Advertise on podcast: وش كنّا نقول؟

لو سمعت اسم «خالد»، غالبًا جت في بالك صورة معيّنة وحكمت على شخصيته حكم مبدئي.. مب عنصرية لكن هذي اللي يسمّونها «الصورة النمطية». بدأت الحلقة بتتويج «حلتيته» جديد: أسامة بازيد، وحاول عبادي يبعد التهمة عنه وسلّط الضوء -فوق ما هو مسلّط- على حبّة في جبهته، والحبوب عمومًا اللي تطلع قبل المناسبة بيوم. سولفوا عن أول وظائفهم: عبادي في قسم الأجبان بسوبرماركت، وأسامة في مقهى «د. كيف»، وعلّمنا من تجربته وين تروح المأكولات الزايدة آخر اليوم. فتحوا بعدها نقاش إذا عادي تذوق منتج وتمشي بدون ما تشتري؟ وهل نفخ الكفرات ببلاش والتمشيطة عند الحلاق تدخل في نفس الحكم؟  ختموا الحلقة بآرائهم في فلم «ديقر» (Digger) وفلم «هارت أوف ذا بيست» (Heart of the Beast)، وتمثيلية لمشاكلكم من فقرة «خدمة العملاء ». عندك مشكلة تبي الشباب يحلّونها (أو يزيدونها)؟ أرسلها برسالة صوتية لفقرة «خدمة العملاء» من هنا: https://surveys.thmanyah.com/r/Gx8yRO الروابط: حساب عبادي حجّاي على إنستقرام - @ihajayحساب أسامة بازيد على إنستقرام - @osamabzحساب ناصر بامشموس على إنستقرام - @nasserbam ــــ • تابع البطولات السعودية على تطبيق ثمانية.

كم مرة طلبت شيء ما تحتاجه، بس عشان الهدية المجانية اللي معه؟ استضفنا التوأم المهندسين عبدالله ومحمد الدهامي، المعروفين بـ«ترك المهندسين» من فريق «أو جي» (OG)، واللي لو بدّلوا أماكنهم في نص الحلقة ما انتبهنا. بدأت الحلقة بسالفة مقاطع «يوم جديد ويد جديدة» مع سام 6، والطباعة ثلاثية الأبعاد. ثم حوّلوا على الإعلانات اللي تبيع لك عطر وتعطيك معه بيت أو سيارة أو آيفون مجانًا، وإغراء الأسعار قبل وبعد. وتكلموا عن المكانس الكهربائية بين الغالي والرخيص، والرخيصة منها اللي توصّخ أكثر مما تنظّف. بعدها سولفوا عن طريقة شرب الإسبريسو مع المويه الغازية، ومكينة «إكسبلوم»، وجابوا طاري البطولة العالمية للباريستا. ثم طرحوا تساؤل: هل فيه شيء اسمه شاهي مختص، ولّا هذولي جماعة غاروا من حقين القهوة المختصة؟ ومن الشاهي المختص انتقلوا للماتشا والشاهي المثلّج ومشروبات الطاقة قبل النادي. وأخيرًا حاولوا في فقرة «خدمة العملاء» يحلّون مشاكلكم. إذا عندك مشكلة، عويصة أو بسيطة، أرسلها لـ «خدمة العملاء» وازهلها، عبادي وأسامة بيحلّونها -أو يزيدونها-. https://surveys.thmanyah.com/r/Gx8yRO الروابط: حساب عبدالله الدهامي على إنستقرام - @budygardحساب محمد الدهامي على إنستقرام - @engtwins.24حساب عبادي حجّاي على إنستقرام - @ihajayحساب أسامة بازيد على إنستقرام - @osamabzحساب ناصر بامشموس على إنستقرام - @nasserbam ــــ • تابع البطولات السعودية على تطبيق ثمانية.

التعفّن الدماغي مشكلة.. يخلّيك ما تكمّل متابعة مقطع طويل، ودايم تبي اللي بعده. فما ودنا نطوّلها عليك.. هالمرة الحلقة بدون وصف؛ للمتعفنين دماغيًا أولًا، ثم ثانيًا لكشفكم هل تقرون الوصف ولّا لا؟ 🤨 اللي من «أهل البودكاست» على قولة عبادي، أو «أصدقاء البودكاست» على قولة أسامة، ويقرأ وصف الحلقات دائمًا، يعلّمنا في التعليقات ويثبت وجوده عشان نصفّق لكم في الحلقة الجاية. -ومرة وحدة يمدح اللي يكتب الوصف لو كنتم مب متعفنين دماغيًا وعندكم وقت للتعبير، وشوفوني أعطيكم حرية الرأي.- — جهّز ضحكتك واحجز مقعدك في جولة عروض أسامة بازيد و«لحد يدري».🤫 https://thmanyah.link/cTEMOI الروابط: حساب أوس النفيعي على إنستقرام - @aws_alnefieحساب عبادي حجّاي على إنستقرام - @ihajayحساب أسامة بازيد على إنستقرام - @osamabzحساب ناصر بامشموس على إنستقرام - @nasserbam ــــ • تابع البطولات السعودية على تطبيق ثمانية.

كل واحد فينا له قصة مع سيارة حوض، أو كرسيدا أبوه، أو كامري العائلة المتوارثة. سولفوا الشباب مع الكوميديان الرهيب أوس النفيعي، عن السيارات القديمة من الكراون فكتوريا لين أول سيارة ساقها كل واحد منهم، ثم حوّلوا على السيارات الغريبة، مثل هيونداي إتش 1 وفان ستروين، ثم تجادلوا عن الجلسة عكس السير في المترو والقطار تدوّخ صدق، ولّا بس كيس؟ تناقشوا عن سيارة «سير» الكهربائية السعودية الجديدة، والمزايا اللي فيها مثل مكتبة الألعاب، ثم جابوا طاري باقي السيارات مثل تسلا وبي واي دي والسيارات الصينية. تكلموا عن الآيفون الجديد واللون البرقندي، وهبّة تزيين الجوالات والسيارات، وترند الفصفصة اللي مدري من وين طلع لنا، وختموها بفقرة خدمة العملاء اللي حلّينا فيها مشاكلكم. حلّينا مشاكلكم في فقرة «خدمة العملاء»، لو عندك مشكلة؟ اكتبها لنا ودواك عندنا. بس السؤال: مين يحلّ لنا مشاكلنا؟  الروابط: حساب أوس النفيعي على إنستقرام - @aws_alnefieحساب عبادي حجّاي على إنستقرام - @ihajayحساب أسامة بازيد على إنستقرام - @osamabzحساب ناصر بامشموس على إنستقرام - @nasserbam ــــ • تابع البطولات السعودية على تطبيق ثمانية.

هل عندك خطط للاحتفال باليوم الوطني؟ أو زي ما تجي تجي؟ حلقة اليوم عن الصدفة والتخطيط، وبين محاسن الصدف وترتيب المواعيد، والفرق بين الصدفة والحظ. سولفوا عن آلة القهوة «إكسبلوم» واتهموها أنها تتنصّت وتصوّر، ثم سولفوا عن الاختراعات والأشياء اللي جت بالصدفة، مثل قصة اكتشاف القهوة، وقصة اختراع القلم، بعدها حوّلوا على جماعة العفوية وجماعة الحلتيته، وختموها بعقابات الأطفال والأنظمة القسرية اللي تمشي عليهم، مثل سحب البلايستيشن، ووقت النوم الإجباري. وسرّبنا خبر محد يدري عنه، إلّا اللي بيسمعه في الحلقة. -جولة كوميدية لأسامة بازيد في أكتوبر- 🤫 لحد يدري. الروابط: حساب عبادي حجّاي على إنستقرام - @ihajayحساب أسامة بازيد على إنستقرام - @osamabzحساب ناصر بامشموس على إنستقرام - @nasserbam ــــ • تابع البطولات السعودية على تطبيق ثمانية.

يقولون الأخ الكبير له دور في التربية، أو له دور بس، أو تربية بس.. ما ندري، لكن استضفنا الأخ الكبير القدير محمد بازيد عشان نعرف. بدأت الحلقة بعشوائية سوالف ما بين هبّة عبادي في الاستثمار بالأسهم الخاصة، أو على قولته «برايفت إكويتي»، ثم دخلوا على موضوع الأخ الكبير ودوره في التربية، وقرّر يصارحنا أسامة عن قصة طموحه الرياضي في الاحتراف برياضة الإسكواش مع نادي القادسية قبل ما يُقمع من أخوه محمد. وطالما عائلة بازيد حضرت، حضر معها موضوع الطيارات والطيران، فإذا كان عندك أسئلة زي عبادي عن الدرجة السياحية الجديدة.. ما نوعدك بس يمكن تلقى الإجابة. سولفوا عن اللي فازت مع قينيس بجائزة أسرع آكلة بوريتو في العالم، وسألوا بعض: «لو بتفوز في قينيس، بتفوز على أيش؟» اسمعوا إجاباتهم في الحلقة، وعطونا إجاباتكم. الروابط: حساب عبادي حجّاي على إنستقرام - @ihajayحساب أسامة بازيد على إنستقرام - @osamabzحساب ناصر بامشموس على إنستقرام - @nasserbam ــــ • تابع البطولات السعودية على تطبيق ثمانية.

لأول مرة، بودكاست وش كنا نقول يعرفون وش يقولون، نقاش محترم ومواضيع مفيدة. بدأت السواليف مع ضيفنا المحتقن من الموسم الماضي، الدب اللي لابس أسود، نعم إنه أبو عيد.. عبّر لنا عن استياءه من اللغة العرنجية، وتركيب الجمل المضروب، والجيل اللي ما يعرف يعبّر ولا يكتب زين.  وعلى النقيض: تعريب الكلمات الذكي مثل مصطلح «ذكالي»، والتعريب اللي لك عليه مثل «السنبتة» تعريب سناب شات. سولفوا عن الأفكار الرهيبة اللي تجيك وسط الحلم، وناقشوا التساؤل المتكرر: «كيف مرّت 7 سنوات على كورونا؟!»، وعلاقة هالموضوع بنظرية ضغط الزمن. وكالعادة، ختامها «خدمة العملاء»، فقرة سماع مشاكلكم وحلّها.. فإذا كانت عندك مشكلة، عويصة أو بسيطة، أرسل لنا رسالة صوتية في الإنستقرام وازهل الحلول مع عبادي وأسامة. الروابط: حساب عبادي حجّاي على إنستقرام - @ihajayحساب أسامة بازيد على إنستقرام - @osamabzحساب ناصر بامشموس على إنستقرام - @nasserbam ــــ • تابع البطولات السعودية على تطبيق ثمانية.

أيش ردة فعلك لو قرّر فنانك المفضّل الاعتزال؟ هل تتبع نهج داليا مبارك: «اللي يمشي.. يمشي عادي»؟  سولفوا عبادي وأسامة مع ضيوفنا: خالد عبدالعزيز وإبراهيم الخيرالله، عن الوسط الفنّي وعلاقته باعتزالات الفنّانين، مثل اعتزال داليا مبارك، واعتزال طارق العلي المزيّف. وبما أنّ ضيوفنا من القامات الكبيرة، وما يحتاح نحدّد «كبيرة» من أي ناحية.. سولفوا عن أزمة منتصف العمر والمراهقة المتأخرة، وعلاقتهم بمقالب الثلاثين. شاركوا تجاربهم في آخر الأفلام اللي حضروها، منها فلم «شارك أتاك» (Shark Attack)، والفلم السعودي الكوميدي «عكس سير» ببطولة الفنّانين عبدالعزيز الشهري وعبدالمجيد الكناني ومؤيد النفيعي ومهند الصالح، وفلم «سبايدرمان» اللي مفجّر السينما واحتمال يتجاوز مبيعات «باد بويز» (Bad Boys). الروابط: حساب إبراهيم الخير الله على إنستقرام - @fatkhairo حساب خالد عبدالعزيز على إنستقرام - @kld_azحساب عبادي حجّاي على إنستقرام - @ihajayحساب أسامة بازيد على إنستقرام - @osamabzحساب ناصر بامشموس على إنستقرام - @nasserbam ــــ •تابع البطولات السعودية على تطبيق ثمانية.

مين قرر أن موسم عزّ الحر اسمه «جمرة القيظ» أو «طبّاخ التمر»؟ وأيش سبب تسمية المواسم عمومًا.. «بيّاع الخبل عباته» و«مقرقع البيبان» و«مبكي الحصني» وهاتك من هالتسميات. سولفوا عبادي وأسامة عن أغرب ترندات الأسبوع، مثل كوكب «برَق برَق» النسائي، ومطالبة عبادي بكوكب رجالي سمّاه «بوخ بوخ»! –عزّزوا له لا يزعل ويكنسل البودكاست–. سولفوا عن عودة دوري روشن والدوري الإسباني والإنقليزي، وترند نطّة العالم اللي فسّرها ناصر لهم وشرح قصتها والشخص اللي وراها، وناقشوا موضوع مسابقة ناسا وجائزة 500 ألف دولار للي يحل مشكلة السحب الجوي اللي تسبب حركة الأقمار الصناعية عن مدارها. مواضيع كبيرة كبيرة، بس مب أكبر من موضوع انقطاع العلاقة بين عبادي وإيلون ماسك والأسباب الكامنة وراء الانقطاع. الروابط: حساب عبادي حجّاي على إنستقرام - @ihajayحساب أسامة بازيد على إنستقرام - @osamabzحساب ناصر بامشموس على إنستقرام - @nasserbam ــــ •تابع البطولات السعودية على تطبيق ثمانية.

أخيرًا، رجع بودكاست وش كنّا نقول! رجعنا لكم مشتاقين بعد فترة التوقّف، بدينا الموسم الجديد على طول بآخر أخبار أسامة وعبادي، وسمعنا منهم وش صار لهم خلال هالفترة، ونبشّركم.. لقيناهم على حطّة يدكم، ما تغيّر ولاااا شيء. أخيرًا، رجع بودكاست وش كنّا نقول! رجعنا لكم مشتاقين بعد فترة التوقّف، بدينا الموسم الجديد على طول بآخر أخبار أسامة وعبادي، وسمعنا منهم وش صار لهم خلال هالفترة، ونبشّركم.. لقيناهم على حطّة يدكم، ما تغيّر ولاااا شيء. أسامة وده يسولف عن المطارات بس قمعناه، وعبادي ما شاورنا خير شر وسولف عن قصة حلاقته قبل التصوير. سولفوا العيال عن سفرة تايلند، وقصة النصب اللي صارت لهم في آخر الليول. وختمنا الحلقة بفقرتنا الجديدة: «خدمة العملاء» استقبلنا مشاكلكم، -وزدناها مشاكل- وحلّيناها. تقدرون تقولون الآن: عودًا حميدًا! نشوفكم الأسبوع الجاي. الروابط • ihajay — حساب عبادي حجّاي على إنستقرام. • osamabz — حساب أسامة بازيد على إنستقرام. • aalrowis — حساب عبدالله الرويس على إنستقرام. • aws0555 — حساب أوس النفيعي على إنستقرام. • nasserbam — حساب ناصر بامشموس على إنستقرام. ــــ • اسمع هذه الحلقة وغيرها من الحلقات بدون موسيقا عند اشتراكك في «راديو ثمانية». • «سبل» مجموعة وطنية تقدّم حلول لوجستية وجيومكانية متكاملة.

آخر حلقة… نعم نقولها بالفمّ الحزين. في وداعية الموسم الأول، شرّفونا ضيوف من العيار الثقيل! تكلمنا عن أسرار البودكاست اللي ما قد انقالت، مثل سرّ الكنبة البرتقالية، وهل الوضع تمثيل ولّا لا.  ثم سولفنا عن مواضيع لا تمتّ للطيارات وحقوق المستهلك بصلة، مثل تبهير السوالف، والناس اللي تسولف عن نفسها بالضمير الغائب، واللي يستفزونك بأخطاء إملائية، وتصعيد الآباء على استهلاك المناديل، وهلمّ جرًا. ونبشّركم… ترا صوتكم مسموع! قرينا تعليقاتكم –وشرشحنا أسامة وعبادي شوي فيها–. أخيرًا: لن نقول وداعًا… بل إلى لقاء آخر. الروابط • ihajay — حساب عبادي حجّاي على إنستقرام. • osamabz — حساب أسامة بازيد على إنستقرام. • aalrowis — حساب عبدالله الرويس على إنستقرام. • aws0555 — حساب أوس النفيعي على إنستقرام. • nasserbam — حساب ناصر بامشموس على إنستقرام. ــــ • اسمع هذه الحلقة وغيرها من الحلقات بدون موسيقا عند اشتراكك في «راديو ثمانية». • «سبل» مجموعة وطنية تقدّم حلول لوجستية وجيومكانية متكاملة.

ما راح تعرفون عبادي في هذي الحلقة، طاقّ الترسيمة ومعطيها الشخصية الشتوية الرسمية، بس اصبروا عليه 5 دقايق ويرجع عبادي لشخصيّته القديمة. سولفوا أسامة وعبادي عن الأشخاص اللي يحاولون يفوزون على البرد ويثبتون قوّة تحملهم لين يقلب لونهم أزرق وتتراقص أسنانهم، ثم حوّلوا على الحنين للماضي وأجواء رمضان والعيد زمان، من ملاحقة سيارة رش المبيدات الحشرية، للعب الحواري مع الجيران، وصلاة العيد في مصلى العيد. وأخيرًا ختمها المعاون ناصر بفقرة اختبار وش كثر يعرفون باب الحارة، كونه من الذكريات اللي حنّوا لها، وأحدهم للأسف فشل في الاختبار فَشل ذريع، اسمه يبدأ بحرف الـ «أسامة». الروابط • ihajay — حساب عبادي حجّاي على إنستقرام. • osamabz — حساب أسامة بازيد على إنستقرام. ــــ • «معمل الصوت» في «المشتل» بالتعاون مع بروفه، مساحة مجهزة للتسجيل والإنتاج، مع فريق مختص يساعدك تبني هويتك الصوتية من الفكرة إلى النشر 🎙️. • اسمع الموسم الجديد من بودكاست «أصوات» على راديو ثمانية. • تابع أخبار الكرة وسياقاتها أولًا بأول في نشرة «مصدر مطلع» • «سبل» مجموعة وطنية تقدّم حلول لوجستية وجيومكانية متكاملة.

شرّفنا يزيد الموسى من وراء علم أسامة صالح، بس بيحاول يصلّح العلاقات. ومن البداية استلموه عبادي وأسامة على دقنه وشعره، بالمقابل قرّر يزيد يمسك نفسه لأننا في رمضان. أمّا أسامة قرر يغيّر «اللوك»، وراح لأطرف شيء عنده، فعلًا «أطرف شيء»… وقرر يلبس خاتم «أورا» يقول أنه مب عشان «الستايل»، بس عشان قياس النوم والصحة، عاد ما ندري صدقه من كذبه راعي المقاييس. الروابط • yazed_hmd — حساب يزيد الموسى على إنستقرام. • ihajay — حساب عبادي حجّاي على إنستقرام. • osamabz — حساب أسامة بازيد على إنستقرام. • aalrowis — حساب عبدالله الرويس على إنستقرام. ــــ • اسمع الموسم الجديد من بودكاست «أصوات» على راديو ثمانية. • تابع أخبار الكرة وسياقاتها أولًا بأول في نشرة «مصدر مطلع» • «سبل» مجموعة وطنية تقدّم حلول لوجستية وجيومكانية متكاملة.

وصلت معه عبدالله الرويس على سالفة الناس اللي يبالغون في موضوع «أعراض انسحاب القهوة»، وينهارون إذا ما تسحّروا «مندي» ولّا «بخاري»، وكمّل عليها عبادي بالحركات اللي لازم تتوقّف في رمضان 1447. ثم حوّلوا على أسامة وطقطقوا على فلسفته الدقيقة «جدًا» في ترتيب سفرة رمضان، مثل مكان القشطة والتمر ومسافة بُعدهم عن القهوة أو المويه! المشكلة أنه درّس هالفلسفة عيال العائلة -الله يعظم أجرهم-. الروابط • ihajay — حساب عبادي حجّاي على إنستقرام. • osamabz — حساب أسامة بازيد على إنستقرام. • aalrowis — حساب عبدالله الرويس على إنستقرام. ــــ • اسمع الموسم الجديد من بودكاست «أصوات» على راديو ثمانية. • تابع أخبار الكرة وسياقاتها أولًا بأول في نشرة «مصدر مطلع» • «سبل» مجموعة وطنية تقدّم حلول لوجستية وجيومكانية متكاملة.

تصريح قوي من عبادي: «التغلّي والتشرّه آفة 2026». أمّا أسامة شعللها سوالف حريقة، من قصته اللي تفشّل مع سواق أوبر وصوت الطنين المزعج، للحدث المرعب اللي صار له مع الفندق في سفرة عائلية. وبين هذا وذاك، بيسولفون عن التصرفات الغريبة اللي تجي من الطفشان، واللي سوّاها أسامة في نص الحلقة صوت وصورة. الروابط • ihajay — حساب عبادي حجّاي على إنستقرام. • osamabz — حساب أسامة بازيد على إنستقرام. ــــ • اسمع الموسم الجديد من بودكاست «أصوات» على راديو ثمانية. • تابع أخبار الكرة وسياقاتها أولًا بأول في نشرة «مصدر مطلع» • «سبل» مجموعة وطنية تقدّم حلول لوجستية وجيومكانية متكاملة.