唔容易。適逢我哋講緊叔本華哲學，而叔本華哲學同費希特哲學係相當好嘅對應材料——因為兩者都想用自己嘅方法詮釋康德。所以我會慢慢同大家由生平開始講起，略略了解一下費希特思想，咁對你理解叔本華，相信亦有幫助。 如果話從叔本華嘅生平，可以見到佢嘅悲觀，咁你從費希特嘅生平，或者就會見到令人震驚嘅「樂觀」。Allen Wood指出，閱讀費希特人生相當重要，佢講到： 「費希特強調，一個人的哲學取決於他是怎樣的人（EE 1:434 ）但這並非用一個傳記性章節開始一本有關費希特倫理學的書的唯一理由，甚至並非最好的理由。費希特是個複雜的人，也是個有魅力的人。他的一生跌宕起伏，也十分有趣。費希特人生的早期階段是一個令人欣慰的故事，甚至激動人心，當我們追溯此人一生的時候，會發現一個地位卑微的人通過一系列不可思議的事件獲得了顯赫聲名。但後來故事情節急轉直下。費希特甚至可以說是一個亞里斯多德式的悲劇式英雄：他是一個偉大人物，有著輝煌和高貴的成就，卻因殘酷的命運引發出性情中的重大缺陷，最終沉於谷底。我們也可以將他的思想迄今為止所遭受的不應有的忽視，甚至將世界未能沿著他的思想指出的道路前行，視為他的悲劇命運的一部分。他的悲劇也可能是所有人的悲劇。」（頁20） 為此，我哋將會按照慣例，先睇睇呢位哲學家嘅生平先。今集內容包括以下部分： 背景：貧窮牧鵝童 〈一個貧窮又傲慢的哲學家在充滿敵意的世界走自己的路〉 職業：唔鍾意做打工仔嘅家庭教師 蘇黎世：戀人，約翰娜．瑪麗 泛神論之爭：斯賓諾莎的神 後記 依家，我哋就睇下〈一個貧窮又傲慢的哲學家在充滿敵意的世界走自己的路〉。

預備新書過程中，回憶起《裸猿》呢本書，雖然當初錄音同書寫都未成熟，但我依然覺得呢本書好值得同我哋最近講嘅書——《槍炮、病菌與鋼鐵》以及《人類大歷史》一同閱讀。所以製作呢個合集，希望大家可以從動物學家（《裸猿》作者，德斯蒙德・莫利斯）、人類學家（《槍炮、病菌與鋼鐵》作者，賈德・戴蒙）、歷史學家（《人類大歷史》作者，哈拉瑞）嘅著作當中，回顧人類久遠嘅過去。 以下，係一個小小嘅簡介： 平日我哋照鏡，見到自己衣冠楚楚、手揸住杯咖啡趕返工，覺得自己人模人樣，可能會自覺自己係「萬物之靈」，擁有高度文明同理性，同大自然森林入面嗰啲「野獸」截然不同。 但係，如果今日有一位外星動物學家嚟到地球，完全唔理會我哋嘅哲學、藝術同科技，純粹用生物學嘅眼光嚟觀察我哋，佢會見到啲咩？——佢唔會見到高高在上嘅智人，佢只會見到一種行路姿勢古怪、手短腳長、幼兒發育極度緩慢，而且全身光脫脫無毛嘅奇特靈長類動物。好可能，佢會將我哋歸類為「裸猿」。 喺之前嘅內容，我哋講過老子嘅「自然狀態」、孔子嘅「人倫」，甚至荀子嘅「性惡論」，我哋可以見到哲學家眼中嘅「人」。但今次，我哋用最赤裸而客觀嘅動物學角度，去重新檢視「人」為何物。 今次要睇嘅，係英國動物學家德斯蒙德・莫利斯（Desmond Morris）嘅《裸猿》（The Naked Ape）。我哋會睇下本來喺森林舒舒服服食果實嘅祖先，點解要行一條九死一生嘅「演化歪路」，而人類社會嘅一夫一妻制、辦公室嘅權力遊戲，甚至係你平時忍唔住狂食零食嘅衝動，原來全部都係遠古時代遺留落嚟嘅動物本能…… 本集內容對應： S2EP3 智人點解咁特殊？動物學家研究猿人起源，發現咗演化上嘅關鍵分別｜《裸猿》（上）https://open.spotify.com/episode/4wcIS8kut1MOqBBHXZzbZO?si=RHPpLyUFSkCZ-CPHxOQE3Q S2EP4 人類點解咁少毛？裸體係爲乜？從動物學角度分析人類性行爲｜《裸猿》（下）https://open.spotify.com/episode/0QXhwmriqMPT341BqtlAUJ?si=BpigsnmVQg6o2IxuiShRBA 以及半集會員podcast 【石屎森林嘅裸猿】演化心理學家：人類天生貪食、多夫多妻？遠古人類活得比現代勞工仲舒適？丨生活雜談EP45丨《人類大歷史》（5）丨哈拉瑞史觀5.1https://open.spotify.com/episode/3gKmVVa3B8RZI5eU4MEasy?si=ocIHoApxSCW1vLxuOrZrCw

依家，一神論係世界主流信仰嘅基石，但我哋好少去諗：歷史上第一次「一神教」運動係幾時發生。 答案可能比你想像中更早（而且更血腥），早喺猶太教興起之前，多神教嘅埃及已經出現過一神教運動——喺古埃及三千幾年嘅歷史長河入面，大部分法老都係多神教嘅守護者，虔誠咁供奉住無數嘅神明。但係，當中有一位激進嘅法老——艾基納登，佢發動咗一場史無前例嘅「眾神大屠殺」，試圖消滅所有其他神祇嘅存在。佢被後世視為「異端」、「瘋子」，死後遭受徹底嘅報復，連木乃伊石棺都被劈碎，甚至連個名都被刻意從歷史紀錄中抹去。 藉由考古學家嘅研究，我哋終於得知呢位「異端法老」大起大落嘅傳奇一生——呢個故事，同圖坦卡門有莫大關係。今集內容包括： 奇怪形象：艾基納登可以話係形象最怪異嘅法老，甚至被描繪成雌雄同體；呢個奇怪人士，佢嘅妻子，係傳說中最美嘅皇后娜芙蒂蒂。 （Akhenaten，又譯阿肯那頓，但我選擇跟隨艾基納登） 埃及太陽神信仰：簡介埃及人嘅太陽信仰嘅流變，睇下太陽神形象點樣結合。 第十八王朝之歷史背景：第十八王朝係埃及輝煌嘅時期，正因為輝煌，法老對宗教嘅態度亦有所變化…… 舊神再現：阿頓掘起：艾基納登相信一位舊神，阿頓。因為特殊體驗，以致佢敢於挑戰傳承千年嘅信仰。 眾神滅絕計劃：艾基納登推動震驚埃及世界嘅一神教實驗，我哋會簡述箇中細節。 揭秘的黃金面具：今日，我哋能夠得知呢場宗教運動，同圖坦卡門身世有住密切關係…… 依家，我哋了解一下艾基納登嘅形象先。 （點解題目寫住「單一主神論」？我哋去到〈單一主神教革命〉第三集嘅時候先會開估。）

原片：https://youtube.com/live/_4bAsUuAeYU 為本文之補充，放於最後。 每月最後一個星期三夜晚九點直播（如有字幕，字幕由ai生成，我無時間檢查，如有需要，自行取用）本集內容： 00:00 開始 02:52 第一篇投稿－threads多惡意08:34 第二篇投稿－善惡不過係偶然之毫無意義 1:06:00 第三篇投稿－中學老師的惡意 1:21:00 第四篇投稿－泥菩薩之自說自話的巴別塔 02:06:56 第五篇投稿－自以為的善意有時比惡意更可怕 02:08:31 第六篇投稿－如何對惡意保持平常心？ 02:35:37 threads共賞 02:38:23 《平凡的邪惡》第二章共讀 🐮 Follow IG：https://www.instagram.com/cowgortalk 🐂 加入讀物農莊，一齊閱讀，一齊討論！ 亦歡迎支持呢個廣東話哲學podcast嘅運作https://www.patreon.com/cowgortalk【文稿可於Patreon免費閱讀】【聽Podcast】🎧 Apple Podcast：https://podcasts.apple.com/podcast/id...🎧 Spotify：https://open.spotify.com/show/0yFR7YK...🎧 Google Podcast：https://bit.ly/3Cknf1m🎧 KKBOX：https://bit.ly/3RneS9t 有聽眾投稿：／／見到啲唔合理或者有”惡意”嘅回覆時點樣保持平常心？／／我當時回應咗好多內容，但用文字會清晰啲。我認為惡意總會存在而惡意就係一種被困主要可以分成兩種：基於無知嘅惡意基於自欺嘅惡意（例如《平凡的邪惡》嘅受審者）主要分別在於：前者係被動咁被困例如受社會、教育、文化、家庭所影響，而本人不自知而後者係主動咁被困例如因為信服於官僚制度、某某宗教信條，而本人明知惡而行惡如果有一隻雀仔被困，你都會因為佢而感受到失去自由嘅滋味你會期望佢有一日可以展翅高飛，因為自由係佢嘅自然但一個人嘅思想自由，縱觀歷史，係極罕有嘅情況甚至可以話，喺文明中被思想所困，方係自然人過去會被國家、社會、宗教牢牢困住思想美國哲學家 William Barrett 指出中世紀教會與其話係一種神學體系不如話係堅固嘅心理母體我當時總結《非理性的人》嘅內容：／／因為佢會環繞一個人由出生到死亡、成年同婚禮嘅儀式。只要一個人係活著，佢呼吸嘅空氣都同教會相關；教會嘅儀式、象徵、概念、教義就成為呢個人嘅一部分。教會以外就係黑暗之地，教會以內就係教贖嘅保證。／／ 若然中世紀太過久遠咁可以翻開George Orwell嘅《1984》箇中仍然述說住權力、政治對人心嘅控制總之，人嘅思想被困，係文明嘅常態西方經歷啟蒙，先慢慢提倡以個人理性對抗文明之於人嘅枷鎖再由殘忍嘅殖民競爭，將啟蒙傳遍世界你可能會問，點解人會接受思想被困？因為人會逃避自由。國立政治大學心理學系林耀盛好簡潔咁總結弗洛姆嘅答案：「透過《逃避自由》的論述，佛洛姆對歐洲中世紀乃至當代社會作了歷史性分析，耙梳經濟、政治、宗教等結構如何在自由與控制之間爭奪權力。他敏銳地觀察到，人類為了安全生活，而有秩序結構的需求，但這樣的秩序結構取得權力後，反而帶給個體疏離的深層焦慮，因而產生逃避自由的現象。他深入剖析希特勒政權是如何在已有民主概念的社會中逐漸生成。相對地，在美國的民主社會，自由的意涵也並非全然是積極性的意義，人們有時會產生一方面追求自由，另一方面又不免陷人與自由掙扎的矛盾狀態 。」人逃避自由，亦被困於某思想當中 面對被困者所提供嘅惡意我認為四大聖哲為人提供咗四種方向耶穌嘅寬恕孔子嘅直斥蘇格拉底嘅分析以及佛陀嘅慈悲但總歸嚟講，佢哋都係一種大方向就係耶穌所講嘅「他們所作的，他們不曉得」於是，你可以選擇用愛嚟感化佢用仁心嚟震撼佢用分析嚟擊破佢用慈悲嚟望住佢通通都係期望佢有一日會離開被困然後提醒自己若然我唔係一個被困嘅人唔會因困而呈露惡意咁我係一個極幸運嘅人因為過去不被困者，都不受待見四大聖哲，誰得善終？

喺上一部分，我哋講到叔本華提出咗一個難題——佢將人形容為「有翼無身的天使」，被困喺一個如夢似幻嘅「表象世界」入面，只能夠冷眼旁觀，卻無法觸及真實。但係，世界之謎並唔係不可解，叔本華喺《作為意志和表象的世界》第二卷入面，幫我哋搵到了一條通往真相嘅秘密通道，亦即係我哋嘅「身體」——正正係因為意志同身體嘅關係，使得我哋可以從「有翼無身的天使」嘅困局中逃出。 今集，我哋會探討一下叔本華點樣透過「身體」呢個獨特嘅存在，挑戰傳統西方哲學，例如笛卡兒嘅「身心二元論」。內容包括以下部分： 第二卷：意志 意志與行動：反二元論：叔本華指出，身體唔係靈魂嘅皮囊或者工具，身體嘅動作本身就係意志嘅客觀化——當我想伸手拎杯水，呢個並唔係精神下令、肉體執行嘅因果過程，而係一個「一體兩面」嘅單一事件。 意志的擴大：叔本華點樣由人嘅意志，講到世界嘅意志？兩者之間又有無分別？ 「只有意志是物自體」：當叔本華作出「只有意志是物自體」嘅宣言，就正正顯示住佢對康德哲學嘅修正／解答。 總結：叔本華的影響：作者唔係簡單嘅叔本華打手，佢認為叔本華形上學有住一個深刻嘅漏洞，但瑕不掩瑜嘅地方，係……。 依家，我哋一齊再次審視「有翼無身的天使」，睇下叔本華對此嘅回答。 加入patreon，即可收聽，仲有七日免費試用！ https://www.patreon.com/cw/cowgortalk

原片：https://youtube.com/live/wHlLde7Igo4 「直到你將無意識加以意識化之前，它會一直指引你的人生，而你會稱之為命運。」──卡爾．榮格（Carl Jung）喺未有足夠科學工具之前，人已經將意識分成表意識同潛意識，或無意識。可惜嘅係，即使有咗科學工具，大家都仲未係好了解潛意識。神經科學，正正係想將「無意識加以意識化」。而神經科學其中一個成果，就係話畀我哋知，你嘅大腦會無意識地沉迷負面事物。有啲時候，我哋會「自嘲」，覺得講下笑無傷大雅。但咁樣，只係不知不覺咁滿足緊大腦對負面資訊嘅需求。大腦係一個好老實嘅執行器官，當你成日講「我真係好廢」，大腦就會將呢句說話當成指令，令你產生「羞愧感」，最後放棄嘗試。你以為你只係講笑，但其實你喺度幫自己寫緊一個「必定失敗」嘅劇本。其實，講出口嘅說話，影響力絕對比你想像中深遠。因為我哋嘅言語會塑造我哋嘅思考，而思考會塑造感覺；感覺又會決定行為，行為最終會決定信念。呢個正正就係「認知行為治療」（CBT）嘅核心金字塔：「言語 ➔ 思考 ➔ 感覺 ➔ 行為 ➔ 信念」。想像一下，我哋講嘅說話就好似流水咁，啱啱講出口嗰陣睇落微不足道，但慢慢就會向下滲透到我哋生命嘅最核心。如果說話可以塑造我哋嘅思考方式，咁即係話，佢哋同時可以改變我哋嘅心境，甚至改變大腦入面嘅神經化學物質，從而影響我哋嘅情緒。因此，言語嘅力量真係好強大，但我哋總係會忘記呢一點……又或者，我哋由一開始就無意識到，原來一句說話嘅影響力可以去到咁深遠。——因為對大腦嚟講，維持現狀（即使係負面嘅現狀）感覺上係最安全（相比之下，否定自己就好難）。點解人會鍾意自嘲？神經科學研究顯示，大腦對負面情緒嘅反應遠遠大過正面情緒。呢個極有可能係人類演化出嚟嘅結果。我哋每個人都好容易有種傾向——不斷諗埋啲衰嘢。喺心理學上，呢個就叫做負面偏見（Negativity Bias）。作者曾經問過佢嘅追隨者對自己有咩負面假設，當中嘅回覆令人哭笑不得：如果我喺工作上遇到挑戰，我一定會失敗，而我嘅團隊亦都會討厭我提出嘅建議。我暗戀嘅人，係絕對唔會鍾意我嘅。我好驚去諗一啲正面嘅嘢，因為抱有希望，最終只會換嚟失望。我永遠都無可能成為最叻嗰個，咁我又何必去試呢？每次同同事傾完啲正常嘅公事之後，我轉身行開嗰陣，總係會覺得自己頭先講咗啲蠢說話。我拍拖係唔會有好結果嘅。有陣時，我哋仲會發現：明明過咗好開心嘅一日，只要臨尾發生一件倒霉事，好心情就會瞬間灰飛煙滅；喺社交平台出 post 收到一大堆讚，只要有一條惡意留言，就足以令你耿耿於懷成個禮拜。簡單嚟講，就係個個都「阿源上身」。呢種負面偏見，不單止會變成我哋日日同自己洗腦嘅悲情劇本，仲會反映喺日常行為度——例如，我哋好鍾意「加鹽加醋」去誇大嗰日遇到嘅衰嘢。不過，作者好鍾意喺社交場合度播下「正面嘅種子」。佢會主動問人：「今個星期你有無遇到咩開心嘅大小成就呀？」一開始，對方通常會話「無咩好事發生過啦」，然後順勢大吐苦水，話今個星期有幾黑仔。但當話題慢慢傾落去，作者就會適時點醒佢：「等陣先，你頭先講嗰件事，其實已經係一個好值得開心嘅小成就喎！」咁嘅話，有趣嘅事就會發生：佢哋會慢慢意識到，原來自己遇到嘅好事，比原本留意到嘅多好多。去到傾偈差唔多完嗰陣，佢哋面上通常已經充滿笑容，滔滔不絕咁講述返啲美好事情。當然，衰嘢依然存在，但佢哋嘅態度已經無咁執著，可以退一步用更加中立嘅立場去睇件事。發現：「就像宇宙沒有搞陰謀對付我，它大概也｛沒｝有搞陰謀對付你。」順帶一提，喺對話入面多啲問對方「今日、今個星期或者個假期最鍾意嘅部分」，其實係一個好正嘅溝通技巧。因為人係唔會忘記你帶畀佢哋嘅感覺；當佢回憶起好事而覺得開心，佢對你嘅印象，亦會自動同呢份「愉快感」掛鈎。既然知道我哋嘅大腦有呢個預設設定，依家，我哋就一齊去深入理解下你潛意識當中嘅「負面偏見」到底係點樣嚟，以及「負面偏見」點樣害緊你嘅思維。內容包括以下部分：引子 00:00負面偏見時的大腦運作 14:08預設模式網絡 18:54中央執行網絡 20:58顯著性網絡 23:00解決方法之原則：大腦網絡重整 26:20長期抑制、增強作用 32:20神經可塑性第一定律 37:09在意負面、忽視負面 47:44改變負面偏見的方法 自我調節 52:00感激可塑性 01:00:59練習感恩 01:08:14自我覺察 01:13:22小總結 01:20:17逢星期三夜晚九點直播（如有字幕，字幕由ai生成，我無時間檢查，如有需要，自行取用）閱讀材料：《Rewire-神經可塑性：用神經科學突破行為模式迴圈，終結焦慮、恐慌和憂鬱，實現最佳的心理健康》🐮 Follow IG：https://www.instagram.com/cowgortalk🐂 加入讀物農莊，一齊閱讀，一齊討論！ 成為頻道會員並獲得福利：https://www.patreon.com/cowgortalk【文稿可於Patreon免費閱讀】Apple podcast有三日試用、patreon有七日試用！【聽Podcast】🎧 Apple Podcast：https://podcasts.apple.com/podcast/id...🎧 Spotify：https://open.spotify.com/show/0yFR7YK...🎧 Google Podcast：https://bit.ly/3Cknf1m🎧 KKBOX：https://bit.ly/3RneS9t

原片：https://youtube.com/live/YV2LM2Qkc2o 一般嚟講，藝術家講故事情節嘅方法，都係根源於人類基本嘅生物機制，呢種「生物戲碼」係喺幾百萬年嘅演化過程當中慢慢產生，而古往今來嘅種種故事都總會有「生物戲碼」嘅情節，亦都可以幫助我哋理解生活嘅諸多面向。有啲詩人、編輯同電影製片偶然會講吓官僚制度嘅力量，但係事實證明，麻煩嘅官僚制度始終係好難令人明白嘅故事嚟。雖然理解「生物戲碼」唔能夠幫我哋理解官僚制度。但係，「生物戲碼」本身都值得我哋去了解一下，而哈拉瑞認為，要了解咩係「生物戲碼」，最好就係以人類藝術嘅頂尖之作《羅摩衍那》嘅情節為例，咁就能夠好好說明。今集內容包括以下部分：引子 00:00 生物戲碼 －恐懼忽略與手足相殘：生物戲碼唔係人類專屬，而係可以追溯到幾億年嚟哺乳動物同雀鳥嘅演化過程——父母同愛情 07:00－潔淨對抗不潔淨：喺家庭以外，生物戲碼依然出現，我哋會以印度社會作為例子 16:42－who is killing：以卡夫卡《審判》作例：卡夫卡就係少數會用小說嚟說明官僚制度可怕之處嘅作家——唔清楚官僚制度點運作，分分鐘死咗都唔知咩事 31:14－kill bill？面對官僚制度，平民總係唔理解，而當官僚制度失衡，就會出現平民…… 41:26逢星期三夜晚九點直播（如有字幕，字幕由ai生成，我無時間檢查，如有需要，自行取用）閱讀材料：《連結》🐮 Follow IG：https://www.instagram.com/cowgortalk🐂 加入讀物農莊，一齊閱讀，一齊討論！https://www.patreon.com/cowgortalk【文稿可於Patreon免費閱讀】成為頻道會員並獲得福利！ Apple podcast有三日試用、patreon有七日試用！【聽Podcast】🎧 Apple Podcast：https://podcasts.apple.com/podcast/id...🎧 Spotify：https://open.spotify.com/show/0yFR7YK...🎧 Google Podcast：https://bit.ly/3Cknf1m🎧 KKBOX：https://bit.ly/3RneS9t

點解希臘明明有成個奧林帕斯山都住唔晒嘅神，神嘅數量咁多，最終能夠同一神嘅基督教結合？ 我哋對希臘神話嘅印象，往往嚟自荷馬史詩入面嗰班愛恨分明嘅奧林帕斯諸神。但歷史話畀我哋知，喺宙斯成為眾神之王之前，希臘嘅信仰曾經係另一番景象。 早喺荷馬之前，神秘嘅邁錫尼航海文明就已經將佢哋嘅神帶到愛琴海——嗰陣時，波塞冬先係大佬，雅典娜可能只係一塊木頭。隨著時間推移，希臘人將自然力量變成咗有血有肉嘅家族故事——呢個有血有肉嘅家族，出現咗一班「問題家庭」成員，由宙斯統領。宙斯係一個風流老豆，而赫拉就係個善妒老婆，而成個奧林帕斯山就好似一齣宇宙級別嘅《溏心風暴》。希臘人將神塑造得越嚟越似人，甚至連雕塑都似足喺希臘城邦行過嘅路人（當然強壯好多）。 但係，當神話變得太過精彩，希臘人反而開始焦慮…… 今集內容包括： 邁錫尼人的航海文明：喺航海文明下，神明同自然力量有好大關係，我哋會睇睇諸神未登上奧林帕斯山之前嘅形象。 奧林帕斯諸神人物關係表：登上奧林帕斯山之後，諸神構成一個big family，我哋會快速掌握佢哋嘅關係。 奧林帕斯山的崩塌：太過人性：有人鍾意睇宇宙級別嘅《溏心風暴》，有人覺得神明因而變得太過lame，於是重新詮釋神明…… 今集，我哋由邁錫尼嘅自然神講起，睇吓希臘人點樣將神「人性化」，最後講講神太似人嘅問題。

有一次，作者喺意大利阿爾卑斯山租車，因為無睇條款而無帶信用卡。呢個明明畀多啲押金就解決到嘅小問題，竟然令佢徹底崩潰，將成個袋嘅嘢倒晒出嚟發脾氣；但十分鐘解決問題後，佢又失控大笑。短短一個鐘內情緒大幅盪動，正正因為佢當時長期處於高昂嘅警覺狀態，成個人就好似隻「驚弓之鳥」。 「在一個小時的時間內，我的情緒從絕望和挫折盪向了無法控制的大笑。而且是為一個事實證明很容易解決的問題如此。可以肯定地說，我是一個動輒會感到壓力的人。但透過學習壓力背後的神經科學和我們對壓力的生理反應，我終於掌握了管理我的生活的工具，讓我可以擺脫情緒的動盪。想要在行為上有任何改變，我們必須管理我們的壓力反應。顯然，我本來是隻驚弓之鳥，任何小小的風吹草動都足以讓我抓狂。」唔難發現，當自己極度情緒化、無辦法正常思考嗰陣，我哋會衝動行事，情緒負荷過重，覺得自己永遠都控制唔到佢哋。咁係因為我哋嘅情緒反應，同大腦入面控制唔同認知過程嘅各個網絡係密切相關，所以情緒會影響我哋感知同處理資訊嘅能力。有啲人喺內心深處相信自己嘅靈魂極其敏感，或者相信自己完全控制唔到情緒。而作者認為我哋唔應該避開或者放棄控制情緒。情緒係必要，因為佢可以幫我哋了解內在同埋周遭發生緊啲咩事。 我哋喺生活入面所做嘅決定，極少係完全唔帶任何形式嘅情緒。雖然我哋無辦法完全控制生起啲咩情緒，但實際上，我哋透過「情緒調節」去控制情緒嘅能力，比我哋想像中強得多。 「雖然社會教導我們情緒是不好的，不應該去感受它們，但你並不會因為擁有它們而「太情緒化」。事實上，正是所有各種情緒讓我們成為人類。因此，透過了解當你經歷強烈情緒時大腦中正在發生什麼，以及學習如何管理它們，你將不需要試圖推開它們並假裝它們不存在，而是可以學會如何處理它們。」 有陣時，焦慮唔係只係由負面情況而嚟，當你遇到人生高峰以後，亦可能會遇上奧運後憂鬱症（Post-Olympic depression）「奧運後憂鬱症」（Post-Olympic depression）係由運動心理學家史考特．戈德曼（Scott Goldman）所創造嘅術語。呢個真切嘅術語道出咗運動員──不論係獲勝者定係失敗者──喺奧運比賽結束之後所感受到嘅情緒低落。有好多運動員都表示自己喺得獎之後，會失去目標、自我價值低落、困惑同嚴重憂鬱。「奧運後憂鬱症」嘅徵狀會持續幾個星期，若然唔及時治療，就可能變得更為嚴重，而佢哋亦可能只會怪罪自己嘅身體出咗問題。其實，呢種低落，係源自於先前極端嘅高潮，而出現嘅反彈時刻，表示運動員嘅生理同心理資源都已經耗盡，而情緒低落係身體嘗試達到體內平衡（homeostasis）嘅方式，亦即係以重新調整內在狀態，嚟作自我調節。就好似出面好熱，你個身體就會用流汗嚟控制你嘅內部溫度一般。 「我的身體正在從前一週經歷的高水平狀態中重新調整。這並不代表我是個不知感激的人或我很沮喪，儘管這些是我正在有的感受。它意謂著我的大腦正在從前一星期的情緒高張中恢復過來。」運動員心理素質都好強，但佢哋都依然會受神經物質嘅豐富所左右，何況係我哋呢啲凡人呢？記住，神經物質係暫時而動態，佢會波動，亦會好大程度上影響我哋點樣知覺自己，又會令我哋陷入反芻或者諗太多嘅循環。今集，我哋就要睇睇作者點樣從壓力運作嘅理論，講到去實用嘅打破壓力迥路嘅方法，從而嘗試控制我哋嘅神經物質釋放或去除。再次提醒，作者指出，明白理論／運作方式，可以令我哋實行方法時候更有效。今集內容包括以下部分： （時間只係大約）00:00 引子 情緒調節之運作方式 大腦結構 07:38失衡狀態 14:39面對慢性壓力 工具1 by 神經科學家安德魯．胡伯曼博士 21:50工具2－釋放BDNF 27:27面對急性壓力－工具3 36:58培養情商－情緒之輪 40:40打破焦慮迥路 53:42逢星期三夜晚九點直播（如有字幕，字幕由ai生成，我無時間檢查，如有需要，自行取用）閱讀材料：《Rewire-神經可塑性：用神經科學突破行為模式迴圈，終結焦慮、恐慌和憂鬱，實現最佳的心理健康》🐮 Follow IG：https://www.instagram.com/cowgortalk🐂 加入讀物農莊，一齊閱讀，一齊討論！https://www.patreon.com/cowgortalk【文稿可於Patreon免費閱讀】 會員podcast有過百集內容等緊你！【聽Podcast】🎧 Apple Podcast：https://podcasts.apple.com/podcast/id...🎧 Spotify：https://open.spotify.com/show/0yFR7YK...🎧 Google Podcast：https://bit.ly/3Cknf1m🎧 KKBOX：https://bit.ly/3RneS9t

【本集為會員集數公開，歡迎你加入會員，收聽更多專屬內容】 好多人對叔本華嘅印象，都係一個髮型蓬亂、憤世嫉俗嘅阿伯，擁有住狂人一般嘅凝視。但其實，佢曾經係一個目光炯炯、才華橫溢嘅富家公子。 如果有得揀，你會唔會想做佢呢？含住金鎖匙出世，環遊歐洲，精通幾國語言，二十幾歲就寫出震撼世界嘅哲學鉅著。 但係，命運為佢標註嘅價格係昂貴嘅：佢要面對阿爸嘅自殺、被阿媽趕出家門並永遠斷絕關係；甚至當佢滿懷熱誠向當時嘅文壇領袖歌德請教時，得到嘅只係客氣而淡漠嘅回應。 一連兩集，我哋會總覽一下叔本華嘅人生。我會同你藉由南安普頓大學（University of Southampton）專門研究歐陸哲學嘅哲學教授克裡斯托弗・賈納韋（Christopher Janawa），喺牛津通識系列所寫嘅《叔本華》，探討叔本華嘅生平、性格與哲學思想嘅形成。 如果你有留意，我係有講過尼采生平，仲想介紹一下佢嘅哲學，但係寫尼采哲學簡介嘅途中，始終覺得要補充一下叔本華先。所以，我哋由叔本華嘅生平講起。今集內容包括： 家族背景：孤獨人生。我哋會睇下呢個擁有「脫俗不羈」嘅外表、「炯炯有神」嘅目光嘅富家子弟，點樣面臨家庭嘅完全破裂。 學術發展：東西結合。叔本華嘅哲學體系，將三套哲學思考結合。但呢種做法，對於當時嘅人過於新鮮，從佢同歌德嘅短暫合作，就可以略知一二。 依家，我哋一齊走入叔本華充滿痛苦同抗爭，又引人深思嘅人生。 －－－－－－－－－－－ 立即加入patreon 會員：https://www.patreon.com/cw/cowgortalk ＊七日免費試用，試啱再課金 ＊享受過百集會員內容 ＊加入discord群組，一同閱讀 ＊掌握牛某最新動態 ＊支持牛某製作更多內容

你有冇試過有啲時候，覺得自己同呢個世界好似格格不入咁？就好似坐喺黑鼆鼆嘅戲院入面，睇住銀幕上面上演緊人生嘅悲歡離合。雖然畫面極度真實，但你卻心知肚明，知道自己只不過係一個「觀眾」，根本插唔到手去改變劇情，甚至連自己嘅重量都感受唔到？ 叔本華認為，呢種極致嘅疏離感係認真理解表象世界嘅意味以後，會得出嘅「異己」感——我哋漸漸發覺自己同自己嘅身體之間出現咗一種奇妙嘅感覺。叔本華用咗一個好有詩意、但又好恐怖嘅比喻嚟形容：「有翼無身的天使」。 若然我哋想理解呢種「有翼無身的天使」嘅感覺係從何而來，以及意涵何在，咁我哋就要翻開叔本華最偉大嘅著作《作為意志和表象的世界》。然後你會發現，箇中結構嚴密，四卷內容，每一卷都有清晰思路。因而，《哲學的故事》嘅作者，威爾・杜蘭評論到： 「翻開《作為意志和表象的世界》這本書，首先會讓讀者感到驚訝的是它的風格。沒有宛如中國謎語般的康德術語，沒有黑格爾的模糊困惑，沒有斯賓諾沙的幾何學；一切都極為清晰有序，並且令人讚賞地完全聚焦於表象世界的主要概念上，然後論述正因如此，才有爭鬥、才有苦難的產生。多麼直言不諱的誠實、令人耳目一新的活力、毫不妥協的坦率！」《哲學的故事》 今次，我哋會用兩集時間，先介紹一下第一卷同第二卷。 第一卷（表象）： 叔本華首先將世界視為「表象」，即係我哋所講嘅經驗世界。呢點係繼承咗康德嘅哲學，講緊個世界點樣呈現喺我哋腦海入面／我哋嘅心靈點樣「投射」出一個有規律嘅世界。呢點我哋喺〔叔本華哲學簡介－1〕相對詳細咁講過。 作者認為叔本華係一種唯心論 第二卷（意志）： 跟住，叔本華轉個角度，話面對同一個世界（包括我哋自己），必須換另一個方式睇，嗰個就係「意志」。康德分開咗「現象」同「物自體」。如果用呢個分類放喺叔本華嗰度，「作為表象的世界」就係「現象」，而「作為意志的世界」就係「物自體」。 用更精簡嘅語言嚟總結，我哋就係要睇下現象同意志嘅關係。喺第一卷同第二卷嘅過渡之間，我哋就會了解到「有翼無身的天使」嘅意味。今集內容分成以下部分： 第一卷：表象 傲慢與偏見：睇下叔本華點樣用自己本書，批評當時嘅大學教授，以及對自己嘅極度自信 世界是表象：重溫咩係世界是表象 個體化原則：叔本華發揮康德嘅時間、空間，得出個體化原則 唯心論的四個論點：簡單總結唯心主義嘅四個主要論點，顯示叔本華唯心論嘅特點 感知與理性——人與動物的界線：比起見到人同動物嘅不同，叔本華更想我哋見到人同動物嘅相同 第二卷：意志 第一卷的困境——有翼無身的天使：唯心主義好有威力，以致到接受唯心論以後，會有一種「有翼無身的天使」嘅感覺，我哋要點樣面對呢種感覺？ 我哋嘅文章會「現象」、「表象」混用。因為康德本人主要係用「現象」(Phenomena)，而叔本華主要係用「表象」（Representation/Vorstellung）。又由於叔本華本人對於世界嘅睇法，好大程度上係源自於康德，討論康德嘅時候，我哋又唔一定要用「表象」嚟表達，所以「現象」、「表象」混用實屬正常。不過，叔本華用表象都有啲原因。 之前講到，現象 (Phenomena / Phenomenon)源自希臘語 "phainomenon" ，意思係：「顯現」、「呈現」、「出現」（to appear, to show itself），而希臘文當中嘅phos，有光嘅意思，似乎都有外物嘅意思。 至於「表象」（Representation/Vorstellung）係Vor（前面）+ Stellen（安置、放置），表示「表象」就係被something所放置，而喺叔本華嗰度，個something唔係外物，而係人嘅內在認知。

收到一位中學生問點樣正確思考哲學問題，所以臨時轉咗主題做「哲學」。 今集同你一齊思考讀哲學需要考慮啲乜，以及乜嘢係正確思考。 每月最後一個星期三夜晚九點直播。 🐮 Follow IG：https://www.instagram.com/cowgortalk🐂 加入讀物農莊，一齊閱讀，一齊討論！https://www.patreon.com/cowgortalk【聽Podcast】🎧 Apple Podcast：https://podcasts.apple.com/podcast/id...🎧 Spotify：https://open.spotify.com/show/0yFR7YK...🎧 Google Podcast：https://bit.ly/3Cknf1m🎧 KKBOX：https://bit.ly/3RneS9t

原片：https://www.youtube.com/live/N4YTHF_lPyY?si=edomDvFDPqCKJfSZ 如果你有機會親手接觸人嘅大腦，你知唔知最緊要做咩動作？ 《神經可塑性》嘅作者，神經科學家妮可・維諾拉從教授得到嘅提醒係：記住要不停轉動人腦，先唔會喺上面留低指紋。 呢個道理，除咗喺大腦研究上有用，喺我哋使用自己嘅大腦嘅時候，亦同樣適合——我哋需要得閒郁下我哋個腦，如果唔係，個腦就會因為長期停留喺某處，而得到印記。言下之意，係咪講緊我哋平時個腦唔係點郁？的確如此。 如果我哋當大腦係硬件，而大腦當中嘅記憶、思想、習慣同行為係軟件，咁活用大腦嘅時候應該關注硬件定軟件？答案係，both，兩者都需要健康咁運行，就好似一部新macbook，都要行最新嘅word檔，先可以顯出科技嘅方便。但係，如果部新macbook一次過運行緊好多個程式，咁佢開一個新程式嘅時候，可能會lag，因為佢要維持原本嘅運作已經好busy。電腦「運行緊好多個程式」，會lag，人腦亦都有好多習慣喺你無意識到嘅情況下運行緊，習慣聽落係軟件嘅事，但其實習慣更會刻喺你個腦入面——神經元嘅連結。 「每個神經元建立的這些連結（肉眼看不見）決定了你將如何度過一天，而且它們是按照你的生活方式進行編程的。它們也是由我們的同儕和前人預先編程的。這讓我意識到，如果我們不掌控我們生活的方向盤，我們本質上就是過著別人為我們編程的生活。」 可能會有唔少人對「過著別人為我們編程的生活」有住同感。好多人以為，人老咗，個腦就似乾咗嘅水泥咁，定晒型、改唔到。 有一啲朋友，覺得自己被生活「困死」咗。佢哋做緊一份好討厭嘅工，但又覺得：「唉，命嚟嘅，我成世人淨係識做呢樣，仲可以點？」可能佢細細個讀工程，身邊啲人就同佢洗腦，話佢個腦淨係識「分析」、無「創意」，結果佢就算心入面幾想試下藝術、試下創作，佢都唔敢跨出嗰一步，因為佢真心相信自己「唔係創意嘅材料」。 當我哋話習慣更會刻喺你個腦入面、「過著別人為我們編程的生活」嘅時候，唔知你會唔會覺得好得人驚呢？咁又唔使太驚，因為咁樣只係顯示緊我哋嘅大腦係plastic，唔係講緊你個腦膠，而係你個腦係可塑。 「希臘文的plastikos，而後者意指能夠塑形的」 我哋個腦係有一種超能力，叫「神經可塑性」（Neuroplasticity）。雖然大家平時講「整容手術」（Plastic Surgery），直覺就係諗起執靚個樣、整到成個babe咁，但其實呢個詞嘅本意係「塑造」。大腦「塑造」對我哋嚟講簡直係大福音——因為佢話畀我哋聽，我哋個腦嘅「硬件」係可以升級嘅！只要你肯去郁佢，你係絕對有能力揼低嗰啲衰習慣，或者擺脫嗰啲你自以為改唔到嘅行為。 ——只要你肯開始嘗試新嘅嘢，你個腦入面嘅神經元就會自己搵路、重新開多幾條線路出嚟。佢哋因為唔知自己可以改，結果連試都唔試，就咁輸咗畀個標籤。 「這些自動的想法被一遍又一遍地重複，在我們大腦的溝通路徑中得到加強，從而塑造了你的思維方式。但我在這裡要告訴各位，我們是可以創造新的路徑和改變這些信念的。本書準備你展示這是如何做到。」 今集內容包括以下部分： 第一大部分：神經重塑理論背景12:00 自動性與突觸溝通 24:26 童年人格發展與觀察性知識 38:24 專走捷徑的大腦第二大部分：分清壓力點解咁重要？49:08 三種壓力54:58 警覺性壓力58:35 急性壓力01:02:45 適應不良性壓力

上次，我哋講完「不生不滅，不垢不淨，不增不減」之後，就好快以「是故空中無色，無受想行識」作結。 你可能會覺得：「咦？咁快講完？」咁樣並唔係偷懶，而係「是故空中無色，無受想行識」呢一句既似總結，又似開啟後段嘅引子——承接住《心經》當中最密集、最徹底嘅「否定」，亦即係《心經》後續嘅十一句，都係闡述緊「是故空中無色，無受想行識」： 「無眼耳鼻舌身意。無色聲香味觸法。 無眼界。乃至無意識界。 無無明。亦無無明盡。 乃至無老死。亦無老死盡。 無苦集滅道。無智亦無得。以無所得故。」 印順將以上一大段經文，稱之為「略觀處界等空」。我從印順嘅論述當中，再作整理，分成咗三個部分，表示《心經》係從三個層次嚟破執，即係破事、破理、破果。 破事，係破現象層，即係否定人嘅能同所，亦即係能感知嘅感官同所認知到嘅事物 破理，係破法則層，即係否定命運同真理，真理，亦即係四諦 破果，係破境界層，即係否定修行嘅終點或成果 文稿唔長，但內容有啲難度，所以我將文稿切成兩集，今集就講第一層，破事——處、界、緣起嘅空。睇下六根、十二處、十八界到底係咩意思。 今集內容分成以下部分： 「照見五蘊皆空……無受、想、行、識」的總結 略觀處界等空 無眼耳鼻舌身意，無色聲香味觸法。 無眼界，乃至無意識界 小結