Advertise on podcast: VossaBib

I denne episoden fortel bibliotekar Silje Solstad om boka Gustav av Marte Magnusdotter Solem. Podkasten er ein del av serien Under radaren , her tek me for oss bøker me meiner fortener litt  ekstra merksemd.

No er det haust, og Silje og Theresa presenterer eit nytt utval barnebøker for mellomtrinnet i ulike sjangrar. Bokliste: Anders Totland - Gunnars rekordbok Ingunn Røyset - Perfekt Nina Anderson Sjødal - EMOBITCH Aleksander R. Kirkwood - Underbyen (1): Bergtatt Aleksander R. Kirkwood Brown - Tusenfrykt Thorald Fagertun - Familien Gnork Iben Akerlie - Nils Non Grata Jenny Ødven Snildal - Det som tel

Under radaren er eit nytt prosjekt biblioteket har sett i gang med for å synleggjera ny norsk litteratur og forfattarar me meiner fortener meir merksemd og fleire lesararar. Silje, Theresa og Kirsten har i dag vald seg ut desse forfattarane: Gunnhild Øyehaug - Her kjem sola (2024) Ingvild Skølt - Du vil kjenne eit lite stikk (2025) Ane Barmen - Sitka: pøbelgrannoveller (2024) (Prosjektet er støtta av Nasjonalbiblioteket)

Høyr vår nye podcastserie Under radaren - ny norsk litteratur Under radaren er eit nytt prosjekt biblioteket har sett i gang med for å synleggjera ny norsk litteratur og forfattarar som me meiner fortener meir merksemd og fleire lesararar. Silje, Theresa og Ingrid er fyrst ut med sine valde bøker: Rannveig Ferne Leite Molven - Virvelgate Maria Kjos Fonn - Margaret, er du i sorg Lene Ask - Astrid Løken - Å slåss med varsomme hender (Prosjektet er støtta av Nasjonalbiblioteket)

Silje og Theresa startar opp Vossabib sesong 2025 med å presentere eit utval barnebøker i ulike sjangarar Liste: Anders Totland: Mamma på dass Michael Stilson: Elastico - Når du må tape alt for å vinne Harald Nortun: Kode 6 - Ingen må vite hvem du er Rut Granli: Ephyra - Invasjonen Sigbjørn Mostue: Bomber fra grå himmel Elin Viktoria Unstad: Ulv, ulv og og Død og dalbane Kristina Ohlsson: Ildhjulet Hanne Gjerde: Maskinlæreren Mari Moen Holsve: I pappas hode

Opptak av føredrag om krigens reglar i høve hendingane i Palestina og Ukraina. Voss bibliotek 10.01.2024. Kva er lovleg sjølvforsvar etter FN-pakten, og når er eit angrep som rammar sivile folkerettsstridig? Og kva reglar gjeld eigentleg på bakken i ein krig?Med folkeretten som bakgrunn vil Cecilie Hellestveit fortelje om dei juridiske utgangspunkta for den forferdelege situasjonen på Gaza og krigen i Ukraina.Cecilie Hellestveit er jurist og konfliktforskar med doktorgrad i internasjonal humanitærrett frå Universitetet i Oslo. Ho er forfattar av fleire bøker, mellom anna om Krigens folkerett (2020) og om krigane i Jemen og Syria. Hennar siste bok, Dårlig nytt frå Østfronten - krigen som endrer alt (2023) handlar om krigen i Ukraina. Samtalen er en del av biblioteket sin nye arrangementsserie «Utsyn mot verda», som tar føre seg ny norsk sakprosa som vender seg mot omverda og internasjonale problemstillingar. Serien er støtta av Fritt Ord.

Høyr Odd Karsten Tveit i samtale med journalist Nils Kvamsdal om boka "Palestina. Israels ran, vårt svik" Tidlegare NRK-korrespondent Odd Karsten Tveit har arbeidd i og med Midtausten i snart 50 år. I sin nye bok fortel han den konfliktfylte historia frå danninga av staten Israel i 1948 og fram til i dag. I ei personleg bok, prega av historier og notat frå eit langt reporterliv, tar Tveit eit oppgjer ikkje berre med Israelsk okkupasjonspolitikk, men også med norsk og vestleg veikleik. Dette er eit opptak frå biblioteket 3. oktober. Samtalen er en del av biblioteket sin nye arrangementsserie «Utsyn mot verda», som tar føre seg ny norsk sakprosa som vender seg mot omverda og internasjonale problemstillingar. Serien er støtta av Fritt Ord.

I denne episoden av Vossabib - drøs får du tips til spenningslitteratur til både born, ungdom og vaksne. Me pratar om bøkene "Til jord skal du bli" av Anders Totland, "Berge" av Jan Kjærstad, "Havets kirkegård" av Aslak Nore, "Jente 17 ikke savnet" av Camilla Sandmo og "Natteravnen" av Johan Rundberg. Lesetipsa om desse bøkene vil snart også vera tilgjengelege på våre heimesider vossbibliotek.no. God påske til alle våre lyttarar.

Neste veka er det 8. mars, den internasjonale kvinnedagen. Me gjev tips til bøker som kan passa i anledninga kvinnedagen, og fortel også om ulike arrangement som skal skje på Voss neste veka.  Me snakkar om bøkene Norsk kvinnehistorie på 200 sider av Hege Duckert, Kvinner i kamp og 60 damer du skulle ha møtt av Marta Breen og Jenny Jordal, Rebell av Pénélope Pagieu, F-ordet av Schultz, Breen og Jordahl, Hvem sa hva? av Helene Uri og novellesamlinga Furies av Margaret Atwood og andre tøffe kvinnelege forfattarar.

Me drøser om bibliotekets digitale tenester - nye og gamle. Lytt for å få vita meir om våre straumetenester for film, digitale aviser og tidsskrift og digitale bøker og lydbøker. Du får også gode tips til innhald bør sjekke ut i dei forskjellige tenestene. Tenestene som vert nemnt er Filmoteket, Filmbib, Flipp, PressReader, Bookbites og Verdensbiblioteket.

I denne episoden er me så heldige å ha med oss Merethe Gauden, biblioteksjef i Samnanger og litteraturformidlar av øpste grad. Ho har levd eit liv der litteraturen har sett spor og deler nokre av sine tilrådingar med oss. Du får dessutan høyre Merethe og Ritha drøse om gode leseopplevingar og korleis dei kan prege liva våre. Bøker og forfattarar som blir nemnt: Olan H Hauge Det er den draumen Sondre Bjørgum Utan dekning Jules Verne Kaptein Grants barn Ketil Bjørnstad Verden som var min Karl Ove Knausgård Min kamp Annie Ernaux Hendelsen Jon Fosse Septologien Kurt Aust Hjertets mørke Joseph Conrad Mørkets hjerte Hans Ernst Kinck Noveller Bjørn Ingvaldsen Nattskift i Nekropolis

I denne episoden ser me nærare på fenomenet adaptasjon. Ordet adapsjon eller adaptasjon kjem frå det latinske ordet adaptatio, som betyr "god tilpassing". På wikipedia kan me lese at "Adaptasjon innan litteratur er ei tilpassing eller ny produksjon av eit litterært verk som eksempelvis ein roman, novelle eller dikt til ein ny sjanger eller til eit nytt medium som film, teater, tegneserie eller videospill. Ein adaptasjon kan haldast innan same sjanger eller medium og endrast i volum som ved tilpassing av eit stykke til eit mindre teater, eller som ved omskriving til ei alternativ demografisk gruppe (eksempelvis ved ei utgåve tilpassa barn)" Du kan mellom anna høyre om kva tankar me gjer oss om nokre nye og gamle adaptasjonar frå bok til film eller tv-serie. Me er innom ulike sjangrar og forfattarar, i frå J.R.R.Tolkien, til Astrid Lindgren og J.K.Rowling.  Medvirkande i episoden er Lene, Kirsten, Elli og Ritha

8. september vert FNs internasjonale dag for lese- og skriveferdighet markert med Lesetimen: Me oppmuntrar alle til å sette seg ned og lese ein time mellom kl. 19-20! Me drøser også om Leser søker bok og om litteratur som er tilrettelagt for lesarar med spesielle behov. Alle kan vera med på lesetimen, sjølv dei som "leser i motvind"!

Me innleder dagens episode med ein liten drøs om Neil Gaimans teikneserie The Sandman, før me går vidare til alle dei fine bøkene som er nominert til Bibliotekets litteraturpris i år. Sjå bøkene som er nominert og stem på din favoritt på www.biblioteketslitteraturpris.no!

I dagens episode av podkasten tipsar Ritha om nokon av dei flotte novellesamlingene me har her på biblioteket, og Elli og Lene drøser om kva bøker dei har tenkt å lesa i sommar. Me ynskjer alle ein god sommar full av gode lesaropplevingar! Bøker denne episoden: Endelig sommer, Vennskapets pris av Kjell Askildsen, Historien om Fru Berg av Ingvild H. Rishøi, Menn som ingen treng og Vente på fuglen av Frode Grytten, Noveller i utvalg av Tove Ditlevsen, No fær huset av Laura Djupvik, Et lite liv av Hanya Yanagihara, Extra Virgin av Annie Hawes, Hesteguttene av John Evo, Evelyn Hugos syv ektemenn av Taylor Jenkins Reid, Sommerboken av Tove Jansson, Tiggerne av Kristin Hauge, Det ender med oss av Colleen Hoover.