Advertise on podcast: Af hverju Ísland?

This episode is in English. Viðmælandinn í dag er Ewa Malinowska sem upprunalega kemur frá Póllandi. Hún hefur búið á Íslandi í 7 ár og hefur búið víða. Núna vinnur Ewa og starfar í Vestmannaeyjum hjá Sea life Trust.

Sanna Magdalena Mörtudóttir er viðmælandi þáttarins. Hún á íslenska móður og tansanískan föður og hefur búið á Íslandi frá 7 ára aldri. Mikið vatn hefur runnið til sjávar síðan þá og hún situr nú í borgarstjórn fyrir Sósíalistaflokkinn.

Spjall um Eurovision, Úkrainustríðið, flóttamenn og fordóma.

*Podcast in English* Ewa Marcinek kom til Íslands sem nemi og ætlaði sér bara að vera hér í 3 mánuði, 9 árum seinna er hún enn hér. Ewa er pólskt skáld sem var að gefa út sína fyrstu bók fyrir nokkru. Bókin heitir Ísland Pólerað og er fantagóð! Í bókinni fjallar hún um upplifun sína af því að flytjast til Íslands á einstaklega næman, á köflum harmþrunginn, og húmorískan hátt. Við ræðum við hana um bókina, störf hennar í listageiranum og margt annað. Athugið að viðtalið fer fram á ensku. 

*Podcast in English* Caitlin Emma Jónsson kemur alla leið frá Ástralíu og hefur búið í Eyjum í nokkur ár. Hún elti ástina sína hingað, Guðmund Jónsson, sem var í námi í Ástralíu þegar þau kynntust. Á þeim tíma síðan hún fluttist búferlum yfir hálfan hnöttinn hafa þau Guðmundur gift sig og eignast einn son og er annar væntanlegur í heiminn í byrjun maí. Þau hjónin eru viðmælendur okkar að þessu sinni og segja frá bæði frá upplifun sinni af því að búa í nýju landi. Athugið að viðtalið fer fram á ensku. 

*Við erum auðvitað að tala um Moniku þegar við töluðum um Joönnu

Jorrit kemur frá Hollandi og hefur búið á Íslandi í 20 ár. Hann kom að hausti til og flutti norður í Aðaldal. Þar starfaði hann í gróðurhúsi og var á þeim tíma eini útlendingurinn hjá fyrirtækinu.

Andri Hugo Runólfsson er borinn og barnfæddur Vestmannaeyingur. Rætur hans liggja djúpt í Eyjum en þær ná líka alla leið til Bandaríkjanna.

I dag hittum við Jórunni Einarsdóttur á zoom og þar var spurningin Af hverju ekki Ísland? þar sem hún er innflytjandi í Danmörku. Hún flutti ásamt fjölskyldunni til Kaupmannahafnar árið 2015 þar sem hún fór í nám. Þau búa þar enn og hún ræðir við okkur um áskoranir sem þau tókust á við þegar þau fluttu til nýs lands. Jórunn rekur nú fyrirtækið Katla - kennsla og ráðgjöf.

Tina Merethe er viðmælandi dagsins. Hún er af dönsk-grænlenskum uppruna en hefur búið á Íslandi í mörg ár. Hennar fyrstu kynni af Íslandi voru þegar hún var fimm ára þegar pabbi hennar var við störf hér í Eyjum árið 1971. Hún flakkaði milli Danmerkur, Grænlands og Íslands þar til hún settist alfarið að í Vestmannaeyjum þar sem hún starfar sem hjúkrunarfræðingur.