Advertise on podcast: Morgunútvarpið

Hrefna Sigurjónsdóttir, verkefnastjóri forvarna hjá Sjóvá, verður gestur okkar í upphafi þáttar en hún skrifaði grein á Vísi í gær um hvernig best sé að huga að öryggi og forvörnum í sumarhúsum. Við ræddum þau mál við hana sem snúa meðal annars að eldvörnum, grillinu og heita pottinum. Mikil umræða hefur verið undanfarið um flokkun sorps, endurnýtanlegan úrgang og hringrásarhagkerfið. En hvernig stöndum við Íslendingar almennt í þeim efnum? Guðmundur Steingrímsson, fyrrum þingmaður og umhverfis- og auðlindafræðingur, hefur rannsakað og skrifað um hringrásarhagkerfið og þá sérstaklega hvernig okkur Íslendingum gengur að endurnýta þau hráefni sem náttúran gefur af sér, og hann var gestur okkar um hálf átta leytið. Mikið hef­ur verið deilt um fyr­ir­hugaða upp­bygg­ingu í Skerjaf­irðinum á síðustu vik­um eftir að niðurstaða starfshóps sem innviðaráðherra skipaði til að meta áhrif nýrrar byggðar í Skerjafirði á flug- og rekstraröryggi Reykjavíkurflugvallar var birt en þar er sagt að byggðin muni að óbreyttu þrengja að og skerða nothæfi Reykjavíkurflugvallar vegna breytinga á vindafari. Starfshópurinn telur þó ekki þörf á að hætta við byggingarhugmyndir í Nýja Skerjafirði og bendir á mögulegar mótvægisaðgerðir. Borgarstjóri segir að borgin hafi "...gripið til mót­vægisaðgerða í skipu­lag­inu". Matthías Arngrímsson, flugstjóri og flugkennari, skrifaði grein um rangfærslur sem hann segir borgarstjóri og aðrir sem að málinu koma hafi haft í frammi um skýrsluna. Sigríður Margrét Oddsdóttir, sem tekur við starfi framkvæmdastjóra Samtaka atvinnulífsins í september, var gestur okkar eftir átta fréttir. Við ræddum verkefnin framundan, kjaraveturinn og efnahagsástandið. Nú er miður júní og kominn tími á að taka stöðuna á laxveiðisumrinu. Við hringdum á bakka Norðurár og heyrðum í Brynjari Þór Hreggviðssyni. Veðrið hefur verið með fínasta móti síðustu daga en veðurgæðunum var nokkuð misskipt í upphafi sumars. Við ræddum áhrif veðurs og veðurmonts á andlega líðan í lok þáttar við Helga Héðinsson, sálfræðing. DAÐI FREYR - Thank You. DIRE STRAITS - Sultans Of Swing. FRIÐRIK DÓR - Bleikur og blár. VÖK - Miss confidence. GREIFARNIR - Jóhannes. Mugison - Stóra stóra ást.

Í vikunni hefur mikil umræða verið um raforku og forgangsröðun í henni til gagnavera og jafnvel bitcoin graftar. Við höfum meðal annars rætt málið hér í Morgunútvarpinu og ætlum að halda því áfram. Til okkar komu Sigríður Mogensen, sviðsstjóri iðnaðar- og hugverkasviðs Samtaka Iðnaðarins, og Björn Brynjúlfsson, formaður Samtaka gagnavera og forstjóri Boralis Data Center Það er föstudagur og því full ástæða til að ræða Partygate. Boris Johnson fyrrverandi forsætisráðherra Bretlands hefur verið fundinn sekur um að hefja ófræingarherferð gegn þeim sem rannsökuðu hið svokallaða partygate mál hans en málið snýst um veisluhöld í Downing stræti á tímum kórónuveirufaraldursins. Við hringdum í Sigrúnu Sævarsdóttur Griffith sem búsett er í Bretlandi. Fréttir vikunnar verða krufðar með sviðslistafólki í dag en einn af hápunktum vikunnar var afhending Grímuverðlaunanna. Við fengum til okkar verðlaunahafa og kynni af hátíðinni, þau Björgvin Franz Gíslason og Salvöru Gullbrá Þórarinsdóttur. Blótsyrði eru misstór hluti af daglegum orðaforða þjóðarinnar. Sum nota þau óspart, önnur aðeins ef allt er farið í hurðalaust helvíti. Orð og tunga, árlegt tímarit Stofnunar Árna Magnússonar, er að þessu sinni tileinkað blótsyrðum þar sem kafað er á málvísindalegan máta í sagnirnar að fokka, og rýnt í setningarfræði blótsyrða svo fátt eitt sé nefnt. Við spjölluðum við Helgu Hilmisdóttur rannsóknardósent og Ellert Þór Jóhannsson rannsóknarlektor sem jafnframt eru ritstjórar tímaritsins um blótsyrði. Búið er að opna fyrir innsendingar í Söngvakeppnina 2024 og er það víst einfalt mál að senda inn. Rúnar Freyr Gíslason verkefnastjóri Söngvakeppninnar kom til okkar og fer yfir þetta. Tónlist FRIÐRIK DÓR - Hvílíkur dagur. Bjartmar Guðlaugsson - Velkomin á bísann. ROMY - Enjoy Your Life. DAÐI FREYR - Whole Again. WHEATUS - Teenage Dirtbag. ICY - Gleðibankinn.

Prag Feræringurinn er stærsta og virtasta alþjóðlega leikhús- og sviðshönnunarhátíð í heimi og heimsækja hana um 100.000 gestir frá öllum löndum og eigum við íslendingar okkar fulltrúa þar. Listakonan Brynja Björnsdóttir var á línunni frá Prag og ætlar að segja okkur frekar frá verkinu sínu, viðbrögðum og hátíðinni sjálfri. Bleikju í Eyjafirði hefur fækkað verulega á undanförnum árum og þau sem rýna í stöðuna búast við því að hitnandi loftslag og ofveiði sé um að kenna. Sigmundur Einar Ófeigsson áhugamaður um verndun íslensks lífríkis hefur rýnt í tölurnar og vill að gripið verði til aðgerða sem fyrst til að vernda bleikjustofninn á svæðinu. Við hringdum norður. Fljótlega eftir að þættinum lýkur halda ráðamenn á Bessastaði til fundar við forseta Íslands og setjast við ríkisráðsborðið svo að Guðrún Hafsteinsdóttir, oddviti Sjálfstæðisfólks í suðurkjördæmi, geti loksins tekið við dómsmálaráðuneytinu. Guðrún hefur beðið töluvert og þrýst mikið á formann flokksins um þessa innáskiptingu en hver er Guðrún og fyrir hvað stendur hún? Verður stefnubreyting innan dómsmálaráðuneytisins við innáskipti hennar fyrir Jón Gunnarsson sem óhætt er að segja að hafi ekki setið auðum höndum þann tíma sem hann hefur verið dómsmálaráðherra? Við spáðum í framtíðina með Stefaníu Óskarsdóttur stjórnmálafræðiprófessor við Háskóla Íslands. Illskan á sér allskyns birtingarmyndir og nú er svo komið að við erum orðin svo vön hversdagslegri illsku á borð við rekstur iðnaðarsláturhúsa og mengandi stóriðju að við berum ekki lengur kennsl á hana. Nýjasta tölublað Ritsins, tímarits hugvísindadeildar Háskólans, er tileinkað illsku og þar skrifar Sigríður Þorgeirsdóttur prófessor í heimspeki meðal annars um þessar hversdagslegu birtingarmyndir illskunnar. Eliza Reid forsetafrú er stödd í Berlín á heimsleikum Special Olympics þar sem Ísland á fjölda þátttakenda. Við spjölluðum við Elizu Reid um þá þátttöku og einnig 19. júní en í dag eru 108 ár síðan íslenskar konur fengu kosningarétt. Við gerðum upp íþróttir helgarinnar eins og alltaf á mánudögum með Helgu Margréti Höskuldsdóttur. Tónlist Bubbi Morthens - Velkomin. CAROLE KING - It's Too Late. STEVIE WONDER - Master Blaster (Jammin'). PRINS POLO - Líf ertu að grínast. Helgi Björnsson - Ég fer á Land Rover frá Mývatni á Kópasker. Miley Cyrus - Jaded. FLOTT - L'amour. BOB MARLEY AND THE WAILERS - Is This Love. 200.000 NAGLBÍTAR - Hæð Í Húsi.

Jóhann Alfreð Kristinsson úr Hljóðvegi 1 skellti sér í Elliðaárnar í dag þar sem Reykvíkingur ársins, Mikael Marinó Rivera, var kynntur og renndi fyrir fiski við opnun ánna. Jóhann ræddi einnig við Ragnheiði Thorsteinsson formann Stangveiðifélags Reykjavíkur og Dag B. Eggertsson borgarstjóra. Guðmundur Jóhannsson er tæknigúrúið okkar og kemur aðra hverja viku til okkar til að fara yfir það nýjasta og helsta sem viðkemur tæknmálum. Guðmundur var hjá okkur uppúr hálf átta. Tjarnarbíó lokar í haust fáist ekki meira fjármagn. Leikhússtjóri lýsir verulegum áhyggjum af stöðu leikhussins en hún segir að starfsemin sé að sprengja utan af sér húsnæðið og starfsfólkið að keyra sig út í ólaunaðri yfirvinnu. Áhugafólk um áframhaldandi starfsemi leikhússins hafa sett af stað undirskriftasöfnun á netinu þar sem skorað er á stjörnvöld að auka stuðning við Tjarnarbíó tafarlaust til þess að bjarga húsinu úr þeim vanda sem steðjar að og tryggja rekstur þar til framtíðar. Tjarnarbíó er aðal svið sjálfstæðu sviðslistasenunnar og ómissandi fyrir sviðslistalíf í landinu að mati aðstandenda söfnunarinnar. Guðmundur Felixson, leikari, setti söfnunina af stað. Í gærmorgun fjölluðum við um fækkun stofns bleikjunnar í Eyjafirði en þau sem rýna þar í stöðuna búast við því að hitnandi loftslag og ofveiði sé um að kenna. Veiðibann hefur verið til að mynda verið á lúðu í mörg ár vegna bágrar stöðu þess stofns og sama má segja um humarinn en veiðibann hefur verið á honum á síðasta ári og er út þetta ár. En hvernig er staðan á nytjastofnum við íslandsstrendur? Erum við að stunda ofveiði þrátt fyrir veiðistjórnunakerfið? Við skoðuðum þetta með Jónasi Páli Jónassyni fiskifræðingi hjá Hafrannsóknarstofnun eftir átta fréttir. Boðið verður uppá hraðstefnumót í Smárabíói á fimmtudaginn. Bíóið í samstarfi við íslenska stefnumóta-smáforritið Smitten stendur að þessu. En hvernig er stefnumótamenningin á Íslandi? Virkar svona hraðstefnumót? Og hvernig gengur Smitten að keppa við alþjóðarisann Tinder hér á landi. Þær Unnur Aldís Kristinsdóttir og Kristína Reynisdóttir frá Smitten leiddu okkur í allan sannleikann. Tónlist PÁLMI GUNNARSSON - Vegurinn Heim. Snorri Helgason - Haustið '97. Ragnar Bjarnason - Það styttir alltaf upp. Moses Hightower - Sjáum hvað setur. DAÐI FREYR - Whole Again. RIHANNA and KANYE WESTand PAUL McCARTNEY - Four five seconds.

Í gær var hrint úr vör nýju átaki hjá heilbrigðisráðuneytinu sem miðar að því að stórauka ráðgjöf um heilsu fólks í símanúmerinu 1700 og á netspjalli Heilsuveru. Ragnheiður Ósk Erlendsdóttir framkvæmdastjóri hjúkrunar hjá Heilsugæslu höfuðborgarsvæðisins og Hjalti Már Björnsson yfirlæknir á bráðamóttökunni sögðu betur frá því. Enn stendur leit yfir að kafbáti sem sökk með fimm auðkýfinga við skipsflak Titanic rétt utan um Nýfundnaland um síðustu helgi. Vonin um að finna bátinn og mennina sem í honum eru á lífi fer þverrandi. Stefán Reynisson kafbátasérfræðingur og framkvæmdastjóri Teledyne Gavia ræddi málið. Haraldur Benediktsson nýr bæjarstjóri Akraness sem vék af þingi fyrir Sjálfstæðisflokkinn á kjörtímabilinu var á línunni að ræða hvalveiðar og hvernig hvalveiðibann matvælaráðherra kemur til með að hafa áhrif á íbúa á Skaganum. Hörður Arnarson forstjóri Landsvirkjunar var gestur þáttarins í dag. Til umræðu var orkuöryggi í tengslum við innrás Rússa í Úkraínu og nýjustu vendingar varðandi pólitísk samskipti Íslands og Rússlands. Einnig komu til tals gagnaver, forgangsröðun í orkumálum og seinkun Hvammsvirkjunnar. Guðmundur Ingi Guðbrandsson félags- og vinnumarkaðsráðherra ræddi útlendingamál. Ástin sveif svo yfir vötnum í lok þáttar - en Siðmennt stendur fyrir hjónavígslum á færibandi í Ráðhúsi Reykjavíkur í dag. Inga Auðbjörg Straumland formaður Siðmenntar sagði betur frá því. Tónlist GDRN - Hvað er ástin. LAUFEY - From The Start. Maggie Rogers - Want Want. FLORENCE AND THE MACHINE - Shake it Out. DILJÁ - Crazy. PETER BJÖRN & JOHN - Young Folks. Bill Withers - Lovely Day.

Aðalheiður Eysteinsdóttir listakona er þessa stundina að undirbúa sig undir gjörningamaraþon sitt en hún hyggst fremja 60 gjörninga næstu 6 dagana á sextíu ólíkum stöðum og fá með sér hátt í þrjátíu gestalistamenn. Fyrsti gjörningurinn hefst stundvíslega klukkan 10 í dag á Akureyri. Við hringdum norður til að heyra betur í listakonunni. Mark­tæk­ur mun­ur sést á læsi hjá nem­end­um í fyrsta og öðrum bekk Grunnskóla Vestmannaeyja eftir að skólinn hóf þátttöku í rann­sókn­ar- og þró­un­ar­verk­efn­inu Kveikj­um neist­ann! 83% nem­enda í 2. bekk voru læs­ir við lok skóla­árs. Þaul­reyndir kenn­arar sjá mikl­ar fram­far­ir hjá nem­end­um milli ár­ganga. Anna Rós Hall­gríms­dótt­ir skóla­stjóri GRV sagði okkur meira frá þessu verkefni og árangrinum sem þau sjá. Sjálfboðaliðarnir í Slysavarnarfélaginu Landsbjörg eru að gera sig klára til þess að vera til staðar fyrir ferðamenn á hálendinu sautjánda árið í röð. En hver er þörfin á Hálendisvakt fyrir ferðamenn og hver borgar? Félagið reiðir sig á styrki frá almenningi og við fengum Jón Þór Víglundsson upplýsingafulltrúa hjá Landsbjörg til okkar til að ræða fjáröflunina og Hálendisvaktina. Í gær var hjúkrunarfræðingur sýknuð af manndrápi á geðdeild í Héraðsdómi Reykjavíkur en málið hefur verið áberandi í fjölmiðlum frá því andlát sjúklingsins bar að. Þetta er ekki fyrsta málið þar sem heilbrigðisstarfsmaður fer fyrir dóm vegna alvarlegs atviks í heilbrigðiskerfinu sem leitt hefur til andláts. Ragnar Freyr Ingvarsson læknir er þeirrar skoðunar að málið sé enn eitt dæmið um ámælisverð vinnubrögð fjölmiðla og að farið sé allt of geyst í umfjöllun um þau. Hátt í fjörutíu eru slösuð í París eftir mikla sprengingu í fimmta hverfi borgarinnar en byggingin, sem hýsti listaskóla, stóð í ljósum logum og hrundi að lokum. Við ræddum við Kristínu Jónsdóttur sem búsett er í París. Sumarið er tími bæjarhátíðanna og fólk flykkist með börn og buru á þessar hátíðir víðs vegar um landið. En ein er sú hátíð sem lætur sér ekki duga eina helgi heldur er með uppákomur allar helgar frá næsta fimmtudegi til 3. ágúst. Sjöunda árið í röð er blásið til Bæjar-og tónlistarhátíðarinnar ?Í Hjarta Hafnarfjarðar?. Páll Eyjólfsson hjá Bæjarbíói er skipuleggjandi hátíðarinnar og var hjá okkur í lok þáttar. Tónlist FLOTT - L'amour. FLEETWOOD MAC - Landslide. Chris Rea - On the beach. Júníus Meyvant & KK - Skýjaglópur. VALDIMAR - Yfirgefinn. Mr. Probz - Waves (Robin Schulz radio remix). KRASSASIG - Hlýtt í hjartanu (ft. JóiPé). CHRISTINE AND THE QUEENS - Je te vois enfin. Björgvin Halldórsson og Ragnh

Í dag eru innflytjendur á Íslandi 22% af íslenskum vinnumarkaði og því bráðnauðsynlegt að efla íslenskukennslu og stórauka aðgengi fólks að henni. Bara tala er stafrænn íslenskukennari sem byggir á gervigreind og íslenskri máltækni. Jón Gunnar Þórðarson frá Bara tala koma til að segja okkur meira. Fornleifauppgröftur í Arnarfirði hefur leitt í ljós gríðarmikinn bæ sem lenti undir skriðu á 15 eða 16 öld. Við ætlum að heyra í Margréti Hallmundsdóttur fornleifafræðingi sem hefur leitt uppgröftinn. Og fréttir vikunnar verða á sínum stað og þær verða heldur betur safaríkar að þessu sinni enda nóg í fréttum. Þóra Arnórsdóttir upplýsingafulltrúi Landsvirkjunnar og Jóhannes Þór Skúlason framkvæmdastjóri Samtaka ferðaþjónustunnar. Borgaralaun eru spennandi kostur í hugum margra en kannski allra síst þeirra sem stýra ríkissjóði enda er um afar dýra aðgerð að ræða. Konráð Guðjónsson hagfræðingur hefur skoðað málið og komist að því að borgaralaun gangi einfaldlega ekki upp. Bæjarhátíðir eru víðs vegar um landið í sumar. Ein þeirra er að fagna þrjátíu ára afmæli í ár en það er Humarhátíðin á Höfn. Við hringjum austur og heyrum í Guðrúnu Stefaníu Vopnfjörð Ingólfsdóttur sem ætlar að fara yfir dagskránna með okkur. Tónlist Birnir - Spurningar (ft. Páll Óskar). HJÁLMAR og MR. SILLA - Er hann birtist. ABBA - Mamma mia. Bríet - Fimm. JEFF WHO? - Congratulations. ÁSDÍS - Angel Eyes Brekkubræður - Benjamín.

Fyrri hluta júnímánaðar hefur staðið yfir umfangsmikil æðadúnstýnsla í Breiðafirði en þá fara flokkar fólks um þær ótal eyjar sem þar er að finna og skipta dún úr hreiðrum æðarfuglsins út fyrir hey svo eggin megi áfram dafna undir dyggu eftirliti mæðra sinna. Erla Friðriksdóttir framkvæmdastjóri Æðarsetur Íslands var í viðtali um hvernig gengið hefur að týna dúninn. Ný íslensk rannsókn hefur leitt í ljós mikla fordóma á íslenskum vinnumarkaði gagnvart feitum konum. Þær fá síður vinnuföt við hæfi, upplifa oft að ekki sé tekið mark á skoðunum þeirra og fá jafnvel að heyra beinar aðfinnslur frá samstarfsfólki um holdafar sitt. Steinunn Helga Sigurðardóttir hjúkrunarfræðingur gerði rannsóknina og sagði betur frá niðurstöðum hennar. Hvernig stendur á því að sífærri fyrirtæki fá umsóknir frá hæfum stjórnendum og sérhæfðu starfsfólki þegar eftir því er leitað. Andrés Jónsson almannatengill og eigandi Góðra samskipta hefur skoðað málið. Skýrsla Fjármálaeftirlitsins um söluna á Íslandsbanka og aðkomu bankans sjálfs að henni verður kynnt í dag. Eftir henni hefur verið beðið með mikilli eftirvæntingu síðan bankinn greindi frá því að hann hefði gengist undir stærstu fjármálasekt Íslandssögunnar á fimmtudag. Ásgeir Brynjar Torfason doktor í fjármálum var gestur þáttarins til að ræða Íslandsbankamálið eins og það leggur sig. Því næst kom Breki Karlsson formaður Neytendasamtakanna en þar á bæ hefur fólk af því áhyggjur að gervigreindin takmarki neytendarétt að einhverju tagi. V Og að lokum var blessað sportið á sínum stað eins og alltaf á mánudögum en Kristjana Arnarsdóttir íþróttafréttakona var gestur þáttarins. Tónlist: KK - Vegbúi. ELTON JOHN - I Guess that's why they call it the blues. Franklin, Aretha - I say a little prayer. BELLE & SEBASTIAN - I Don't Know What You See In Me. FLORENCE AND THE MACHINE - You've Got The Love. ÞÓRUNN ANTONÍA - Too late. FUGEES - Killing Me Softly. DUA LIPA - Dance The Night.

Alþjóðleg reiðhjóla ofurkeppni verður haldin á Vestfjörðum í vikunni og tekur fimm daga. Þar munu um 80 manns víðsvegar að úr heiminum hjóla nærri 1000 km í fjórum leggjum á fimm dögum um 250 km á dag. Halldóra Björk Norðdahl veit allt um málið og var á línunni hjá okkur. Við ræddum söluna á Íslandsbanka en traust á bankakerfið okkar var einn af stóru umræðupunktunum eftir að sátt bankans við Fjármálaeftirlitið var kynnt í gær þar sem lögbrot voru viðurkennd og vinahygli og spilling opinberaðist almenningi. Við töluðum um traust og tortryggni við Jón Þór Sturluson, hagfræðingur, deildarforseti og fyrrverandi aðstoðarforstjóri Fjármálaeftirlitsins en hann kom jafnframt að skýrslu Ríkisendurskoðunnar um sama mál. Sævar Helgi Bragason kom með Vísindahornið sitt til okkar eftir átta fréttir að þessu sinni. Hann ætlar að tala um innfall stjarna sem er svipað og gerðist fyrir kafbátinn við Titanic, hvernig við höfum fært möndul jarðar vegna áveitu og nýjan þrívíddar geimsjónauka. Mikill kostnaður hlýst af þátttöku í yngri landsliðum Íslands sem fellur beint á unga fólkið okkar. Dæmi eru um að hver og einn leikmaður þurfi að afla sér um 600 þúsund króna til að komast með landsliði á stórmót í handbolta. KKÍ heldur úti átta landsliðum og nemur heildarkostnaður af yngri landsliðsstarfi á þessu ári um 80 milljónum og af því þurfa leikmenn og fjölskyldur þeirra að greiða 45 til 50 milljónir í ferða- og fæðiskostnað. Þá greiðir KKÍ um 30-35 milljónir af kostnaðinum. Það vekur óneitanlega upp þá spurningu hvort við viljum að velja eigi í unglingalandslið út frá efnahag. Hannes Sigurbjörn Jónsson, fræmkvæmdarstjóri KKÍ og nýskipaður varaforseti FIBA Europe kom til okkar til að ræða þessi mál og fleiri. Tónlist GDRN - Áður en dagur rís (ft. Birnir). GOSI & SALÓME KATRÍN - Tilfinningar. FELDBERG - Don't Be A Stranger. DAÐI FREYR - Whole Again. LEAVES - Parade. ELVIS PRESLEY - Suspicious Minds. STEVIE WONDER - Sir Duke.

Eitt lykilatriðið í því að starfsfólk fari ekki í hrönnum út af vinnustaðnum og í kulnun er að það upplifi sanngirni á vinnustaðnum. Þetta kemur fram í nýjasta tölublaði Tímarits um viðskipti og efnahagsmál sem viðskipta- og hagfræðideildir íslensku háskólanna gefa út í sameiningu. En hvað er sanngirni á vinnustað og hvernig má tryggja hana? Arney Einarsdóttir dósent við Háskólann á Bifröst og einn höfunda greinarinnar sagði okkur frá því. Ef einhvert hélt að við þinglok í maí tæki við rólyndistími í pólitíkinni, þá er það hið sama að vakna upp við vondan draum núna. Pallborðsumræður ríkisstjórnarleiðtoganna á Vísi í gær vöktu rækilega athygli en þar hótaði Bjarni Benediktsson stjórnarslitum undir rós, vegna hvalveiðibanns Svandísar Svavarsdóttur, og dró fram dauðarefsingar í Bandaríkjunum sem dæmi um hræsni bandaríkjamanna þegar kemur að gagnrýni á Ísland fyrir að stunda veiðarnar. Við ræddum stjórnarsamstarfið og stöðuna í íslenskri pólitík við Eirík Bergmann stjórnmálafræðiprófessor. KIA Gullhringurinn er nú haldinn í 12. sinn en keppnin var fyrst haldin árið 2012 á Laugarvatni og hefur fyrir löngu skapað sér fastan stað í mótadagatali hjólreiðafólks. Nú er svo komið að á Selfossi er keppnin orðin tveggja daga viðurður. Einar Bárðarson fór yfir fyrirkomulagið á keppninni með okkur. Nú þegar fréttir berast að lúsmýið sé komið á kreik vaknaði sú spurning hjá okkur hvort ekki væri hægt að halda óværunni frá okkur heimavið eða í bústaðnum með náttúrulegum hætti. Kannski ásamt því að nota flugnanet og annað slíkt. Hvaða plöntur t.d. er hægt að halda sem pottablóm eða slíkt sem flugunum líkar bara alls ekki nærveran? Bryndís Eir Þorsteinsdóttir hefur skoðað hvaða plöntur er best að nota til að fæla frá óæskileg skordýr. Já og við gáfum skjálftunum í Mýrdalsjökli og nærri Kötlu gaum í þættinum. Er hún ekki bara eitthvað að stríða okkur og meinar ekkert með þessu? Magnús Tumi Guðmundsson prófessor í jarðeðlisfræði svaraði því. Tónlist: ÍRAFÁR - Fingur. KRASSASIG - Einn Dag Í Einu. BLONDIE - Maria. OF MONSTERS & MEN - Wolves Without Teeth. KALEO - Hey Gringo. LA ZARRA - Évidemment EGÓ - Fjöllin Hafa Vakað. LEWIS CAPALDI - Wish You The Best.

Við skoðuðum sjálfbærni í íslenskri matvælaframleiðslu og hvort hún geti betur fallið að loftslagsmarkmiðum Íslands. Jónas Viðarsson sviðsstjóri Matís kom til okkar. Blessuð verðbólgan er loksins komin niður fyrir 9 prósentin og stendur nú í 8,9%. Við í Morgunútvarpinu trúum á það að fagna litlu sigrunum og buðum því Hjalta Óskarssyni hagfræðingi í Landsbankanum til okkar að ræða efnahagsmálin. Páll Magnússon fyrrverandi þingmaður og nú forseti bæjarstjórnar í Vestmannaeyjum, kíkti í morgunkaffi til okkar. Við ræddum söluna á Íslandsbanka, forystu Sjálfstæðisflokksins og málefni Vestmannaeyja nú þegar 50 ár eru liðin frá goslokum í eyjunni fögru. Hin árlega RVK Fringe hátíð er nú haldin í sjötta sinn. Hátíðin býður upp á fjölbreytt úrval viðburða en yfir 100 viðburðir verða haldnir á ýmsum stöðum á víð og dreif um miðborgina. Skipuleggjendur segja að miðborgin umbreytist í miðstöð listrænnar tjáningar. Til að segja okkur nánar frá því sem fram kom til okkar Ingunn James annar tveggja hátíðarstjóra. Það breyttist ekkert eftir hrun og það mun ekkert breytast eftir Íslandsbankamálið og staðreyndin er sú að brot Íslandsbanka er bara toppurinn á ísjakanum. Þetta segja þau Ásthildur Lóa Þórisdóttir, formaður Hagsmunasamtaka heimilanna og þingmaður Flokks fólksins, og Ragnar Þór Ingólfsson, formaður VR, í skoðunargrein sem birtist á Vísir.is í gær sem ber yfirskriftina ?Sami skíturinn í aðeins fínni skál?. Ásthildur Lóa var gestur okkar í lok þáttar. Tónlist KK - Þjóðvegur 66. KLARA ELIAS - Nýjan stað. REX ORANGE COUNTY - Keep It Up. Pláhnetan - Spútnik. NÝDÖNSK - Lærðu Að Ljúga. Snorri Helgason - Ingileif. BRUCE SPRINGSTEEN - Girls In Their Summer Clothes.

Við spjölluðum við Eirík Rögnvaldsson prófessor emiritus í íslenskri málfræði um eitt og annað tengt tungumálinu okkar sem bar upp í vikunni. Hann hefur verið iðinn við að greina orðræðuna sem kemur frá Íslandsbanka en svo var líka tilkynnt í vikunni að sódavatnið Toppur hlyti nýtt alþjóðlegt nafn í vikunni, Bonaqua. Ný löggjöf um leigabílaþjónustur veitir ekki þann sveigjanleika sem þörf er á til að gera fólki kleift að sinna leigubílakeyrslu sem hlutastarfi segir Sæunn Ósk Unnsteinsdóttir hjá Hopp Reykjavík í samtali við Morgunblaðið í gær. Löggjöfin tók þó aðeins gildi fyrir tveimur mánuðum. Hopp Reykjavík hefur verið áberandi á rafskútuleigumarkaðinum og fór nú nýverið af krafti í leigubílaþjónustu. Nú berast fréttir af því að fyrirtækið leiti nú að fjármögnun uppá ríflega einn milljarð króna með það að markmiði að halda inná 500 markaði. Þetta eru metnaðarfull áform og til þess að segja okkur af þessu kom Eyþór Máni Steinarsson einn eiganda Hopp og framkvæmdarstjóri Já og það er óhætt að segja að þetta hafi verið ein safaríkasta fréttavika ársins. Það var því full ástæða til að gera vikuna upp með tveimur kanónum, þeim Karen Kjartansdóttur almannatengli og Heimi Má Péturssyni fréttamanni á Stöð2. Og poppstjarnan Ásdís var gestur okkar í lok þáttar. Ásdís María Viðarsdóttir hefur undanfarið verið að gera það flennigott í Þýskalandi, átt sum efstu lög vinsældarlistanna og jafnframt samið tónlist fyrir aðrar alþjóðlegar poppstjörnur. Hún er af tilviljun stödd á Íslandi og við plötuðum hana í viðtal. Lagalisti: Eyþór Ingi & Lay Low - Aftur Heim Til Þín Anita Ward - Ring my bell Celebs - Bongó, blús & næs Una Torfadóttir - Fyrrverandi Edward Sharpe & The Magnetic zeros - Home Ásdís - Dirty Dancing Ft. Glockenbach Ásdís - Angel Eyes Tears for fears - Everybody Wants To Rule The World