Advertise on podcast: Kapuso Mo, Jessica Soho Podcast

Isa marahil sa pinakahihintay ng bawat batang pinalaki ng SexBomb Girls ay ang kanilang five-day reunion concert na nagsimula noong December 2025 hanggang nitong February 2026. Pero ang hindi alam ng nakararami, sa likod ng bawat sold out night ng five-day reunion concert ay katakot-takot na mga aksidente onstage at backstage! Ang ilan sa mga hindi makakalimutan na sorpresa noong ‘Get Get Aww Rawnd Concert,' ibabahagi ni SexBomb Rochelle Pangilinan sa ‘i-Listen with Kara David.’ Hosted on Acast. See acast.com/privacy for more information.

Bago makilala bilang komedyante at aktres si Marietta Subong o “Pokwang,” naging OFW muna siya sa iba’t ibang bansa bilang entertainer. Nagtatrabaho siya sa Abu Dhabi nang malaman na may brain tumor ang kanyang anak. Sa kasamaang palad, hindi kinaya ng anak ni Pokwang ang operasyon at pumanaw. Dahil sa laki ng gastusin ay hindi nagawa ni Pokwang na umuwi para sa libing nito. Ang hugot sa bawat pag-arte at pagpapatawa ni Pokwang, pakinggan sa “i-Listen with Kara David.” Hosted on Acast. See acast.com/privacy for more information.

Nakilala ang content creator na si Sassa Gurl dahil sa kanyang nakatutuwang videos o kung tawagin ng karamihan ay ‘kanal humor.’ Pero bukod sa pagiging ‘Mima ng Bayan’ sa kanyang mga naka-naka, isa ring proud nakshie si Sassa Gurl! Ang kanyang ina kasi, naitaguyod ang kanyang pag-aaral mula sa pagtatrabaho bilang kasambahay! Hosted on Acast. See acast.com/privacy for more information.

20-anyos si Marites Valencia Odarbe nang ma-diagnose ng Parkinson's Disease. Nakakaranas si Marites ng matinding tremors o paggalaw sa kanyang kamay at paa, pagkaputol-putol ng pananalita at minsa'y paninigas ng kalamnan. Pero sa kabila ng kondisyon niya, isa nang book author at motivational speaker si Marites upang magsilbing boses ng mga taong may kaparehas na pinagdadaanan. Pakinggan ang matapang niyang pakikipaglaban sa 'i-Listen with Kara David.' Para sa mga nais tumulong kay Marites, maaaring magdeposito sa: BANK: BPI Banko Account ACCOUNT NAME: JEANNE MARIE VALENCIA ODARBE ACCOUNT NUMBER: 1800 3127 7939 Hosted on Acast. See acast.com/privacy for more information.

Mula Cagayan de Oro, dala ang kanyang gitara, notebook at lakas ng loob, nakipagsapalaran ang singer-songwriter na si TJ Monterde sa Maynila. Kasama ang kanyang matalik na kaibigan, churchmate at kalaunan ay naging longtime guitarist niyang si Makoy Portado, sa isang maliit na apartment sa Mandaluyong ay nagsimula silang mangarap na marinig ng marami ang kanilang musika. Ang kuwento sa likod ng musika ni TJ, pakinggan sa ‘i-Listen with Kara David.’  Hosted on Acast. See acast.com/privacy for more information.

Limang taong gulang si Bianca Umali nang pumanaw ang kanyang ina dahil sa breast cancer at 10 taong gulang naman siya nang mamatay ang ama sa heart attack. Kaya naman ang nagsilbing magulang ni Bianca… ang kanyang Lola Vicky! Pero sa edad na 16, bakit nga ba pinili ni Bianca na humiwalay na sa kanyang lola at maging independent? Pakinggan ‘yan sa ‘i-Listen with Kara David.’ Hosted on Acast. See acast.com/privacy for more information.

Sa kulungan ipinanganak at lumaki si Paul Gangcuangco Pili dahil nakapiit sa Women’s Correctional ang kanyang Nanay Aleth at Lola Naty. Ano nga ba ang buhay ng isang batang lumaki sa loob ng kulungan, malayo sa kanyang mga mahal sa buhay at napaliligiran ng mga PDL o person deprived of liberty at ng mga jail guard? Pakinggan ‘yan sa ‘i-Listen with Kara David.’ Hosted on Acast. See acast.com/privacy for more information.

Magsasalita na ang paborito nating makata at wala siyang apelyido!Filipino rap legend Gloc-9, ibinahagi kay Kara David ang kuwento sa likod sa ilang obra niyang kanta. Hit song na ‘Upuan,’ minsan daw na pinagbawalang kantahin ni Gloc-9 sa ilang shows at events?!Pakinggan ‘yan sa “i-Listen with Kara David.’ Hosted on Acast. See acast.com/privacy for more information.

Sa likod ng malalakas na tawa at mga banat, isang kuwento ng sakripisyo at patuloy na paghilom ang ibabahagi ng Island Ate ng Cebu at #TheMasterCutter star na si Shuvee Etrata. Si Shuvee, emosyonal na ibinahagi ang kanyang mga naging sakripisyo para sa kanyang pamilya. Pakinggan ‘yan sa ‘i-Listen with Kara David.’ Hosted on Acast. See acast.com/privacy for more information.

Bago makilala bilang aktres sa iba’t ibang pelikula at teleserye, nagsimula si Moi Bien bilang kasambahay ni Piolo Pascual kung saan halos dalawang dekada siyang namasukan. Ang hunk actor, minsan daw naging akyat-bahay sa sarili nitong tahanan nang makatulog si Moi! At ang naging daan para pasukin ni Moi ang pag-arte… dahil daw sa pamimilit nina Papa P at Direk Joyce Bernal?! Pakinggan ‘yan sa ‘i-Listen with Kara David.’ Hosted on Acast. See acast.com/privacy for more information.

Mula sa pagiging child star sa edad na tatlo, singer-songwriter at ngayo'y direktor, marami nang 'transition' sa buhay ang pinagdaanan si Ice Seguerra. Pero isa sa pinaka naging maingay na balitan tungkol sa pagbabago sa buhay niya ay nang siya'y maging isang transman. Kailan nga ba napagtanto ni Ice na bahagi siya ng queer community? At paano nga ba ito tinanggap ng kanyang magulang? Pakinggan 'yan sa 'i-Listen with Kara David.' Hosted on Acast. See acast.com/privacy for more information.

IT’S YOUR GIRL MIMIYUUUH IS HERE! Full bangs, plastic na cabinet, bonggang mga OOTD, at nakatutuwang content — diyan nakilala ang online content creator na si Mimiyuuuh. At dahil sa kanyang talento pagdating sa fashion ay nakabilang na rin siya sa ilang malalaking fashion events. Ang batang Baclaran na laging pinapalayas, ngayo'y may sarili nang bahay at kotse! Pakinggan 'yan sa 'i-Listen with Kara David.' Hosted on Acast. See acast.com/privacy for more information.

Babala. Sensitibo ang paksa.Nitong March 31 ay nagpaalam na maglalaro ang 5-anyos na si Francis Muleta sa kanyang magulang. Pero makalipas ang ilang oras, nakauwi na ang mga kalaro ni Francis pero hindi pa rin makita ang bata.Nang matagpuan si Francis ay puno na ito ng dugo, may mga saksak sa tiyan at gilit sa leeg. Matapos ang halos 41 araw na makikipaglaban sa ospital ay pumanaw rin si Francis.Sino nga ba ang nasa likod ng krimen na ito? Kumusta na nga ba ang unsad ng hustisya para kay Francis?Pakinggan 'yan sa 'i-Listen with Kara David.' Hosted on Acast. See acast.com/privacy for more information.

Matapos ma-massacre ang kanyang pamilya ay nagpalit-lipat ng probinsya sa murang edad si Nestor Quilat at natutong magnakaw para lamang may pambili ng pagkain. Dahil wala pang juvenille justice act noon ay nakulong si Nestor sa kabila ng kanyang murang edad. Samantala, nanirahan naman sa kalye ng Maynila si George Busa nang bigo siyang makahanap ng trabaho. Naranasan din daw niyang maglakad ng halos limang oras makarating lamang sa papasukan na trabaho. Ang kuwento ng pagbabago at pagpupursigi nina Nestor at George, muling pakinggan sa ‘i-Listen with Kara David.’ Hosted on Acast. See acast.com/privacy for more information.

Hindi man nanalo bilang grand winner sa ‘That’s My Boy’ contest ng Eat Bulaga noong 2003, nagsilbing pintuan ito para kay BJ Forbes o mas kilala bilang Tolits para makapasok sa mundo ng showbiz. Dahil sa angking galing at pagiging bibo ay iba’t ibang proyekto ang nabigay kay Tolits. Pero nang tumumal ang mga proyekto, lumipat sa alternative learning system (ALS) mula sa pagiging home school si Tolits. Pinalayas din sila sa naipundar niyang bahay dahil sa pag-arte! Kumusta na nga ba ang dating child star ngayon? Hosted on Acast. See acast.com/privacy for more information.