Advertise on podcast: اشتري مني

خميس جديد برعاية شريط منوعات حمادة هلال. حلقة جديدة من اشتري مني زيادة: محامي بالنقد - ”حمادة هلال"، واضح من اسم الحلقة اتكلمنا عن مين واتكلمنا عن بدايته القوية سواء كأغاني أو أفلام وأشهر الألبومات ليه. استمتعوا بالحلقة وقولولنا رأيكم في صوت الشباب في الكومنتات. #اشتري_مني_زيادة

السعادة تكتمل في ٣ مراحل: أكلة حلوة، نومة حلوة، ونسمع الحلقة الجديدة من اشتري مني زيادة: عرفت ولا ليستة - "واكل شارب نايم". الشباب كان المفروض ترتب أفضل النومات اللي ممكن تنامها خلال اليوم ولكن الجوع كان ليه رأي تاني والليستة كالتالي: -رز مع الملايكة -في سابع نومة -قُطعه نوم الضهر -نامت عليك حيطة املوا الليستة من وجهة نظركم وقولولنا في الكومنتات. #اشتري_مني_زيادة

حلقة جديدة من اشتري مني زيادة: محرض البحث - ”القبول من كام". سألنا المحرض إزاي تقول لشخص إنك مش متقبله بطريقة غير مباشرة، سواء كأصحاب أو علاقات، وإزاي تهرب أو تهربي من خروجة أو ديت؟ #اشتري_مني_زيادة

هما ٣ اختيارات: يا تذاكر، يا تنام، يا تسمع الحلقة الجديدة من اشتري مني زيادة: عرفت ولا ليستة - "كلام من ألم" الشباب رتبت أصعب الكلام اللي كان بيتقال من أهالينا واحنا صغيرين والليستة كالتالي: -ده كلام -مبنقولش كده -بتوجع دي -زبالة الكلام (التروما التي أحبتني) املوا الليستة من وجهة نظركم وقولولنا في الكومنتات. #اشتري_مني_زيادة

بعد غياب الاسبوع اللي فات رجعنا لكم بحلقة جديدة من اشتري مني زيادة: إيه الكلام ”عمان تتدلع"، واللي اتكلمنا فيها عن رحلة الأردن الأخيرة للشباب وأحلى الأكلات الأردنية، وجدال عايزنكم تحسموه معانا أن الحمص بقوليات ولا لأ. الحلقة دي شهدت مداخلة الستاند اب كوميديان اللي كلنا بنحبه وصديق البرنامج وصديق الشباب شخصيًا، شوفوا الحلقة عشان تعرفوا مين هو😊 قولولنا رأيكم في الكومنتات. #اشتري_مني_زيادة

لكل اللي بيعانوا من التعفن الدماغي. سيب الموبايل خمس دقايق، خد نفس عميق، هدي عينيك من نور الشاشة، رتب أفكارك، وامسك الموبايل تاني عشان تسمع حلقة اشتري مني زيادة: إيه الكلام ”كلام من عفن". اتكلمنا في الحلقة عن التعريف الصحيح للتعفن الدماغي، وعلاقته بالشيشة بالنسبة لجيمي، والحاجات اللي بتعمل تعفن دماغي غير الموبايل زي السايبر والتليفزيون وغيرهم كتير. قولولنا رأيكم في الكومنتات لو لسة مركزين. #اشتري_مني_زيادة

حلقة جديدة برعاية محكمة الأسرة. حلقة اشتري مني زيادة: محرض البحث: ”كتاب حماتي يا عين".إتكلمنا في الحلقة دي عن إزاي تكسب رضا حماتك وإزاي نخلي العلاقة في اللذيذ منه معاها سواء في أول مقابلة والدنيا متنشنة أو بعد ما اتعودنا على بعض وبتقولها يا ماما عادي (اوعى تكون بتعمل كده). آخر حالة لقيناها في البحث هتبهرك. توضيح بسيط لو في حاجة اتقالت ضايقتكم في الحلقة دي ملهاش دعوة بآراء الشباب الشخصية، وخالص الحب لحمواتنا وحمواتكم جميعًا. قولولنا رأيكم بقى في الكومنتات وعلى الجروب

حلقة جديدة من اشتري مني زيادة: محرض بحث-"قانون الكاذبية حلقة لعشاق لغة الجسد وألعاب العقل وكريم عبدالعزيز في الفيل الأزرق. في الحلقة دي كان سؤالنا إزاي تحافظ على كذبتك في كذا خطوة.وإيه علاقة المثانة بالكذب؟ وإيه اكتر مرة كذبت على نفسك؟ توضيح 🚸 مشكلة البايو لسة مكلمة وبدر مش سايب البايو في حاله كل ما حد يضايقه. قولولنا رأيكم في الكومنتات.

الحلقة اللي المفروض تتذاع على ماسيبرو زمان وصلت. حلقة جديدة من اشتري مني زيادة: إيه الكلام -"متوعاش عليها أنت" سرحنا مع شباب في العاب السايبر والڤيديو القديمة. وأول مشوار للمطار ومعرفة معلومة أن ممكن تروح الغردقة من غير باسبور. وتجربة ال mp3 لإخواتنا مواليد التسعينات والتمانينات. ولو لقيتوا والحلقة شغالة بايو الانستجرام بيتغير كل شوية. ده مش جليتش ده بدر بيتخانق هما تلاتة صحاب ولا اتنين بس. قولولنا رأيكم في الكومنتات وشاركونا أول مرة سمعتوا فيها اشتري مني كانت إمتى ومين عرفك على البودكاست؟

الحلقة اللي هتسمعها في أصعب مشوار ليك, ينصح بسماعها وانت مسحول ومش طايق نفسك في الحر. حلقة جديدة من اشتري مني زيادة: عرفت ولا ليستة - "مسافة السكة مع محمد جمال (جيمي)". الشباب رتبت المشاوير اللي ممكن نتعرض لها زي إنك تخلص ورق وحفلات الستاند أب كوميدي ومشوار الشوبينج مع العيلة. الشباب رتبوها في الليستة الشقية -على قلبك زي العسل -هروح عشان خاطرك -علقة تفوت -والله ما أنا قايم وضيفنا في الحلقة دي نجم كوالا ساندوتش محمد جمال (جيمي إسكندرية) والحلقة دي شهدت الهدنة بينه وبين بدر. املوا الليستة من وجهة نظركم وقولولنا في الكومنتات.

عودة للحلقات العشوائية الجميلة اللي مبنثبتش فيها على موضوع معين. في الحلقة الجديدة من اشتري مني زيادة: إيه الكلام - "مكاتب وسيما وسكوتر سريع" اتكلمنا عن اخر تطورات في عالم السكوتر الكهربائي بتاع الاطفال ومحاولات اقناع بدر وجيمي لعبودة بأنه يشتري المكتب اللي بيطلع وينزل لوحده كأنه بيعقب. وفي لحظة صفاء ادركنا ان البودكاست كان مش هيكمل من غير طاقة عبدالرحمن في الكلام. اسمعوها وقولولنا رأيكم في الجروب والكومنتات. #اشتري_مني_زيادة

حلقة مع البنت اللي بتساعدنا نتييت الحاجات اللي مش عايزين الناس تسمعها في البودكاست. في الحلقة الجديدة من اشتري مني زيادة: وش الضيف - "قولي يا ندى" اخيرًا هنسمع ندى سامي مهندسة صوت اشتري مني، هي بتخوف شوية احنا عارفين بس شدوا حيلكوا معانا، كلمتنا عن شغفها في هندسة الصوت من وهي صغيرة لغاية ما أشتغلت في TPP، وقالتلنا أكتر حاجات بتعصبها في الصوت "بدر نور" 😂 اسمعوها وقولولنا رأيكم في الجروب والكومنتات. #اشتري_مني_زيادة

🎵اشتري مني زيادة بجد خطير…. ولذيييذ خاااالص 🎵 🎵الحلقة الجديدة نزلت وده اكيد ….مدفوع خااااالص 🎵 في الحلقة الجديدة من اشتري مني زيادة: محامي بالنقد - "هضبة رمسيس رمسيس" اتكلمنا عن ألبوم الهضبة الجديد بمنتهى الحيادية والانحياز مع بعض، حللنا كل أغنية وكلمات الشاعر الحدوتة والتحليل ده وصلنا إننا طلبنا من الذكاء الاصطناعي إنه يكتب أغنية للهضبة ودي كانت النتيجة: منور يا هضبة! لما نتكلم عن تاريخك، إحنا بنتكلم عن كتالوج مشاعر أجيال، أسلوب حياة، ومدرسة في تطوير الموسيقى البوب العربية على مدار أربعة عقود. (المطلع) 🎵أول كام يوم.. البيت فاضي، والوقت بطيء وأنا لسه بحاول أفهم.. إزاي بقيت غريب؟ 🎵ماعملتش حاجة غريبة.. ولا شلت صورة ليك كفاية لحد كده. قولولنا رأيكم مبدأيًا في الحلقة والألبوم مع بعض. #بودكاست_اشتري_مني_زيادة

عاجل: هادي بسيوني يدخل في صمته -مش بيخرج عنه - في حلقة جديدة من حلقات اشتري مني سبيشال. في الحلقة دي اتكلمنا مع هادي عن المواقف اللي لازم تفدي نفسك بالصمت أو تديها واحدة ربنا يولي من يصلح عشان تعدي. لو انت من اخواتنا وحبايبنا اللي متابعيننا من أول الأوديو هتعرف المعلومة دي لوحدك وتقولنا دي المرة الكام اللي بنستضيف هذا الضيف العزيز جدًا علينا؟ قول بقى يا حلو في الكومنتات! حلقة "أه..أكيد…طبعًا..أومال" مع هادي بسيوني نزلت دلوقتي كاملة على كل منصات البودكاست وعلى يوتيوب. الحلقة دي برعاية e Mashreq Neo Powered by Juhayna#اشتري_مني Hosted by Simplecast, an AdsWizz company. See pcm.adswizz.com for information about our collection and use of personal data for advertising.

استكمالًا لحلقة الموضة مع الراجل اللي مفلسنا كلنا واللي دخل الشرابات الملونة مصر، الراجل اللي حاطط نفسه مكاننا ومكان كل واحد بيتفرج على الحلقة. حلقة جديدة من اشتري مني سبيشال حلقة في منتهى الشياكة حلقة "بيكيني وايت صوص" مع عمرو قوشتي نزلت كاملة على كل منصات البودكاست وعلى يوتيوب . الحلقة دي برعاية e& Mashreq Neo Powered by Juhayna #اشتري_مني Hosted by Simplecast, an AdsWizz company. See pcm.adswizz.com for information about our collection and use of personal data for advertising.