Advertise on podcast: LOKAL

Description

Umuusad ang araw sa bawat buwan na dumaraan, pagpapanumbalik ang natitirang paraan kasabay ng paglaban natin sa buhay. Sa mga panahong malakas ang pang-uusig, sabay-sabay tayong gagaling at kukuhain ang tagumpay na para sa atin. Saan nga ba napupunta ang mga paang hindi sigurado sa paroroonan, mga pusong nasaktan, at mga isip na naglalakbay sa kawalan? May lugar nga ba para sa bawat taong naghahanap ng pansamantalang kasiyahan? Alamin ang mga natatagong kaganapan na tanging mga madidilim na sulok at malalamig na pader lamang ang piping saksi sa mga kwentong ilalahad dito sa LOKAL.

Podcast episodes

Check latest episodes from LOKAL podcast

EPISODE 9: DIARY (Season Finale)

2021/11/30

Ako yung bata na laging napapalo ng magulang dahil bigla na lang mawawala o tatakas dahil nga gusto kong maglaro. Iba kasi yung laya kapag nasa loob ka na ng screen. Hindi mo kailangang magpanggap o pakialaman ang nangyayari sa labas pero ayun mapapalo at mapapalo pa rin talaga ako. Pasaway nga naman kasi talaga ako.

EPISODE 8: DORMITORYO

2021/06/30

Kaya siguro ganito na lang ang inggit ko sa mga taong nakakasalamuha ko, e. Alam mo ‘yun, hindi nila kailangan umiwas sa mga tao kasi tinuturing naman silang normal dahil hindi sila kasapi sa amin. Hindi nila kailangan humingi ng pag tanggap sa iba dahil una pa lang naman tanggap na sila agad.

EPISODE 7: LUGAWAN

2021/06/26

Sa bahay ni Lola ako lumaki. Doon ko naranasan ang aking kabataan. Pinagluluto niya ko palagi ng napakasaraw na lugaw, lalo na kapag bagong luto ito. Iyon na yata ang pinakamasarap na lugaw na natikman ko sa buong buhay ko. Kumpleto na ang araw ko basta makakain lang ako ng lugaw ni Lola.

EPISODE 6: WAITING SHED

2021/03/31

Nanghina ako sa lahat ng aking narinig, hindi ko kinaya. Hindi ko kinaya, na yung pangakong pinanghawakan ko sa loob ng ilang taon, wala na, tinangay na ng hangin. Na yung kwentong matagal-tagal ko ding hinintay ay hindi na matutuloy.

EPISODE 5: WATCHTOWER

2021/03/27

"Para bang inaawitan ng kislap ng ngiti. Dama ang paghilig nang yumakap nang mahigpit. Ang buwan na nagsilbing liwanag. Hiwaga, karapat-dapat ba, ako sa liwanag ng pag-asa. Hiwaga sa ‘yong mga mata, tila sikat ng araw sa umaga"

EPISODE 4: SEVEN ELEVEN

2021/01/31

Pangarap at panaginip – dalawang salita sa Tagalog na iisa lang ang katumbas sa ibang wika. Ano nga ba ang pinagkaiba ng dalawa? Siguro, para kay Owen, wala. Oh, na-curious ka ba? Ako nga pala si Tommy. Tara, kwentuhan muna tayo – may alam akong magandang tambayan.

EPISODE 3: DISCOMFORT ROOM

2020/12/29

Hindi palaging pagkabuhay ang inaalala tuwing disyembre, paminsan ay ang mga multong gumagambala sa atin, at ang takot na dala-dala nito. Mga bagay na hindi madaling harapin o limutin. Ito ang kwento ni Dona, 20 years old at ang salaysay ng kaniyang pag-iwas sa multo ng kanilang banyo.

EPISODE 2: PLAZA

2020/11/30

Wala akong dapat katakutan, kasi ang nangyayari kahapon, ay mangyayari ngayon at mangyayari kinabukasan. Pero paano kung sa isang hindi inaasahang pagliko ng bus na sinasakyan ko ay biglang magbago ang lahat ng aking inaasahan?

EPISODE 1: TELEPONO

2020/10/30

Why can't we grow together? Why should we grow apart? Is it really necessary to become better as a person when he made you feel like you're the best? Why should it matter when I have lived and got used to him almost half of my life?

PROLOGUE: Kanlungan St.

2020/10/29

Singkwenta pesos... kapalit ng ilang oras na kaligayahan. Singkwenta pesos... kapalit ng panandaliang kalayaan. Dumilim ang kalangitan. Lumamig ang haplos ng hangin. Marahan pa rin naman ang pagtapik ng ambon. Iisang lugar lang talaga siguro ang pinupuntahan ng mga gusto ng katahimikan.