Advertise on podcast: Pant vera blár!

VIÐ ERUM 100 ÁRA ! Pælið í því! 100 ár!! Sem eru 3650 dagar og 876.000 klukkutímar!  Ok við erum kannski ekki 100 ára enn við erum búnir að gefa út 100 þætti! Við gerðum okkur góðan dag og tókum upp live þátt í spilavinum með góðu fólki.  Við viljum einnig nýta tækifærið og þakka hlustendum fyrir að nenna hlusta á okkur röfla um daglegt líf og þetta skemmtilega áhugamál, sem spil eru. Áfram borðspil!

Það voru nokkrir meðlimir Pant Vera Blár sem kíktu til Essen í Þýskalandi í ár. Við förum aðeins yfir þeirra upplifun af spilaráðstefnunni í ár og hvað stóð upp úr. 

Þar sem landsmenn eru sveittir á efrivörinni þessa dagana að ákveða hvað skal setja í Jólapakkann þá hefur PVB ákvað að smala saman fullmönnuðum þætti og ræða ítarlega hvað skal kaupa fyrir jólin 2025.  Aldrei að vita nema við hendum í brandarasprell í leiðinni

Linda og Þorri úr Spilavinum eru komin aftur til þess að fara yfir skemmtilega og mikilvæga þætti sem snúa að borðspilahátíðinni SPIEL í Essen, en þau hafa farið árlega síða 2007. Í þættinum verður farið yfir þá hluti sem við erum spenntust fyrir ásamt góðum ráðum fyrir fólk sem er að fara í fyrsta skiptið eða vill læra eitthvað nýtt. Við fáum líka smá innsýn í það hvernig þau sem eigendur spilabúðar nálgast þennan magnaða viðburð

Linda og Þorri úr Spilavinum komu í heimsókn til að tala um allskonar sem tengist spilum, því að eiga spilabúð og alls konar. Þau fá hina klassísku PVB yfirheyrslu sem er tækluð á einstaklega heimspekilegan máta af hjónunum úr Spilavinum.

Sumir kunna ekki að skammast sín - sérstaklega ekki Pant Vera Blár! 

Já HæGÆ! Við heitum Valdi og Styrmir og í dag ætlum við að ferðast til Berlín að borða Berlínarbollur og láta ræna okkur þar sem maður kemur að okkur og segir við okkur nokkrum sinnum.... ef þú hendir ekki einu af þessum tveimur spilum þá er mér að mæta! 

Ef einhver er góður í tengingaleikjum þá er það Valdi. Valdi eeeeelskar allt sem er með teninga, sérstaklega þegar hann þarf að kasta mörgum teningum í einu. Þar sem Valdi elskar teningaspil svo mikið er hann búinn að þrýsta á hópinn að taka saman smá lista yfir bestu spil sem innihalda teningakast. Valdi heimtaði að fá að kasta tening og fékk töluna 5. Við tökum smá snúning á topp5 tengingaspilum.

Erum við að sjá breytingu á borðspilaiðnaðinum í ljósi tolla og gjaldþrota fyrirtækja i iðnaði. Við rennum yfir málefni borðaspila og hvað áhrif hins appelsínugula á áhugamálin okkar. 

Að undirbúa spilakvöld getur verið vinna... svona eins og í vinnunni þegar þú þarft að ráða inn nýja starfsmenn. Þetta er ferli - hvað skal spila, hverjum skal bjóða, hvernig skal haga sér, hvað á að bjóða upp á o.s.frv. Við förum einnig yfir það hvernig er best að tilkynna fyrir fólki að það hafi verið ráðið í vinnu......

Það er fátt skemmtilegra en að henda sér í spilaveislu yfir heila helgi.... Hey! Það er einmitt það sem við erum að fara fjalla um hérna. Við fáum til okkar góðan gest og rennum yfir Spilavin sem haldið verður á Hvolsvelli í apríl. 

Þessi þáttur er algjör fíaskó... höfum ekkert meira um það að segja.

Árið 2025 er gengið í garð. Tunglið er í sjöunda húsi vatnsberans á sama tíma og Satúrnus, Júpíter og Neptúnus eru í beinni línu við jörðina. Þetta þýðir bara eitt. Styrmir, Valdi, Leifur OG Davíð komust allir til þess að taka upp þátt. Í þessum þætti verður spilaárið 2024 gert upp með topplistum yfir bestu spilin sem voru spiluð í fyrsta skiptið á þessu ári ásamt greiningu á spilatölfræði út BGStats. Svo er aldrei að vita nema það verði hnoðað í einn eða tvo orðabrandara.

Fegurð borðspilanna felst að miklu leyti í samveru og snertingu við falleg spil og fallega íhluti þeirra (eða ljót spil eins og Hansa Teutonica). En hvernig notum við internetið í borðspilasamfélaginu og er það af hinu góða? Íris frá Doktor Spil spjallar um tækifæri tækninnar þegar kemur að borðspilum.

Nú styttist í jólin og fer fólk að velta fyrir sér hvaða spil hentar vel í jólapakkann …eða möndlugjöfina. Pant vera blár ásamt Doktor Spil eru með svörin fyrir ykkur – hvort sem um er að ræða vana spilara, nýgræðinga, börn eða fjölskyldur.