
Advertise on podcast: Europa Aktuell
This podcast has
50 episodes
Language
EnglishPublisher
radio 100,7Explicit
No
Date created
2023/09/26
Latest episode
2026/11/04
Average duration
-
Release period
10 days
Description
Hannergrënn iwwer déi europäesch Aktualitéit, vun eise Journalisten a Bréissel-Korrespondenten. An Zesummenaarbecht mam Reseau Euranet Plus
Unlock Europa Aktuell podcast Email contact info,
Listeners & Audience details
Email contact information
Direct podcast contact details

Listeners
Audience numbers & engagement insights

Audience details
Podcast Insights

Podcast episodes
Check latest episodes from Europa Aktuell podcast
Verbrenner-Motor: Een Opweeche vum Verbuet zeechent sech of
2026/11/04
Am Europarlament gëtt weider iwwer méi labber Reegele fir CO2-Emissioune fir Autoen ofgestëmmt. Beim Vott an der Transportkommissioun hat d’Martine Kemp (CSV) fir an d’Tilly Metz (déi gréng) géint d’Propos gestëmmt, déi vun de Chrëschtdemokraten, Sozialisten a Liberalen ausgehandelt gi war.
D'Danièle Weber iwwer déi aktuell Diskussioun am Parlament an déi ënnerschiddlech Positiounen vun den zwou Lëtzebuerger Europadeputéiert.
Serbien no de Walen: Wou steet d’Studentebeweegung politesch?
2026/10/27
A Serbien huet e Sonndeg d’Studentebeweegung bei de Parlamentswalen eng absolut Majoritéit geholl. Virun zwee Joer ass d’Beweegung aus de Protester géint den autoritäre Regimm vum Aleksandar Vučić a seng rietspopulistesch Partei SNS entstanen. Bei de virgezunnene Walen e Sonndeg krut se bal 53 Prozent vun de Stëmmen a schéckt d’SNS, déi elo 14 Joer un der Muecht war, an d’Oppositioun. Mee wou steet d’Studentebeweegung politesch a wéi geet et am Land elo weider? A wéi steet d’Beweegung zur EU an zu de Russland-Sanktiounen?
Neien Ulaf fir iwwer d’Ofschaafe vun der Zäit-Ëmstellung ze diskutéieren?
2026/10/26
D'Auer gouf gedréint an net jiddweree freet sech doriwwer. D’Zäit-Ëmstellung ass europäesch gereegelt. Si sollt schonn emol ofgeschaaft ginn, dofir hat sech ënner anerem de Jean-Claude Juncker a senger Zäit als Kommissiounspresident agesat.
Mee d’Debatt stécht zënter 2018 fest.
Een, deen se nei un d'Rulle brénge wëllt, ass de Peter Liese, dee fir d’CDU am Europaparlament - hien huet ee Bréif un d’Transportministere geschriwwe mam Appell, et wier un der Zäit, sech nei unzestrengen, fir een Accord ze fannen. A mat him schwätze mir am Moiesstudio.
AfD-Visioun fir d’EU: Just nach eng Optioun fir "Raus aus dem Euro"
2026/10/22
“A new Deal for Europe” - ënner deem engleschen Titel huet d’AfD an enger Pressekonferenz am Europaparlament zu Stroosbuerg hir Visioun fir d’Europäesch Unioun virgestallt.
D’Partei, déi vum däitsche Verfassungsschutz als “geséchert rietsextreemistesch” agestuuft gëtt, geet dobäi net zëmperlech mat der EU ëm: Hiert Zil ass et ënner anerem, d’Europawahlen ofzeschafen an d’Roll vun der Europäesch Kommissioun staark ofzeschwächen.
D’Danièle Weber doriwwer, wat sech d’AfD fir d’EU vu muer wënscht.
Internationaalt Strofgeriicht: Ass d'EU prett, op Konfrontatioun ze goen?
2026/10/21
D’Europäesch Unioun sollt sech méi staark fir dat Internationaalt Strofgeriicht zu Den Haag asetzen. Dofir mécht sech d’Europaparlament staark. Déi rezenten Annoncen aus den USA, weider Sanktioune géint déi international Cour pénale zu Den Haag ze verhänken, dierft d’EU net weider toleréieren, huet et en Dënschdeg an enger Debatt an der Plenière zu Stroossbuerg geheescht. Well déi Sanktiounen och Auswierkungen op Bierger an Entreprisen an der EU hunn, misst elo méi däitlech dorop reagéiert ginn, esou den Appell. Mee ass d’EU prett, op Konfrontatioun mat den USA ze goen? Verschiddener, wéi och de Lëtzebuerger Premier wëllen d’éischt weider op den Dialog setzen. D’Danièle Weber iwwert déi Debatt, déi och Enn der leschter Woch um EU-Sommet gefouert gouf.
An Zesummenaarbecht mat Euranet Plus, deem gréissten europäesche Radio-Reseau fir EU-Aktualitéit.
EU-Budget: Wéi kann de Knuet opgemaach ginn?
2026/10/15
Haut a muer ass EU-Sommet zu Bréissel, mat engem gutt gefëllte Programm: Vun den héichen Energiepräisser, enger adäquater Äntwert op d’Konkurrenz aus China, bis bei d’Migratiounspolitik, nei EU-Memberlänner, de Krich an der Ukrain an net ze vergiessen dem grousse Sträit iwwer den neien europäesche Budget, gëtt op dësem Sommet esou gutt wéi kee vun den aktuelle groussen Dossieren ausgelooss.
Wat soll da konkreet décidéiert ginn - a wéi kann zum Beispill am verfuerenen Debat iwwer de Budget de Knuet opgeléist ginn ? Aschätzunge vun eiser EU-Korrespondentin Danièle Weber live vum EU-Sommet.
Kritik aus Serbien un der ALIA
2026/09/04
Een oppene Bréif vum serbeschen Informatiounsminister mat Kritik u Lëtzebuerger Autoritéiten suergt fir vill Reaktiounen. E géing weisen, datt et besser wier, datt déi betraffe Medien net a Serbien kontrolléiert ginn, seet d’Generalsekretärin vum onfofhängegen Journalisteverband.
An Zesummenaarbecht mat Euranet Plus, deem gréissten europäesche Radio-Reseau fir EU-Aktualitéit.
António Costa op EU-Tournee: EU-Budgets-Accord bis Enn dës Joers
2026/08/27
Zënter dem Ufank vun der Woch ass de Conseilspresident António Costa op engem groussen Tour duerch déi europäesch Haaptstied: Säi Plang ass et, bannent den nächsten dräi Woche bei all de Staats- a Regierungscheffe vun de 27 Memberlänner vun der Unioun ze passéiere fir, wéi hie seet, hinnen nozelauschteren a sech ee Bild ze maachen iwwer hir Positiounen. Ee Sujet stécht dobäi besonnesch eraus: Den nächsten europäesche Budget, dee vun Ufank 2028 bis 2034 gëlle soll. Zil ass et, datt sech déi 27 EU-Länner bis Enn dës Joers iwwer déi Enveloppe vu bal 2 Billiounen Euro eens ginn. Dat ass ambitiéis, well aktuell ass een dovun nach wäit ewech. Den nämmlechte Sujet wäert haut iwwerdeems op enger anere Reunioun dominéieren: Den däitsche Kanzler Friedrich Merz, deen e fervente Verfechter dovun ass, den europäesche Budget ze kierzen, huet nämlech op Berlin invitéiert - op ee Mini-Sommet mat Regierungscheffen, déi d’nämmlecht denken.
An Zesummenaarbecht mat Euranet Plus, deem gréissten europäesche Radio-Reseau fir EU-Aktualitéit.
EU-Noutfall-Zentral koordinéiert Hëllef géint Bëschbränn
2026/07/30
Lëtzebuerg schéckt ee Läschfliger genee wéi 15 Pompjeeën a Frankräich, fir ze hëllefen d’Bëschbränn an de Grëff ze kréien.
Koordinéiert gëtt deen Asaz zu Bréissel, am Zentrum vum sougenannten EU-Mechanismus fir d’Protection civile, wou d’Fiedem fir déi europäesch Noutfallmesuren zesummelafen. Vun do aus gëtt d’Hëllef op europäeschem Niveau koordinéiert an ofgestëmmt.
D’Danièle Weber konnt sech op der Plaz an där Kommandozentral, matten am EU-Quartier zu Bréissel, selwer ee Bild maachen doriwwer, wéi dat funktionéiert.
Nei Rechter fir Flugpassagéier: Wat ännert?
2026/07/08
Sielen ass sech d’Parlament esou eens - déi nei Reegele gi vun enger ganz breeder Majoritéit gedroen. Déi gutt Nouvelle ass: D’Rechter vun de Passagéier ginn net beschnidden.
Dofir hat sech d’Europaparlament an de Verhandlunge mat de Memberlänner agesat. D’EU-Länner haten nämlech laang drop bestanen, datt d’Airlinen an Zukunft hire Clienten eréischt bei gréissere Retarden eng Kompensatioun ausbezuele mussen.
Mee wat ännert sech elo konkreet? Explikatioune vun eiser EU-Korrespondentin Danièle Weber
EU-Mamme-Partei vun der AfD kéint EU-Fongen a Rechter verléieren
2026/07/07
An der EU kéint fir d’éischte Kéier eng europäesch Partei EU-Fonge gestrach kréien.
Am Europaparlament gëtt doriwwer ofgestëmmt, ob eng Prozedur géint d’Partei “Europa vun de Souveränen Natiounen” - kuerz ESN soll lancéiert ginn. Et wier déi éischte Kéier, datt dem neien europäesche Parteiegesetz no esou eppes gemaach géif. D’ESN ass op europäeschem Niveau d’Doheem vun der däitscher “Alternative für Deutschland”. Si ass den Ament mat 27 Deputéiert am Europaparlament vertrueden. Detailer vum Danièle Weber
Taliban-Meeting zu Bréissel: War Lëtzebuerg derbäi?
2026/07/02
Déi lescht Woch koum et um Lëtzebuerger Nationalfeierdag zu Bréissel zu enger Reunioun, déi fir vill Diskussioune suergt. En Dënschdeg hate sech Vertrieder:innen aus der EU mat enger Delegatioun vun den Taliban aus Afghanistan an der belscher Haaptstad gesinn, fir iwwer d’Retoure vun afghanesche Migranten, déi keng Openthaltsgeneemegung an der EU hunn, ze schwätzen.
Wou dee Meeting statt fonnt huet, ass net bekannt. Och net wouriwwer genee geschwat gouf.
Verschiddene Medien no solle vun europäescher Säit nieft der Europäescher Kommissioun och 15 EU-Memberlänner op där Reunioun mat derbäi gewiescht sinn.
Onkloer bleift, ob Lëtzebuerg do och present war.
Am Europaparlament wiisst iwwerdeems d’Kritik doriwwer, datt d’Delegatioun vun den Taliban iwwerhaapt op europäeschem Bueden empfaange gouf.
D’Danièle Weber huet d’Detailer.
Trotz Hëtzwell: Verschidde Länner fuerdere weider méi labber Klimaziler
2026/06/26
Bei de weiderhi ganz héijen Temperaturen dobausse souze gëschter um Kierchbierg d’EU-Ëmwelt-Ministere beieneen - fir op en Neits iwwer d’EU-Klimaziler ze diskutéieren.
Virun allem Däitschland, mee och verschidden osteuropäesch Länner stellen dat bis 2035 geplangten Enn vum Verbrenner-Motor weider a Fro. D’Europäesch Kommissioun hat bekanntlech am Dezember noginn an eng ofgeschwächte Versioun vun deem Verbuet proposéiert.
Mee och dat geet Berlin nach ze wäit. Aner EU-Länner, dorënner Frankräich oder och Lëtzebuerg, wëllen awer un ambitiéise Klimaziler festhalen. Den Debat ënner den Ëmweltministeren um Kierchbierg huet gewisen, wéi wäit d’Positioune weiderhin auserneeleien.
Diskussioun ronderëm d'Centre-de-retouren
2026/06/24
19 Länner haten um Bord vum Sommet gefuerdert, datt den Opbau vun de Return Hubs sollt mat EU-Sue finanzéiert ginn. Domat ass awer net jiddereen averstanen. Detailer vum Danièle Weber
EU-Budget: Wäit ewech vun engem Accord
2026/06/19
Den europäesche Budget suergt all siwe Joer fir Sträit ënner de Memberlänner: Traditionell sti sech zwee Campe géintiwwer: déi, déi méi, an déi déi manner Sue wëllen ausginn. Wat steet dës Kéier um Spill a wou steet Lëtzebuerg? Explikatioune vun eiser EU-Korrespondentin Danièle Weber
An Zesummenaarbecht mat Euranet Plus, deem gréissten europäesche Radio-Reseau fir EU-Aktualitéit.
Podcast reviews
Read Europa Aktuell podcast reviews
Podcast sponsorship advertising
Start advertising on Europa Aktuell relevant audience podcasts
You may also like to advertise on these Podcasts

4.7132374
10 to Life
Annie Elise

4.76761466
Criminology
Emash Digital & Mike Ferguson, Mike Morford

4.87552988
The Dr. John Delony Show
Ramsey Network

4.512663675
RedHanded
RedHanded

4.9248121464
Unashamed with the Robertson Family
Tread Lively

4.890681605
Fearless with Jason Whitlock
Blaze Podcast Network

4.959962000
Legal AF by MeidasTouch
MeidasTouch Network

4.7292842000
The Michael Knowles Show
The Daily Wire

4.897081456
The Graham Allen Show
Graham Allen

4.7106622000
FantasyPros - Fantasy Football Podcast
iHeartPodcasts